Nuk
დოლობენე / DOLOBENE GEL


შემადგენლობა

100 გ
ნატრიუმის ჰეპარინი...................50000 MO
დექსპანტელონი........................................2.5 გ
დიმეთილსულფოქსიდი............................15 გ 
დამხმარე ნივთიერებები: ტრომეტამოლი, კრემოფორი CO 455, პოლიაკრილის მჟავა, იზოპროპანოლი, როზმარინის ზეთი, მაღალმთიანი ფიჭვის ზეთი, ციტრონელის ზეთი, გასუფთავებული წყალი.

ჩვენებები
- ტრავმები (მათ შორის სპორტული), ჰემატომები, კუნთების პერიარტიკულარული სტრუქტურების ან სახსრების დაზიანება (კანის დაზიანების გარეშე);
- ტენდინიტები და ტენდოვაგინიტები, ბურსიტის, მხრის პერიართრიტი და მხრის ეპიკონდელიტი (პათოლოგიური საფუძველი სინდრომის “ჩოგბურთელის იდაყვი”);
- მწვავე ნევრალგია;
- მწვავე ტკივილის სინდრომი ზედაპირული თრომბოფლებიტების, ფლებიტების, ვენების ვარიკოზული გაგანიერების დროს, ტროფიკული დარღვევებისას ქრონიკული ვენოზური უკმარისობის ფონზე.

მიღების წესები და დოზები
გელი თხელ ფენად (მაგალითად, გელი გამოიყენება 3 სმ-ის სიგრძის უბანზე, რომლის ზომა შეესაბამება მუხლის სახსრის პროექციას) დაიტანება დაზიანებულ უბნებზე და/ან მათ გარშემო (დაჟეჟილობისას), გელს თანაბრად ანაწილებენ კანის ზედაპირზე და ფრთხილად შეიზელენ. პროცედურას იმეორებენ 2-4-ჯერ დღეში.
დოლობენეს სახვევის დადებისას გამოიყენება ჰაერგამტარი სახვევი მასალა. სახვევი იდება გელის უმეტესი ნაწილის კანში შეღწევის და პრეპარატის შემადგენლობაში შემავალი სპირტის აორთქლების შემდეგ (ანუ რამდენიმე წუთის შემდეგ).
პრეპარატის იონოფორეზის გზით დატანის შემთხვევაში გელი დაიტანება კათოდის ქვეშ, დოლობენეს შემადგენლობაში შემავალი ჰეპარინის ანიონური თვისებების გათვალისწინებით.
ფონოფორეზის დროს გელი, კარგი კონტაქტური თვისებების და აქტიური ნივთიერებების შემცველობის გამო, აძლიერებს ულტრაბგერითი ტალღების ფიზიოთერაპიულ მოქმედებას

გვერდითი მოვლენები
ჩვეულებრივ, პრეპარატი ხასიათდება კარგი ამტანობით, მაგრამ შესაძლებელია გამოვლინდეს შემდეგი რეაქციები: სიწითლე, ქავილი, წვის შეგრძნება აპლიკაციის უბანზე, დროებით გამოვლინდეს პირის ღრუდან ნივრის სუნი (რაც განპირობებულია დიმეთილსულფიდის – დიმეთილსულფიდის მეტაბოლიტის არსებობით). სუნი წარმოადგენს არა გვერდით მოვლენას, არამედ არის დიმეთილსულფოქსიდის კარგი აბსორბციის მანიშნებელი. გემოს შეგრძნების ცვლილება, რომელიც ზოგჯერ აღინიშნება გელის მიღების შემდეგ, როგორც წესი, რამდენიმე წუთში ქრება.
შესაძლებელია ალერგიული რეაქციების გამოვლინება (მაგალითად, ჭინჭრის ციება).

უკუჩვენება
- მომატებული მგრძნობელობა პრეპარატის კომპონენტების მიმართ;
- ღვიძლის და თირკმელების ფუნქციის მნიშვნელოვანი დარღვევები;
- ბრონქული ასთმა;
- ჰემოდინამიკის არასტაბილური მაჩვენებლები;
- ორსულობა;
- ლაქტაცია;
- 5 წლამდე ასაკის ბავშვები;
- სულინდაკის (არასტეროიდული ანთების საწინააღმდეგო საშუალება) შემცველი პრეპარატების ერთდროული გამოყენება.

ორსულობა და ლაქტაცია
იმასთან დაკავშირებით, რომ ცხოველებზე ჩატარებული ექსპერიმენტებით დიმეთილსულფოქსიდი ავლენს ტერატოგენურ ეფექტს, ხოლო დიმეთილსულფოქსიდის ორსულ ქალებში გამოყენებაზე არ არის საკმარისი მონაცემები, დოლობენეს გამოყენება ორსულობის და ლაქტაციის პერიოდში უკუნაჩვენებია. დიმეთილსულფოქსიდი აღწევს დედის რძეში, ამიტომ დოლობენეს გამოყენება ძუძუთი კვების დროს უკუნაჩვენებია.

განსაკუთრებული მითითებები
უსაფრთხოების საჭირო ზომები პრეპარატის მიღებისა: პრეპარატი არ დაიტანება ლორწოვან გარსზე. ჭრილობის ღია ზედაპირზე და დაზიანებულ კანზე (მაგალითად, დასხივების შემდეგ, დერმატიტების, დერმატოზების, პოსტოპერაციუი ნაწიბურების, დამწვრობების დროს).
სხვა სამკურნალო პრეპარატები არ დაიტანება დამუშავებულ კანის უბნებზე დოლობენეს გელის აპლიკაციამდე და მის შემდგომ რამდენიმე საათის განმავლობაში.
გავლენა ავტომანქანის მართვაზე ან სხვა მექანიზმებთან მუშაობის უნარზე: პრეპარატი გავლენას არ ახდენს ავტოტრანსპორტის მართვის ან სხვა მექანიზმებთან მუშაობის უნარზე.

ჭარბი დოზირება
დოლობნეს გელის გამოყენებისას მონაცემები ჭარბი დოზირების შემთხვევების შესახებ არ მოიპოვება.

სხვა წამლებთან ურთიერთქმედება
დიმეთილსულფოქსიდს გააჩნია უნარი გააძლიეროს ზოგიერთი სამკურნალო საშუალების სპეციფიკური აქტივობა და ტოქსიურობა, ამიტომ საჭიროა თავიდან აიცილოთ ადგილორივი გამოყენების სხვა სამკურნალო პრეპარატების და დოლობენეს ერთდროული გამოყენება.
პრეპარატი დოლობენე, რომელიც დიმეთილსულფოქსიდს შეიცავს, არ გამოიყენება სულინდაკთან (არასტეროიდული ანთების საწინააღმდეგო საშუალება) კომბინაციაში, რადგან მოსალოდნელია მძიმე ტოქსიკური რეაქციის (პერიფერიული ნეიროთერაპიის) განვითარება.

აფთიაქში გაცემის წესი
პრეპარატი ინახება არა უმეტეს 25oC ტემპერატურაზე, ბავშვებისათვის მიუწვდომელ ადგილას. ვარგისიანობის ვადა - 3 წელი.

რეგისტრაციის # და თარიღი
R 001363 02.12.09

სად შევიძინოთ?