Nuk

იხილეთ აფთიაქების ჩამონათვალი

ამბროქსი-დენკი 60 / Ambrox-Denk 60

ფარმაკოლოგიური თვისებები
ამბროქსოლი, ბენზილამინის ჩამნაცვლებელი, წარმოადგენს ბრომჰექსინის მეტაბოლიტს. იგი განსხვავდება ბრომჰექსინისაგან იმით, რომ არ შეიცავს მეთილის ჯგუფს და ციკლოჰექსილის რგოლის პარა-ტრანს პოზიციაში ჯდება ჰიდროქსილის ჟგუფი. თუმცა არ არის ნათელი, თუ როგორ მოქმედებს იგი, მაგრამ სხვადასხვა კვლევებიდან გამოლვინდა, რომ მას აქვს ნახველის დამშლელი და სეკრეტომოტორული ეფექტები. ეფექტი საშუალოდ ვლინდება შიგნით მიღებიდან დაახლოებით 30 წუთში და გრძელდება 6-12 საათი, რაც დამოკიდებულია ერთჯერადად მიღებული დოზის სიდიდეზე. 
პრეკლინიკური კვლევებიდან ვლინდება, რომ პრეპარატი ზრდის ბრონქული სეკრეტის გამოყოფას. სიბლანტის შემცირების და წამწამოვანი ეპითელიუმის გააქტიურების შედეგად ხდება ნახველის ამოხველების სტიმულაცია. 
ამბროქსოლი ააქტიურებს სურფაქტანტის სისტემას იმით, რომ პირდაპირ უერთდება ალვეოლების II ტიპის პნევმოციტებს და ბრონქებში არსებულ კლარას უჯრედებს.
ჩანასახის და მოზრდილის ალვეოლებში და ბრონქებში იგი ასტიმულირებს აქტიური ზედაპირული ნივთიერების წარმოქმნას. ეს ეფექტი გამოვლინდა უჯრედულ კულტურებში და სხვადასხვა სახეობებში ჩატარებულ ინ-ვივო კვლევებში. 
უფრო მეტიც, სხვადასხვა პრეკლინიკური კვლევებიდან დადგინდა, რომ ამბროქსოლს გააჩნია ანტიოქსიდაციური ეფექტი. ამ ფაქტს არანაირი კლინიკური მნიშვნელობა არ ენიჭება.
ამბროქსოლის გამოყენება ზრდის შემდეგი ანტიბიოტიკების კონცენტრაციას ნახველში და ბრონქულ სეკრეტში: ამოქსიცილინი, ცეფუროქსიმი, ერითრომიცინი და დოქსიციკლინი. ამ ფაქტს არანაირი კლინიკური მნიშვნელობა არ ენიჭება.

ფარმაკოკინეტიკა
ამბროქსოლი თითქმის მთლიანად შეიწოვება შიგნით მიღების შემდეგ. შიგნით მიღების შემდეგ Tmax შეადგენს 1-3 საათს. შიგნით მიღების შემდეგ ამბროქსოლის აბსოლუტური ბიოათვისებულობა მცირდება 1/3-ით ღვიძლის პირველი გასვლის შემდეგ. მეტაბოლიტები, რომლებიც გადადის თირკმელში (მაგ. დიბრომანთრალინის მჟავა, გლუკურონიდები), წარმოიქმნება პროცესის დროს. პლაზმის ცილებს უერთდება დაახლოებით 85% () 80-90%). ტერმინალური ნახევარგამოყოფის პერიოდი შეადგენს დაახლოებით 7-12 საათს. ამბროქსოლის და მისი მეტაბოლიტების ნახევარგამოყოფის პერიოდი შეადგენს დაახლოებით 22 საათს. 
ამბროქსოლი გადადის თავ-ზურგ-ტვინის სითხეში, პლაცენტის ბარიერში და გამოიყოფა დედის რძეში.
90% გამოიყოფა თირკმელების გზით და მეტაბოლიტების სახით, რომლებიც წარმოიქმნება ღვიძლში. თირკმლის მიერ გამოყოფილი ნივთიერების 10%-ზე ნაკლები წარმოდგენილია უცვლელი ამბროქსოლის სახით.
ცილებთან ძლიერი მიერთების, მაღალი განაწილების მოცულობის და ასევე მისი სისხლიდან ქსოვილებში ნელი გადანაწილების გამო არ არის მოსალოდნელი, რომ ამბოქსოლის მნიშვნელოვანი ელიმინაცია მოხდება დიალიზის ან ფორსირებული დიურეზის საშუალებით. 
ღვიძლის მძიმე უკმარისობის მქონე პაციენტებში ამბროქსოლის კლირენსი მცირდება 20-40%-ით. თირკმლის მძიმე უკმარისობის მქონე პაციენტებში მოსალოდნელია ამბროქსოლის მეტაბოლიტების დაგროვება.

ჩვენებები
ამბროქსი-დენკი 60 არის ამოსახველებელი პრეპარატი, რომელიც გამოიყენება ნახველის გამოყოფით მიმდინარე სასუნთქი გზების დაავადებების სამკურნალოდ. 

ჩვენება
გამოიყენება ამოსახველებელის სახით ნახველის გამოყოფით მიმდინარე მწვავე და ქრონიკული ბრონქოპულმონარული დაავადებების სამკურნალოდ.

მიღების წესები და დოზები
ამბროქსი-დენკი 60 ყოველთვის მიიღება ზუსტად ინსტრუქციის შესაბამისად. თუ პაციენტი არ არის დარწმუნებული, მან უნდა მიმართოს მკურნალ ექიმს ან ფარმაცევტს. 
თუ არ არის ექიმის განსხვავებული მითითება, მაშინ ამბროქსი-დენკი 60 მიიღება ქვემოთ მითითებული ინსტრუქციის შესაბამისად. საჭიროა აღნიშნული ინსტრუქციის გამოყენება, რადგან სხვა შემთხვევაში ამბროქსი-დენკმა 60 შესაძლებელია ვერ იმოქმედოს შესაბამისად.
თუ არ არის ექიმის განსხვავებული მითითება, მაშინ ჩვეულებრივ გამოიყენება შემდეგი დოზები:
მოზრდილები და 12 წელზე უფროსი ბავშვები:
პირველი 2-3 დღის განმავლობაში დოზა ჩვეულებრივ შეადგენს ამბროქსი-დენკი 60-ის 1/2 შუშხუნა ტაბლეტს 3-ჯერ დღეში (ექვივალენტური 30 მგ ამბროქსოლის ჰიდროქლორიდისა 3-ჯერ დღეში). ამის შემდეგ მიიღება ამბროქსი-დენკი 60-ის 1/2 შუშხუნა ტაბლეტი 2-ჯერ დღეში (ექვივალენტური 30 მგ ამბროქსოლის ჰიდროქლორიდისა 2-ჯერ დღეში).
მოზრდილებში შესაძლებელია ეფექტის გაზრდა, თუ დოზა გაიზრდება 60 მგ ამბროქსოლამდე დღეში 2-ჯერ (ექვივალენტური 120 მგ ამბროქსოლის ჰიდროქლორიდისა დღეში).
მიღების ხანგრძლივობა:
თუ სიმპტომები გაუარესდება ან არ გაუმჯობესდება მკურნალობის დაწყებიდან 4-5 დღის შემდეგ, მაშინ კონსულტაციისთვის უნდა მიემართოს მკურნალ ექიმს.
ამბროქსი-დენკი 60-ის შუშხუნა ტაბლეტები უნდა გაიხსნას ჭიქა ცივ წყალში და მიიღება საკვების შემდეგ.
თუ პაციენტი გრძნობს, რომ ამბროქსი-დენკი 60 ძალიან ძლიერად ან სუსტად მოქმედებს, კონსულტაციისთვის უნდა მიმართოს მკურნალ ექიმს ან ფარმაცევტს.

გვერდითი მოვლენები
სხვა პრეპარატების მსგავსად ამბროქსი-დენკი 60-მაც შეიძლებ გამოიწვიოს გვერდითი ეგექტები, თუმცა ისინი ყველას არ უვითარდება. 
გვერდითი ეფექტების შესაფასებლად ჩვეულებრივ გამოიყენება შემდეგი კლასიფიკაცია:

ძალიან ხშირი 10 პაციენტში ერთ შემთხვევაზე ხშირად
ხშირი:1 /10-ზე იშვიათად, მაგრამ 1/100-ზე ხშირად
არა ხშირი:1/100-ზე იშვიათად, მაგრამ 1/1000-ზე ხშირად
იშვიათი:1/1000-ზე იშვიათდ, მაგრამ 1/10000-ზე ხშირად
ძალიან იშვიათი:1-ზე იშვიათდ, მაგრამ 10000-ზე ხშირად


ზოგადი დარღვევევბი:
არახშირად: ჰიპერმგრძნობელობის რეაქციები (გამონაყარი, სახის შეშუპება, სუნთქვის გაძნელენა, ქავილი), ცხელება;
ძალიან იშვიათად: მძიმე ალერგიული რეაქციები (ანაფილაქსია), რომელთაც შეუძლიათ გამოიწვიონ შოკი.
კუჭ-ნაწლავის ტრაქტის მხრივ:
არახშირად: გულისრევა, მუცლის ტკივილი, ღებინება.
შესაბამისი ზომები:
ალერგიული რეაქციის პირველი ნიშნების გამოვლენისთანავე ამბროქსი-დენკი 60-ით მკურნალობა უნდა შეწყდეს.
თუ რომელიმე გვერდითი ეფექტი ძლიერ გაუარესდება ან პაციენტს გამოუვლინდება რომელიმე გვერდითი ეფექტი, რომელიც არ არის ზემოთ აღწერილი, ასეთ შემთხვევაში უნდა მიემართოს მკურნალ ექიმს.

უკუჩვენება
ამბროქსი-დენკი 60 არ გამოიყენება:
თუ პაციენტი ჰიპერმგრძნობიარეა (ალერგიულია) ამბროქსოლის ჰიდროქლორიდის (ამბროქსი-დენკი 60-ის აქტიური ნივთიერება) ან ამბროქსი-დენკი 60-ში შემავალი ნებისმიერი ინგრედიენტის მიმართ.
ამბროქსი-დენკი 60 გამოიყენება განსაკუთრებული სიფრთხილით შემდეგ შემთხვევებში:
ძალიან იშვიათ შემთხვევებში ამბროქსოლის გამოყენებისას გამოვლინდა კანის მძიმე რეაქციები, როგორიც არის სტივენ-ჯონსონის და ლაილის სინდრომები. 
კანზე ან ლორწოვან გარსებზე ნებისმიერი ცვლილების გამოვლენის შემთხვევაში დაუყოვნებლივ უნდა მიემართოს კონსულტაციისთვის მკურნალ ექიმს და ამბოქსოლით მკურნალობა უნდა შეწყდეს. 
თირკმლის და ღვიძლის დარღვეული ფუნქციის მქონე პაციენტები:
ამბროქსი-დენკი 60 განსაკუთრეული სიფრთხილით გამოიყენება თირკმლის ან ღვიძლის მძიმე დაავადებების მქონე პაციენტებში (მაგ. გაზრდილი ინტერვალები დოზებს შორის ან დოზის შემცირება). თირკმლის მძიმე დაავადების მქონე პაციენტებში მოსალოდნელია ღვიძლში წარმოქმნილი ამბროქსოლის მეტაბოლიტების დაგროვება. ამბოქსი-დენკი 60 გამოიყენება მხოლოდ ექიმის მეთვალყურეობის ქვეშ იმ შემთხვევებში, როდესაც აღინიშნება იშვიათი ბრონქული დაავადებები, რაც გამოიხატება ნახველის ჭარბი გამოყოფით (მაგ. ავთვისებიანი ცილიარული სინდრომი), რადგან ამ დროს მოსალოდნელია ნახველის დაგროვება.
პრეპარატში შემავალი აქტიური ინგრედიენტის მაღალი კონცენტრაციის გამო ამბროქსი-დენკი 60-ის გამოყენება არ არის სასურველი 12 წლამდე ასაკის ბავშვებში.

ორსულობა და ლაქტაცია
იმის გამო, რომ ორსულ ქალებში ამბროქსი-დენკი 60-ის გამოყენების შესახებ შეზღუდული მონაცემები მოიპოვება, შესაბამისად იგი ინიშნება ექიმის მიერ მხოლოდ რისკისა და სარგებელის შეფასების შემდეგ. 
ამბროქსი-დენკი 60-ის აქტიური ინგრედიენტი გადადის ცხოველის დედის რძეში. რადგან ლაქტაციის პერიოდში ამბროქსი-დენკი 60-ის გამოყენების შესახებ მონაცემები შეზღუდულია, შესაბამისად ამ პერიოდში იგი მიიღება მხოლოდ ექიმის დანიშნულების შესაბამისად. 
მანქანისა და სხვა მექანიზმების მართვა:
არ არის საჭირო განსაკუთრებული სიფრთხილე.
მნიშვნელოვანი ინფორმაცია ამბროქსი-დენკი 60-ში შემავალ ზოგიერთ ინგრედიენტზე.
შეიცავს ასპარტამს, ფენილალანინის წარმოქმნის წყაროს, რაც შესაძლებელია საზიანო იყოს ფენილკეტონურიის დროს.
1 შუშხუნა ტაბლეტი შეიცავს 7.62 მიკრომ (175 მგ) ნატრიუმს. თუ პაციენტი იმყოფება ნატრიუმის დაბალ-შემცველ დიეტაზე, მაშინ საჭიროა ამ ინფორმაციის გათვალისწინება.

ჭარბი დოზირება
ამბროქსი-დენკი 60-ის აქტიური ინგრედიენტის – ამბროქსოლის დოზის გადაჭარბებისას მძიმე ინტოქსიკაციის ნიშნები არ გამოვლენილა. აგრეთვე გამოვლინდა მოუსვენრობის და ფაღარათის ხანმოკლე ეპიზოდები.
დოზის განზრახ ან შემთხვევით გადაჭარბებისას შესაძლებელია გამოვლინდეს მოჭარბებული ნერწყვდენა, ბოყინი, ღებინება და არტერიული წნევის დაქვეითება.
უნდა მიემართოს მკურნალ ექიმს. ჩვეულებრივ ისეთი ღონისძიებების ჩატარება, როგორიც არის ღებინების გამოწვევა და კუჭის ამორეცხვა არ ტარდება. აღნიშნული ზომები მიიღება მხოლოდ დოზის ძლიერი გადაჭარბებისას. რეკომენდირებულია დოზის გადაჭარბების სიმპტომური მკურნალობა. 
დოზის გამოტოვება:
ამბროქსი-დენკი 60-ის ძალიან მცირე დოზის მიღებისას ან დოზის გამოტოვების შემთხვევაში, მკურნალობა გრძელდება ინსტრუქციაში მითითებული დოზირების რეჟიმის შესაბამისად.
ამბროქსი-დენკი 60-ის მკურნალობის შეწყვეტა:
არ შეიძლება ამბროქსი-დენკი 60-ით მკურნალობის შეწყვეტა ექიმთან კონსულტაციის გარეშე.

სხვა წამლებთან ურთიერთქმედება
თუ პაციენტი ღებულობს ან უახლოესი პერიოდის განმავლობაში ღებულობდა რაიმე პრეპარატს, მათ შორის ურეცეპტოდ გასაყიდ პრეპარატებს, მან უნდა აცნობოს მკურნალ ექიმს ან ფარმაცევტს.
ამბროქსი-დენკი 60-ის და ხველის დამთრგუნველი პრეპარატების კომბინირებულმა გამოყენებამ შესაძლებელია გამოიწვიოს ნახველის დაგროვება ხველის რეფლექსის დათრგუნვის გამო. შესაბამისად მათი კომბინირებული გამოყენება უნდა მოხდეს ძალიან დიდი სიფრთხილით.
ამბროქსი-დენკი 60-ის მიღება საკვებთან და სასმელთან ერთად:
არ არის საჭირო განსაკუთრებული სიფრთხილის ზომები.

შენახვის პირობები და ვადები
ინახება 25oC-ზე დაბალ ტემპერატურაზე. 
მჭიდროდ დახურული ტუბი ინახება სინათლისგან და ნესტისგან დაცულ ადგილას.
არ ინახება შეფუთვაზე მითითებული ვადის გასვლის შემდეგ.
არ გამოიყენება ვადის გასვლის შემდეგ
ინახება ბავშვებისთვის მიუწვდომელ ადგილას.

რეგისტრაციის # და თარიღი
r 000648 - 01.06.2009 - 01.06.2014

სად შევიძინოთ?