Nuk

იხილეთ აფთიაქების ჩამონათვალი

ნოვაქოლინი / NOVACHOLIN

შემადგენლობა:

ნოვაქოლინი 500 მგ/3 მლ საინექციო ხსნარი

ყოველი 3 მლ ამპულა შეიცავს:

აქტიური სუბსტანცია: ციტიკოლინის (ციტიდინის დიფოსფატ-ქოლინი) ნატრიუმის მარილი 523 მგ - 500 მგ ციტიკოლინის ექვივალენტური.

დამხმარე საშუალებები: საინექციო წყალი.

 

ნოვაქოლინი 1000 მგ/5 მლ საინექციო ხსნარი

ყოველი 5 მლ ამპულა შეიცავს:

აქტიური სუბსტანცია: ციტიკოლინის (ციტიდინის დიფოსფატ-ქოლინი) ნატრიუმის მარილი 1045 მგ - 1000 მგ ციტიკოლინის ექვივალენტური.

დამხმარე საშუალებები: საინექციო წყალი.

 

ფარმაცევტული ფორმა და შემცველობა:

საინექციო ხსნარი ინტრამუსკულარული ან ინტრავენური გამოყენებისთვის. 

5 ამპულა 3 მლ-ით შეიცავს 500 მგ ციტიკოლინს.

3 ამპულა 5 მლ-ით შეიცავს 1000 მგ ციტიკოლინს.

 

ფარმაცევტული ჯგუფი:

ფსიქომასტიმულირებელი და  ნოოტროპული საშუალებები.

 

ჩვენებები:

• ცერებროვასკულარული დაავადებები: ინსულტით გამოწვეული იშემია, როდესაც ნოვაქოლინი აჩქარებს გონებაზე მოსვლას და მოტორული დეფიციტის დაძლევას.

 

ნოვაქოლინის,  ოპტიმალური პერორალური დოზა ინსულტის შემდგომ 24-საათიანი თერაპიული  მოქმედების შესაძლებლობას იძლევა და არ გააჩნია მნიშვნელოვანი გვერდითი მოვლენები. პაციენტთა მცირე ნაწილში, ნოვაქოლინმა შესაძლოა შეამციროს ინსულტის შედეგად დაზიანებული უბნის მოცულობა.

 

• სხვადასხვა სიმძიმის თავის ტრავმა: აჩქარებს გონებაზე მოსვლას პოსტტრავმული კომის შემდგომ და ხელს უწყობს სიარულის უნარის აღდგენას, უზრუნველყოფს უკეთესი საბოლოო ფუნქციონალური შედეგის მიღწევას და ამცირებს საავადმყოფოში ყოფნის პერიოდის.

 

• სხვადასხვა ეტიოლოგიის კოგნიტური დარღვევები: დეგენერაციული დაავადებების (მაგ. ალცჰაიმერის დაავადება) და ქრონიკული ცერებრალური სისხლძარღვოვანი დაავადების დროს. . 

ნოვაქოლინი აუმჯობესებს ქულებს კოგნიტური შეფასების შკალებზე და ანელებს ალცჰაიმერის დაავადების მიმდინარეობას.

 

• პარკინსონის დაავადება: ნოვაქოლინი ეფექტური აღმოჩნდა პარკინსონის დაავადების თერაპიისას კომბინაციის შემადგენლობაში. გამოვლინდა სასარგებლო ნეიროენდოკრინული, ნეიროიმუნომოდულატორული და ნეიროფიზიოლოგიური ეფექტები. არსებობს მნიშვნელოვანი ექსპერიმენტული მონაცემები ცნს-ის დოფამინერგულ სისტემაზე ციტიქოლინის ეფექტების შესახებ. ნოვაქოლინი ზრდის სტრიალური დოფამინისა და თიროზინის ჰიდროქსილაზას სინთეზს.

 

გამოყენების წესი და დოზირება:

პარკინსონის დაავადებისა და პარკინსონის სიდრომის დროს ნოვაქოლინი მიიღება დოზით 500-1000 მგ დღეში, ინტრამუსკულარული ინექციის სახით, ნელი ინტრავენური პერფუზიით ან წვეთოვანი ინტრავენყრი გადასხმით. 

მკურნალობის კურსი გრძელება 3-4 კვირა; რეკომენდებულია შესაბამისი ინტერვალების დაცვა.

ერთი 500 მგ ამპულა დღეში ერთჯერ ან ორჯერ ან ერთი 1000 მგ ამპულა დღეში ერთხელ შეიყვანება კუნთებში, ნელი ინტრავენური პერფუზიით ან ინტრავენური წვეთოვანი გადასხმით. 

ცნობიერების ხანგრძლივი დარღვევების დროს თუ გვიანდება ცნობიერების დაბრუნება, პრეპარატის შეყვანა უნდა მოხდეს უწყვეტად 2-3 კვირის განმავლობაში.

ნოვაქოლინი გავლენას არ ახდენს სუნთქვაზე, გულისცემაზე ან არტერიულ წნევაზე. ამდენად შეიძლება მისი უწყვეტად გამოყენება ხანგრძლივი პერიოდის განმავლობაში.

თუ ინექცია კეთდება ინტრავენურად, პრეპარატის შეყვანა უნდა მოხდეს ძალიან ნელა.

 

 

უკუჩვენებები:

დადასტურებული ჰიპერმგრძნობელობა პრეპარატის მიმართ.

 

სიფრთხილის ზომები გამოყენებისას:

ტვინის მძიმე შეშუპებისას გამოიყენება ისეთ პრეპარატებთან ერთად როგორიცაა მანიტოლი და კორტიკოსტეროიდები ქალას შიდა წნევის დასაწევად.

ნოვაქოლინის მაღალი დოზები (500მგ-ზე მეტი ერთჯერადი დოზა) არ გამოიყენება ქალასშიდა სისხლჩაქცევისას, ვინაიდან შეიძლება გაიზარდოს ცერებრალური სისხლის ნაკადი. ასეთ შემთხვევებში, სასურველია დაყოფილ დოზებად მიღება (100-200 მგ დღეში 2-3-ჯერ).

 

ურთიერთქმედება სხვა სამკურნალო საშუალებებთან:

პარკინსონის დაავადების დროს ახდენს სინერგიულ მოქმედებას L-დოფასთან (რის გამოც L-დოფას დოზა უნდა შემცირდეს).

ნოვაქოლინი შეიძლება გამოყენებული იყოს ანტიჰემორაგიულ პრეპარატებთან ერთად, ისეთ ნივთიერებებთან ერთად, რომლებიც ამცირებენ ქალასშიდა წნევას და პერფუზიულ ხსნარებთან. 

 

სპეციალური გაფრთხილებები:

ნოვაქოლინი არ ცვლის თერაპიულ ღონისძიებებს, რაც ინიშნება სხვადასხვა მდგომარეობების სამკურნალოდ. ის მიიჩნევა დამხმარე, ინტეგრაციული მკურნალობის საშუალებად.

 

ორსულობა და ლაქტაცია:

ორსულობისა და ლაქტაციის პერიოდში ნოვაქოლინი გამოიყენება მხოლოდ უკიდურესი აუცილებლობისას და უშუალო სამედიცინო მეთვალყურეობით.

 

ზემოქმედება ავტომობილებისა და მექანიზმების მართვის უნარზე:

ნოვაქოლინი გავლენას არ ახდენს ავტომობილებისა და მექანიზმების მართვის უნარზე.

 

ინახება ბავშვებისათვის მიუწვდომელ ადგილას.

 

ჭარბი დოზირება:

შემთხვევით ჭარბი დოზის მიღებისას დაუკავშირდით თქვენს მკურნალ ექიმს. 

 

თუ დაგავიწყდათ ერთი ან მეტი დოზის მიღება - მკურნალობა უნდა გაგრძელდეს თქვენი მკურნალი ექიმის დანიშნულების მიხედვით.

 

მკურნალობის შეწყვეტის შედეგად განვითარებული მოვლენები - არავითარი.

 

შესაძლო გვერდითი ეფექტები:

კლინიკურად მნიშვნელოვანი გვერდითი ეფექტები არ გამოვლენილა.

 

წინამდებარე დანართ ფურცელში მოცემული მითითებების დაცვა ხელს შეუწყობს გვერდითი ეფექტების რისკის შემცირებას.

აუცილებლად აცნობეთ ექიმს ან ფარმაცევტს რომელიმე გვერდითი ეფექტის განვითარებისას, იმ შემთხვევაშიც კი, თუ ამგვარი ეფექტი მითითებული არ არის აქ.

 

შენახვის პირობები:

პრეპარატი უნდა ინახებოდეს ოთახის ტემპერატურაზე, ყოველგვარი სიცხისაგან დაცულ ადგილას.

 

გაცემის წესი:

ფარმაცევტული პროდუქტის ჯგუფი II – გამოყენება ექიმის დანიშნულებით.

სად შევიძინოთ?