Nuk
აცც® 200 / ACC® 200


რა არის აცც® და რისთვის არის განკუთვნილი
აცც® 200 - ეს არის მუკოლითიკი, რომელიც განკუთვნილია სასუნთქ გზებში ბლანტი ნახველის გასათხელებლად.
აცც® 200 გამოიყენება ნახველის გასათხელებლად და გამოყოფის შესამსუბუქებლად სასუნთქი გზების მწვავე ქრონიკული დაავადებებისას, რომელთაც თან სდევთ სქელი და ძნელად გამოსაყოფი ნახველის წარმოქმნა.

მანამდე, სანამ პრეპარატის აცც® 200 მიღებას დაიწყებთ, მიაქციეთ ყურადღება
არ მიიღოთ აცც® 200, თუ გაქვთ ჰიპერმგრძნობელობა (ალერგია) აცეტილცისტეინის ან პრეპარატის აცც® 200 ნებისმიერი სხვა კომპონენტის მიმართ. 
აცც® 200 არ უნდა გამოიყენონ 2 წელზე უმცროსი ბავშვების სამკურნალოდ. 
იყავით განსაკუთრებით ფრთხილად აცც® 200-ით მკურნალობისას.

პრეპარატით მკურნალობისას აუცილებლია სიფრთხილის დაცვა, თუ თქვენ გაწუხებთ ბრონქული ასთმა, აგრეთვე, თუ ანამნეზში ან ამჟამად გაქვთ კუჭის ან ნაწლავების წყლული, სისხლის ამოხველების, ფილტვებიდან სისხლდენის დროს,  საყლაპავის ვენების ვარიკოზული გაფართოვა,  ფენილკეტონურია, თირკმლისზედა ჯირკვლების დაავადებები, თირკმელების და/ან ღვიძლის უკმარისობა. 
პაციენტებმა ჰისტამინის გადაუტანლობით ასევე უნდა დაიცვან სიფრთხილე. ასეთი პაციენტები უნდა მოერიდონ პრეპარატის ხანგრძლივ თერაპიულ კურსებს, ვინაიდან, აცც® 200 გავლენას ახდენს ჰისტამინის მეტაბოლიზმზე და შეიძლება გამოიწვიოს გადაუტანლობის სიმპტომები (მაგალითად, თავის ტკივილი, სურდო, ქავილი).
აცეტილცისტეინის მიღების დროს ძალიან იშვიათ შემთხვევებში აღინიშნებოდა კანის მძიმე რეაქციების წარმოქმნა, როგორიცაა სტივენს-ჯონსონის სინდრომი და ლაიელის სინდრომი. კანის და ლორწოვანი გარსების მხრიდან ცვლილებების წარმოქმნის შემთხვევაში დაუყოვნებლივ უნდა შეწყდეს აცეტილცისტეინის მიღება და მიმართოთ სამედიცინო დახმარებისათვის ექიმს.

პრეპარატის გამოყენება არ არის რეკომენდებული ორსულობის და ძუძუთი კვების პერიოდში.

სხვა პრეპარატების მიღება
აცნობეთ თქვენს მკურნალ ექიმს ან ფარმაცევტს, თუ იღებთ/იყენებთ ან ახლახან იღებდით/იყენებდით სხვა ნებისმიერ სამედიცინო პრეპარატებს, ურეცეპტოდ გასაცემი პრეპარატების ჩათვლით.

ხველების საწინააღმდეგო პრეპარატები
აცც® 200-ის და სხვა ხველების დამთრგუნველი (ხველების საწინააღმდეგო) პრეპარატების კომბინირებული გამოყენებისას ხველების რეფლექსის  დათრგუნვამ შეიძლება წარმოქმნას სეკრეტის შეგუბება. ამიტომ მსგავსი კომბინაციების შერჩევა უნდა მოხდეს სიფრთხილით. ასეთი კომბინირებული მკურნალობის დაწყების წინ აუცილებლად გაიარეთ კონსულტაცია ექიმთან.

ანტიბიოტიკები
ექსპერიმენტალურ გამოკვლევებში დამტკიცებული იყო, რომ ის ასუსტებს ანტიბიოტიკების (ტეტრაციკლინების (დოქსაცილინის გარდა), ამინოგლიკოზიდების, ნახევრადსინთეტური პენიცილინების, ცეფალოსპორინების) ეფექტურობას. უსაფრთხოების მიზნით ანტიბიოტიკების მიღება უნდა მოხდეს აცეტილცისტეინის მიღებისგან ცალკე, მინიმუმ 2-საათიანი ინტერვალის დაცვით. ეს არ ეხება იმ პრეპარატებს, რომელნიც მოქმედი ნივთიერების სახით შეიცავენ ცეფიქსიმს ან ლორაკარბეფს. მათი მიღება შეიძლება აცეტილცისტეინთან ერთდროულად.
აცეტილცისტეინის ლითონთან, რეზინთან კონტაქტისას წარმოიქმნება სულფიდები დამახასიათებელი სუნით.

ორსულობა და ძუძუთი კვება
ორსულობა 
ამ დრომდე არ არსებობს მონაცემების საკმარისი რაოდენობა ორსული ქალების მიერ აცეტილცისტეინის გამოყენების შესახებ. ამიტომ პრეპარატის აცც® 200 მიღება ორსულობის და ძუძუთი კვების პერიოდში არ არის რეკომენდებული.

ძუძუთი კვება
მონაცემები აცეტილცისტეინის დედის რძეში შეღწევის უნარის შესახებ არ არსებობს. ამიტომ პრეპარატის აცც® 200 მიღება ორსულობის და ძუძუთი კვების პერიოდში არ არის რეკომენდებული.

ავტომობილების მართვა და მექანიზმებთან მუშაობა
განსაკუთრებული მოთხოვნები არ არსებობს.

მნიშვნელოვანი ინფორმაცია აცც® 200 ზოგიერთი კომპონენტების შესახებ
ერთი შუშხუნა  ტაბლეტი შეიცავს 5,7 მმოლ (131,0 მგ) ნატრიუმს. საჭიროა ამის გათვალისწინება პრეპარატის გამოყენებისას იმ პაციენტების მკურნალობის დროს, ვინც იცავს დიეტას ნატრიუმის კონტროლირებადი შემცველობით.

როგორ უნდა აცც® 200 მიღება
სხვა დანიშნულების არარსებობისას რეკომენდებულია აცც® 200 შემდეგი დოზების დაცვა.
პრეპარატმა აცც® 200 სათანადო მოქმედება რომ მოახდინოს, საჭიროა გამოყენების ინსტრუქციის ზუსტად დაცვა!

ასაკი

ზოგადი სადღეღამისო დოზა (შუშხუნა  ტაბლეტები)

2-დან 5 წლამდე ასაკის ბავშვები

½ შუშხუნა  ტაბლეტი დღეში 2-3-ჯერ (რაც დღეში 200-300 მგ აცეტილცისტეინის ექვივალენტურია)

ბავშვები მოზარდები 6-დან 14 წლამდე

1 შუშხუნა  ტაბლეტი დღეში 2-ჯერ (რაც დღეში 400 მგ აცეტილცისტეინის ექვივალენტურია)

14 წელზე უფროსი მოზარდები და მოზრდილები

1 შუშხუნა  ტაბლეტი დღეში 2-3-ჯერ (რაც დღეში 400-600 მგ აცეტილცისტეინის ექვივალენტურია)

მუკოვისციდოზი
მოზარდები და 6 წელზე უფროსი ბავშვები
1 შუშხუნა  ტაბლეტი 3-ჯერ დღეში (რაც დღეში 600 მგ აცეტილცისტეინის ექვივალენტურია).
2-დან 6 წლამდე ასაკის ბავშვები
½ შუშხუნა  ტაბლეტი 4-ჯერ დღეში (რაც დღეში 400 მგ აცეტილცისტეინის ექვივალენტურია).

გამოყენების წესი
აცც® 200 მიღება უნდა მოხდეს ჭამის შემდეგ. 
შუშხუნა  ტაბლეტი იხსნება ჭიქა სასმელ წყალში და ჭიქის შიგთავსს სვამენ ბოლომდე.
პრეპარატის გახსნისას აუცილებელია მინის ჭურჭლით სარგებლობა, ლითონთან, რეზინთან, ჟანგბადთან, ადვილად დამჟანგავ ნივთიერებებთან კონტაქტის თავიდან აცილება.

პრეპარატის გამოყენების ხანგრძლივობა
ხანმოკლე გაცივების დროს მიღების ხანგრძლივობა შეადგენს 5 – 7 დღეს.
ქრონიკული ბრონქიტის და მუკოვისციდოზის დროს ინფექციების განვითარების პროფილაქტიკის მიზნით შეიძლება პრეპარატის გამოყენება უფრო ხანგრძლივი კურსებით.
თუ თქვენ გგონიათ, რომ აცც® 200 მოქმედება მეტისმეტად ძლიერი ან სუსტია, გაიარეთ კონსულტაცია მკურნალ ექიმთან ან ფარმაცევტთან.

თუ თქვენ გადააჭარბეთ აცც® 200-ის დოზას
პრეპარატის დოზის გადაჭარბების შემთხვევაში შეიძლება გაჩნდეს კუჭ-ნაწლავის ტრაქტის გაღიზიანება (მაგალითად, მუცლის ტკივილი, გულისრევა, ღებინება და დიარეა).
დღევანდელ დღემდე დოზის მნიშვნელოვანი მომატების დროსაც კი მძიმე გვერდითი ეფექტები და ინტოქსიკაციის სიმპტომები აღნიშნული არ ყოფილა. აცც® 200-ით სავარაუდო ჭარბი დოზირების შემთხვევაში უნდა მიმართოთ მკურნალ ექიმს.

თუ დაგავიწყდათ პრეპარატის აცც® 200 მიღება 
თუ გამოტოვეთ პრეპარატის აცც® 200-ის ერთი მიღება ან მიიღეთ მეტისმეტად პატარა დოზა, დაელოდეთ მორიგი დოზის მიღების დროს და გააგრძელეთ პრეპარატის მიღება, როგორც ეს მითითებულია რეკომენდაციებში დოზირების შესახებ.

თუ წყვეტთ აცც® 200-ის მიღების 
აცც® 200-ის მიღება არ უნდა შეწყდეს მკურნალ ექიმთან წინასწარი კონსულტაციის გარეშე. ასეთ შემთხვევაში შეიძლება დაავადების გამწვავება მოხდეს.

თუ თქვენ გაგიჩნდებათ დამატებითი კითხვები ამ პრეპარატის გამოყენების თაობაზე, გაიარეთ კონსულტაცია ექიმთან ან ფარმაცევტთან.

შესაძლო გვერდითი ეფექტები
ისევე როგორც ყველა სხვა სამკურნალო პრეპარატმა აცც® 200-მაც შეიძლება გამოიწვიოს გვერდითი ეფექტები, თუმცა ისინი ყველას არ უვითარდება. 

გვერდითი ეფექტების შეფასება ეფუძნება მონაცემებს მათი წარმოქმნის სიხშირის შესახებ: 

ძალიან ხშირი:

ხშირი:

არც ისე ხშირი:

იშვიათი:

ძალიან იშვითი:

დაუდგენელი სიხშირის:

მეტს, ვიდრე 1-ს 10 პაციენტიდან

1-10-ს 100 პაციენტიდან

1-10-ს 1 000 პაციენტიდან

1-10-ს 10 000 პაციენტიდან

ნაკლებს, ვიდრე 1-ს 10 000 პაციენტიდან

ხელმისაწვდომი მონაცემების თანახმად დადგენა შეუძლებელია

გვერდითი ეფექტები
ზოგადი აშლილობები და მდგომარეობა პრეპარატის შეყვანის ადგილას
არ ისე ხშირი: თავის ტკივილი, ციებ-ცხელება, ალერგიული რეაქციები (ქავილი, ჭინჭრის ციების ტიპის გამონაყარი, გამონაყარი კანზე, ქოშინი, აჩქარებული გულისცემა და არტერიული წნევის დაცემა).
ძალიან იშვიათი: ანაფილაქტიკური რეაქციები შოკამდეც კი.
დარღვევები სუნთქვის, გულმკერდის და შუასაყარის მხრიდან: 
იშვიათი: ქოშინი, ბრონქოსპაზმი - უმთავრესად პაციენტებს ბრონქული სისტემის მომატებული რეაქტიულობით ბრონქული ასთმის ფონზე.

დარღვევები კუჭ-ნაწლავის ტრაქტის მხრიდან
არც ისე ხშირი: სტომატიტი, მუცლის ტკივილი, გულისრევა, ღებინება და დიარეა.
ძალიან იშვიათად აცეტილცისტეინის გამოყენებისას აღინიშნებოდა სისხლდენების წარმოქმნა, რომელთაც ზოგჯერ თან სდევდათ ჰიპერმგრძნობელობის რეაქციები.

აუცილებელი სიფრთხილის ზომები
ჰიპერმგრძნობელობის პირველი ნიშნების გაჩენისას (იხილეთ ზემოთ) პრეპარატის აცც® 200-ის ხელმეორედ მიღება არ შეიძლება. აუცილებელია, რომ ასეთი შემთხვევების შესახებ აცნობოთ მკურნალ ექიმს.
სერიოზული გვერდითი ეფექტის ან ისეთი გვერდითი ეფექტის წარმოქმნის შემთხვევაში, რომელიც არ იყო ნახსენები წინამდებარე ჩანართ-ფურცელში, დაუყოვნებლივ უნდა მიმართოთ ექიმს ან ფარმაცევტს.

როგორ ინახება აცც® 200 
ინახება მშრალ და ბავშვებისათვის მიუწვდომელ ადგილას არაუმეტეს 25°C ტემპერატურაზე.
ტუბი უნდა იყოს მჭიდროდ დახურული.

ვარგისიანობის ვადაა: 3 წელი.
არ გამოიყენოთ პრეპარატი შეფუთვაზე მითითებული ვარგისიანობის ვადის ამოწურვის შემდეგ.
ვარგისიანობის ვადა იწურება აღნიშნული თვის ბოლო დღეს.

დამატებითი ინფორმაცია
მოქმედ ნივთიერებას წარმოადგენს აცეტილცისტეინი.
1 შუშხუნა  ტაბლეტი შეიცავს 200 მგ აცეტილცისტეინს.

დამხმარე ნივთიერებებია: ასკორბინის მჟავა, ლიმონის მჟავის ანჰიდრიდი, ლაქტოზის ანჰიდრიდი, მანიტოლი, ნატრიუმის ციტრატი, ნატრიუმის ჰიდროკარბონატი, ნატრიუმის საქარინი, მაყვლის არომატიზატორი. 

 აცც® 200-ის გამოშვება ხდება 20 შუშხუნა  ტაბლეტით ტუბებში პოლიეთილენის თავსახურით, გამოყენების ინსტრუქციასთან ერთად მუყაოს კოლოფში.

 

აფთიაქებიდან გაცემის პირობები
გაიცემა ურეცეპტოდ.

სად შევიძინოთ?