ბეტაჰისტინ - ჰუმანითი / Betahistine - Humanity


შემადგენლობა
8 მგ დოზირება
ერთი ტაბლეტი შეიცავს
აქტიური ნივთიერება ბეტაჰისტინის დიჰიდროქლორიდი – 8 მგ
დამხმარე ნივთიერებები: მიკროკრისტალური ცელულოზა, სიმინდის სახამებელი, კრემნიუმის დიოქსიდი კოლოიდური, უწყლო, პოვიდონი, გასუფთავებული ტალკი, მაგნიუმის სტეარატი, ნატრიუმის სახამებლის გლიკოლატი.
16 მგ დოზირება
ერთი ტაბლეტი შეიცავს
აქტიური ნივთიერება ბეტაჰისტინის დიჰიდროქლორიდი – 16 მგ
დამხმარე ნივთიერებები: მიკროკრისტალური ცელულოზა, სიმინდის სახამებელი, კრემნიუმის დიოქსიდი კოლოიდური, უწყლო, პოვიდონი, გასუფთავებული ტალკი, მაგნიუმის სტეარატი, ნატრიუმის სახამებლის გლიკოლატი, საღებავი ყვითელი მზის ჩასვლა.
24 მგ დოზირება
ერთი ტაბლეტი შეიცავს
აქტიური ნივთიერება:
ბეტაჰისტინის დიჰიდროქლორიდი – 24 მგ;
დამხმარე ნივთიერებები: მიკროკრისტალური ცელულოზა, სიმინდის სახამებელი, კრემნიუმის დიოქსიდი კოლოიდური, უწყლო, საღებავი ტარტრაზინი, პოვიდონი, გასუფთავებული ტალკი, მაგნიუმის სტეარატი, ნატრიუმის სახამებლის გლიკოლატი.

ფარმაკოთერაპიული ჯგუფი
ნერვული სისტემის დაავადებების სამკურნალო სხვა პრეპარატები. თავბრუსხვევის საწინააღმდეგო საშუალება. ბეტაჰისტინი.

ფარმაკოლოგიური თვისებები
ფარმაკოკინეტიკა
ბეტაჰისტინი სწრაფად და მთლიანად შეიწოვება კუჭ-ნაწლავის ტრაქტიდან, აღწევს ჰემატოენცეფალურ ბარიერში (ჰებ), მეტაბოლიზდება ღვიძლში არააქტიური მეტაბოლიტების წარმოქმნით. Pლაზმის ცილებთან შეკავშირების ხარისხი დაბალია. სისხლის პლაზმაში ნახევარდაშლის პერიოდი შეადგენს 3-5 საათს, პრაქტიკულად მთლიანად გამოიყოფა შარდით 24 საათში. 

ფარმაკოდინამიკა
ჰისტამინის სინთეზური ანალოგი. მოქმედებს ჰისტამინის მსგავსად Н1 და Н3 ჰისტამინურ რეცეპტორებზე. იწვევს პრეკაპილარების გაფართოვებას, აუმჯობესებს შუა ყურის მიკროცირკულაციას. არეგულირებს ენდოლიმფის წნევას შუა ყურის სტრუქტურებში (ლაბირინთი და ლოკოკინა), იწვევს კლინიკური სიმპტომატიკის გაუმჯობესებას სხვადასხვა ვესტიბულური დაავადებებისას. ზრდის ტვინის სისხლის ნაკადს და ახდენს გავლენას ვესტიბულურ ნეირონებზე. პრეპარატი ახდენს როგორც ვესტიბულური, ასევე კოხლეარული დარღვევების ნორმალიზებას, ყურებში ხმაურის და შუილის შემცირებას, ხელს უშლის სმენის დაქვეითების პროგრესირებას.

მიღების ჩვენებები
- მენიერის დაავადება, რომელიც ხასიათდება სიმპტომების ტრიადით: თავბრუსხვევა (რომელსაც თან ახლავს გულისრევა და ღებინება), ყურებში ხმაური, სმენის პროგრესირებადი დაქვეითება (სმენის დაკარგვა).
- ვესტიბულური თავბრუსხვევის (ვერტიგოს) სიმპტომური მკურნალობა.

მიღების წესი და დოზები
ტაბლეტები მიიღება შიგნით, სასურველია მიღება საკვების მიღების დროს ან შემდეგ.
სადღეღამისო დოზა შეადგენს 24-48 მგ, გაყოფილი 2 ან 3 მიღებაზე

8 მგ ტაბლეტები

16 მგ ტაბლეტები

24 მგ ტაბლეტები

1-2 ტაბლეტი სამჯერ დღე

1/2 – 1 ტაბლეტი სამჯერ დღეში

ტაბლეტი ორჯერ დღეში

დოზა შეირჩევა ინდივიდუქლურად, კლინიკური სიმპტომების კუპირების მიხედვით. მკურნალობა ტარდება ხანგრძლივად. თერაპიის საუკეთესო შედეგები მიიღწევა პრეპარატის მიღებიდან რამდენიმე თვის შემდეგ. თერაპიის ადრეული დაწყება ხელს უშლის დაავადების განვითარებას და/ან სმენის პროგრესირებად დაქვეითებას და დაკარგვას, რომელიც ხდება დაავადების გვიან სტადიებზე. 

პრეპარატისადმი მიჩვევა და ტოლერანტობა არ არის
რეკომენდებული არ არის 18 წლამდე ასაკის პაციენტებში.

გვერდითი მოვლენები
ხშირი (კლინიკური მონაცემებით):
- გულისრევა, დისპეფსია
- თავის ტკივილი (სიხშირე პლაცებოს ჯგუფის მსგავსია)
სიხშირე უცნობია (პოსტმარკეტინგული მონაცემებით):
- ჰიპერმგრძნობელობის რეაქციები (ანაფილაქსიური რეაქციები), მათ შორის კანის მხრივ (კვინკეს შეშუპება, გამონაყარი, ქავილი, ჭინჭრის ციება)
- ღებინება, მუცლის ტკივილი, მეტეორიზმი (მითითებული სიმპტომები ნაკლებად იქნება გამოხატული, თუ პრეპარატს მიიღებთ ჭამის დროს, ან შეამცირებთ დოზას)

უკუჩვენებები
- მომატებული მგრძნობლობა პრეპარატის რომელიმე დამხმარე კომპონენტის მიმართ
- ფეოქრომოციტომა
- კუჭის და თორმეტგოჯა ნაწლავის წყლულოვანი დაავადება გამწვავების ფაზაში
- ბრონქული ასთმა
- ორსულობა და ლაქტაციის პერიოდი
- 18 წლამდე  ასაკი

მედიკამენტური ურთიერთქმედება
სპეციალური კვლევები ურთიერთქმედების შესასწავლად არ ჩატარებულა. ინ ვიტრო კვლევების საფუძველზე, მოსალოდნელი არ არის ურთიერთქმედება ციტოქრომ Р450 ენზიმებთან ინ ვივო. 
ინ ვიტრო კვლევებმა აჩვენა, რომ ბეტაჰისტინის მეტაბოლიზმი ითრგუნება პრეპარატებით, რომლებიც თრგუნავენ მონოამინოოქსიდაზას (მაო ინჰიბიტორები), ქვეტიპი В ჩათვლით (მაგ. სელეგინინი). ამიტომ რეკომენდებულია სიფრთხილე ბეტაჰისტინის და მაო-ს ინჰიბიტორების ერთდროული დანიშვნისას. 
იმის გამო, რომ ბეტაჰისტინი წარმოადგენს ჰისტამინის ანალოგს, ბეტაჰისტინის ანტიჰისტამინურ პრეპარატებთან ერთად დანიშვნისას შესაძლებელია ერთ-ერთი პრეპარატის ეფექტურობის დაქვეითება. 

განსაკუთრებული მითითებები
ვესტიბულური თავბრუსხვევის მწვავე შეტევებისას და მენიერის სინდრომისას, კლინიკური ეფექტი დგება სწრაფად (რამდენიმე საათიდან დღე-ღამემდე). 
სასურველი კლინიკური ეფექტი მიიღწევა მიღებიდან 4 კვირის განმავლობაში. დისპეფსიური მოვლენებისას რეკომენდებულია პრეპარატის მიღება ჭამის დროს, ან მის შემდეგ. პრეპარატს არა აქვს სედატიური მოქმედება.
პაციენტები ბრონქული ასთმით და/ან კუჭის წყლულოვანი დაავადებით ანამნეზში, ბეტაჰისტინით მკურნალობის დროს საჭიროებენ გულმოდგინე მეთვალყურეობას. 

ორსულობა და ლაქტაციის პერიოდი
მონაცემები ორსულებში ბეტაჰისტინის გამოყენების შესახებ არასაკმარისია. პოტენციური რისკი ნაყოფისა და ახალშობილისათვის უცნობია. ბეტაჰისტი არ ინიშნება ორსულობის დროს, თუ სავარაუდო სარგებელი დედისთვის ბევრად არ აღემატება პოტენციურ რისკს ნაყოფისთვის/ბავშვისთვის. უცნობია აღწევს თუ არა ბეტაჰისტინი ქალის რძეში. ბეტაჰისტინის დანიშვნის აუცილებლობისას, საჭიროა ძუძუთი კვების შეწყვეტა.

სამკურნალო საშუალების გავლენის თავისებურებები სატრანსპორტო საშუალებების ან პოტენციურად საშიში მექანიზმების მართვის უნარზე
ბეტაჰისტინს არ აქვს სედატიური ეფექტი და არ ახდენს გავლენას ავტომობილის მართვის, ან ჩარხებთან და მექანიზმებთან მუშაობის უნარზე.

ჭარბი დოზირება
სიმპტომები: გულისრევა, ძილიანობა, ტკივილი მუცლის არეში 640 მგ-მდე დოზისას. უფრო სერიოზული გართულებები (კრუნჩხვები, სიმპტომები ფილტვების და გულის მხრივ) აღინიშნა დოზის განზრახ გადაჭარბებისას, განსაკუთრებით სხვა პრეპარატებთან კომბინაციაში.
მკურნალობა: სიმპტომური და შემანარჩუნებელი თერაპია.

შეფუთვა
8 მგ ტაბლეტები: 10 ტაბლეტი კონტურულ უჯრედულ შეფუთვაში. 6 შეფუთვა გამოყენების ინსტრუქციასთან ერთად მოთავსებულია მუყაოს კოლოფში.
16 მგ ტაბლეტები: 10 ტაბლეტი კონტურულ უჯრედულ შეფუთვაში. 6 შეფუთვა გამოყენების ინსტრუქციასთან ერთად მოთავსებულია მუყაოს კოლოფში.
24 მგ ტაბლეტები: 10 ტაბლეტი კონტურულ უჯრედულ შეფუთვაში. 6 შეფუთვა გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები
ინახება არაუმეტეს 25oC ტემპერატურაზე, ბნელ, მშრალ და ბავშვებისთვის მიუწვდომელ ადგილას.

ვარგისიანობის ვადა
2 წელი

აფთიაქიდან გაცემის პირობები
ფარმაცევტული პროდუქტის ჯგუფი II, გაიცემა ფორმა #3 რეცეპტით