Nuk
ოკომისტინი / Okomistin


ჯგუფის დასახელება

ბენზილდიმეთილ-მირისტოილამინო-პროპილამონიუმი


ქიმიური დასახელება

ბენზილდიმეთილ[3-(მირისტოილამინო)პროპილ]ამონიუმის ქლორიდის მონოჰიდრატი

 

წამლის ფორმა

თვალის, ყურის და ცხვირის წვეთები

 

შემადგენლობა 100 მლ

აქტიური ნივთიერება:

ბენზილდიმეთილ[3-(მირისტოილამინო)პროპილ]ამონიუმის ქლორიდის მონოჰიდრატი (უწყლო ნივთიერებაზე გადაანგარიშებით) – 0,01 გ

დამხმარე ნივთიერებები: ნატრიუმის ქლორიდი – 0,90 გ, გასუფთავებული წყალი 100 მლ-მდე.

 

წამლის ფორმის აღწერა

უფერო, გამჭვირვალე სითხე.

 

ფარმაკოთერაპიული ჯგუფი

ანტისეპტიკური საშუალება.

ათქ კოდი S03АА

 
ფარმაკოლოგიური თვისებები

ფარმაკოდინამიკა

პრეპარატ ოკომისტინის ძირითად მოქმედ ნივთიერებას წარმოადგენს ანტისეპტიკური საშუალება ბენზილდიმეთილ-მირისტოილამინო-პროპილამონიუმი, რომელსაც გააჩნია გამოხატული ანტიმიკრობული მოქმედება გრამდადებითი და გრამუარყოფითი, აერობული და ანაერობული ბაქტერიების მიმართ, მონოკულტურების და მიკრობული ასოციასიების სახით, ანტიბიოტიკებისადმი პოლირეზისტენტული ჰოსპიტალური შტამების ჩათვლით. პრეპარატი მოქმედებს ქლამიდიებზე, პათოგენურ სოკოებზე, ასევე ჰერპეს ვირუსებზე, ადენოვირუსებზე. პრეპარატი მეტად აქტიურია გრამდადებითი ბაქტერიების მიმართ, მათ შორის სტაფილოკოკების, სტრეპტოკოკების მიმართ.

აქვს სოკოს საწინააღმდეგო მოქმედება ასკომიცეტებზე Aspergillus და Penicillium, საფუარას (Rhodotorula tubra, Torulopsis glabrata) და საფუარასებრ (Trichophyton rubrum, Trichophyton mentagrophytes, Trichophyton verrucosum, T. schoenleini, T. violaceum, Epidermophyton Kaufman-Wolf, E, floccosum, Microsporum gypseum, Microsporum canis), ასევე სხვა პათოგენურ სოკოებზე (მაგალითად,Pityrosporum orbiculare (Malassezia furfur მონოკულტურების და მიკრობული ასოციაციების სახით, ქიმიოთერაპიული წამლების მიმართ რეზისტენტული სოკოვანი მიკროფლორის ჩათვლით.

 ბენზილდიმეთილ-მირისტოილამინო-პროპილამონიუმის მოქმედებას საფუძვლად უდევს მოლეკულის მიკროორგანიზმების მემბრანის ლიპიდებთან პირდაპირი ჰიდროფობული ურთიერთქმედება, რომელსაც მივყავართ მათ ფრაგმენტაციასთან და დაშლასთან. ამასთანავე ბენზილდიმეთილ-მირისტოილამინო-პროპილამონიუმის მოლეკულები მემბრანის ჰიდროფობულ უბანზე შეღწევისას შლის მემბდანისზედა ფენას, აშრევებს მემბრანას, ამაღლებს მის შეღწევადობას მსხვილმოლეკულური ნივთიერებისათვის, ცვლის მიკრობული უჯრედის ენზიმურ აქტივობას, აინჰიბირებს ფერმენტულ სისტემებს, რასაც მივყავართ მიკროორგანიზმების სიცოცხლისუნარიანობის დათრგუნვასთან და მათ ციტოლიზთან. ბენზილდიმეთილ-მირისტოილამინო-პროპილამონიუმს გააჩნია მაღალი შერჩევითი მოქმედება მიკროორგანიზმებთან მიმართებაში, ის პრაქტიკულად არ მოქმედებს ადამიანის უჯრედების მემბრანაზე, რაც დაკავშირებულია უკანასკნელის განსხვავებულ სტრუქტურასთან – ლიპიდური რადიკალების მნიშვნელოვნად დიდი სიგრძით, რომლებიც მკვეთრად ზღუდავენ ბენზილდიმეთილ-მირისტოილამინო-პროპილამონიუმის უჯრედებთან ჰიდროფობულ ურთიერთქმედებას. პრეპარატის ზემოქმედებით ქვეითდება ბაქტერიების და სოკოების მდგრადობა ანტიბიოტიკებისადმი. ბენზილდიმეთილ-მირისტოილამინო-პროპილამონიუმს გააჩნია ანთების საწინააღმდეგო და იმუნოადიუვანტური მოქმედება, აძლიერებს ადგილობრივ დაცვით რეაქციებს, რეგენარაციულ პროცესებს, უჯრედული და ადგილობრივი ჰუმორული იმუნური პასუხის მოდულირებით, ააქტიურებს არასპეციფიური დაცვის მექანიზმებს.  

 

ფარმაკოკინეტიკა.
პრეპარატს ახასიათებს ადგილობრივი მოქმედება. სისხლში შესაძლო შეღწევადობის შესახებ მონაცემები არ არსებობს.

 

გამოყენების ჩვენებები

ოფთალმოლოგია

ოკომისტინი,  თვალის, ყურის, ნაზალური წვეთების გამოყენება რეკომენდებულია თვალის წინა ნაწილის ინფექციური პროცესების (ბლეფარიტის, კონიუნქტივიტის, კერატიტის, კერატოუვეიტის) კომპლექსური მკურნალობის დროს, თვალის ტრავმის და  თვალის დამწვრობის (თერმული და ქიმიური) დროს; ოპერაციამდე და ოპერაციის შემდგომ პერიოდში ჩირქოვან-ანთებითი პროცესების სამკურნალოდ და  პროფილაქტიკისთვის.

ახალშობილთა ოფთალმიის პროფილაქტიკისთვის, მათ შორის გონოკოკური და ქლამიდიური ინფექციების დროს.

ოტორინოლარინგოლოგია

პრეპარატი გამოიყენება მწვავე სინუსიტის/რინოსინუსიტის კომპლექსური მკურნალობის დროს, ქრონიკული სინუსიტის/რინოსინუსიტის გამწვავებისას, მწვავე რინიტის; მწვავე და ქრონიკული გარე ოტიტის, ქრონიკული ჩირქოვანი მეზოტიმპანიტის და  ოტომიკოზების დროს.

 

უკუჩვენებები

ინდივიდუალური მგრძნობელობა პრეპარატის კომპონენტების მიმართ.


გამოყენების წესი და დოზები

ოფთალმოლოგია

ადგილობრივად. მოზრდილებში მკურნალობის მიზნით, პრეპარატ ოკომისტინს იწვეთებენ კონიუნქტივურ პარკში, 1-2 წვეთს 4-6 ჯერ დღე-ღამეში კლინიკურ გამოჯანმრთელებამდე.

პროფილაქტიკის მიზნით პრეპარატს იწვეთებენ 2-3-ჯერ დღე-ღამეში ოპერაციამდე, ასევე ოპერაციის შემდეგ 1-2 წვეთს 3-ჯერ დღე-ღამეში 10-15 დღის განმავლობაში.

თვალის დამწვრობის მკურნალობის დროს, თვალის წყლის დიდი რაოდენობით გამორეცხვის შემდგომ, ატარებენ ხშირ ინსტილაციებს (ყოველ 5-10 წუთში) 1-2 საათის განმავლობაში. Mმკურნალობის გასაგრძელებლად  პრეპარატი გამოიყენება 2-2 წვეთი, 4-6-ჯერ დღე – ღამეში.

პედიატრიულ პრაქტიკაში, ბავშვებში ბაქტერიული კონიუნქტივიტების სამკურნალოდ, პრეპარატ ოკომისტინს იწვეთებენ კონიუნქტივურ პარკში 1-1 წვეთს 6 ჩაწვეთებამდე დღე-ღამეში, 7-10 დღის განმავლობაში.

ახალშობილებში ოფთალმიის პროფილაქტიკისთვის, ახალშობილს დაბადებისთანავე აწვეთებან პრეპარატის 1 წვეთს ორივე თვალში  2-ჯერ, 2-3 წუთის ინტერვალით.

 

ოტორინოლარინგოლოგია

ადგილობრივად, მოზრდილებში, მწვავე სინუსიტის/რინოსინუსიტის დროს,. ქრონიკური სინუსიტის/რინოსინუსიტის გამწვავებისას, მწვავე რინიტისას, ცხვირის ლორწოვანი გარსის ინფექციის დროს, პრეპარატ ოკომისტინის  2-3 წვეთს იწვეთებენ თითოეულ ნესტოში 4-6-ჯერ დღე-ღამეში. მკურნალობის კურსი 14 დღემდე.  

პედიატრიულ პრაქტიკაში, 1 წელზე მეტი ასაკის ბავშვებში მწვავე რინოსინუსიტის სამკურნალოდ, ქრონიკული რინოსინუსიტის გამწვავებისას, პრეპარატ ოკომისტინს იწვეთებენ თითოეულ ნესტოში 1-2 წვეთს 4-6-ჯერ დღე-ღამეში 10-14 დღის განმავლობაში.

მოზრდილებში, ადგილობრივად.

მწვავე და ქრონიკული  გარე ოტიტების და ოტომიკოზების დროს პრეპარატ ოკომისტინს იწვეთებენ გარეთა სასმენ მილში, 5-5 წვეთი 4-ჯერ დღე-ღამეში, ან ჩაწვეთების ნაცვლად გარეთა სასმენ მილში შეჰყავთ პრეპარატით დასველებული დოლბანდის ტურუნდა  4-ჯერ დღეში. მკურნალობის კურსი შეადგენს 10 დღეს. მოზრდილებში ქრონიკული მეზოტიმპანიტების დროს პრეპარატი გამოიყენება კომპლექსური მკურნალობისას. პრეპარატის შეყვანა ხდება ულტრაბგერითი აპარატურული ირიგაციის, ან ტიმპანურ ღრუში მისი ანტიბიოტიკებთან ერთად შეყვანის მეთოდით.

პრეპარატ ოკომისტინის გამოყენებიდან მე-3-4 დღეს დადებითი დინამიკის არ არსებობის შემთხვევაში (არსებული ნიშნების/სიმპტომების მეტად გამოხატვის ან ახალი ნიშნების/სიმპტომების გამოვლენისას, გართულების შემთხვევაში), აუცილებელია მიმართოთ ექიმს!    

 

გვერდითი მოვლენები

შესაძლებელია გამოვლინდეს ალერგიული რეაქციები. ცალკეულ შემთხვევებში შეიძლება განვითარდეს მსუბუქი წვის შეგრძნება, დისკომფორტი, რომელიც გაივლის თავისთავად 15-20 წამში და არ საჭიროებს პრეპარატის მოხსნას. ნებისმიერი არასასურველი ზემოქმედების გამოვლენის შემთხვევაში აუცილებელია მიმართოთ ექიმს.

 

ურთიერთქმედება სხვა სამკურნალო საშუალებებთან

კომბინაციაში ოკომისტინი ზრდის ადგილობრივი გამოყენების ანტიბიოტიკების მოქმედების ეფექტს.

სხვა სამკურნალო საშუალებებთან ურთიერთქმედებისკვლევა  არ ჩატარებულა

 

განსაკუთრებული მითითებები

პრეპარატ ოკომისტინის თვალის წვეთების ჩაწვეთების წინ, აუცილებელია კონტაქტური ლინზების მოხსნა და ჩადგმა არანაკლებ 15 წუთის შემდეგ ჩაწვეთებიდან.

დაბინძურების და ჯვარედინი ინფიცირების თავიდან აცილების მიზნით არ არის მიზანშეწონილი ერთიდაიგივე ფლაკონის გამოყენება თვალის, ცხვირის ან/და ყურის ინფექციების მკურნალობის დროს.

პრეპარატის ხსნარის დაბინძურების თავიდან აცილების მიზნით ჩაწვეთებისას პაციენტებმა თავი უნდა აარიდონ საწვეთურის წვერის თვალთან და კანთან კონტაქტს. ფლაკონის ერთ პირზე მეტის სარგებლობის შემთხვევაში შესაძლოა გამოიწვიოს ინფექციის გავრცელება.

 

გამოყენება ორსულობისა და ძუძუთი კვების პერიოდში

პრეპარატის გამოყენება ორსულობისა და ძუძუთი კვების პერიოდში შესაძლებელია მხოლოდ იმ შემთხვევაში, თუ კი სავარაუდო სარგებელი დედისთვის, აღემატება პოტენციურ რისკს  ნაყოფისთვის და ბავშვისთვის.

 

ბავშვები

პრეპარატის გამოყენება შესაძლებელია პედიატრიულ პრქტიკაში.

 

ჭარბი დოზირება

არ გამოვლენილა.

 

გავლენა სატრანსპორტო საშუალებებისა და მექანიზმების მართვის უნარზე

პრეპარატის გამოყენების შემდეგ შესაძლებელია მხედევლბითი აღქმის სიმკვეთრის დროებითი დაქვეითება და მის აღდგენამდე რეკომენდებული არ არის ავტომობილის მართვა და იმ საქმიანობის განხორციელება, რომელიც ითხოვს მომეტებულ ყურადღებას და რეაქციას.

 

გამოშვების ფორმა

ოკომისტინი, თვალის, ყურის, ნაზალური წვეთები 1მლ ან 1,5მლ ერთჯერად პოლიმერულ ფლაკონ-საწვეთურში, 5 ან 10 მლ პოლიმერულ ფლაკონში, დახუფული საცობი – საწვეთურით და ხრახნიანი თავსახურით, პირველადი გახსნის კონტროლით; 20მლ მინის ფლაკონში, დაცობილი რეზინის საცობით და ალუმინის თავსახურით ან პოლიეთილენის საწვეთურიანი თავსახურით.

1 ან 5 ფლაკონი ან 5 ან 10 ტუბი - საწვეთური გამოყენების ინსტრუქციასთან ერთად მოთავსებულია მუყაოს კოლოფში.

 
შენახვის პირობები

ინახება არაუმეტეს 25°С ტემპერატურისა

ინახება ბავშვებისთვის მიუწვდომელ ადგილას.

შენახვის ვადა 3 წელი. ვადა ფლაკონის გახსნიდან – 1 თვე.  ვადის გასვლის შემდგომ არ გამოიყენოთ.


აფთიაქიდან გაცემის პირობები

ფარმაცევტული პროდუქტის ჯგუფი III, გაიცემა რეცეპტის გარეშე.

სად შევიძინოთ?