Nuk

იხილეთ აფთიაქების ჩამონათვალი

ნო-შპა ფორტე / NO - SPA FORTE

შემადგენლობა

ერთი ტაბლეტი შეიცავს: 

მოქმედ ნივთიერებას: 80 მგ დროტავერინის ჰიდროქლორიდს.

დამხმარე ნივთიერებებს: 

მაგნიუმის სტეარატი (E470), ტალკი (E553), პოვიდონი (E1201), სიმინდის სახამებელი, ლაქტოზის მონოჰიდრატი. 

 

აღწერა

მომწვანო ან ნარინჯისფერი შეფერილობის მქონე ყვითელი ფერის ამობურცული მოგრძო ტაბლეტები. ერთ მხარეს მარკირება ~NOშPA~, მეორე მხარეს - გამყოფი ხაზი.

 

ფარმაკოთერაპიული ჯგუფი: კუჭ-ნაწლავის ტრაქტის ფუნქციური დარღვევების სამკურნალო საშუალება. პაპავერინი და მისი წარმოებულები.

ათქ კოდი: A03AD02.

 

ფარმაკოლოგიური თვისებები

ფარმაკოდინამიკა: 

მოქმედების მექანიზმი

დროტავერინი წარმოადგენს იზოქინოლინის წარმოებულს, რომელიც ავლენს სპაზმოლიზურ მოქმედებას გლუვ მუსკულატურაზე ფერმენტ ფოსფოდიესტერაზა IV-ის (ფდე IV) დათრგუნვით. ფერმენტ ფდე IV-ის ინჰიბირება იწვევს ცამფ-ის მომატებულ კონცენტრაციას, რაც ახდენს მიოზინის კინაზის მსუბუქი ჯაჭვის ინაქტივაციას და იწვევს გლუვი მუსკულატურის მოდუნებას. 

In Vitro დროტავერინი აინჰიბირებს ფდე IV-ს ფდე III და ფდე V-ის იზოენზიმების ინჰიბირების გარეშე. გლუვი კუნთების კუმშვის უნარის შესამცირებლად ფდე IV ფუნქციურად ძალიან მნიშვნელოვანია და მისი სელექციური ინჰიბიტორები შეიძლება სასარგებლო იყოს ჰიპერკინეტიკური დაავადებებისა და კუჭ-ნაწლავის ტრაქტის სპაზმური მდგომარეობებით განპირობებული სხვადასხვა სიმპტომების სამკურნალოდ. 

იზოენზიმი ფდე-III ახდენს ცამფ-ის ჰიდროლიზებას მიოკარდიუმისა და სისხლძარღვების გლუვ მუსკულატურაში და აღნიშნულით აიხსენაბა ის ფაქტი, რომ დროტავერინი წარმოადგენს ეფექტურ სპაზმოლიზურ საშუალებას გულ-სისხლძარღვთა მხრივ სერიოზული გვერდითი მოქმედების და გულ-სისხლძარღვთა მხრივ ძლიერი თერაპიული აქტივობის გარეშე. 

პრეპარატი ეფექტურია გლუვი მუსკულატურის როგორც ნერვული, ასევე კუნთოვანი ეტიოლოგიის სპაზმის შემთხვევაში, რომელიც გამოწვეულია ნერვული რეგულაციის და თვითრეგულაციის  დარღვევით. მიუხედავად ვეგეტაციური ინერვაციის ტიპისა, დროტავერინი მოქმედებს კუჭ-ნაწლავის, ნაღვლის, უროგენიტალური და სისხლძარღვოვანი სისტემების გლუვ კუნთებზე.

პაპავერინთან შედარებით მისი მოქმედება უფრო ძლიერია, ხოლო შეწოვა – უფრო სწრაფი და სრული, ის უფრო ნაკლებად უკავშირდება პლაზმის ცილებს. დროტავერინის უპირატესობას წარმოადგენს ის, რომ მას არ გააჩნია მასტიმულირებელი მოქმედება სასუნთქ სისტემაზე, რაც აღინიშნებოდა პაპავერინის პარენტერალური შეყვანის შემდეგ. 

 

ფარმაკოკინეტიკა:

აბსორბცია  

დროტავერინი სწრაფად და სრულად შეიწოვება როგორც პერორალური მიღების, ასევე კუნთში შეყვანის შემდეგ. პლაზმაში მაქსიმალური კონცენტრაცია მიიღწევა პერორალურად მიღებიდან 45-60 წუთში.

 

განაწილება

დროტავერინი მაღალი ხარისხით უკავშირდება პლაზმის ცილებს, განსაკუთრებით ალბუმინს (95-98%), ალფა- და ბეტა-გლობულინებს.

 

ბიოტრანსფორმაცია და გამოყოფა

დროტავერინი მეტაბოლიზდება ღვიძლში, მისი ნახევარგამოყოფის პერიოდი შეადგენს 8-10 საათს. ღვიძლში პირველად გავლის შემდეგ დოზის 65% არის სისხლში შეუცვლელი სახით. 72 საათში დროტავერინი პრაქტიკულად სრულად გამოიყოფა ორგანიზმიდან, 50%-ზე მეტი გამოიყოფა შარდით და დაახლოებით 30% - განავალთან ერთად. დროტავერინი ძირითადად გამოიყოფა მეტაბოლიტების სახით, შარდში საწყისი ნაერთი არ აღინიშნება.

 

 

გამოყენების ჩვენება

• ბილიარული ტრაქტის დაავადებებთან დაკავშირებული გლუვი მუსკულატურის სპაზმი: ქოლეცისტოლითიაზი, ქოლანგიოლითიაზი, ქოლეცისტიტი, პერიქოლეცისტიტი, ქოლანგიტი, პაპილიტი;

• საშარდე გზების გლუვი მუსკულატურის სპაზმი: ნეფროლითიაზი, ურეთროლითიაზი, პიელიტი, ცისტიტი, შარდის ბუშტის ტენეზმები. 

• კუჭ-ნაწლავის გლუვი მუსკულატურის სპაზმის დროს: კუჭისა და თორმეტგოჯა ნაწლავის წყლულოვანი დაავადება, გასტრიტი, კუჭის კარდიალური და პილორული ნაწილის სპაზმი, ენტერიტი, კოლიტი, სპასტიკური კოლიტი შეკრულობით და მეტეორიზმით; 

• ტენზიური ტიპის თავის ტკივილი;

• გინეკოლოგიაში: დისმენორეა. 

 

უკუჩვენება

• მომატებული მგრძნობელობა პრეპარატის მოქმედი ნივთიერების ან ნებისმიერი დამხმარე ნივთიერების მიმართ;

• ღვიძლის ან თირკმლის მძიმე უკმარისობა; 

• გულის მძიმე უკმარისობა (გულის დაბალი წუთმოცულობა);

 

გამოყენების წესი და დოზირება

სამკურნალო საშუალება განკუთვნილია შიგნით მისაღებად. სამკურნალო საშუალება ყოველთვის მიიღეთ ჩანართის მითითებების ან მკურნალი ექიმის რეკომენდაციების ზუსტად დაცვით.  

 

მოზრდილები

ჩვეულებრივი სადღეღამისო დოზა შეადგენს 120-240 მგ-ს, ე.ი. 1.5-3 ტაბლეტს დღეში, რომლებიც მიიღება 2-3 მიღებაზე. ერთჯერადი დოზა მოზრდილთათვის შეადგენს 40-80 მგ-ს (0.5-1 ტაბლეტი). 

 

ბავშვები

ბავშვებში დროტავერინის გამოყენების კლინიკური კვლევები არ არის ჩატარებული. 

 

იმ შემთხვევაში, როდესაც დროტავერინის მიღება ბავშვებში აუცილებელია:

12 წელზე უფროსი ასაკის ბავშვები: ჩვეულებრივი სადღეღამისო დოზა შეადგენს 160 მგ-ს, ე.ი. 2 ტაბლეტს დღეში ორი-ოთხჯერ. 12 წელზე უფროსი ასაკის ბავშვებში ერთჯერადი დოზა შეადგენს 40-80 მგ-ს (0.5-1 ტაბლეტი). 

 

არასასურველი რეაქციები

• კუჭ-ნაწლავის ტრაქტის მხრივ:

იშვიათად: გულისრევა, ყაბზობა

• ნერვული სისტემის მხრივ: 

იშვიათად: თავის ტკივილი, Lთავბრუსხვევა, უძილობა

• გულ-სისხლძარღვთა სისტემის მხრივ:

იშვიათად: გახშირებული გულისცემა, ჰიპოტენზია

• იმუნური სისტემის მხრივ:

იშვიათად: ალერგიული რეაქცია (ანგიონევროზული შეშუპება, ჭინჭრის ციება, გამონაყარი, ქავილი) (იხ. პარაგრაფი ~უკუჩვენება~).

 

ჩამოთვლილი არასასურველი რეაქციების გამოვლენის ან ისეთი რეაქციების გამოვლენის შემთხვევაში, რომლებიც არ არის აღნიშნული მოცემულ ჩანართში, მიმართეთ ექიმს!

 

დოზის გადაჭარბება

დროტავერინის დოზის გადაჭარბებამ შეიძლება გამოიწვიოს გულის რიტმისა და გამტარობის დარღვევა, მათ შორის ჰისის კონის ფეხების სრული ბლოკადა და გულის გაჩერება, რამაც შეიძლება მიგვიყვანოს ლეტალურ შედეგამდე. 

დოზის გადაჭარბების შემთხვევაში პაციენტი უნდა იმყოფებოდეს დაკვირვების ქვეშ და მიიღოს სიმპტომური და შემანარჩუნებელი მკურნალობა. რეკომენდებულია ღებინების გამოწვევა ან/და კუჭის გამორეცხვა. 

 

განსაკუთრებული მითითებები და სიფრთხილის ზომები

ჰიპოტენზიის დროს პრეპარატის გამოყენება საჭიროებს სიფრთხილის ზომების დაცვას. 

პრეპარატის ერთი ტაბლეტი შეიცავს 104 მგ ლაქტოზას. რეკომენდებული დოზირების თანახმად მიღებისას ყოველი დოზა შეიცავს 156 მგ-მდე ლაქტოზას. ლაქტოზის მიმართ აუტანლობის მქონე პაციენტებში აღნიშნულმა შეიძლება გამოიწვიოს ჩივილები კუჭ-ნაწლავის ტრაქტის მხრივ. 

მოცემული სამკურნალწამლო ფორმა არ არის მისაღები ლაქტოზის დეფიციტის, გალაქტოზემიის ან გლუკოზა/გალაქტოზის აბსორბციის დარღვევის სინდრომის მქონე პაციენტებში.

ბავშვებში პრეპარატის გამოყენების კლინიკური კვლევები არ ჩატარებულა. 

 

ორსულობა, ძუძუთი კვება და ფერტილობა 

რეტროსპექტული კლინიკური კვლევებისა და ცხოველებზე ჩატარებული კვლევების მონაცემების თანახმად, ორსულობის პერიოდში დროტავერინის პერორალური გამოყენება არ იწვევს პირდაპირ და არაპირდაპირ დამაზიანებელ ზემოქმედებას ორსულობის მიმდინარეობაზე, ემბრიონალურ განვითარებაზე, მშობიარობასა და პოსტნატალურ განვითარებაზე. მაგრამ, ორსულობის დროს პრეპარატის დანიშვნისას საჭიროა სიფრთხილე. 

საჭირო კლინიკური მონაცემების არ არსებობის გამო ძუძუთი კვების პერიოდში გამოყენება რეკომენდებული არ არის. 

მონაცემების ფერტილობაზე პრეპარატის გავლენის შესახებ არ არის. 

 

ურთიერთქმედება სხვა სამკურნალო საშუალებებთან

ფოსფოდიესტერაზის ინჰიბიტორები, როგორიცაა პაპავერინი, ამცირებს ლევოდოპას ანტიპარკინსონულ ეფექტს.  

ლევოდოპასთან პრეპარატის ერთდროულად გამოყენების შემთხვევაში საჭიროა სიფრთხილის დაცვა, რადგან მცირდება ლევოდოპას ანტიპარკინსონული ეფექტი და აღინიშნება ტრემორის და რიგიდულობის გაძლიერება.

  

ზემოქმედება სატრანსპორტო საშუალებების მართვის ან სხვა მექანიზმებთან მუშაობის უნარზე

სამკურნალო საშუალების მიღების შემდეგ თავბრუსხვევის გამოვლენის შემთხვევაში თავი შეიკავეთ სატრანსპორტო საშუალებების მართვისგან და სხვა პოტენციურად საშიშ მექანიზმებთან მუშაობისგან.  

 

ვარგისობის ვადა

3 წელი. არ გამოიყენოთ ვარგისობის ვადის გასვლის შემდეგ.

 

გამოშვების ფორმა:

24 ტაბლეტი პვქ/ალუმინის ბლისტერში. თითო ბლისტერი ჩანართთან ერთად მუყაოს კოლოფში.

 

შენახვის პირობები:

შეინახეთ ბავშვებისთვის მიუწვდომელ ადგილას! 

შეინახეთ არაუმეტეს 25˚C ტემპერატურაზე, სინათლისგან დაცულ ადგილას.

 

აფთიაქიდან გაცემის პირობა

გაიცემა რეცეპტის გარეშე.

 

სად შევიძინოთ?