პმს-ციტალოპრამი / pms- CITALOPRAM
- საერთაშორისო დასახელება (აქტიური ნივთიერება): citalopram
- კლინიკურ-ფარმაკოლოგიური ჯგუფი: ცენტრალური ნერვული სისტემა → ანტიდეპრესანტები → სეროტონინის უკუმიტაცების სელექტიური ინჰიბიტორები
- მწარმოებელი კომპანია: Pharma science
- მწარმოებელი ქვეყანა: კანადა
- გამოშვების ფორმა: 20მგ ტაბლეტი #500
- გაცემის რეჟიმი: II ჯგუფი (გაიცემა ფორმა N3 რეცეპტით)
შემადგენლობა
პრეპარატი pms-ციტალოპრამი (pms-CITALOPRAM) აქტიური ნივთიერების სახით შეიცავს ციტალოპრამის ჰიდრობრომიდს.
ჩვენებები
სხვადასხვა ეტიოლოგიის დეპრესია, პანიკური მდგომარეობა, ობსცესურ-კომპულსური დარღვევები.
მიღების წესები და დოზები
Ppms-ციტალოპრამი მიიღება დღეში ერთჯერ. მოზრდილებში საწყისი დოზა შეადგენს 10-20მგ/დღეში, აუცილებლობის შემთხვევაში შესაძლებელია დოზის გაზრდა 60მგ-მდე დღეში. 65 წელზე უფროსი ასაკის პაციენტებში – 20მგ/დღეში, აუცილებლობის შემთხვევაში შესაძლებელია დოზის გაზრდა 40მგ-მდე დღეში.
გვერდითი მოვლენები
• პირის სიმშრალე, გულისრევა;
• ძილიანობა, ტრემორი, ერთეულ შემთხვევებში – კრუნჩხვები;
• გულის შეკუმშვების სიხშირის უმნიშვნელო შემცირება,
• გაძლიერებული ოფლის გამოყოფა
გვერდითი მოვლენები როგორც წესი, გარდამავალი ხასიათისაა და სუსტად არის გამოხატული. ძირითადად ისინი აღინიშნება პმს-ციტალოპრამის გამოყენების პირველ 2 კვირაში და ცვეულებრივ მნიშვნელოვნად მცირდება დეპრესიით დაავადებული პაციენტის მდგომარეობის გაუმჯობესებისას.
უკუჩვენება
მომატებული მგრძნობელობა პმს-ციტალოპრამის მიმართ.
ორსულობა და ლაქტაცია
არ არის დადგენილი პმს-ციტალოპრამის უსაფრთხოება ორსულობისა და ლაქტაციის დროს. პრეპარატის გამოყენება გამართლებულია მხოლოდ მაშინ, როცა თერაპიის პოტენციური სარგებელი დედისთვია აღემატება ნაყოფისთვის ან ჩვილისთვის მოსალოდნელ რისკს.
განსაკუთრებული მითითებები
პაციენტებში ღვიძლის უკმარისობით საჭიროა პმს-ციტალოპრამის გამოყენება მინიმალური დოზით.
სუსტი და ზომიერად გამოხატული თირკმლის უკმარისობის მქონე პაციენტებში ციტალოპრამის დოზირების რეჟიმის კორექტირება აუცილებელი არ არის. არ არსებობს მონაცემები თირკმლის მძიმე ფორმის უკმარისობის მქონე პაციენტებში პრეპარატის გამოყენების შესახებ.
პმს-ციტალოპრამის გამოყენებისას შესაძლოა გულის შეკუმშვების სიხშირის უმნიშვნელო შემცირება, რასაც არ აქვს კლინიკური მნიშვნელობა, მაგრამ პაციენტებში რომლებსაც იმთავითვე აღენიშნებათ გულის შეკუმშვების დაბალი სიხშირე, პრეპარატმა შესაძლოა გამოიწვიოს უფრო გამოხატული ბრადიკარდია.
ბავშვებში პმს-ციტალოპრამის გამოყენების ეფექტურობა და უსაფრთხოება არ არის დადგენილი.
არ შეიძლება პმს-ციტალოპრამის ერთდროული მიღება მაო-ს ინჰიბიტორებთან.
პმს-ციტალოპრამი მაქსიმალური დოზით სიფრთხილით ინიშნება ციმეტიდინის მაღალი დოზების მიღების ფონზე.
გასათვალისწინებელია, რომ პაციენტებს დეპრესიით უჭირთ ყურადღების კონცენტრაცია, რაც შესაძლოა გაღრმავდეს ფსიქოტროპული მედიკამენტების მიღების ფონზე. ამიტომ აუცილებელია სიფრთხილე ავტოტრანსპორტის მართვისას და მექანიზმების გამოყენებისას.
სხვა წამლებთან ურთიერთქმედება
მაოს ინჰიბიროტებთან პმს-ციტალოპრამის ერთდროული გამოყენებისას შესაძლოა ჰიპერტონული კრიზის განვითარება.
შესაძლოა სისხლის პლაზმაში პმს-ციტალოპრამის კონცენტრაციის შემცირება კარბამაზეპინთან მისი ერთდროული მიღებისას.
სუმატრიპტანისა და სხვა სეროტონინერგული საშუალებების ეფექტი შესაძლოა გააძლიეროს პმს-ციტალოპრამმა მათი ერთდროული მიღებისას.
შენახვის პირობები და ვადები
ინახება ოთახის ტემპერატურაზე (15-30oC), მშრალ ადგილზე.
შეინახეთ ბავშვებისათვის მიუწვდომელ ადგილზე.
არ გამოიყენოთ ვადის გასვლის შემდეგ.
სად შევიძინოთ?