პულმოქსოლი / Pulmoxol


შემადგენლობა:

სიროფის თითოეული 5 მლ შეიცავს 15 მგ ამბროქსოლის ჰიდროქლორიდის აქტიურ ნივთიერებას. 

დამხმარე კომპონენტები: ბენზოის მჟავა, სორბიტოლი, მარწყვის ექსტრაქტი.

ფარმაკოთერაპიული ჯგუფი: მუკოლიზური სამკურნალო საშუალება

ფარმაკოლოგიური თვისებები

ფარმაკოდინამიკური თვისებები:

ამბროქსოლის ჰიდროქლორიდი ავლენს მუკოლიზურ და ამოსახველებელ მოქმედებას. ამბროქსოლი არის ბრომჰექსინის მეტაბოლიტი. გამოხატული აქვს უფრო ძლიერი ამოსახველებელი ეფექტი. ამბროქსოლის ჰიდროქლორიდი ასტიმულირებს სურფაქტანტის წარმოქმნას, ზრდის მოციმციმე ეპითელიუმის აქტივობას. ნახველის გათხიერებისა და ადჰეზიის შემცირების ხარჯზე ავლენს ამოსახველებელ მოქმედებას და აადვილებს ნახველის გამოყოფას ხველების დროს, რომელიც გროვდება სასუნთქ გზებში. ზრდის ბრონქულ სეკრეციას და ამცირებს მის სიბლანტეს. მუკოლიზური მოქმედების შედეგად ირღვევა ლორწოს ადჰეზიურობა, მნიშვნელოვნად რბილდება ნახველი და ამის შედეგად ადვილდება მისი გამოყოფა.

ფარმაკოკინეტიკური თვისებები:

ამბროქსოლის ჰიდროქლორიდი პერორალური მიღებისას სწრაფად და მთლიანად შეიწოვება. ბიოშეღწევადობა შეადგენს 70%. ამ რაოდენობის 1/3 ელიმინირდება ღვიძლში პირველადი გავლის შემდეგ. უზმოზე მიღებისას პლაზმაში მაქსიმალური კონცენტრაცია მიიღწევა 2,5 სთ-ის შემდეგ. ნახევარგამოყოფის პერიოდი შეადგენს 9-10 სთ-ს. თერაპიული პლაზმური კონცენტრაცია, რომელიც იმყოფება 30 ნგ/მლ-ის ფარგლებში მიიღწევა 30მგ. პრეპარატის ორჯერადი მიღებისას დღეში. განმეორებითი მიღებისას პლაზმაში კუმულაცია არ ხდება. პრეპარატის 90% უკავშირდება პლაზმის პროტეინებს. პერორალური მიღების შემდეგ პრეპარატის 85% მეტაბოლიტებისა და 10% შეუცვლელი სახით გამოიყოფა შარდით.

ჩვენება:

პულმოქსოლი გამოიყენება ფილტვების ობსტრუქციული დაავადებების, ბრონქული ასთმის, ბრონქოექტაზიების, მწვავე და ქრონიკული ბრონქიტის, ლარინგიტის, სინუსიტის, რინიტისა და პოსტოპერაციული ბრონქოპულმონური გართულებების მკურნალობისა და პროფილაქტიკის მიზნით.

უკუჩვენება:

პულმოქსოლი არ ინიშნება ბრომჰექსინისა და ამბროქსოლის მიმართ მომატებული მგრძნობელობის დროს.

გაფრთხილება/განსაკუთრებული მითითებანი:

არ შეიძლება კოდეინთან და სხვა ხველების საწინააღმდეგო საშუალებებთან კომბინაცია. ამან შეიძლება გააუარესოს ნახველისა და ლორწოს გამოყოფა.

სიფრთხილით გამოიყენება ღვიძლისა და თირკმლების ფუნქციური მოშლილობისა და პეპტიური წყლულის დროს.

გამოყენება ორსულობისა და ლაქტაციის პერიოდში 

ცხოველებზე ჩატარებულმა ცდებმა არ გამოავლინა პრეპარატის ფეტოტოქსიურობა,Mმაგრამ არ არსებობს ორსულებზე პრეპარატის კონტროლირებადი გამოკვლევები. ვინაიდან იგი აღწევს დედის რძეში, არ არის რეკომენდებული პრეპარატის მიღება ორსულობის პირველ ტრიმესტრსა და ლაქტაციის პერიოდში.

წამლისმიერი ურთიერთქმედება

შეუთავსებელია ხველის საწინააღმდეგო პრეპარატებთან, რომლებიც შეიცავენ კოდეინს, ატროპინის მსგავს საშუალებებთან და პრეპარატის სეკრეციის შემამცირებელ საშუალებებთან.

მიღების წესი და დოზა

თუ არ არის ექიმის სხვა რეკომენდაციები, პულმოქსოლი ინიშნება შემდეგი წესით:

ბავშვები: 2 წლამდე ½2,5 მლ 2-ჯერ დღეში;

2-5 წლამდე 2,5 მლ 3-ჯერ დღეში;

5-12 წლამდე 5 მლ 2-3-ჯერ დღეში;

გვერდითი მოქმედება:

ძალიან იშვიათად შეიძლება აღინიშნოს: გულისრევა, პირღებინება, ფაღარათი, სისუსტე, თავის ტკივილი, კანზე გამონაყარი.

მოულოდნელი ეფექტების გამოვლენის შემთხვევაში მიმართეთ ექიმს.

ზომები ჰიპერდოზირების შემთხვევაში.

მოწამვლის შემთხვევები არ აღნიშნულა. სპეციფიკური ანტიდოტი არ გააჩნია. პრეპარატის დოზის გადაჭარბების შემთხვევაში ავადმყოფში გამოიწვევა ღებინება, გამოირეცხება კუჭი და ინიშნება სიმპტომური და შემანარჩუნებელი თერაპია.

გამოშვების ფორმა: პულმოქსოლის სიროფი 150 მლ 15მგ/5მლ მუქ მინის ფლაკონში. 1 ფლაკონი ინსტრუქციასთან ერთად მუყაოს ყუთში. 

შენახვის წესები:

ინახება ოთახის ტემპერატურაზე არაუმეტეს 25 ºC-ისა.

ინახება შეფუთვაში ბავშვებისთვის მიუწვდომელ ადგილას.

ვარგისობის ვადა: 36 თვე

ვარგისობის ვადის გასვლის შემდეგ არ გამოიყენება

აფთიაქიდან გაცემის რეჟიმი:
ფარმაცევტული პროდუქტის ჯგუფი III (გაიცემა ურეცეპტოდ)