Nuk
მოლოქსინი / Moloxin


რას წარმოადგენს მოლოქსინი და რისთვის გამოიყენება?
მოლოქსინი შეიცავს აქტიურ ნივთიერებას მოქსიფლოქსაცინს, რომელიც მიეკუთვნება ანტიბიოტიკების ჯგუფს, რომლებიც იწოდებიან ფტორქინოლონებად. პრეპარატის მოქმედების მექანიზმი მდგომარეობს იმაში, რომ მოლოქსინი კლავს ინფექციის გამომწვევ ბაქტერიას. მოლოქსინი გამოიყენება 18 წლის და უფროსი ასაკის პაციენტებში ბაქტერიული ინფექციის მკურნალობისათვის, თუUკი ეს ინფექცია გამოწვეულია მოქსიფლოქსაცინის მიმართ მგრძნობიარე ბაქტერიებით. მოლოქსინი გამოიყენება შემდეგი ინფექციების სამკურნალოდ, რომლის დროსაც სხვა ანტიბიოტიკების გამოყენება შეუძლებელია ან არაეფექტურია:
• სინუსიტი
• სასუნთქი გზების ქრონიკული დაავადებების გამწვავების და საყოფაცხოვრებო  პნევმონიის დროს.
• მენჯის ღრუს ორგანოების ინფექციური დაავადების დროს.
• კანის და რბილი ქსოვილის ინფექციები. 

ინფორმაცია მოლოქსინის გამოყენებამდე
თუ რაიმეში არ ხართ დარწმუნებული მიმართეთ ექიმს.
თუ აღინიშნება შემდეგი შემთხვევები არ შეიძლება მოლოქსინის გამოყენება:
• ალერგია მოქსიფლოქსაცინის ან სხვა ქინოლონის ანტიბიოტიკების ან ამ მედიკამენტის შემადგენლობაში შემავალი ნებისმიერი დამხმარე ინგრედიენტის მიმართ (იხ. პუნქტი 6).
• ორსულობის და ლაქტაციის დროს
• 18 წლამდე ასაკის პაციენტებში.
• თუ პრეისტორიაში აღინიშნებოდა სახსრების პრობლემები ქინოლონის ჯგუფის ანტიბიოტიკებით მკურნალობის დროს (იხ. პუნქტი 2 ,,ინფორმაცია ქინოლონის გამოყენებამდე , ,,გაფრთხილებები და უსაფრთხოების ზომები”)
• თუ გახასიათებთ თანდაყოლილი ან შეძენილი დაავადებები:
- გულის რითმის დარღვევასთან დაკავშირებული ნებისმიერი შემთხვევა (ელ. კარდიოგრამის დარღვევები, გულის აქტივობის დარღვევა)
- ელექტროლიტების დისბალანსი (სისხლში კალიუმის და მაგნიუმის დაბალი დონე)
- გულის რითმის შენელება (ბრადიკარდია)
- გულის უკმარისობა
- არითმია (რითმის დარღვევა) ან
- თუ იღებთ მედიკამენტებს, რომლებმაც შესაძლოა გამოიწვიონ ელ. კარდიოგრამის ცვლილებები. მოლქოსინმა ასევე შესალოა გამოიწვიოს ელ. კარდიოგრამის ცვლილებები და Qთ ინტერვალის გახანგრძლივება, რაც მიუთითებს გულის გამტარობის დარღვევაზე.
• თუ აღინიშნება ღვიძლის სერიოზული დარღვევები ან ღვიძლის ფერმენტების დონის მომატება (ტრანსამინაზების გაზრდა) ნორმაზე 5 ჯერ მაღლა.

გაფრთხილებები და უსაფრთხოების ზომები
მოლოქსინის გამოყენებამდე მიმართეთ ექიმს.
• მოლოქსინმა შესაძლოა გამოიწვიოს გულის ელ. კარდიოგრამის ცვლილებები, განსაკუთრებით ქალებში და ხანდაზმულებში. თუ აღინიშნება სისხლში კალიუმის ნაკლებობა უნდა მიმართოთ ექიმს კონსულტაციისათვის მოლოქსინის გამოყენებამდე (იხ. პუნქტი 2 ინფორმაცია მოლოქსინის გამოყენებამდე,, და ,,მოლოქსინის გამოყენება სხვა სამკურნალო საშუალებებთან ერთად).
• თუ პაციენტს აღენიშნება ეპილეფსია უნდა მიმართოს ექიმს კონსულტაციისათვის მოლოქსინის გამოყენებამდე.
• თუ წარსულში აღინიშნებოდა ნებისმიერი სახის ფსიქიური დარღვევები უნდა მიმართოთ ექიმს მოლოქსინის გამოყენებამდე.
• თუ პაციენტს აღენიშნება მიასთენია (კუნთების სისუსტე) შესაძლოა მოლოქსინმა გამოიწვიოს სიმპტომების გამწვავება. ასეთ შემთხვევაში უნდა მიმართოთ ექიმს დაუყონებლივ.
• თუ პაციენტს ან მის ახლო ნათესავს აღენიშნება ან წარსულში გამოუვლინდა გლუკოზა 6-ფოსფატის დეჰიროგენაზა (იშვიათი თანდაყოლილი დაავადება) უნდა აცნობოთ ექიმს ამის შესახებ, ექიმი შეაფასებს მდგომარეობას და მიიღებს გადაწყვეტილებას მოლოქსინის სწორი გამოყენების შესახებ.
• მენჯის ღრუს ორგანოების მსუბუქი ან ზომიერი სირთულის ინფექციების სამკურნალოდ ექიმი მოლოქსინთან ერთად ნიშნავს სხვა ანტიბაქტერიულ საშუალებებსაც. თუ მკურნალობის პირველი 3 დღის შემდეგ არ აღინიშნება სიმპტომების შემსუბუქება პაციენტმა უნდა მიმართოს ექიმს.

მოლოქსინით მკურნალობის დროს:
• თუ პაციენტს მკურნალობის დროს აღენიშნება არარეგულარული გულისცემა დაუყონებლივ უნდა მიმართოს ექიმს. ექიმმა შესაძლოა მოითხოვოს ელ.კარდიოგრამის გადაღება.
• შესაძლოა აღინიშნოს გულ-სისხლზარღვთა სისტემის მხრივ გართულების რისკის გაზრდა დოზირების გაზრდასთან ერთად. ამიტომ აუცილებელია დაიცვათ სწორი დოზირება.
• არსებობს უეცარი ალერგიული რეაქციების (ანაფილაქსიური რეაქციების და ანაფილაქსიური შოკის) გამოვლენის დიდი რისკი, მათ შორის პირველი დოზის მიღების შემდეგაც, რომელსაც ახლავს შემდეგი სიმპტომები: მკერდის არეში მოჭერის შეგრძნება, თავბრუსხვევა, სისუსტის შეგრძნება ან გულყრა, და ორთოსტაზული ჰიპოტონია. მსგავსი ეფექტების გამოვლენისთანავე უნდა შეწყვიტოთ მოლოქსინის მიღება და მიმართოთ ექიმს.
• მოლოქსინმა შესაძლოა გმოიწვიოს ჰეპატიტის რთული ფორმა, რამაც შესაძლოა გამოიწვიოს სიცოცხლისათვის საშიში ღვიძლის უკმარისობა (მათ შორის ლეტალური შედეგით, იხ. პუნქტი 4. მოსალოდნელი გვერდითი ეფექტები). მიმართეთ ექიმს თუ აღინიშნება ისეთი სიმპტომები, როგორიცაა ხასიათის და/ან ჯანმრთელობის მდგომარეობის უეცარი გაუარესება, რაც ვლინდება სიმპტომებით, როგორიცაა თვალების სიყვითლე, შარდის გამუქება, ქავილი, მიდრეკილება სისხლდენის მიმართ და ღვიძლის ფუნქციის დარღვევები.
• თუ აღინიშნება კანზე ცვლილებები და წყლულები და/ან კანის აქერცვლა,(იხ. პუნქტი 4. მოსალოდნელი გვერდითი ეფექტები) დაუყონებლივ უნდა მიმართოთ ექიმს მომდევნო დოზის მიღებამდე.
• ქინოლინის ჯქუფის ანტიბიოტიკებმა, მათ შორის მოლოქსინმა შესაძლოა გამოიწვიოს კრუნჩხვა. კრუნჩხვის შემთხვევაში უნდა შეწყვიტოთ მოლოქსინის მიღება და მიმართოთ ექიმს.
• თუ აღინიშნება ნეიროპათიული სიმპტომები, როგორიცაა ტკივილი, წვა, ჩხვლეტის, დაბუჟების ან სისუსტის შეგრძნება დაუყონებლივ უნდა მიმართოთ ექიმს მომდევნო დოზის მიღებამდე.
• შესაძლოა აღინიშნოს ფსიქიური პრობლემები, მათ შორის პირველი ჯგუფის ქინოლინის ანტიბიოტიკების გამოყენების დროს, ასევე მოლოქსინის გამოყენების დროსაც. ძალიან იშვიათ შემთხვევებში შესაძლოა აღინიშნოს დეპრესია და ანორექცია, რამაც შესაძლოა გამოიწვიოს სუიციდური აზრები და თვითდაზიანების მცდელობები თვითმკვლელობის მიზნით. (იხ. პუნქტი 4. მოსალოდნელი გვერდითი ეფექტები). თუ აღინიშნება მსგავსი სიმპტომები, დაუყონებლივ უნდა შეწყვიტოთ პრეპარატის მიღება და მიმართოთ ექიმს. 
• მოლოქსინის გამოყენების დროს და მისი გამოყენების შემდეგაც შესაძლოა განვითარდეს დიარეა. თუ დიარეა შენარჩუნდება დიდი ხნის მანძილზე ან აღინიშნება სისხლიანი განავალი უნდა შეწყვიტოთ მოლოქსინის გამოყენება და მიმართოთ ექიმს. ასეთ შემთხვევაში უნდა გამოიყენოთ ფაღარათის საწინააღმდეგო და ნაწლავის პერისტალტიკის შესანელებელი საშუალებები. 
• მოლოქსინმა ხანდახან შესაძლოა გამოიწვიოს მყესების ტკივილი და ანთება, მათ შორის მკურნალობის დაწყებიდან 48 საათის განმავლობაში და გაგრძელდეს მკურნალობის დასრულებიდან რამოდენიმე თვის მანძილძე. მყესების ანთების და გახლეჩვის რისკი მაღალია ხანდაზმულებში და პაციენტებში, რომლებიც ერთდროულად მკურნალობენ კორტიკოსტეროიდულებით. ტკივილის ან ანთების პირველივე სიმპტომების გამოვლენისას უნდა შეწყვიტოთ მოლოქსინის გამოყენება და მიმართოთ ექიმს. დაზიანებული მყესები უნდა დაასვენოთ და უნდა მოერიდოთ ფიზიკურ დატვირთვას, რომ არ მოხდეს მყესის გახლეჩვა (იხ. პუნქტი 2 ,,ინფორმაცია მოლოქსინის გამოყენებამდე და პუნქტი 4. მოსალოდნელი გვერდითი ეფექტები).
• ხანდაზმულმა პაციენტებმა, რომლებსაც აღენიშნებათ თირკმლის უკმარისობა უნდა  მიიღონ საკმარისი რაოდენობის წყალი, რადგან სითხის ნაკლებობამ შესაძლოა გაზარდოს თირკმლის უკმარისობის რისკი.
• თუ მოლოქსინის გამოყენების დროს აღინიშნება მხედველობის გაუარესება ან მხედველობის სხვა დარღვევები დროულად მიმართეთ ექიმს (იხ. პუნქტი 2. ,,ინფორმაცია მოლოქსინის გამოყენებამდე” და ,,ზეგავლენა ავტომობილისა და მექანიზმების მართვის უნარზე”, ასევე პუნქტი 4. ,,მოსალოდნელი გვერდითი ეფექტები”).
• ქინოლინის ჯგუფის ანტიბიოტიკებმა შესალოა გაზარდონ კანის მგრძნობელობა მზის ან ულტრაიისფერი სხივების მიმართ. მკურნალობის პერიოდში უნდა მოერიდოთ მზის სინათლეზე ხანგრძლივ ყოფნას და ულტრაიისფერ გამოსხივებას.
• მოქსიფლოქსაცინის ეფექტურობა რთული დამწვრობების, ღრმა ინფექციების ან დიაბეტური ოსტეომიელიტის (ძვლის ინფექცია) მკურნალობისას არ არის დადგენილი.

ბავშვები და მოზარდები
ამ მედიკამენტის გამოყენება არ შეიძლება ბავშვებში და 18 წლამდე ასაკის მოზარდებში, რადგან არ არის დადასტურებული ამ ასაკობრივ ჯგუფში პრეპარტის გამოყენების ეფექეტურობა და უსაფრთხოება (იხ. პუნქტი 2 ,,ინფორმაცია მოლოქსინის გამოყენებამდე” და ,,არ შეიძლება მოლოქსინის გამოყენება”).

მოლოქსინის გამოყენება სხვა მედიკამენტებთან ერთად
აცნობეთ ექიმს ან ფარმაცევტს თუ იღებთ ან ცოტახნის წინ მიიღეთ სხვა მედიკამენტები, მათ შორის ურეცეპტოდ გაცემულიც.
მოლოქსინის გამოყენებისას გასათვალისწინებელია:
• თუ იღებთ მოლოქსინთან ერთად გულ-სისხლძარღვთა სისტემის სამკურნალო მედიკამენტებს, რადგან  შესაძლოა გაიზარდოს არითმიის რისკი. ამიტომ მოლოქსინის გამოყენება არ შეიძლება შემდეგ მედიკამენტებთან ერთად:
- მედიკამენტები, რომლებიც მიეკუთბნებიან ანტიარითმიული პრეპარატების ჯგუფს (მაგ. ქინიდინი, ჰიდროქინიდინი, დიზოპირამიდი, ამიოდარონი, სოტალოლი, დოფეტილიდი, იბუტილიდი)
- ანტიფსიქოზური (მაგ., ფენოთიაზინი, პიმოზიდი, სერტინდოლომი, ჰალოპერიდოლი, სულტოპრიდი)
- ტრიციკლური ანტიდეპრესანტები
- ზოგიერთი ინფექციის სამკურნალო საშუალებები (მაგ., საკვირავირი, სპარფლოქსაცინი, ვენაში შესაყვანი ერითრომიცინი, პენტამიდინი, მალარიის საწინააღმდეგო პრეპარატები, განსაკუთრებით ჰალოფანტრინი).
- ზოგიერთი ანტიჰისტამინური პრეპარატები (მაგ., ტერფენადინი, ასტემიზოლი, მიზოლასტინი)
- სხვა მედიკამენტები (მაგ., ციზაპრიდი, ინტრავენური ვანკამინი, ბეპრიდილი და დიფემანილი).
• აცნობეთ ექიმს, თუ იღებთ მედიკამენტებს, რომლებმაც შესაძლოა გამოიწვიოს სისხლში კალიუმის დონის შემცირება (მაგ., ზოგიერთი დიურეზული და საფაღარათო საშუალებები მაღალი დოზირებით) ან გლუკოკორტიკოიდები (ანთების საწინააღმდეგო საშუალებები, ამფოტერიცინი B) ან არითმიის სამკურნალო საშუალებები, რადგან შესაძლოა გაიზარდოს გულის არითმიის გამოვლენის რისკი მოლოქსინის გამოყენებისას.
• მედიკამენტებმა, რომლებიც შეიცავენ მაგნიუმს ან ალუმინს (მაგ., ანტაციდები, რომლებიც გამოიყენება საჭმლის მონელებისათვის), მედიკამენტებმა, რომლებიც შეიცავენ რკინას ან ცინკს, დიდანოზინს ან მედიკამენტებმა, რომლებიც შეიცავენ სუკრალფატს, რომელიც გამოიყენება კუჭ-ნაწლავის ტრაქტის სამკურნალოდ, შესაძლოა გამოიწვიონ მოლოქსინის ეფექტურობის შემცირება. ამიტომ უნდა დაიცვათ 6 საათიანი ინტერვალი ამ პრეპარატების მიღებებს შორის.
• მოლოქსინის და იმ მედიკამენტების ერთდროული მიღება, რომლებიც შეიცავენ ნახშირწყლებს ასუსტებს მოლოქსინის მოქმედებას. ამიტომ არ შეიძლება ამ ორი პრეპარატის ერთდროული გამოყენება.
• თუ იღებთ პერორალურ ანტიკოაგულურებს (მაგ., ვარფარინი) ექიმმა უნდა ჩაატაროს ანალიზი სისხლის შედედების დროის კონტროლის მიზნით.

მოლოქსინის გამოყენება საკვებ და სასმელ პროდუქტებთან ერთად
მოლოქსინის მიღება შესაძლებელია საკვებთან ერთად ან მისგან დამოუკიდებლად (რძის პროდუქტების ჩათვლით, გარდა იოგურტისა).

ორსულობა, ლაქტაცია და ფერტილობა
არ შეიძლება მოლოქსინის გამოყენება ორსულობის და ლაქტაციის პერიოდში.
თუ ხართ ორსულად ან კვებავთ ჩვილს ძუძუთი ან ეჭვობთ, რომ შესაძლოა იყოთ ორსულად ან გეგმავთ ორსულობას უნდა მიმართოთ ექიმს ან ფარმაცევტს ამ პრეპარატის გამოყენებამდე.
ცხოველებზე ჩატარებულმა გამოკვლევებმა არ გამოავლინა მოქსიფლოქსაცინის არანაირი ეფექტი ფერტილობაზე.

ზეგავლენა ავტომობილისა და მექანიზმების მართვის უნარზე
მოლოქსინმა შესაძლოა გამოიწვიოს თავბრუსხვევა, მხედველობის უეცარი დაკარგვა, ამიტომ მკურნალობის პერიოდში არ უნდა მართოთ ავტომობილი და მექანიზმები.

მოლოქსინის გამოყენების წესი
ეს მედიკამენტი ყოველთვის გამოიყენეთ ზუსტად ექიმის ან ფარმაცევტის დანიშნულების მიხედვით. 
რეკომენდებული დოზა უფროსებისათვის შეადგენს 400მგ მოლოქსინის 1 შემოგარსულ ტაბლეტს დღეში ერთჯერ. ტაბლეტი უნდა გადაყლაპოთ მთლიანად და მიიღოთ დიდი რაოდენობის წყლის მიყოლებით. მოლოქსინი მიიღება საკვებთან ერთად ან მის გარეშე. რეკომენდებულია პრეპარატის მიღება დღის ერთიდაიმავე დროს. ხანდაზმულებში, მცირე წონის მქონე პაციენტებში ან თირკმელების ფუნქციის დარღვევის მქონე პაციენტებში არ არის საჭირო დოზირები კორექცია.
მკურნალობის ხანგრძლივობა დამოკიდებულია ინფექციის სახეობაზე. მოლოქსინის მიღება რეკომენდებულია შემდეგი ხანგრძლივობით:
• ქრონიკული ბრონქიტი: 5-დან 10 დღემდე.
• საყოფაცხოვრებო პნევმონია: 10 დღე.
• მწვავე სინუსიტი (ბაქტერიული სინუსიტის გამწვავება): 7 დღე
• მენჯის ღრუს ორგანოების ანთებითი დაავადებები: 14 დღე.
თუ მოლოქსინის ტაბლეტები გამოიყენება მოქსიფლოქსაცინის საინფუზიო ხსნარის შემდეგ დამატებითი მკურნალობის სახით გამოყენების ხანგრძლივობა შეადგენს: 
• უმეტეს პაციენტებში, პნევმონიის მკურნალობის შემდეგ საინექციო ფორმით, მოქსიფლოქსაცინის ტაბლეტები გამოყენებული იქნა დამატებით 4 დღის განმავლობაში. 
• კანისა და რბილი ქსოვილის ინფექციები 7-21 დღე.
უმეტეს პაციენტებში კანისა და რბილი ქსოვილის ინფექციების მკურნალობისას პერორალურ ტაბლეტებზე გადასვლის შემდეგ გამოიყენებოდა შემოგარსული ტაბლეტები 6 დღის განმავლობაში.
მნიშვნელოვანია, რომ მკურნალობის კურსი მიიყვანოთ ბოლომდე, იმ შემთხვევაშიც თუ თავს იგრძნობთ კარგად. მედიკამენტის მიღების დროზე ადრე შეწყვეტა იწვევს ინფექციის გამოვლენის რეციდივს და მოლოქსინის მიმართ რეზისტენტობის ჩამოყალიბებას და მდგომარეობის გაუარესებას. არ გადააჭარბოთ რეკომენდებულ დოზას და მკურნალობის ხანგრძლივობას (იხ. პუნქტი 2 ,,ინფორმაცია მოლოქსინის გამოყენებამდე”, ,,გაფრთხილებები და უსაფრთხოების ზომები”).

დოზის გადაჭარბება
თუ შემთხვევით მიიღეთ დღეში მოლოქსინის ერთ ტაბლეტზე მეტი დოზა, დაუყონებლივ უნდა მიმართოთ ექიმს. თან იქონიეთ დარჩენილი ტაბლეტები ან პრეპარატის შეფუთვა, რომ აჩვენოთ ექიმს რათა გაუადვილდეს უსაფრთხოების ზომების მიღება.

დოზირების გამოტოვების შემთხვევაში
თუ შემთხვევით დაგავიწყდათ ტაბლეტის მიღება, უნდა მიიღოთ ის გახსენებისთანავე იმავე დღეს. მეორე დღეს უნდა განაგრძოთ ტაბლეტის მიღება ჩვეულებრივ რეჟიმის მიხედვით. არ მიიღოთ ორმაგი დოზა გამოტოვებული დოზირების კომპენსირების მიზნით. ნებისმიერი გაურკვევლობის შემთხვევაში მიმართეთ ექიმს ან ფარმაცევტს. 

თუ გსურთ მოლოქსინის მიღების შეწყვეტა
მკურნალობის დროზე ადრე შეწყვეტის შემთხვევაში შესაძლოა ინფექცია არ იყოს ბოლომდე განკურნებული და აღინიშნოს მისი რეციდივი. თუ გსურთ მკურნალობის შეწყვეტა უნდა მიმართოთ ექიმს კონსულტაციისათვის. ნებისმიერი კითხვების შემთხვევაში აღნიშნული მედიკამენტის შესახებ მიმართეთ ექიმს ან ფარმაცევტს.

მოსალოდნელი გვერდითი ეფექტები
ნებისმიერი მედიკამენტის მსგავსად ამ პრეპარატმაც შესალოა გამოიწვიოს გვერდითი ეფექტები, თუმცა არა ნებისმიერ პაციენტში. მოქსიფლოქსაცინის გამოყენებისას აღინიშნა შემდეგი გვერდითი ეფექტები.
ხშირი გვერდითი ეფექტებია (ვლინდება 10 პაციენტიდან 1 ზე მეტში):
• ინფექციები, რომლებიც გამოწვეულია პრეპარატის მიმართ მდგრადი ბაქტერიებით ან სოკოვანი ინფექციებით, მაგ., რძიანა და ვაგინალური კანდიდოზი
• თავის ტკივილი
• თავბრუსხვევა
• არითმია პაციენტებში, რომლებსაც აღენიშნებათ სისხლში კალიუმის დაბალი დონე (იხ. პუნქტი 2, ,,ინფორმაცია მოლოქსინის გამოყენებამდე”).
• ღებინება
• გულისრევა
• კუჭის და მუცლის ტკივილი
• ფაღარათი
• ღვიძლის ზოგიერთი ფერმენტების დონის მომატება (ტრანსამინაზების).

არახშირი გვერდითი ეფექტები (ვლინდება 100 პაციენტიდან 1 ზე მეტში):
• ალერგიული რეაქციები
• ერითროციტების რაოდენობის შემცირება (ანემია)
• ლეიკოციტების რაოდენობის შემცირება
• ნეიტრიფილების რაოდენობის შემცირება.
• თრომბოციტოპენია
• ეოზინოფილების რაოდენობის გაზრდა 
• სისხლის შედედების დაქვეითება
• სისხლში ცხიმების რაოდენობის გაზრდა
• შიშის და შფოთის შეგრძნება, გაღიზიანება ან აღგზნებადობა
• ჩხვლეტის და დაბუჟების შეგრძნება
• გემოს დარღვევები (ძალიან იშვიათ შემთხვევებში გემოს დაკარგვა)
• დაბნეულობა და დეზორიენტაცია
• ძილის პრობლემები (უძილობა ან ძილიანობა)
• კანკალი
• თავბრუსხვევა (ვარდნის შეგრძნება)
• მხედველობის პრობლემები (გაორება ან დაბინდვა)
• არითმია, გულისცემა არარეგულარული ან აჩქარებული, გულის კუმშვის სიხშირის შემცირება, მკერდის არეში ტკივილი (სტენოკარდია) (იხ. პუნქტი 2 ,,ინფორმაცია მოლოქსინის გამოყენებამდე)
• სისხლძარღვების გაფართოვება (სისხლი მიწოლა)
• სუნთქვის პრობლემები (ასთმური სიმპტომები)
• მადის დაკარგვა ან მომატება
• ყაბზობა
• კუჭ-ნაწლავის ტრაქტის მხრივ უსიამოვნო სეგრძნება. (დისპეფსია ან გულძმარვა)
• გასტრიტი
• სისხლში საჭმლის მომნელებელი ფერმენტების გაზრდა (ამილაზა)
• ღვიძლის ფუნქციის დარღვევა (მათ შორის სისხლში LDH ღვიძლის ფერმენტების აქტივბის მომატება: სისხლში ბილირუბინის და ღვიძლის ფერმენტების მომატება -გამაგლუტამინტრანსაფერაზა და/ან ტუტეფოსტატაზა).
• ქავილი, კანზე გამონაყარი, კანის სიმშრალე
• სახსრების ტკივილი, კუნთების ტკივილი
• დეჰიდრატაცია
• შეუძლოდ ყოფნა (სისუსტის შეგრძნება, დაღლილობა), ზურგის ტკივილი, მკერდის არეში ტკივილი, ზურგისა და კიდურების ტკივილი
• ჭარბი ოფლიანობა

იშვიათი გვერდითი ეფექტები (მოსალოდნელია 1000 პაციენტიდან 1 ზე მეტში):
• ძლიერი, უეცარი ალერგიული რეაქციები, მათ შორის სიცოცხლისათვის საშიში ანაგილაქსიური შოკი (მაგ., სუნთქვის გართულება, არტერიული წნევის მკვეთრი შემცირება, გულისცემის გახშირება), შეშუპება (მათ შორის სიცოცხლისათვის საშიში სასუნთქი გზების შეშუპება).
• რთული დიარეა სისხლის თანხლებით, რაც შესაძლოა საშიში იყოს სიცოცხლისათვის (ანტიბიოტიკებთან ასოცირებული კოლიტი, მათ შორის ფსევდომემბრანული კოლიტი)
• სიყვითლე (თვალის და კანის), ჰეპატიტი.
• მყესების ტკივილი და შეშუპება (ტენდინიტის)
• სისხლში შაქრის დონის გაზრდა
• სისხლში შარდმჟავას დონის გაზრდა
• ემოციური ლაბილურობა
• დეპრესია (ძალიან იშვიათად შესალოა გამოიწვიოს თვითდაზიანების და სუიციდური ქმედებების მიმართ მიდრეკილება)
• ჰალუცინაციები
• კანის მგრძნობელობა
• ყნოსვის დარღვევები (მათ შორის დაკარგვა)
• ანომალიური სიზმრები
• მოძრაობის და კოორდინაციის დარღვევა (თავბრუსხვევის გამო)
• კრუნჩხვა
• კონცენტრაციის დარღვევა
• მეტყველების დარღვევა
• მეხსიერების ნაწილობრივი ან სრული დარღვევა
• ნერვული სისტემის მხრივ დარღვევები, როგორიცაა ტკივილის, წვის, ჩხვლეტის, დაბუჟების ან კიდურების სისუტის შეგრძნება.
• შუილი და ხმაური ყურებში, სმენის დაკარგვა სიყრუემდე (დროებითი)
• არითმია, გულყრა (იხ. პუნქტი. 2 ინფორმაცია მოლოქსინის გამოყენებამდე)
• მაღალი ან დაბალი წნევა
• ყლაპვის გართულება
• პირის ღრუს ლორწოვანი გარსის ანთება
• კუნთების სპაზმი და კანკალი
• კუნთების სისუსტე
• თირკმლის უკმარისობა
 (მათ შორის თირკმლის ფუნქციონალური მაჩვენებლების მომატება, როგორიცაა შარდოვანა და კრეატინინი).
• შეშუპება (ხელ-ფეხის, ტუჩების ან ყელის)

ძალიან იშვიათი გვერდითი ეფექტები (ვლინდება 10 000 პაციენტიდან 1 ზე მეტში):
• რთული ჰეპატიტი, რაც შესაძლოა საშიში იყოს სიცოცხლისათვის (მათ შორის ლეტალური შედეგით), თირკმლის უკმარისობა
• კანისა და ლორწოვანი გარსის ცვლილებები (პირის ღრუში/ცხვირში ან სასქესო ორგანოებზე მტკივნეული ბუშტუკები), სიცოცხლისათვის პოტენციურად საშიში (სტივენს-ჯონსის სინდრომი, ტოქსიური ეპიდერმული ნეკროლიზი)
• მყესების გახლეჩვა
• სისხლის შედედების მომატება, ლეიკოციტების რაოდენობის შემცირება (აგრანულოციტოზი)
• ფსიქიური დარღვევები (რამაც შესაძლოა გამოიწვიოს თვითდაზიანების ან სუიციდური მცდელობები)
• გარდამავალი მხედველობის დარღვევა
• კანის მგრძნობელობის მომატება
• არითმია სიცოცხლისათვის საშიში (იხ. პუნქტი 2 ,,ინფორმაცია მოლოქსინის გამოყენებამდე”).
• ართრიტი
• კუნთების რიგიდულობა
• მიასთენია (კუნთების სისუსტე, რთულ შემთხვევებში დამბლა)

შემდეგი გვერდითი ეფექტები გამოვლინდა ძალიან იშვაითად სხვა ქინოლინის ჯგუფის ანტიბიოტიკების გამოყენებისას, რაც ასევე შესაძლოა აღინიშნოს მოლოქსინის გამოყენების დროსაც:
• სისხლში ნატრიუმის დონის მომატება
• სისხლში კალციუმის დონის მომატება
• სისხლში წითელი უჯრედების რაოდენობის შემცირება (ჰემოლიზური ანემია)
• კუნთების უჯრედების დარღვევები
• კანის მომატებული მგრძნობელობა სინათლის ან ულტრაიისფერი სხივების მიმართ.

ინფორმაცია გვერდითი ეფექტების შესახებ
თუ შენიშნავთ ნებისმიერ გვერდით მოვლენას, მათ შორის ისეთ ეფექტებს, რომლებიც არ არის აღწერილი გამოყენების ინსტრუქციაში აცნობეთ ექიმს ან ფარმაცევტს.

 

მალოქსინის შენახვის პირობები
შეინახეთ ბავშვებისაგან მიუწვდომელ ადგილას.
არ გამოიყენოთ შეფუთვაზე აღნიშნული ვარგისიანობის ვადის გასვლის შემდეგ. ვარგისიანობის ვადა ვრცელდება აღნიშნული თვის ბოლო დღემდე.
სერიის ნომერი მითითებულია შეფუთვაზე. ინახება საწყის შეფუთვაში ნესტისაგან დაცვის მიზნით. არ საჭიროებს შენახვის განსაკუთრებულ პირობებს.
მედიკამენტი არ გადააგდოთ კანალიზაციაში ან საყოფაცხოვრებო ნარჩენებთან ერთად. ჰკითხეთ ფარმაცევტს მისი უტილიზაციის შესახებ. ეს ღონისძიებები ხელს შეუწყობს გარემოს დაცვას დაბინძურებისაგან.

შეფუთვის შემადგენლობა და დამატებითი ინფორმაცია
რას შეიცავს მოლოქსინი:
• აქტიური ნივთიერება არის მოქსიფლოქსაცინი. ყოველი შემოგარსული ტაბლეტი შეიცავს 400მგ მოქსიფლოქსაცინს (მოქსიფლოქსაცინის ჰიდროქლორიდის სახით). 
• დამხმარე ნივთიერებებია მიკროკრისტალური ცელულოზა, ნატრიუმის კროსკარმელოზა, მაგნიუმის სტეარატი ტაბლეტის შიგთავსში და ჰიპრომელოზა 6მPა.ს, მაკროგოლი 4000, ტიტანის დიოქსიდი (E171) და წითელი რკინის ოქსიდი (E172) ტაბლეტის გარსში.

მოლოქსინის გარეგნული სახე და შეფუთვის შემადგენლობა
მუქი ვარდისფერი, ორმხრივ ამობურცული, კაფსულის ფორმის შემოგარსული ტაბლეტები, ზომა: სიგრძე 15,9მმ-16მმ და სისქე 5,8მმ-7,0მმ.
შეფუთვა: 5,7,10,14,25,28,30,50,70,80,100 ან 120 შემოგარსული ტაბლეტი მუყაოს კოლოფში.

სად შევიძინოთ?