Nuk
წითელი მოცვის ფოთოლი / Folia Vaccini vitis-idaea

  • საერთაშორისო დასახელება (აქტიური ნივთიერება): comb. drug
  • კლინიკურ-ფარმაკოლოგიური ჯგუფი: ფიტოპრეპარატები
  • მწარმოებელი კომპანია: ნატურფარმი
  • მწარმოებელი ქვეყანა: საქართველო
  • გამოშვების ფორმა: 50 გრ. მცენარე მუყაოს კოლოფში
  • გაცემის რეჟიმი: III ჯგუფი (ურეცეპტოდ)

შემადგენლობა

წითელი მოცვის ფოთოლი შეიცავს ფენოლურ გლიკოზიდებს არბუტინსა და მეთილარბუტინს, ვაკცინინს, ლიკოპინს, ჰიდროქინონის წარმოებულებს, ურსოლის, ღვინის, პალოის, ელაგის მჟავეებს, ტანინს და სხვა ფლავონოიდებს

ფარმაკოლოგიური თვისებები
პრეპარატს მასში შემავალი არბუტინის გამო აქვს მადეზინფიცირებელი, ნაღვლმდენი და შარდმდენი მოქმედება. ჰიდროლიზის დროს არბუტინი იშლება ჰიდროქინონად, რომელიც ავლენს ბაქტერიოციდულ და შარდმდენ ეფექტს. პრეპარატის ანტისეპტიკურ მოქმედებას აძლიერებს მთრიმლავი ნივთიერებები. კატეხინები ამცირებენ კაპილარების განვლადობას და “მტვრევადობას”. დიურეზული მოქმედება ძლიერდება სხვა დიურეზულ საშუალებებთან (დათვის კენკრა, თირკმლის ჩაი) კომპლექსში

ჩვენებები
ფარმაკოთერაპიული ჯგუფი: ნაღვლმდენი და შარდმდენი საშუალება. 
გამოიყენება როგორც შარდმდენი, ნაღვლმდენი, ანტისეპტიკური და შემომგარსველი საშუალება თირკმლისა და შარდის ბუშტის დაავადებების (პიელიტები, ცისტიტი), ნაღველ-კენჭოვანი დაავადებების, გასტროენტერიტების, ფაღარათის, მეტეორიზმის და ქრონიკული ყაბზობის დროს. წითელი მოცვის ფოთლის ნაყენი გამოიყენება მინერალური ცვლის დარღვევით მიმდინარე დაავადებების (ოსტრეოქონდროზი, პოდაგრა), აგრეთვე რევმატიული, ინფექციური არასპეციფიკური ართრიტის დროს. ეფექტურია A და C ვიტამინის ავიტამინოზის შემთხვევაში

სად შევიძინოთ?