ფერუმ ლეკი / Ferrum Lek
- საერთაშორისო დასახელება (აქტიური ნივთიერება): ferrous (III) hydroxyde polymaltose complex
- კლინიკურ-ფარმაკოლოგიური ჯგუფი: ჰემატოლოგია → ანტიანემიური პრეპარატები → რკინის პრეპარატები → შინაგანი გამოყენების
- მწარმოებელი კომპანია: Rafarm S.A.
- მწარმოებელი ქვეყანა: საბერძნეთი
- გამოშვების ფორმა: 100მგ/5მლ კონცენტრატი ი/ვ საინფუზიო ხსნარის მოსამზადებლად ამპულა №5
- გაცემის რეჟიმი: II ჯგუფი (გაიცემა ფორმა N3 რეცეპტით)
ფერუმ ლეკი® 100 მგ/5 მლ
კონცენტრატი საინფუზიო ხსნარის დასამზადებლად
• ინტრავენურად შესაყვანად
შემადგენლობა:
საინფუზიო ხსნარის დასამზადებელი კონცენტრატის თითოეული ამპულა (5 მლ) შეიცავს 100 მგ რკინას (III) ჰიდროქსიდის საქაროზული კომპლექსის სახით.
დამხმარე ნივთიერებები: ნატრიუმის ჰიდროქსიდი, საინიექციო წყალი.
შეფუთვის შიგთავსი:
5 მლ ამპულაში (მინის ამპულა I ტიპის). 5 ამპულა შეკვრაში.
რა არის ფერუმ ლეკი და რისთვის იღებენ მას.
ფარმაკოთერაპიული ჯგუფი: ანტიანემიური პრეპარატები.
ATC კოდი: B03AC.
ფერუმ ლეკი® წარმოადგენს რკინის ჰიდროქსიდის საქაროზული კომპლექსის ხსნარს, რომლის სახითაც შეიძლება რკინის შეყვანა ინტრავენურად. ის ემსახურება რკინის მარაგების შევსებას ოპერაციის შემდგომ პერიოდში, სხვადასხვა წარმომავლობის ანემიებისას, აგრეთვე, გამოიყენება ოპერაციის წინ, თუ სისხლის კარგვაა მოსალოდნელი.
ფარმაკოდინამიკა
რკინადეფიციტური და თირკმლის ანემიით დაავადებულებში ერითროციტებში რკინის ჩართვების დონეებმა, რომელნიც რეგისტრირებული იყო 100 მგ რკინის ერთჯერადად რკინის (III) ჰიდროქსიდის საქაროზული კომპლექსის სახით ინტრავენურად შეყვანიდან 2 – 4 კვირის შემდეგ, შეადგინეს 68 – 97%.
ფარმაკოკინეტიკა
რკინის ჰიდროქსიდის საქაროზული კომპლექსის (რომელიც100 მგ სამვალენტიან რკინას შეიცავს) ერთჯერადი დოზის ინტრავენურად შეყვანის შემდეგ რკინის მაქსიმალური კონცენტრაცია (538 მკმოლ/ლ საშუალოდ) მიიღწევა 10 წუთში.
რკინა სწრაფად გამოიყოფა შრატიდან; ნახევრად გამოყოფის საბოლოო პერიოდი დაახლოებით 6 საათის ტოლია. განაწილების საწყისი მოცულობა შეადგენს დაახლოებით 3 ლიტრს.
განაწილების მოცულობა წონასწორობის წერტილში შეადგენს დაახლოებით 8 ლიტრს, რაც ორგანიზმის ბიოლოგიურ სითხეებში რკინის დაბალ განაწილებას მოწმობს.
შეყვანიდან პირველი 4 საათის შემდეგ რკინის ექსკრეციას უზრუნველყოფენ თირკმელები, რომლებსაც გამოჰყავთ შეყვანილი რაოდენობის 5%-ზე ნაკლები.
24 საათის შემდეგ რკინის დონე შრატში საწყის მნიშვნელობებს უბრუნდება, რომელიც აღინიშნებოდა შეყვანამდე. შეყვანილი საქაროზის დაახლოებით 75% გამოიყოფა ორგანიზმიდან.
გამოყენების ჩვენებები
• ანემიიის მკურნალობა თირკმლის ქრონიკული უკმარისობის დროს პაციენტებში ჰემოდიალიზზე, საწყის ან პერიტონეალურ დიალიზზე, როდესაც მკურნალობა რკინის პერორალური პრეპარატებით არასაკმარისი აღმოჩნდება ან ცუდად გადაიტანება;
• ოპერაციის წინა პერიოდი: სისხლის აუტოლოგიური დონორობის პროგრამაში ჩართულ პაციენტებში, ერითროპოეტინთან კომბინაციაში იმ პირობით, რომ ანემიას აქვს ზომიერი ხასიათი (Hb 9-დან 11 გ/დლ) და 150 მკგ/ლ-ზე დაბალი ფერიტინის საწყისი დონე;
• ოპერაცის შემდეგ მაშინვე განვითარებული მწვავე ანემიის მკურნალობა ავადმყოფებში, რომელთაც არ შეუძლიათ საკვების პირიდან მიღება;
• რკინის დეფიციტით (Hb<10,5 მგ 100 მლ) გამოწვეული ჰიპოსიდერემიული ანემიის მკურნალობა, რომელიც დაკავშირებულია ნაწლავების მძიმე ქრონიკულ ანთებით დაავადებებთან, როდესაც პერორალური მიღება არ გამოდგება.
ფერუმ ლეკის მიღების წინ
უკუჩვენებები:
ჰიპერმგრძნობელობა მოქმედი ნივთიერების, წინამდებარე პრეპარატის ან მისი ნებისმიერი დამხმარე ნივთიერების მიმართ.
ცნობილი მძიმე ფორმის ჰიპერმგრძნობელობა რკინის სხვა პარენტერალური პრეპარატების მიმართ.
ანემია, რომელიც დაკავშირებული არ არის რკინის დეფიციტთან (მაგალითად, ჰემოლიტური ანემია).
გადატვირთვა რკინით ან რკინის უტილიზაციის პრობლემები (მაგალითად, ჰემოქრომატოზი, ჰემოსიდეროზი).
ასთმა, ალერგიული ეგზემა ან ატოპიური ალერგიის სხვა გამოვლინებები ანამნეზში.
განსაკუთრებული მითითებები და სიფრთხილის ზომები გამოყენების დროს.
პარენტერალურად შეყვანისას რკინის პრეპარატებს შეუძლიათ ჰიპერმგრძნობელობის რეაქციების გამოწვევა, მძიმე და პოტენციურად ლეტალური ანაფილაქტიური/ანაფილაქტოიდური რეაქციების ჩათვლით.
არსებობს შეტყობინებები ჰიპერმგრძნობელობის რეაქციების გაჩენის შესახებ რკინის პარენტერალური კომპლექსების შეყვანის შემდეგ, რომლებიც ადრე გართულებების გარეშე მიმდინარეობდა.
ჰიპერმგრძნობელობის რეაქციების გაჩენის რისკი იზრდება პაციენტებში ცნობილი ალერგიით, სამკურნალწამლო ალერგიის, მძიმე ფორმის ასთმის, ეგზემის ან ანამნეზში ატოპიური ალერგიის სხვა გამოვლინებების ჩათვლით. ასევე ჰიპერმგრძნობელობის რეაქციების გაჩენის რისკი რკინის კომპლექსების პარენტერალური გამოყენებისას იზრდება პაციენტებში იმუნური ან ანთებითი დაავადებებით (მაგალითად, სისტემური წითელი მგლურით, რევმატოიდული ართრიტით).
წინამდებარე პრეპარატი უნდა იქნას შეყვანილი მხოლოდ პერსონალის მიერ, რომელიც ტრენირებულია ანაფილაქტიური რეაქციების გამოვლინებასთან და გადაუდებელი დახმარების გაწევასთან დაკავშირებით, ისეთ პირობებში, სადაც არის სრული სარეანიმაციო აღჭურვილობა. თითოეული პაციენტის გვერდითი ეფექტები აუცილებელია შეფასდეს, პრეპარატის თითოეული შეყვანიდან, სულ მცირე, 30 წუთის განმავლობაში. თუ პრეპარატის გამოყენებისას ჩნდება ჰიპერმგრძნობელობის რეაქციები ან აუტანლობის ნიშნები, მკურნალობა უნდა შეწყვიტოთ. უნდა ხელმისაწვდომი იყოს საშუალებები გულ-ფილტვის რეანიმაციისთვის და აღჭურვილობა მწვავე ანაფილაქტიურ/ანაფილაქტოიდურ რეაქციების წინააღმდეგ, ადრენალინის ხსნარის (1:1000) ჩათვლით საინექციოდ. აუცილებლობის შემთხვევაში შეიძლება დამატებით გამოყენებული იქნას ანტიჰისტამინური პრეპარატები და/ან კორტიკოსტეროიდები.
ღვიძლის ფუნქციის დარღვევის მქონე პაციენტებისთვის რკინის პარენტერალური შეყვანის განხორციელება შეიძლება მხოლოდ რისკი/სარგებელის თანაფარდობის საგულდაგულო შეფასების შემდეგ. ხოლო ღვიძლის ფუნქციის დარღვევის მქონე პაციენტებისთვის, სადაც მაპროვოცირებელ ფაქტორს წარმოადგენს გადატვირთვა რკინით, კერძოდ გვიანი კანის პორფირიისას, უნდა მოერიდოთ მას. რკინით გადატვირთვის თავიდან ასაცილებლად რეკომენდებულია მისი შემცველობის საგულდაგულო კონტროლი.
რკინის პარენტერალური შეყვანა უნდა ჩატარდეს სიფრთხილით მწვავე ან ქრონიკული ინფენქციებისას. ბაქტერიემიისას რეკომენდებულია აღნიშნული პრეპარატის მოხსნა. ქრონიკული ინფექციის მქონე პაციენტებში აუცილებელია რისკის და სარგებელის თანაფარდობის შეფასება, იმის გათვალისწინებით, რომ პაციენტთა აღნიშნულ კატეგორიაში არის ერითროპოეზის დახშობა.
სწრაფი ინტრავენური შეყვანისას შეიძლება აღინიშნოს არტერიული წნევის დაწევა.
სამკურნალო და სხვა ურთიერთქმედებები
აღნიშნული პრეპარატის დანიშვნა არ შეიძლება რკინის პერორალური პრეპარატების მიღებასთან ერთდროულად, რადგანაც ამ უკანასკნელების შეწოვა შემცირებული იქნება. რკინის პრეპარატებით თერაპია შინაგანად მისაღებად უნდა დაინიშნოს რკინის პარენტერალურად ბოლო შეყვანიდან არაუადრეს 5 დღეში.
ორსულობა და ძუძუთი კვება
ადექვატური და კარგად კონტროლირებადი გამოკვლევები ამ პრეპარატის გამოყენებაზე ორსულ ქალებში არ ჩატარებულა. ამდენად, ორსულობისას გამოყენების წინ აუცილებელია რისკი/სარგებელის თანაფარდობის საგულდაგულო შეფასება. წინამდებარე პრეპარატი ორსულობის დროს შეიძლება გამოყენებულ იქნას უდავო აუცილებლობისას (იხ. „განსაკუთრებული მითითებები და სიფრთხილის ზომები“).
რკინადეფიციტური ანემია, რომელიც წარმოიქმნება ორსულობის პირველ ტრიმესტრში, შემთხვევათა უმრავლესობაში შეიძლება განიკურნოს პერორალურად მისაღებად რკინის პრეპარატებით. წინამდებარე პრეპარატით მკურნალობა უნდა შეიზღუდოს ორსულობის მეორე და მესამე ტრიმესტრებით, თუ სარგებელი მისი გამოყენებისგან აღემატება პოტენციურ რისკს როგორც დედისთვის, ასევე ნაყოფისთვის.
უცნობია, აღწევს თუ არა ეს პრეპარატი დედის რძეში, ამიტომ მისი გამოყენება ძუძუთი კვების პერიოდში არასასურველია.
ზეგავლენა სატრანსპორტო საშუალებების მართვის და მექანიზმებთან მუშაობის უნარზე
თუ წინამდებარე პრეპარატის გამოყენების შემდეგ ჩნდება ისეთი სიმპტომები, როგორიცაა: თავბრუსხვევა, პაციენტმა არ უნდა მართოს სატრანსპორტო საშუალებები ან იმუშაოს მექანიზმებთან მათ სრულ გაქრობამდე.
ფერუმ ლეკის გამოყენების წესი
უნდა საგულდაგულოდ თვალყური ადევნოთ ჰიპერმგრძნობელობის რეაქციების ნიშნებს და სიმპტომებს აღნიშნული პრეპარატის შეყვანის დროს და მას შემდეგ.
წინამდებარე პრეპარატი უნდა შეყვანილ იქნას მხოლოდ პერსონალის არსებობისას, რომელიც ტრენირებულია ანაფილაქტიური რეაქციების გამოვლენასთან და გადაუდებელი დახმარების გაწევასთან დაკავშირებით, ისეთ პირობებში, სადაც არსებობს სრული სარეანიმაციო აღჭურვილობა. გვერდითი ეფექტები უნდა შეფასდეს პრეპარატის თითოეული შეყვანიდან, სულ მცირე 30 წუთის განმავლობაში.
დოზა და გამოყენების წესი
ფერუმ ლეკის გაზავება შეიძლება მხოლოდ ნატრიუმის ქლორიდის ხსნარით (0,9%). არ შეიძლება მისი კომბინირება სხვა რომელიმე გამხსნელთან ან სამკურნალწამლო საშუალებასთან. ეს დაკავშირებულია დალექვის ან არასასურველი სამკურნალწამლო ურთიერთქმედების რისკთან.
ერთ ინფუზიაში შესაყვანი მაქსიმალური ოდენობა არ უნდა აჭარბებდეს 300 მგ-ს (3 ამპულას). შესაყვანი პრეპარატის ჯამური დოზა და საერთო სიხშირე დამოკიდებულია სხეულის მასაზე, ფერიტინის ბაზალურ დონეზე და რკინის სავარაუდო კარგვაზე.
შეყვანის წინ ამპულებს ვიზუალურად ათვალიერებენ. ნებადართულია მხოლოდ ამპულები ჰომოგენური ხსნარით და ნალექის გარეშე.
ქრონიკული თირკმლის უკმარისობა
ფერუმ ლეკი გამოიყენება:
• როცა არსებობს იმის ბიოლოგიური ნიშნები, რომელნიც რკინის მარაგების შევსების შეუძლებლობას მოწმობენ (ფერიტინის დონეები < 100 მკგ/ლ, ტრანსფერინის გაჯერება < 20%) და როდესაც რკინის მარილების პერორალური მიღება არ იძლევა ადექვატურ შედეგს ან ცუდად გადაიტანება;
• თუ ერითროპოეტინით მკურნალობისას რკინის მარაგები ორგანიზმში არასაკმარისია ოპტიმალური ერითროპოეტური პასუხის უზრუნველსაყოფად (ფერიტინის დონეები < 200 მკგ/ლ, ტრანსფერინის გაჯერება < 25%) და რკინის მარილების პერორალური მიღება არ იძლევა აუცილებელ შედეგს ან ცუდად გადაიტანება.
რეკომენდებული დოზა:
• ინდუქციური დოზა კვირაში - 2 – 4 მგ/კგ რკინას შეადგენს, ანუ ერთ-ორ ამპულას (100 – 200 მგ) ოთხი - თორმეტი კვირის განმავლობაში იმ დეფიციტის მიხედვით, რომლის შევსებაც მოითხოვება.
• შემანარჩუნებელ თერაპიაში რკინის სავარაუდო კარგვების კომპენსაციისათვის, რომელნიც დღეში შეადგენენ 2-5 მგ-ს, თვეში ერთხელ - ორჯერ შეიძლება თითო ამპულის შეყვანა (2 მგ/კგ).
აუცილებელია რკინის მარაგის რეგულარულად შემოწმება, ფერიტინის დონეების და ტრანსფერინის გაჯერების შეფასებით.
საერთო საჭირო დოზის გაანგარიშება.
ფერუმ ლეკის დოზა, რომელიც განისაზღვრება გემოგლობინის დონისა და სხეულის მასის მიხედვით და ინდივიდუალურად არის ადაპტირებული რკინის საერთო დეფიციტის გათვალისწინებით, გამოიანგარიშება შემდეგი ფორმულის მიხედვით:
• რკინის საერთო დეფიციტი (მგ) = სხეულის საერთო მასა (კგ) x (Hb-ს მიზნობრივი დონე - Hb-ს ფაქტიური დონე) (გ/100 მლ) X 2,4 + რკინის მარაგები (მგ):
• 35 კგ-ზე დაბალი სხეულის მასის დროს:
Hb-ს მიზნობრივი დონე = 13 გ/100 მლ, რკინის მარაგები = 15 მგ/კგ სხეულის მასაზე;
• 35 კგ და მეტი სხეულის მასის დროს:
Hb-ს მიზნობრივი დონე = 14 გ/100 მლ, რკინის მარაგები = 500 მგ.
კოეფიციენტი 2,4 = 0,0034 X 0,07 X 1000 X 10 (რკინის შემცველობა Hb = 0,34 %, სისხლის მოცულობა = სხეულის მასის 7%, 1000 = გ-ის მგ-ში გადაყვანის კოეფიციენტი, 10 = ლ-1-ის 100 მლ-1-ში გადაყვანის კოეფიციენტი).
ოპერაციის წინა აუტოლოგიური სისხლის დონორობა (ერითროპოეტინთან კომბინაციაში)
ფერუმ ლეკი გამოიყენება მხოლოდ იმ შემთხვევებში, როდესაც რკინის მარაგები არასაკმარისია მისი მოსალოდნელი კარგვების შესავსებად (ფერიტინის დონე < 150 მკგ/ლ). ერითროპოეზისათვის აუცილებელი დროის გათვალისწინებით, თერაპიის დაწყება მიზანშეწონილია არანაკლებ, ვიდრე ორი კვირით ადრე სისხლის პირველ დაკარგვამდე.
რეკომენდებული დოზა შეადგენს კვირაში 2 – 3 მგ/კგ-ს (200 მგ მოზრდილებში) 5 კვირის განმავლობაში. მაქსიმალური დოზა არ უნდა აჭარბებდეს 15 მგ/კგ-ს.
აუტოლოგიური სისხლის გადასხმის დროს აუცილებელი საერთო დოზის გაანგარიშება
თუ ცნობილია სისხლის კარგვის ოდენობა:
2 ამპულის (ან 200 მგ რკინის) შეყვანა გემოგლობინის კონცენტრაციის (15 გ/100 მლ) გაზრდის საშუალებას იძლევა, რაც სისხლის ერთი დოზის (400 მლ) მიღების ექვივალენტურია. აქედან შეიძლება გაანგარიშების შემდეგი მეთოდის გამოყვანა:
• იმ რკინის საერთო რაოდენობა, რომლის შევსებაც არის აუცილებელი [მგ], უდრის სისხლის კარგვის ერთეულების რაოდენობას, გამრავლებულს 200-ზე;
• ფერუმ ლეკის ამპულების საერთო რაოდენობა, რომლის შეყვანაც არის აუცილებელი, უდრის სისხლის კარგვის ერთეულების რაოდენობას, გამრავლებულს 2-ზე.
თუ ცნობილია გემოგლობინის კონცენტრაცია
იყენებენ საერთო ფორმულას, მიაჩნიათ, რომ ამ შემთხვევაში რკინის მარაგების შევსება არ არის საჭირო. ამგვარად, იმ რკინის საერთო რაოდენობა, რომლის შევსებაც არის საჭირო [მგ] = სხეულის მასა [კგ] x 2,4 x (Hb-ს მიზნობრივი დონე - Hb-ს ფაქტიური დონე) [გ/100 მლ].
მაგალითად, სხეულის მასისათვის 60 კგ და გემოგლობინის დეფიციტის 1 გ/100 მლ: აღდგენას დაქვემდებარებული რკინის რაოდენობა უდრის 150 მგ-ს, ანუ ამ შემთხვევაში აუცილებელია ფერუმ ლეკის 1,5 ამპულის შეყვანა.
მწვავე ოპერაციის შემდგომი ანემია ავადმყოფებში, ვინც არ ღებულობს საკვებს პირიდან
ფერუმ ლეკი გამოიყენება: როდესაც გემოგლობინის დონე ეცემა კრიტიკულ ზღვარს ქვემოთ (9 – 10 გ/დლ რისკს დაქვემდებარებულ პაციენტებში, 7 – 8 გ/დლ ჩვეულებრივ პაციენტებში).
რეკომენდებული დოზა
მოზრდილებისათვის: 100-დან 200 მგ-მდე შეყვანათა 1-დან 3-ჯერამდე კვირაში, შეყვანებს შორის 48 საათიანი ინტერვალებით.
ბავშვებისათვის: 3 მგ/კგ სხეულის მასაზე შეყვანათა 1-დან 3-ჯერამდე კვირაში, შეყვანებს შორის 48 საათიანი ინტერვალებით.
შესაყვანი დოზა არ უნდა აჭარბებდეს ჯამურს, გაანგარიშებულს შემდეგი ფორმულით:
რკინის საერთო დეფიციტი (მგ) = სხეულის მასა (კგ) x (Hb-ს მიზნობრივი დონე - Hb-ს ფაქტიური დონე) (გ/100 მლ) x 2,4.
ნაწლავების ქრონიკულ ანთებით დაავადებებთან დაკავშირებული ანემია
ფერუმ ლეკი გამოიყენება, როდესაც გემოგლობინის დონე 10,5 გ/100 მლ-ზე დაბალია.
რეკომენდებული დოზა მოზრდილებისათვის: 100 - 200 მგ შეყვანათა 1-დან 3-ჯერამდე კვირაში, შეყვანებს შორის 48 საათიანი ინტერვალებით.
აუცილებელი ჯამუში დოზის გაანგარიშება
ფერუმ ლეკის დოზა, რომელიც განისაზღვრება გემოგლობინის დონისა და სხეულის მასის მიხედვით და ინდივიდუალურად ადაპტირებულია რკინის საერთო დეფიციტის გათვალისწინებით, გამოიანგარიშება შემდეგი ფორმულის მიხედვით:
• რკინის საერთო დეფიციტი (მგ) = სხეულის საერთო მასა (კგ) x (Hb-ს მიზნობრივი დონე - Hb-ს ფაქტიური დონე) (გ/100 მლ) x 2,4 + რკინის მარაგები (მგ):
• 35 კგ-ზე დაბალი სხეულის მასის დროს:
Hb-ს მიზნობრივი დონე = 13 გ/100 მლ, რკინის მარაგები = 15 მგ/კგ სხეულის მასაზე;
• 35 კგ და მეტი სხეულის მასის დროს:
Hb-ს მიზნობრივი დონე = 14 გ/100 მლ, რკინის მარაგები = 500 მგ.
კოეფიციენტი 2,4 = 0,0034 x 0,07 x 1000 x 10 (რკინის შემცველობა Hb = 0,34 %, სისხლის მოცულობა = სხეულის მასის 7%, 1000 = გ-ის მგ-ში გადაყვანის კოეფიციენტი, 10 = ლ-1-ის 100 მლ-1-ში გადაყვანის კოეფიციენტი).
გამოყენების წესი
პრეპარატი განკუთვნილია მხოლოდ და მხოლოდ ნელი ინფუზიის გზით ინტრავენურად შესაყვანად.
ფერუმ ლეკის ხსნარი უნდა შეყვანილი იქნეს მხოლოდ წვეთოვანი სისტემის მეშვეობით ნელი ინფუზიის გზით ან უშუალოდ ხელოვნური სისხლის მიმოქცევის კონტურში ჰემოდიალიზის დროს.
პირველი შეყვანა სტაციონარის პირობებში უნდა განხორციელდეს.
გამოყენების წინ პრეპარატი უნდა გაზავდეს. გაზავება ხდება უშუალოდ ინფუზიის წინ. პრეპარატის გაზავება შეიძლება მხოლოდ ნატრიუმის ქლორიდის იზოტონური ხსნარით გაანგარიშებით: 1 ამპულა (შეესაბამება 100 მგ რკინას) გაზავდება მაქსიმალურად 100 მლ-მდე 0,9%-იანი ნატრიუმის ქლორიდის საინფუზიო ხსნარით. არა უმეტეს 3 ამპულისა (300 მგ რკინა) შეიძლება გაზავდეს 300 მლ 0,9%-იან ნატრიუმის ქლორიდის საინფუზიო ხსნარში.
მიღებული ხსნარი შეიყვანება ნელი ინფუზიის გზით, სიჩქარით - 3,5 მლ წუთში. ერთ ინფუზიაში შეიძლება არა უმეტეს 3 ამპულის (300 მგ-ის) შეყვანა, რომელთა შეყვანის ხანგრძლივობა უნდა შეადგენდეს არანაკლებ 1,5 საათს.
ფერუმ ლეკის კანქვეშ მოხვედრის თავიდან ასაცილებლად ინფუზიის ჩატარებამდე აუცილებელია ვენაში ნემსის განლაგების სისწორის შემოწმება. პრეპარატის კანქვეშ მოხვედრამ შეყვანის ადგილზე შეიძლება ტკივილის შეგრძნება, ანთება, სტერილური აბსცესების წარმოქმნა და კანის მნიშვნელოვანი ყავისფერი პიგმენტაცია გამოიწვიოს.
ინფუზიის დასრულების შემდეგ ხელი უნდა გეჭიროთ სწორად, იდაყვის სახსარში მოუხრელად.
რკინის მარაგების შევსების შემდეგ მკურნალობას წყვეტენ.
ჰემოდიალიზის სეანსის დროს ხელოვნური სისხლის მიმოქცევის კონტურში შეყვანა
ფერუმ ლეკის შეყვანა შეიძლება ჰემოდიალიზის სეანსის დროს უშუალოდ ექსტრაკორპორალური კონტურის ვენოზურ უბანში შეიძლება იმავე პირობების დაცვით, როგორც ინტრავენური ინფუზიისთვის.
ჭარბი დოზირება
დოზის გადაჭარბებამ შეიძლება რკინის ჭარბი დოზირება გამოიწვიოს, რომელიც ვლინდება ჰემოსიდეროზის სახით. აუცილებლობის შემთხვევაში ჭარბი დოზირების მკურნალობა აუცილებელია პრეპარატებით, რომლებიც წარმოქმნიან ხელატურ ნაერთებს რკინასთან.
შესაძლო გვერდითი ეფექტები
დარღვევები იმუნური სისტემის მხრივ
ანაფილაქტოიდური რეაქციები, ქოშინის, ჭინჭრის ციების, გამონაყარის, გულისრევის და ჟრჟოლის ჩათვლით.
მწვავე მძიმე ანაფილაქტოიდური რეაქციები (უეცარი სუნთქვის გაძნელება და/ან მწვავე გულ-სისხლძარღვოვანი უკმარისობა); არსებობს შეტყობინებები ლეტარული შედეგების შესახებ.
აღწერულია მძიმე გადავადებული რეაქციები, რომლებიც ხასიათდება ართრალგიით, მიალგიით და ზოგჯერ ციებ-ცხელებით.
დარღვევები ნერვული სისტემის მხრივ
გონების დაკარგვა, კრუნჩხვები, თავბრუსხვევა, თავის ტკივილი, პარესტეზია, გემოს ტრანზიტორული დამახინჯება.
დარღვევები გულის მხრივ
არითმია, ტაქიკარდია, ძლიერი გულისცემა.
დარღვევები სისხლძარღვების მხრივ
ჰიპოტენზია, ჰიპერტენზია.
დარღვევები სასუნთქი სისტემის, გულმკერდის და შუასაყრის ორგანოების მხრივ
ბრონქოსპაზმი, ქოშინი.
დარღვევები კუჭ-ნაწლავის ტრაქტის მხრივ
გულისრევა, ღებინება, მუცლის ტკივილი, დიარეა.
დარღვევები კანის და კანქვეშა ქსოვილების მხრივ
ქავილი, ჭინჭრის ციება, ანგიონევროტული შეშუპება, ოფლიანობა.
დარღვევები ჩონჩხ-კუნთოვანი სისტემის და შემაერთებელი ქსოვილის მხრივ.
კუნთოვანი სპაზმები, მიალგია, ართრალგია.
დარღვევები თირკმელების და შარდგამომყოფი გზების მხრივ
ქრომატურია.
საერთო დარღვევები და დარღვევები შეყვანის ადგილას
ციებ-ცხელება, ჟრჟოლა, შეწითლება, ტკივილი გულმკერდის არეში, შებოჭილობის შეგრძნება, დაღლილობა, დარღვევები შეყვანის ადგილას, როგორიცაა ზედაპირული ფლებიტი, წვა, შეშუპებულობა.
შენახვის პირობები
შეინახეთ ბავშვებისათვის მიუწვდომელ ადგილას.
შეინახეთ ორიგინალურ შეფუთვაში არაუმეტეს 25°C ტემპერატურაზე.
ამპულის გახსნის შემდეგ პრეპარატი უნდა გამოიყენოთ დაუყოვნებლივ. არ გაყინოთ.
ვარგისიანობის ვადა: 3 წელი. არ გამოიყენოთ შეფუთვაზე მითითებული ვარგისიანობის ვადის ამოწურვის შემდეგ.
გაცემის პირობები
რეცეპტის მიხედვით.
სად შევიძინოთ?