მიდოკალმი / MYDOCALM
- საერთაშორისო დასახელება (აქტიური ნივთიერება): tolperisone
- კლინიკურ-ფარმაკოლოგიური ჯგუფი: ცენტრალური ნერვული სისტემა → მიორელაქსანტები → ცენტრალური მოქმედების მიორელაქსანტები
- მწარმოებელი კომპანია: GEDEON RICHTER Plc
- მწარმოებელი ქვეყანა: უნგრეთი
- გამოშვების ფორმა: 50მგ ტაბლეტი №30
- გაცემის რეჟიმი: II ჯგუფი (გაიცემა ფორმა N3 რეცეპტით)
ხარისხობრივი და რაოდენობრივი დასახელება
მიდოკალმი® 50 მგ აპკიანი გარსით დაფარული ტაბლეტი
თითოეული აპკიანი გარსით დაფარული ტაბლეტი შეიცავს 50 მგ ტოლპერიზონის ჰიდროქლორიდს.
მიდოკალმი® 150 მგ აპკიანი გარსით დაფარული ტაბლეტი
თითოეული აპკიანი გარსით დაფარული ტაბლეტი შეიცავს 150 მგ ტოლპერიზონის ჰიდროქლორიდს.
ფარმაცევტული დახასიათება
დამხმარე ნივთიერებების ჩამონათვალი
მიდოკალმი 50 მგ აპკიანი გარსით დაფარული ტაბლეტები:
ტაბლეტის ბირთვი:
ლიმონმჟავას მონოჰიდრატი, სილიციუმის კოლოიდური უწყლო დიოქსიდი, სტეარინმჟავა, ტალკი, მიკროკრისტალური ცელულოზა, სიმინდის სახამებელი, ლაქტოზის მონოჰიდრატი (48.500 მგ)
ტაბლეტის გარსი:
სილიციუმის კოლოიდური უწყლო დიოქსიდი, ტიტანის დიოქსიდი (E 171), ლაქტოზის მონოჰიდრატი (0.392 მგ), მაკროგოლი 6000, ჰიპრომელოზა.
მიდოკალმი 150 მგ აპკიანი გარსით დაფარული ტაბლეტები:
ტაბლეტის ბირთვი:
ლიმონმჟავას მონოჰიდრატი, სილიციუმის კოლოიდური უწყლო დიოქსიდი, სტეარინმჟავა, ტალკი, მიკროკრისტალური ცელულოზა, სიმინდის სახამებელი, ლაქტოზის მონოჰიდრატი (145.50 მგ)
ტაბლეტის გარსი:
სილიციუმის კოლოიდური უწყლო დიოქსიდი, ტიტანის დიოქსიდი (E 171), ლაქტოზის მონოჰიდრატი (0.785 მგ), მაკროგოლი 6000, ჰიპრომელოზა.
წამლის ფორმა
აპკიანი გარსით დაფარული ტაბლეტები.
მიდოკალმი 50 მგ აპკიანი გარსით დაფარული ტაბლეტი: თეთრი ან თითქმის თეთრი ფერის მრგვალი, ორმხრივამობურცული, აპკიანი გარსით დაფარული ტაბლეტი, დამახასიათებელი სუნით, გრავირებით “50” ერთ მხარეს.
მიდოკალმი 150 მგ აპკიანი გარსით დაფარული ტაბლეტი: თეთრი ან თითქმის თეთრი ფერის მრგვალი, ორმხრივამობურცული, აპკიანი გარსით დაფარული ტაბლეტი, დამახასიათებელი სუნით, გრავირებით “150” ერთ მხარეს.
შეფუთვა
10 ტაბლეტი პვქ/ალ ფოლგის ბლისტერში.
3 ბლისტერი გამოყენების ინსტრუქციასთან ერთად მოთავსებულია მუყაოს კოლოფში.
კლინიკური თავისებურებები
თერაპიული ჩვენებები
• ორგანული ნევროლოგიური დაავადებების დროს ჩონჩხის კუნთების პათოლოგიურად მომატებული ტონუსისGგადაუდებელი ან ხანგრძლივი მკურნალობა (პირამიდული გზების დაზიანებები, გაფანტული სკლეროზი, ცერებროვასკულური დარღვევები, მიელოპათიები, ენცეფალომიელიტი და სხვ.).
• საყრდენ-მამოძრავებელი აპარატის დაავადებების თანმხლები, კუნთების ჰიპერტონუსისა და კუნთების სპაზმის მკურნალობა (მაგ., სპონდილოზი, სპონდილოართრიტი, ცერვიკალური და ლუმბური სინდრომები, მსხვილი სახსრების ართროზები).
• ორთოპედიში და ტრავმატოლოგიაში ოპერაციული ჩარევის შემდგომი აღდგენითი მკურნალობა.
• სისხლძარღვების მაობლიტირებელი დაავადებების, ასევე, სისხლძარღვების ინერვაციის დარღვევების შედეგად განვითარებული სინდრომების მკურნალობა (მაგალითად, აკროციანოზი, მაინტერმიტირებელი ანგიონევროზული დისბაზია)
• პედიატრიულ პრაქტიკაში სპეციფიურ ჩვენენებს წარმოადგენს ლიტლის დაავადება და სხვა ენცეფალოპათიები, რომლებსაც ახლავს კუნთოვანი დისტონია.
გამოყენების წესი და დოზირება
მოზრდილები:
პაციენტის ინდივიდუალური საჭიროებიდან და ამტანობიდან გამომდინარე, საშუალო სადღეღამისო დოზა შეადგენს 150-450 მგ-ს გაყოფილს 3 მიღებაზე.
ბავშვები:
სამკურნალო საშუალება ინიშნება ბავშვებში 30 კგ წონის ზევით (10 წლის ზევით ასაკიდან) სადღეღამისო დოზით 2-4 მგ/კგ სხეულის მასაზე, გაყოფილი 3 მიღებაზე.
იმის გათვალისწინებით, რომ ბავშვებში არ ინიშნება მაღალი დოზები, რეკომენდებულია აპკიანი გარსით დაფარული 50 მგ-იანი ტაბლეტების გამოყენება. ვინაიდან ტაბლეტების გაყოფა გათვალისწინებული არ არის, იგი გამოიყენება სხეულის მასის 30 კგ-ზე მეტი წონის ბავშვებში.
პაციენტები თირკმელების ფუნქციის დარღვევით
მონაცემები თირკმლის ფუნქციის დარღვევის მქონე პაციენტებში გამოყენების შესახებ შეზღუდულია. ამ ჯგუფის პაციენტებში გამოვლენილია გვერდითი რეაქციების გამოვლინების შედარებით მაღალი სიხშირე. პაციენტებში თირკმელების ფუნქციის ზომიერი დარღვევით საჭიროა დოზის ტიტრირება და ყურადღებით დაკვირვება. პაციენტებში თირკმლის ფუნქციის მძიმე დარღვევით ტოლპერიზონის გამოყენება რეკომენდებული არ არის.
პაციენტები ღვიძლის ფუნქციის დარღვევით
მონაცემები ღვიძლის ფუნქციის დარღვევის მქონე პაციენტებში გამოყენების შესახებ შეზღუდულია. ამ ჯგუფის პაციენტებში გამოვლენილია გვერდითი რეაქციების გამოვლინების შედარებით მაღალი სიხშირე. პაციენტებში ღვიძლის ფუნქციის ზომიერი დარღვევით საჭიროა დოზის ტიტრირება და ყურადღებით დაკვირვება. Aტოლპერიზონის გამოყენება პაციენტებში ღვიძლის ფუნქციის მძიმე დარღვევით რეკომენდებული არ არის.
გამოყენება ბავშვებში:
ბავშვებში ტოლპერიზონის გამოყენების შესახებ მონაცემები შეზღუდულია.
პრეპარატი მიიღება ჭამის შემდეგ, ჭიქა წყალთან ერთად.
პრეპარატის მიღება უზმოზე რეკომენდებული არ არის, ვინაიდან საკვების არასაკმარისმა რაოდენობამ შესაძლოა დააქვეითოს ტოლპერიზონის ბიოშეღწევადობა.
უკუჩვენებები
- ჰიპერმგრძნობელობა ტოლპერიზონის ან მისი ანალოგიური ქიმიური ნივთიერებების (ეპერიზონი), ასევე დამხმარე ნივთიერებების მიმართ.
- მიასთენია.
- ლაქტაცია.
განსაკუთრებული სიფრთხილე და უსაფრთხოების ზომები გამოყენებისას
ეს პრეპარატი შეიცავს ლაქტოზის მონოჰიდრატს. პრეპარატის გამოყენება პაციენტებში, რომლებსაც აქვთ გალაქტოზას იშვიათი მემკვიდრეობითი აუტანლობა, ლაპს ლაქტაზას დეფიციტი ან გლუკოზოა-გალაქტოზური მალაბსორბცია არ შეიძლება.
ჰიპერმგრძნობელობის რეაქციები
რეგისტრაციის შემდგომ პერიოდში უფრო ხშირად იყო შეტყობინებები ჰიპერმგრძნობელობის რეაქციების შესახებ. ალერგიული რეაქციები მერყეობდა კანის მსუბუქი გამონაყარიდან, მძიმე სისტემურ რეაქციებამდე, მათ შორის ანაფილაქსიური შოკი. ალერგიული რეაქციის სიმპტომები: სიწითლე, გამონაყარი, ჭინჭრის ციება, ქავილი, ანგიონევროზული შეშუპება (კვინკეს შეშუპება), ტაქიკარდია, ჰიპოტენზია და ქოშინი.
მდედრობითი სქესის პაციენტებს, ანამნეზში სხვა პრეპარატების მიმართ ჰიპერმგრძნობელობით ან ალერგიული რეაქციებით, გააჩნიათ უფრო მაღალი რისკი.
ლიდოკაინის მიმართ ჰიპერმგრძნობელობის შემთხვევაში საჭიროა სიფრთხილის დაცვა ტოლპერიზონის გამოყენებისას შესაძლო ჯვარედინი რეაქციის განვითარების გამო.
რეკომენდებულია, პაციენტები იყვნენ ყურადღებით ჰიპერმგრძნობელობის ნებისმიერი სიმპტომის მიმართ. თუ სიმპტომები განვითარდა, საჭიროა პრეპარატის სასაწრაფოდ შეწყვეტა და მიმართვა ექიმთან. არ შეიძლება ტოლპერიზონის განმეორებით დანიშვნა ტოლპერიზონის მიმართ ჰიპერმგრძნობელობის რეაქციის ეპიზოდის შემდეგ.
ურთიერთქმედება სხვა სამკურნალო საშუალებებთან და სხვა ფორმის ურთიერთქმედებები
სამკურნალო საშუალებების CYP2D6-ის მარკერულ სუბსტრატთან, დექსტრომეტორფანთან ფარმაკოკინეტიკური ურთიერთქმედების კვლევებმა აჩვენა, რომ ტოლპერიზონის ერთდროულმა გამოყენებამ შესაძლოა გაზარდოს სისხლში სამკურნალო საშუალებების დონე, რომლებიც მეტაბოლიზდება CYP2D6–ით (თიორიდაზონი, ტოლპერიდონი, ვენლაფაქსინი, ატომოქსეტინი, დეზიპრამინი, დექსტრომეტორფანი, მეტოპროლოლი, ნებივოლოლი, პერფენაზინი).
ადამიანის ღვიძლის მიკროსომებზე და ადამიანის ჰეპატოციტებზე ლაბორატორიულ ექსპერიმენტებს არ გამოუწვევია მნიშვნელოვანი ინჰიბირება ან CYP–ის სხვა იზოფერმენტების ინდუქცია (CYP2B6, CYP2C8, CYP2C9, CYP2C19, CYP1A2, CYP3A4).
არ ვარაუდობენ ტოლპერიზონის მომატებულ ზემოქმედებას CYP2D6-ის სუბსტრატებთან ან/და სხვა პრეპარატებთან ერთდროული მიღებისას ტოპლერიზონის მეტაბოლური გზების მრავალფეროვნების გამო.
ტოლპერიზონის ბიოშეღწევადობა ქვეითდება მისი უზმოზე მიღებისას.
მიუხედავად იმისა, რომ ტოლპერიზონი წარმოადგენს ცენტრალური მოქმედების პრეპარატს, მისი სედაციური ეფექტი ძალიან დაბალია. მისი ერთდროული დანიშვნისას სხვა მიორელაქსანტებთან, საჭიროა ტოლპერიზონის დოზის შემცირება.
ტოლპერიზონი აძლიერებს ნიფლუმის მჟავას მოქმედებას, ამიტომ, ერთდროული დანიშვნისას, საჭიროა ნიფლუმის მჟავას ან სხვა არასტეროუდული ანთების საწინააღმდეგო პრეპარატების დოზის დაქვეითების საკითხის განხილვა.
ორსულობა და ძუძუთი კვება
ორსულობა
ცხოველებზე ჩატარებულ ექსპერიმენტულ კვლევებში ტოლპერიზონის ტერატოგენული მოქმედება გამოვლენილი არ არის. არასაკმარისი მონაცემების გამო მიდოკალმის დანიშვნა ორსულობის დროს რეკომენდებული არ არის (განსაკუთრებით პირველ ტრიმესტრში) იმ გამონაკლისების გარდა, როდესაც მოსალოდნელი სარგებელი სრულიად ამართლებს ნაყოფის პოტენციურ რისკს.
ძუძითი კვება
ვინაიდან არ არის მონაცემები ტოლპერიზონის ლაქტატში გადასვლის შესახებ, მიდოკალმის გამოყენება ძუძუთი კვების დროს რეკომენდებული არ არის.
გავლენა ავტომობილისა და მექანიზმებთან მუშაობის უნარზე
მიდოკალმი არ ახდენს გავლენას ავტომობილის და მექანიზმებთან მუშაობის უნარზე.
პაციენტებმა, რომლებსაც პრეპარატის მიღებისას აღენიშნათ თავბრუსხვევა, ძილიანობა, ყურადღების დარღვევა, კრუნჩხვები, მხედველობის დარღვევა ან კუნთების სისუსტე, უნდა მიმართონ ექიმს!
გვერდითი მოვლენები
ტოლპერიზონის შემცველი პრეპარატების უსაფრთხოების პროფილი განისაზღვრება 12000-ზე მეტი პაციენტის მონაცემებით. ამ მონაცემების თანახმად, ყველაზე ხშირად აღწერილია დარღვევები კანის და კანქვეშა ქსოვილის მხრივ, ზოგადი, ნევროლოგიური და კუჭ-ნაწლავის დარღვევები.
პოსტრეგისტრაციულ პერიოდში ტოლპერიზონის მიღებასთან დაკავშირებული შეტყობინებები ჰიპერმგრძნობელობის შესახებ შეადგენდა ყველა შეტყობინების 50-60%-ს. უმეტეს შემთხვევაში ისენი არ იყო სერიოზული გვერდითი მოვლენები. სიცოცხლისთვის საშიშ ალერგიულ რეაქციებზე იყო ძალიან ცოტა შეტყობინება.
გვერდითი მოვლენების სიხშირე განისაზღვრება შემდეგი კატეგორიების შესაბამისად:
არახშირი (≥1/1000 - <1/100)
იშვიათი (≥1/10 000 - <1/1 000)
ძალიან იშვიათი (<1/10 000), უცნობი (არსებულ მონაცემებზე დაყრდნობით შეფასება შეუძლებელია).
ქვემოთ მოყვანილ ცხრილში მოცემულია გვერდითი რეაქციები, კოდირებული ორგანოთა სისტემების კლასის (КСО) MedDRA–ს მიხედვით და მოცემულია მათი სიხშირე.
ოსკ MedDRA-s mixedviT | არახშირი (>1/1 000 до <1/100) | იშვიათი (>1/10 000 до <1/1 000) | ძალიან იშვიათი (<1/10 000) |
სისხლისა და ლიმფური სისტემის დარღვევები |
|
| anemia limfadenopaTia |
იმუნური სისტემის დარღვევები |
| ჰიპერმგრძნობელობის რეაქცია* ანაფილაქსიური რეაქცია | anafilaqsiuri Soki |
კვებისა და ნივთიერებათა ცვლის დარღვევები | ანორექსია |
| polidipsia |
ფსიქიკური დარღვევები | უძილობა ძილის დარღვევა | აქტიურობის დაქვეითება დეპრესია |
|
ნერვული სისტემის დარღვევები | თავის ტკივილი თავბრუსხვევა ძილიანობა | ყურადღების დარღვევა ტრემორი კრუნჩხვები დაქვეითებული მგრძნობელობა პარესთეზიები პათოლოგიური შებოჭილობა | gonebis dabindva |
მხედველობის ორგანოების დარღვევები |
| მხედველობის დაბინდვა |
|
სმენისა და წონასწორობის ორგანოების დარღვევები |
| ყურებში შუილი თავბრუსხვევა |
|
კარდიოლოგიური დარღვევები |
| სტენოკარდია თაქიკარდია გულისცემის შეგრძნება | bradikardia |
სისხლძარღვთა სისტემის დარღვევები | არტერიული ჰიპოტენზია | სახის პათოლოგიური სიწითლე |
|
რესპირატორული, თორაკალური და მედიასტინალური დარღვევები |
| დისპნოე სისხლდენა ცხვირიდან ტაქიპნოე |
|
საჭმლის მომნელებელისისტემის დარღვევები | დისკომფორტი მუცლის არეში დიარეა პირის სიმშრალე დისპეპსია გულისრევა | ტკივილი ეპიგასტრიუმში ყაბზობა მეტეორიზმი ღებინება |
|
ჰეპატობილიარული სისტემის დარღვევები |
| მსუბუქი დარღვევები ღვიძლის მხრივ |
|
კანისა და კანქვეშა ქსოვილის დარღვევები |
| ალერგიული დერმატიტის გაძლიერებული ოფლდენა ქავილი ჭინჭრის ციება გამონაყარი |
|
შარდგამომყოფი სისტემის დარღვევები |
| ენურეზი პროტეინურია |
|
ძვალ-კუნთოვანი სისტემისა და შემაერთებელი ქსოვილის დარღვევები | კუნთების სისუსტე მიალგია კიდურების ტკივილი | დისკომფორტი კიდურებში | ოსტეოპენია |
სისტემური დარღვევები და გართულებები შეყვანის ადგილზე | ასთენია მოთენთილობა დაღლილობა | თრობის შეგრძნება სიცხის შეგრძნება გაღიზიანებადობა წყურვილის შეგრძნება | დისკომფორტი გულ-მკერდის არეში |
ლაბორატორიულ გამოკვლევებში გამოვლენილი გადახრები ნორმიდან |
| Aარტერიული წნევის დაქვეითება სისხლში ბილირუბინის მომატება ღვიძლის ფერმენტების აქტივობის ცვლილება თრომბოციტების რაოდენობის დაქვეითება Lლეიკოციტების რაოდენობის მომატება | სისხლში კრეატინინის შემცველობის მომატება |
* პოსტმარკეტინგული გამოცდილება მოიცავს შეტყობინებებს შემდეგ რეაქციებზე (უცნობი სიხშირის): ანგიონევროზული შეშუპება (სახის შეშუპების და შესიებული ტუჩების ჩათვლით).
ჭარბი დოზირება
მიდოკალმის ჭარბი დოზირების შესახებ მონაცემები მრავალრიცხოვანი არ არის.
მიდოკალმს გააჩნია ფართე თერაპიული ინტერვალი.
მწვავე ტოქსიკურობის წინაკლინიკურ კვლევებში მაღალი დოზები იწვევდა ატაქსიას, ტონურ-კლონურ კრუნჩხვებს, დისპნოეს და სუნთქვის პარალიზებას.
მიდოკალმს სპეციფიური ანტიდოტი არ გააჩნია. ჭარბი დოზირების შემთხვევაში საჭიროა სიმპტომური და შემანარჩუნებელი მკურნალობა.
ფარმაკოლოგიური თავისებურებები
ფარმაკოდინამიკური თავისებურებები
ფარმაკოთერაპიული ჯგუფი: ცენტრალური მოქმედების მიორელაქსანტი,
ათქ კოდი: M03B X04
ტოლპერიზონი წარმოადგენს ცენტრალური მოქმედების მიორელაქსანტს. ტოლპერიზონის მოქმედების მექანიზმი სრულად გარკვეული არ არის.
მას ახასიათებს ნერვული ქსოვილის მიმართ მაღალი აფინურობა, აღწევს უმაღლეს კონცენტრაციას თავის ტვინის ღეროში, ზურგის ტვინში და პერიფერიულ ნერვულ სისტემაში.
ტოლპერიზონის ძირითადი ეფექტი დაკავშირებულია სპინალური რეფლექტორული რკალების დამუხრუჭებასთან. სავარაუდოდ, ეს ეფექტი დაღმავალი გზებით აგზნების გამტარობის მოცილებასთან ერთობლივად, უზრუნველყოფს ტოლპერიზონის თერაპიულ ეფექტს.
ტოლპერიზონის ქიმიური სტრუქტურა ლიდოკაინის სტრუქტურის მსგავსია. ისევე, როგორც ლიდოკაინი, მას გააჩნია მემბრანომასტაბილიზებელი მოქმედება და აქვეითებს მამოძრავებელი ნეირონებისა და პირველადი აფერენტული ბოჭკოების აგზნებადობას. ტოლპერიზონი დოზადამოკიდებულად ამუხრუჭებს ნატრიუმის არხების პოტენციალ-დამოკიდებულ აქტივობას. შესაბამისად, ქვეითდება მოქმედების პოტენცოალის ამპლიტუდა და სიხშირე.
დამტკიცებულია პოტენციალ-დამოკიდებულ კალციუმის არხებზე დამთრგუნველი მოქმედება.
სავარაუდოდ, ტოლპერიზონს მემბრანომასტაბილიზებელი მოქმედების გარდა დამატებით შეუძლია მედიატორის გამოყოფის დამუხრუჭება.
ბოლოს, ტოლპერიზონს გააჩნია ალფა-ადრენერგიული ანტაგონისტებისა და ანტიმუსკარინული მოქმედების სუსტი თვისებები.
ფარმაკოკინეტიკური თავისებურებები
შიგნით მიღების შემდეგ ტოლპერიზონი კარგად შეიწოვება წვრილი ნაწლავიდან. სისხლის პლაზმაში მაქსიმალური კონცენტრაცია მიიღწევა მიღებიდან 0.5-1 საათის შემდეგ. გამოხატული პრესისტემური მეტაბოლიზმის გამო მისი ბიოშეღწევადობა შეადგენს 20%-ს. ცხიმიანი საკვები თითქმის 100%-მდე ზრდის შიგნით მიღებული ტოლპერიზონის ბიოშეღწევადობას და პიკურ პლაზმურ კონცენტრაციას ზრდის თითქმის 45%-ით პრეპარატის უზმოზე მიღებასთან შედარებით, რომლის დროსაც ხდება პიკური კონცენტრაციის დაგვიანება თითქმის 30 წუთით.
ტოლპერიზონი ინტენსიურად მეტაბოლიზდება ღვიძლსა და თირკმელებში.
ნაერთი თითქმის სრულად (99%) გამოიყოფა თირკმელებით მეტაბოლიტების ფორმით.
მეტაბოლიტების ფარმაკოლოგიური აქტივობა უცნობია.
ინტრავენური შეყვანისას ნახევარგამოყოფის პერიოდი შეადგენს დაახლოებით 1.5 სთ-ს, შიგნით მიღებისას – დაახლოებით 2.5 საათს.
უსაფრთხოების წინაკლინიკური მონაცემები
ფარმაკოლოგიური უსაფრთხოების, განმეორებით მიღებისას ტოქსიკურობის, გენოტოქსიკურობის, რეპროდუქციულ ფუნქციაზე ტოქსიკური ზემოქმედების წინაკლინიკური კვლევების მონაცემების საფუძველზე, არ იქნა გამოვლენილი ადამიანებისათვის სპეციფიკური რისკი.
წინაკლინიკური კვლევებისას ეფექტები გამოვლენილ იქნა მხოლოდ ადამიანისათვის დაშვებულზე ძალიან მაღალი დოზების მიღებისას, რაც მიუთითებს კლინიკური გამოყენებისას დაბალ მნიშვნელობაზე.
პრეპარატის პერორალური შეყვანისას დოზებით 500მგ/კგ სხეულის მასის და 250მგ/კგ სხეულის მასის ვირთაგვებსა და ბოცვრებში, შესაბამისად, გამოვლინდა ემბრიოტოქსიკური ცვლილებები. თუმცა, ეს დოზები გაცილებით მაღალია ადამიანისთვის რეკომენდებულ თერაპიულ დოზებზე.
შეუთავსებლობა
არ არის გამოვლენილი
ვარგისობის ვადა
3 წელი
შენახვის პირობები
შეინახეთ + 15°С-დან +30°С-მდე ტემპერატურაზე
შეინახეთ ბავშვებისათვის მიუწვდომელ ადგილზე.
არ გამოიყენოთ პრეპარატი შეფუთვაზე მითითებული ვარგისობის ვადის ამოწურვის შემდეგ.
აფთიაქიდან გაცემის წესი
რეცეპტით
სად შევიძინოთ?