ანასტროზოლი სანდოზი / Anastrozol Sandoz®


შემადგენლობა 
ერთი ტაბლეტი შეიცავს 1 მგ ანასტროზოლს.
დამხმარე ნივთიერებები: ლაქტოზის მონოჰიდრატი, ცელულოზა მიკროკრისტალური, ნატრიუმის კარბოქსიმეთილსახამებელი (A ტიპი), მაგნიუმის სტეარატი, სილიციუმის დიოქსიდი კოლოიდური უწყლო, ჰიდროქსიპროპილცელულოზა, ოპადრაი II თეთრი: ლაქტოზის მონოჰიდრატი, ჰიპრომელოზა, მაკროგოლ 4000, ტიტანის დიოქსიდი E171. 

ფარმაკოთერაპიული ჯგუფი 
ფერმენტების ინჰიბიტორები.
ATX  კოდი: L02B G03.

ფარმაკოლოგიური თვისებები
ფარმაკოდინამიკა
ანასტროზოლი არომატაზის ძლიერ და მაღალსელექტიურ არასტეროიდულ ინჰიბიტორს წარმოადგენს. ქალებს მენოპაუზის შემდგომ პერიოდში ესტრადიოლი წარმოქმნებათ უმთავრესად პერიფერიულ ქსოვილებში არომატაზული ფერმენტატული კომპლექსის ზემოქმედებით ანდროსტენდიონის ესტრონად გარდაქმნის მეშვეობით. ესტრონი მოგვიანებით გარდაიქმნება ესტრადიოლად. ნაჩვენები იყო, რომ ქალებში, ვისაც სარძევე ჯირკვლის კიბო აწუხებთ, სისხლის პლაზმაში მოცირკულირე ესტრადიოლის დონეების დაქვეითება დადებით ეფექტს იძლევა. მაღალმგრძნობიარე მეთოდების მეშვეობით დადგინდა, რომ ქალებში მენოპაუზის შემდგომ პერიოდში ანასტროზოლი სადღეღამისო დოზით 1 მგ ახშობს ესტრადიოლის გამომუშავებას 80%-ზე მეტად. ანასტროზოლს არ გააჩნია, პროგესტოგენური, ანდროგენური ან ესტროგენური აქტივობა.
ანასტროზოლი სადღეღამისო დოზებით, რომელნიც  10 მგ-ს აღწევენ, არ ახდენს გავლენას კორტიზოლის ან ალდოსტერონის გამომუშავებაზე, რომელთა განსაზღვრაც ხდება ადრენოკორტიკოტროპული ჰორმინის გამოყენებით სტანდარტული პროვოკაციული სინჯის წინ და მის შემდეგ. ამასთან დაკავშირებით არ არის კორტიკოსტეროიდების დამატებით დანიშვნის აუცილებლობა.

ფარმაკოკინეტიკა
ანასტროზოლი სწრაფად შეიწოვება ორგანიზმში. პიკური კონცენტრაციები სისხლის პლაზმაში ჩვეულებრივ მიიღწევა შინაგანად მიღების (უზმოზე) შემდეგ 2 საათის განმავლობაში. საკვების მიღება რამდენამდმე ანელებს შეწოვის სიჩქარეს, მაგრამ არ ახდენს ზეგავლენას მის ხარისხზე. შეწოვის სიჩქარის უმნიშვნელო შენელებამ არ უნდა გამოიწვიოს კლინიკურად მნიშვნელოვანი ზემოქმედება პრეპარატის წონასწორულ კონცენტრაციაზე სისხლის პლაზმაში, ანასტროზოლის ერთჯერადი მიღების დროს. სისხლის პლაზმაში ანასტროზოლის წონასწორული კონცენტრაციის დაახლოებით 90-95% მიიღწევა პრეპარატის მიღების 7 დღის განმავლობაში, ამასთან აღინიშნება პრეპარატის 3-4-ჯერადი კუმულაცია. ანასტროზოლის ფარმაკოკინეტიკური პარამეტრების დროზე ან დოზის სიდიდეზე დამოკიდებულების ნიშნები არ აღნიშნულა.
ანასტროზოლის ფარმაკოკინეტიკა ქალებში მენოპაუზის შემდგომ პერიოდში არ არის დამოკიდებული ასაკზე.
ანასტროზოლის მხოლოდ 40% არ უკავშირდება პლაზმის ცილებს.
ნელა გამოიყოფა, სისხლის პლაზმიდან ნახევარგამოყოფის პერიოდი შეადგენს დაახლოებით 40-50 საათს. ქალებში მენოპაუზის შემდგომ პერიოდში ანასტროზოლი ინტენსიურად მეტაბოლიზდება, ამასთან მიღებული დოზის არანაკლებ 10% გამოიყოფა შარდთან ერთად უცვლელი ფორმით 72 საათის განმავლობაში. ანასტროზოლი მეტაბოლიზდება N-დეალკილირების, ჰიდროქსილირების და გლუკურონიზაციის გზით. მეტაბოლიტები უმთავრესად გამოიყოფა შარდთან ერთად. ტრიაზოლი, ძირითადი მეტაბოლიტი, რომელიც განისაზღვრება პლაზმაში, არ ახდენს არომატაზის ინჰიბირებას.

გამოყენების ჩვენებები
გავრცელებული სარძევე ჯირკვლის კიბოს მკურნალობა ქალებში მენოპაუზის შემდგომ პერიოდში. ქალებში რეცეპტორო-უარყოფითი სიმსივნით პრეპარატის ეფექტურობა ესტროგენების მიმართ არაა დამტკიცებული, გარდა იმ შემთხვევებისა, როდესაც არსებობდა წინმსწრები დადებითი კლინიკური პასუხი ტამოქსიფენზე.
ადიუვანტური თერაპია ქალებში მენოპაუზის შემდგომ პერიოდში ადრეული ჰორმონდადებითი ინვაზიური სარძევე ჯირკვლის კიბოთი.
ადიუვანტური თერაპია ქალებში მენოპაუზის შემდგომ პერიოდში, ვისაც აწუხებს ადრეული ჰორმონდადებითი ინვაზიური სარძევე ჯირკვლის კიბო და უკვე გაიარა ორ-სამწლიანი მკურნალობა ტამოქსიფენით.

უკუჩვენებები
- მომატებული მგრძნობელობა ანასტროზოლის ან პრეპარატის შემადგენლობაში შემავალი ნებისმიერი დამხმარე ნივთიერების მიმართ.
- ორსულობა და ძუძუთი კვება;

განსაკუთრებული მითითებები და სიფრთხილის ზომები
პრეპარატის გამოყენება არ შეიძლება ქალების სამკურნალოდ, რომლებმაც არ მიაღწიეს მენოპაუზის შემდგომ პერიოდს. თუ არსებობს ეჭვები პაციენტის მენოპაუზის შემდგომი სტატუსთან დაკავშირებით, მენოპაუზა უნდა დამტკიცებული იქნას ბიოქიმიური მეთოდების (მალუთინიზირებელი ჰორმონის (მლ), ფოლიკულომასტიმულირებელი ჰორმონის (ფმჰ) და (ან) ესტრადიოლის დონეების განსაზღვრა). მონაცემები მალუთეინიზირებელი ჰორმონის რილიზინგ-ფაქტორთან ერთად ანასტროზოლის გამოყენების სასარგებლოდ არ არსებობს.
უნდა მოერიდოთ ტამოქსიფენის ან ესტროგენშემცველი პრეპარატების ანასტროზოლ სანდოზთან კომბინირებულ გამოყენებას, ვინაიდან ისინი ამცირებენ მის ფარმაკოლოგიურ აქტივობას.

ზეგავლენა ძვლის მინერალურ სიმკვრივეზე
ვინაიდან ანასტროზოლი ამცირებს ცირკულირებადი ესტროგენების დონეებს, მას შეუძლია გამოიწვიოს ძვლების მინერალური სიმკვრივის დაქვეითება ძვლების მოტეხილობების რისკის შესაძლო მომდევნო გაზრდასთან ერთად.

ქალებს, ვისაც აწუხებს ოსთეოპოროზი ან აქვთ მისი განვითარების მომატებული რისკი, მკურნალობის დასაწყისში და ამის შემდეგ რეგულარული ინტერვალებით უნდა შეფასდეს ძვლოვანი ქსოვილის მინერალური სიმკვრივე. აუცილებლობის შემთხვევაში ატარებენ ოსთეოპოროზის პროფილაქტიკას ან მკურნალობას ექიმის საგულდაგულო მეთვალყურეობის ქვეშ. შესაძლებელია განვიხილოთ გარკვეული პრეპარატების გამოყენების შესაძლბლობა, მაგალითად, ბიფოსფონატები, რომლებსაც შეუძლია მენოპაუზის შემდგომ პერიოდში მყოფი ქალების ანასტროზოლ სანდოზის მიღებით გამოწვეული ძვლის მინერალური სიმკვრივის შემდგომი განვითარების შეჩერება.

ღვიძლის ფუნქციის დარღვევა
ანასტროზოლის გამოყენება სარძევე ჯირკვლის კიბოს სამკურნალოდ პაციენტ-ქალებში ზომიერი ან მძიმე ხარისხის ღვიძლის უკმარისობით გამოკვლეული არ იყო. ღვიძლის ფუნქციის დარღვევისას შესაძლებელია ანასტროზოლის ექსპოზიციის მომატება; ზომიერი და მძიმე თირკმლის უმკარისობით ანასტროზოლ სანდოზი უნდა გამოყენებული იქნას სიფრთხილით. პრეპარატით მკურნალობა ტარდება რისკი/სარგებლიანობის თანაფარდობის ინდივუალური შეფასების შემდეგ.

პაციენტები თირკმელების ფუნქციის დარღვევით
ანასტროზოლის გამოყენება სარძევე ჯირკვლის კიბოს სამკურნალოდ პაციენტ-ქალებში ზომიერი ან მძიმე ხარისხის თირკმლის უკმარისობით გამოკვლეული არ იყო. თირკმელების ფუნქციის მძიმე დარღვევისას (გფს < 30 მლ/წთ) ანასტროზოლის ექსპოზიცია არ იზრდება; თირკმელების ფუნქციის მძიმე დარღვევისას ანასტროზოლ სანდოზი უნდა გამოყენებული იქნას სიფრთხილით.

ბავშვები და მოზარდები
რეკომენდებული არ არის ანასტროზოლ სანდოზის გამოყენება ბავშვებისა და მოზარდების სამკურნალოდ, რადგანაც მისი უსაფრთხოება და ეფექტურობა მათში დამტკიცებული არ არის.
ანასტროზოლ სანდოზის გამოყენება მიზანშეწონილი არ არის ჩანაცვლებითი ჰორმონალური თერაპიის დამატების სახით ბიჭებში ზრდის ჰორმონის არასაკმარისი რაოდენობისას, რადგანაც პრეპარატის ეფექტურობა და უსაფრთხოება წინამდებარე ჩვენებასთან დაკავშირებით განსაზღვრული არ არის. იმის გამო, რომ ანასტროზოლი ამცირებს ესტრადიოლის დონეებს, მისი გამოყენება არ შეიძლება ჩანაცვლებითი ჰორმონალური თერაპიის დამატების სახით გოგონებში ზრდის ჰორმონის არასაკმარისი რაოდენობისას. მონაცემები ბავშვებსა და მოზარდებში პრეპარატის გამოყენების გრძელვადიანი უსაფრთხოების შესახებ მიღებული არ არის. 

ერთი ტაბლეტი შეიცავს 65,78 მგ ლაქტოზას. პაციენტებმა ისეთი იშვიათი მემკვიდრეობითი პათოლოგიით, როგორიცაა გალაქტოზის აუტანლობა, ლაქტაზური უკმარისობა ან გლუკოზა-გალაქტოზის შეწოვის დარღვევა, არ უნდა მიიღონ წინამდებარე პრეპარატი.

გამოყენება ორსულობისა და ძუძუთი კვების დროს 
ანასტროზოლ სანდოზი წინააღმდეგნაჩვენებია ორსული და მეძუძური ქალებისათვის (იხ. ”უკუჩვენებები”).

ზეგავლენა სატრანსპორტო საშუალებების მართვის და მექანიზმებთან მუშაობის  უნარზე
პრეპარატი არ ახდენს ზეგავლენას ან ახდენს ძალიან სუსტ ზეგავლენას სატრანსპორტო საშუალებების და მექანიზმების მართვის უნარზე. მიუხედავად ამისა, ანასტროზოლით მკურნალობის დროს აღინიშნება ასთენიის და ძილიანობის განვითარების შემთხვევები, ამიტომ ასეთი სიმპტომების გაჩენისას უნდა დაიცვათ სიფრთხილე ავტოსატრანსპორტო საშუალებების მართვისას და მექანიზმებთან მუშაობისას. 

გამოყენების წესი და დოზები
შიგნით მისაღებად. მიიღეთ საჭმლის მიღების მიუხედავად, დღე-ღამის ერთსა და იმავე დროს, დაუღეჭავად და დააყოლეთ ერთი ჭიქა წყალი.
მოზრდილები და ხანდაზმული პაციენტები
ერთი ტაბლეტი დღე-ღამეში ერთხელ. 
თერაპიის რეკომენდებული ხანგრძლივობა სარძევე ჯირკვლის ადრეული ჰორმონდადებითი ინვაზიური კიბოს ადიუვანტური მკურნალობისას შეადგენს 5 წელს.
პაციენტების განსაკუთრებული ჯგუფები
ბავშვები და მოზარდები
რეკომენდებული არ არის პრეპარატის გამოყენება  ბავშვებსა და მოზარდებში უსაფრთხოებისა და ეფექტურობის შესახებ მონაცემების არასაკმარისი რაოდენობის გამო.
პაციენტი-ქალები თირკმელების ფუნქციის დარღვევით
პაციენტებისათვის მსუბუქი ან ზომიერი ხარისხის სიმძიმის თირკმლის უკმარისობით, დოზის კორექტირების აუცილებლობა არ არსებობს. მძიმე ხარისხის სიმძიმის თირკმლის უკმარისობისას პრეპარატი უნდა გამოიყენოთ სიფრთხილით.
პაციენტი-ქალები ღვიძლის ფუნქციის დარღვევით
პაციენტებს მსუბუქი ხარისხის სიმძიმის ღვიძლის უკმარისობით, დოზის კორექტირების აუცილებლობა არ არსებობს. ზომიერი ან მძიმე ხარისხის სიმძიმის ღვიძლის უკმარისობისას უნდა დაიცვათ სიფრთხილე.
პრეპარატის მიღების გამოტოვებისას მიიღეთ შემდეგი დოზა ჩვეულებრივი სქემით.
ნუ გააორმაგებთ დოზას გამოტოვებული დოზის კომპენსაციის მიზნით!

გვერდითი მოქმედება
ქვემოთ ჩამოთვლილი არასასურველი რეაქციები განაწილებულია წარმოქმნის სიხშირის და სისტემურ-ორგანული კლასების მიხედვით. სიხშირის კატეგორიები განისაზღვრება შემდეგი კრიტერიუმების თანახმად: ძალიან ხშირი ( 1/10); ხშირი ( 1/100-დან  1/10-მდე); არც ისე ხშირი (³ 1/1 000-დან < 1/100-მდე); იშვიათი (³ 1/10 000-დან < 1/1 000-მდე), ძალიან იშვიათი ( 1/10 000).
ყველაზე გავრცელებულ არასასურველ რეაქციებს წარმოადგენს: თავის ტკივილი, ალები, გულისრევა, გამონაყარი, ართრალგია, სახსრების შებოჭილობა, ართრიტი და ასთენია.
დარღვევები ნივთიერებათა ცვლის და კვების მხრიდან
ხშირი: ანორექსია, ჰიპერქოლესტერინემია
არც ისე ხშირი: ჰიპერკალციემია (პარათირეოიდული ჰორმინის მომატებით ან მის გარეშე)
დარღვევები ნერვული სისტემის მხრიდან
ძალიან ხშირი: თავის ტკივილი
ხშირი: ძილიანობა, მაჯის არხის სინდრომი*
დარღვევები სისხლძარღვების მხრიდან
ძალიან ხშირი: ალები
დარღვევები კუჭ-ნაწლავის ტრაქტის მხრიდან
ძალიან ხშირი: გულისრევა
ხშირი: დიარეა, ღებინება
დარღვევები ღვიძლის და სანაღვლე გზების მხრიდან 
ხშირი: ტუტე ფოსფატაზის, ალტ (ალანინ ამინოტრანსფერაზის) და ასტ (ასპარტატ ამინოტრანსფერაზის) დონეების მომატება
არც ისე ხშირი: გამა-გტ და ბილირუბინის დონეების მომატება, ჰეპატიტი
დარღვევები კანის და კანქვეშა ქსოვილების მხრიდან
ძალიან ხშირი: გამონაყარი
ხშირი: თმის ცვენა (ალოპეცია), ალერგიული რეაქციები
არც ისე ხშირი: ჭინჭრის ციება
იშვიათი: მულტიმორფული ერითემა, ანაფილაქტოიდური რეაქცია, კანის ვასკულიტი (შენლეინ-გენოხის პურპურის შესახებ შეტყობინებების ჩათვლით)
ძალიან იშვიათი: სტივენს-ჯონსონის სინდრომი, ანგიონევროზული შეშუპება
დარღვევები ჩონჩხ-კუნთოვანი სისტემის და შემაერთებელი ქსოვილის მხრიდან: ძალიან ხშირი: ართრალგია/რიგიდულობა სახსრებში, ართრიტი, ოსტეოპაროზი
ხშირი: ტკივილი ძვლებში, მიალგია
არც ისე ხშირი: მოტკაცუნე თითის სინდრომი
აშლილობები სასქესო ორგანოების და სარძევე ჯირკვლის მხრიდან
ხშირი: საშოს ლორწოვანი გარსის სიმშრალე, სისხლდენა საშოდან**
ზოგადი აშლილობები და დარღვევები შეყვანის ადგილას
ძალიან ხშირი: ასთენია
* მაჯის არხის სინდრომი აღინიშნება ბევრ პაციენტთში, რომლებიც იღებდნენ ანასტროზოლით თერაპიას, იმ პაციენტებთან შედარებით, რომლებიც იღებდნენ თერაპიას ტამოქსიფენით. მაგრამ ამ მოვლენების უმეტესი ნაწილი ვლინდებოდა პაციენტებში, რომლებსაც აშკარად ჰქონდათ აღნიშული მდგომარეობის განვითარების რისკ-ფაქტორები.
** სისხლდენა საშოდან ხშირად იყო აღნიშნული, უმთავრესად პაციენტ ქალებში, რომელთაც აწუხებს გავრცელებული სარძევე ჯირკვლის კიბო, ჩატარებული ჰორმონალური თერაპიიდან ანასტროზოლით მკურნალობაზე გადასვლის შემდეგ პირველი რამოდენიმე კვირის განმავლობაში. ასეთი სისხლდენის არსებობისას აუცილებელია დამატებითი გამოკვლევის ჩატარება.

ჭარბი დოზირება
სპეციფიური ანტიდოტები არ არსებობს, ამიტომ აუცილებლობის შემთხვევაში ტარდება სიმპტომატური მკურნალობა.
თუ პაციენტი გონზეა, ხდება მისი ღებინების პროვოცირება. დიალიზი შეიძლება სასარგებლო აღმოჩნდეს, ვინაიდან ანასტროზოლი მნიშვნელოვნად არ უკავშირდება სისხლის პლაზმის ცილებს. პაციენტზე უნდა დამყარდეს მეთვალყურეობა და განხორციელდეს ზოგადი შემანარჩუნებელი თერაპია, მათ შორის სასიცოცხლოდ მნიშვნელოვანი ფუნქციების ძირითადი მაჩვენებლების მუდმივი მონიტორინგი.

ურთიერთქმედება სხვა სამკურნალწამლო პრეპარატებთან და სხვა სახის ურთიერთქმედებები
in vitro პირობებში ანასტროზოლი თრგუნავს ციტოქრომ P450-ის  1A2, 2C8/9 და 3A4 იზოფერმენტების აქტივობას. ანტიპირინის და ვარფარინის გამოყენებით კლინიკურმა კვლევებმა გამოავლინა, რომ ანასტროზოლი დოზით 1 მგ არ ახშობს მნიშვნელოვნად ანტიპირინის და R- და S-ვარფარინის მეტაბოლიზმს. ეს ნიშნავს, რომ სხვა სამკურნალწამლო პრეპარატებთან ანასტროზოლის კომბინირებული დანიშვნისას კლინიკურად მნიშვნელოვანი სამკურნალწამლო ურთიერთქმედებები, რომლებიც გაშუალედებულია ციტოქრომ P450-ის სისტემის ფერმენტებით, ნაკლებად სავარაუდოა.
ფერმენტები, რომლებიც მონაწილეობას იღებენ ანასტროზოლის მეტაბოლიზმში, დადგენილი არ არის. ციმეტიდინი, რომელიც წარმოადგენს ციტოქრომ P450-ის  იზოფერმენტების არასპეციფიურ ინჰიბიტორს, არ ახდენს ზეგავლენას სისხლის პლაზმაში ანასტროზოლის კონცენტრაციებზე. ციტოქრომ P450-ის ძლიერი ინჰიბიტორების ზეგავლენა უცნობია.
გამოვლენილი არ არის დამადასტურებელი ფაქტორები კლინიკურად მნიშვნელოვანი ურთიერთქმედებების შესახებ პაციენტებში, რომლებიც იღებენ თერაპიას ანასტროზოლით სხვა ხშირად გამოყენებულ სამკურნალწამლო პრეპარატებთან.
კლინიკურად მნიშვნელოვანი ურთიერთქმედებები ბისფოსფონატებთან აღნიშნული არ იყო.
უნდა მოერიდოთ ტამოქსიფენის ან ესტროგენშემცველი პრეპარატების გამოყენებას ანასტროზოლ სანდოზთან, ვინაიდან ისინი აბრკოლებენ მის ფარმაკოლოგიურ აქტივობას. 

გამოშვების ფორმა 
პვქ/ალუმინის ბლისტერი. 20 (2x10) და 28 (4x7) ტაბლეტი, დაფარული აპკისებრი გარსით.
გაყიდვაში შეიძლება არ იყოს შეფუთვის ყველა ზომა.

შენახვის პირობები 
ინახება ბავშვებისათვის მიუწვდომელ ადგილას არაუმეტეს 30°С ტემპერატურაზე.

ვარგისიანობის ვადა
5 წელი.

აფთიაქებიდან გაცემის პირობები.
გაიცემა რეცეპტის მიხედვით.