სინგლონი / SINGLON®


შემადგენლობა
ყოველი საღეჭი ტაბლეტი შეიცავს:
მოქმედი ნივთიერება:
საღეჭი ტაბლეტი 4მგ: ნატრიუმის მონტელუკასტი-4.16მგ (4,0მგ მონტელუკასტის ექვივალენტი).
საღეჭი ტაბლეტი 5მგ: ნატრიუმის მონტელუკასტი-5,20მგ (5,0მგ მონტელუკასტის ექვივალენტი).

დამხმარე ნივთიერებები: 
მანიტი, მიკროკრისტალური ცელულოზა 101, ჰიდროქსიპროპილცელულოზა, ნატრიუმის კროსკარმელოზა, ალუბლის არომატიზატორი, ფხვნილი, ასპარტამი, რკინის ყვითელი ოქსიდი (E172), მაგნიუმის სტეარატი.

ფარმაკოთერაპიული ჯგუფი: ანტიასთმური საშუალება სისტემური გამოყენებისთვის, ლეიკოტრიენული რეცეპტორების ანტაგონისტი. 
ათქ კოდი: R03DC03.

ფარმაკოლოგიური მოქმედება
ცისტეინური ლეიკოტრიენები (LTC4, LTD4, LTE4) წარმოადგენს ეფექტურ ანთებით ეიკოზანოიდებს, რომლებიც გამოთავისუფლდება სხვადასხვა უჯრედების მიერ, მათ შორის- ღრუბლისებრი უჯრედების და ეოზინოფილების ჩათვლით. ეს მნიშვნელოვანი პრო-ასთმური მედიატორები უკავშირდება ცისტეინურ ლეიკოტრიენების რეცეპტორებს (CysLT) სასუნთქ გზებში და იწვევს ბრონქოსპაზმს, ლორწოს სეკრეციას, სისხლძარღვების განვლადობის ცვლილებას და ეოზინოფილების მობილიზაციას. 
მონტელუკასტი არის პერორალური აქტივობის მქონე პრეპარატი,  რომელიც არჩევითობის მაღალი ხარისხით უკავშირდება CysLT1 რეცეპტორებს და თრგუნავს  LTC4, LTD4 და LTE4 ფიზიოლოგიურ ეფექტებს.

ფარმაკოკინეტიკა
აბსორბცია
მონტელუკასტი სწრაფად შეიწოვება პერორალურად მიღების შემდეგ.  10მგ მონტელუკასტის უზმოზე მიღებისას საშუალო პიკური კონცენტრაცია (Cmax) პლაზმაში მიიღწევა 3 საათის შემდეგ (Tmax).  ბიოშეღწევადობა  შეადგენს 64%-ს. ჩვეულებრივი საკვები პროდუქტები არ მოქმედებს პრეპარატის შეწოვასა და ჩმახ-ზე. 
5მგ საღეჭი ტაბლეტებისთვის  ჩმახ მიიღწევა მოზრდილ პაციენტებში უზმოზე მათი მიღებიდან 2 საათის შემდეგ. ბიოშეღწევადობა შეადგენს 73%-ს; ის ქვეითდება 63%-მდე პრეპარატის გამოყენებისას საკვების სტანდარტული მიღების შემდეგ.
ბავშვებში 2-5 წლამდე 4მგ საღეჭი ტაბლეტებისათვის ჩმახ მიიღწევა უზმოზე მიღებიდან 2 საათის შემდეგ. საშუალო Cmax იყო 66%-ით მაღალი, იმ დროს როცა საშუალო Cmin  იყო უფრო დაბალი, ვიდრე მოზრდილებში 10მგ ტაბლეტის მიღების შემდეგ. 

განაწილება
მონტელუკასტი 99%-ზე მეტად უკავშირდება პლაზმის ცილებს. მონტელუკასტის განაწილების მოცულობა თანაბარ მდგომარეობაში შეადგენს საშუალოდ 8-11 ლიტრს. ვირთხებზე ჩატარებული მონიშნული მონტელუკასტის გამოკვლევისას, გამოვლინდა პრეპარატის მინიმალური შეღწევა ჰემატოენცეფალურ ბარიერში. მონიშნული მასალის კონცენტრაცია პრეპარატის გამოყენებიდან 24 საათის შემდეგ მინიმალური იყო სხვა ქსოვილებში. 

ბიოტრანსფორმაცია
მონტელუკასტი ექვემდებარება ექსტენსიურ მეტაბოლიზმს.  გამოკვლევებში თერაპიული დოზებით მონტელუკასტის მეტაბოლიტები პლაზმაში სტაბილურ მდგომარეობაში აღმოჩენილი არ არის მოზრდილებსა და ბავშვებში.

ინ ვიტრო გამოკვლევებში ადამიანის ღვიძლის მიკროსომებზე გამოჩნდა, რომ ციტოქრომები P450 3A4, 2A6 და 2C9 ჩართულია მონტელუკასტის მეტაბოლიზმში. ინ ვიტრო შემდეგ გამოკვლევებში ღვიძლის მიკროსომებზე დადგინდა, რომ პლაზმაში მონტელუკასტის  თერაპიული კონცენტრაციები არ აინჰიბირებს ციტოქრომ P450 3A4, 2C9, 1A2, 2A6, 2C19 და 2D6. თერაპიულ მოქმედებაში მეტაბოლტების წვლილი მინიმალურია.

გამოყოფა
 მონტელუკასტის პლაზმური კლირენსი ჯანმრთელ ზრდასრულ ადამიანებში საშუალოდ შეადგენს 45 მლ/წთ-ს. მონიშნული მონტელუკასტის შიგნით მიღების შემდეგ პრეპარატის 86% ნაწლავებით გამოიყოფოდა 5 დღის განმავლობაში და <0.2% _ თირკმელებით. შიგნით მიღების შემდეგ გამოთვლილ ბიოშეღწევადობასთან შეთავსებით ეს შედეგები მოწმობს იმაზე, რომ პრეპარატი და მისი მეტაბოლიტები გამოიყოფა უპირატესად ნაღველთან ერთად.

ფარმაკოკინეტიკა პაციენტების განსაკუთრებულ ჯგუფებში
ხანდაზმული პაციენტები
ხანდაზმული პაციენტებისთვის დოზა კორექტირებას არ საჭიროებს.
პაციენტები თირკმლის ფუნქციის დარღვევით
თირკლის უკმარისობის მქონე პაციენტებზე გამოკვლევები არ ჩატარებულა. იმდენად, რამდენადაც მონტელუკასტი და მისი მეტაბოლიტები გამოიყოფა ნაღველთან ერთად, თირკმლის უკმარისობის მქონე პაციენტებში დოზის კორექტირება საჭირო არ არის.
პაციენტები ღვიძლის ფუნქციის დარღვევით
ღვიძლის მსუბუქი ან ზომიერი ხარისხის უკმარისობის მქონე პაციენტებისთვის დოზის კორექტირება საჭირო არ არის. ღვიძლის მძიმე უკმარისობის მქონე პაციენტების მონაცემები მონტელუკასტის ფარმაკოკინეტიკის შესახებ (შეფასება >9 ჩაილდ-პიუს სკალის მიხედვით) არ არსებობს.

გამოყენების ჩვენება:
- როგორც დამატებითი მკურნალობა საშუალო და მსუბუქი ხარისხის პერსისტირებადი ბრონქული ასთმის დროს პაციენტებში, რომელთა დაავადება არ კონტროლდება საინჰალაციო გლუკოკორტიკოსტეროიდების მიღებით, და აუცილებლობისას გამოყენებული ხანმოკლე მოქმედების β-აგონისტები არ უზრუნველყოფს სასურველ კლინიკურ ეფექტს.
- ბრონქული ასთმის პროფილაქტიკა, რომლის უპირველესი კომპონენტია ფიზიკური დატვირთვის ფონზე განვითარებული ბრონქოსპაზმი.

უკუჩვენება
ჰიპერმგრძნობელობა აქტიური ნივთიერების ან ნებისმიერი დამხმარე ნივთიერების მიმართ.
სიფრთხილით:
ორსულობა და ლაქტაციის პერიოდი.

ორსულობა და ლაქტაციის პერიოდი
ორსულობის მონაცემთა ბაზაში არსებული შეზღუდული მონაცემები არ იძლევა საშუალებას ვივარაუდოთ მიზეზობრივი კავშირი მონტელუკასტსა და თანდაყოლილ მანკებს (მაგ.: კიდურების დეფექტები) შორის, რომლებიც იშვიათად ვლინდება გლობალური პოსტმარკეტინგული გამოკვლევებისას.
სინგლონის გამოყენება ორსულობისას შეიძლება მხოლოდ უკიდურესი აუცილებლობისას.
მონაცემები მონტელუკასტის შეღწევადობის შესახებ დედის რძეში არ არსებობს.
ძუძუთი კვების პერიოდში გამოყენება შეიძლება მხოლოდ უკიდურესი აუცილებლობისას.

გამოყენების მეთოდი და დოზები:
სინგლონი, 4მგ საღეჭი ტაბლეტი:
2-5 წლამდე ასაკის ბავშვები: 1 საღეჭი ტაბლეტი 4მგ ყოველდღე საღამოს, ჭამამდე 1 საათით ადრე ან საკვების მიღებიდან 2სთ-ის შემდეგ. მოცემული ასაკობრივი ჯგუფის ფარგლებში დოზის არავითარი კორექტირება საჭირო არ არის.
სინგლონი, 5მგ საღეჭი ტაბლეტები:
6-14 წლის ასაკის ბავშვებში: 1 საღეჭი ტაბლეტი 4მგ ყოველდღე საღამოს, ჭამამდე 1 საათით ადრე ან საკვების მიღებიდან 2სთ-ის შემდეგ. მოცემული ასაკობრივი ჯგუფის ფარგლებში დოზის არავითარი კორექტირება საჭირო არ არის.
ზოგადი რეკომენდაციები:
ბრონქულ ასთმასთან დაკავშირებულ სიმპტომებზე პრეპარატის თერაპიული მოქმედება ვლინდება 1 დღის განმავლობაში. პაციენტმა უნდა გააგრძელოს მიღება ბრონქული ასთმის მიმდინარეობის როგორც კონტროლირებად, ასევე გაუარესების პერიოდებშიც.
პრეპარატის დოზა ერთნაირია მდედრობითი და მამრობითი სქესის ადამიანებისთვის.
სინგლონი, როგორც საინჰალაციო გლუკოკორტიკოსტეროიდების დაბალი დოზების ალტერნატიული თერაპია:
არ არის რეკომენდებული პრეპარატის დანიშვნა მონოთერაპიის სახით საშუალო სიმძიმის პერსისტარებული ბრონქული ასთმით დაავადებული პაციენტებისთვის. სინგლონის, როგორც მსუბუქი ხარისხის პერსისტირებული ბრონქული ასთმის მქონე ბავშვებში საინჰალაციო გლუკოკორტიკოსტეროიდების დაბალი დოზების ალტერნატიული თერაპიის სახით გამოყენება, უნდა განიხილებოდეს მხოლოდ იმ პაციენტებისთვის, რომელთაც ახლო წარსულში არ ჰქონიათ ბრონქული ასთმის სერიოზული შეტევები, რომლებიც საჭიროებდნენ პერორალური გლუკოკორტიკოსტეროიდების მიღებას, ან პაციენტებისთვის, რომლებსაც არ შეუძლიათ საინჰალაციო გლუკოკორტიკოსტეროიდების მიღება. მსუბუქი ხარისხის პერსისტირებადი ბრონქული ასთმის ქვეშ იგულისხმება ბრონქული ასთმის ის სიმპტომები, რომლებიც თავს იჩენს კვირაში ერთზე უფრო ხშირად, მაგრამ უფრო იშვიათად, ვიდრე ერთხელ დღეში; სიმპტომები, რომლებიც ჩნდება ღამე უფრო ხშირად, ვიდრე თვეში 2-ჯერ, მაგრამ უფრო იშვიათად, ვიდრე კვირაში ერთხელ, მოვლენათა შორის ფილტვების ნორმალური ფუნქციით. თუ საექიმო დაკვირვების პერიოდში (ჩვეულებრივ, 1 თვის განმავლობაში) ვერ ხერხდება ბრონქული ასთმის სიმპტომების დამაკმაყოფილებელი კონტროლი, განიხილება დამატებითი ან სხვა ანთებისსაწინააღმდეგო მკურნალობის აუცილებლობის საკითხი, რომელიც ემყარება ბრონქული ასთმის ნაბიჯ-ნაბიჯ მკურნალობას. პაციენტები იმყოფებიან პერიოდული მეთვალყურეობის ქვეშ ბრონქული ასთმის სიმპტომების კონტროლისათვის.
სინგლონით სხვა პერპარატებთან კომბინაციაში ბრონქული ასთმის მკურნალობა:
თუ პრეპარატი დანიშნულია საინჰალაციო გლუკოკორტიკოსტეროიდების მიღების ფონზე, არ შეიძლება საინჰალაციო გლუკოკორტიკოსტეროიდების სინგლონით მკვეთრად შეცვლა.
მიღება თირკმლის ფუნქციის დარღვევის მქონე პაციენტებში:
თირკმლის უკმარისობის მქონე პაციენტებისთვის დოზის კორექტირება საჭირო არ არის.
მიღება ღვიძლის ფუნქციის დარღვევის მქონე პაციენტებში:
მსუბუქი ან ზომიერი ხარისხის ღვიძლის უკმარისობის მქონე პაციენტებისთვის დოზის კორექტირება საჭირო არ არის. მონაცემები ღვიძლის მძიმე უკმარისობის მქონე პაციენტების შესახებ არ არსებობს.
გამოყენება ბავშვებსა და მოზარდებში:
მოზრდილ პაციენტებში 15 წლის ზევით გამოიყენება 10 მგ ტაბლეტები.
6-14 წლის ბავშვებში გამოიყენება საღეჭი ტაბლეტები 5 მგ.
2-5 წლის ბავშვებში გამოიყენება საღეჭი ტაბლეტები 4 მგ.
2 წლამდე ასაკის ბავშვებისათვის 4 მგ სინგლონის საღეჭი ტაბლეტების უსაფრთხოება და ეფექტურობა დადგენილი არ არის.

გვერდითი მოვლენები:
კლინიკურ კვლევებში აღწერილია არასასურველი რეაქციები, რომლებიც, ჩვეულებრივ (>1/100, <1/10), უფრო მეტი სიხშირით აღენიშნებოდათ პაციენტებს, რომლებიც იღებდნენ მონტელუკასტს, ვიდრე პაციენტებს, რომლებიც იღებდნენ პლაცებოს.

ორგანოები და სისტემები

მოზრდილი პაციენტები 15 წელზე უფროს ასაკში (ორი 12 კვირიანი კვლევა n=795)

6-14 წლის ასაკის ბავშვები
(ერთი 8 კვირიანი კვლევა n=201)
(ორი 56 კვირიანი კვლევა n=615)

2-5 წლის ასაკის ბავშვები(ერთი 12 კვირიანი კვლევა n=461)
(ერთი 48 კვირიანი კვლევა n=278)

ნერვული სისტემის დარღვევა

თავის ტკივილი

თავის ტკივილი

 

კუჭ-ნაწლავის დარღვევები

ტკივილი მუცელში

 

ტკივილი მუცელში

ზოგადი დარღვევები და რეაქციები შეყვანის ადგილზე

 

 

წყურვილი


შეზღუდული რაოდენობით პაციენტების კლინიკური კვლევების მიმდინარეობისას ხანგრძლივი მკურნალობის დროს (2 წლამდე მოზრდილთა შემთხვევაში და 12 თვემდე 6-14 წლის პაციენტების შემთხვევაში) პრეპარატის უსაფრთხოების პროფილი არ შეცვლილა.
პოსტმარკეტინგული გამოკვლევებისას გამოვლინდა შემდეგი არასასურველი რეაქციები:
დარღვევები სისხლმბადი და ლიმფური სისტემების მხრივ:
სისხლდენებისკენ მიდრეკილების გაძლიერება.
დარღვევები იმუნური სისტემის მხრივ:
ჰიპერმგრძნობელობის რეაქციები ანაფილაქსიის ჩათვლით; ღვიძლის ეოზინოფილური ინფილტრატები.
ფსიქიური აშლილობები:
ძილის დარღვევა ღამის კოშმარების ჩათვლით, ჰალუცინაციები, ფსიქომოტორული ჰიპერაქტიურობა (გაღიზიანების, შფოთვის, აგზნების, აგრესიული ქცევის და ტრემორის ჩათვლით), დეპრესია და უძილობა.
დარღვევები ნერვული სისტემის მხრივ: ძილიანობა, თავბრუსხვევა, პარესთეზია/ჰიპერესთეზია, გულყრები.
დარღვევები კუჭ-ნაწლავის ტრაქტის მხრივ:
დიარეა, პირის სიმშრალე, დისპეფსია, გულისრევა და ღებინება.
დარღვევები ჰეპატობილიარული სისტემის მხრივ:
სისხლის შრატში ტრანსამინაზების შემცველობის მომატება (ალანინამინოტრანსფერაზები, ასპარტატამინოტრანსფერაზები), ქოლესტაზური ჰეპატიტი.
დარღვევები კანის საფარის მხრივ: 
ანგიონევროზული შეშუპება,ეკქიმოზები,ჭინჭრის ციება,ქავილი, გამონაყარი.
დარღვევები ძვალ-კუნთოვანი სისტემის მხრივ:
ართრალგია, მიალგია, კუნთების სპაზმის ჩათვლით.
ზოგადი დარღვევები და რეაქციები შეყვანის ადგილას:
ასთენია/დაღლილობა, დისკომფორტი, შეშუპება. ძალიან იშვიათ შემთხვევებში მონტელუკასტის მიღებისას ბრონქული ასთმით დაავადებულ პაციენტებს უვითარდებათ ჩარგ-სტრაუსის სინდრომი.

ჭარბი დოზირება:
სიმპტომები: ტკივილები მუცელში, ძილიანობა, წყურვილი, თავის ტკივილი, ღებინება, ფსიქომოტორული ჰიპერაქტივობა. 
მკურნალობა: სიმპტომური. არ არსებობს მონაცემები პერიტონეალური დიალიზის ან ჰემოდიალიზის საშუალებით მონტელუკასტის გამოყოფის შესახებ.

ურთიერთქმედება სხვა სამკურნალო საშუალებებთან:
შეიძლება მონტელუკასტის გამოყენება სხვა პრეპარატებთან ერთად, რომლებიც ტრადიციულად ინიშნება ბრონქული ასთმის პროფილაქტიკისა და ხანგრძლივი მკურნალობისთვის. პრეპარატების ურთიერთქმედების გამოვლენისათვის ჩატარებული გამოკვლევების მიხედვით მონტელუკასტი რეკომენდებული დოზებით არ ახდენდა კლინიკურად მნიშვნელოვან გავლენას შემდეგი პრეპარატების ფარმაკოკინეტიკაზე: თეოფილინი, პრედნიზონი, პრედნიზოლონი, პერორალური კონტრაცეპტივები (ეთინილესტრადიოლი/ნორეთინდრონი 35/1), ტერფენადინი, დიგოქსინი და ვარფარინი.
მონტელუკასტის პლაზმაში კონცენტრაციის მრუდის ქვეშ ფართობი (AUC) მცირდებოდა დაახლოებით 40%-ით პაციენტებში, რომლებიც იღებდნენ მონტელუკასტს და ფენობარბიტალს. იმდენად, რამდენადაც მონტელუკასტის მეტაბოლიზმში მონაწილეობს CYP3A4, საჭიროა სიფრთხილის დაცვა, განსაკუთრებით ბავშვებში, მონტელუკასტის მიღებისას ისეთ CYP3A4 ინდუქტორებთან ერთად, როგორებიცაა ფენიტოინი, ფენობარბიტალი და რიფამპიცინი.
In vitro გამოკვლევებით დადგინდა, რომ მონტელუკასტი CYP 2C8 მძლავრი ინჰიბიტორია. ამასთან, მონტელუკასტის და როსიგლიტაზონის კლინიკური ურთიერთქმედების გამოკვლევის შედეგებმა (მარკერული სუბსტრატების მაგალითი პრეპარატებისათვის, რომელთა ძირითადი მეტაბოლიზმი ხორციელდება ფერმენტით) არ გამოავლინა მონტელუკასტის მაინჰიბირებელი ზეგავლენა CYP 2C8–ზე ინ ვივო. ამიტომ მოსალოდნელია, რომ მონტელუკასტი მნიშვნელოვნად არ შეცვლის მოცემული ფერმენტის მონაწილეობით მეტაბოლიზირებული პრეპარატების გარდაქმნებს (მაგ.: პაკლიტაქსელი, როსიგლიზატონი და რეპაგლინიდი).

განსაკუთრებული მითითებები:
არ არის სასურველი სინგლონის საღეჭი ტაბლეტების მიღება ბრონქული ასთმის მწვავე შეტევის კუპირებისთვის. ამ მიზნით უნდა გამოიყენებოდეს შესაბამისი სწრაფეფექტური ადვილად ხელმისაწვდომი ანტიასთმური საშუალება. შეტევის განვითარებისას რეკომენდებულია საინჰალაციო β–აგონისტების გამოყენება. ხანმოკლე მოქმედების β– აგონისტების გამოყენების მოთხოვნილების ზრდის შემთხვევაში პაციენტმა რაც შეიძლება სწრაფად უნდა მიმართოს ექიმს.
სინგლონის საღეჭი ტაბლეტებით არ შეიძლება საინჰალაციო ან პერორალური გლუკოკორტიკოსტეროიდების მკვეთრი ჩანაცვლება.
არ არსებობს მონაცემები, რომლებიც მოწმობს სინგლონის საღეჭი ტაბლეტებით თანმხლები მკურნალობისას პერორალური გლუკოკორტიკოსტეროიდების დოზის დაკლების შესაძლებლობას.
იშვიათ შემთხვევებში პაციენტებს, რომლებიც იყენებენ ბრონქული სპაზმის სამკურნალო პრეპარატებს სინგლონის საღეჭი ტაბლეტების ჩათვლით, შეიძლება განუვითარდეთ სისტემური ეოზინოფილია, რომელსაც შეიძლება თან ერთვოდეს ვასკულიტისა და ჩარგა-სტრაუსის სინდრომის კლინიკური გამოვლინება, ამ შემთხვევაში იყენებენ სისტემურ გლუკოკორტიკოსტეროიდებს. ასეთი შემთხვევები ჩვეულებრივ, მაგრამ არა ყოველთვის, დაკავშირებულია პერორალური გლუკოკორტიკოსტეროიდების დოზის შემცირებასთან ან მოხსნასთან. არ შეიძლება არც გამორიცხვა და არც დადასტურება იმისა, რომ ლეიკოტრიენული რეცეპტორების ანტაგონიტების მიღება შეიძლება დაკავშირებული იყოს ჩარგა-სტრაუსის სინდრომის განვითარებასთან. ექიმები უნდა ინფორმირებული იყვნენ მათ პაციენტებში ეოზინოფილიის, ვასკულიტური გამონაყარის, ფილტვის სიმპტომების ზრდის, გულის მხროვ გართულებებისა და/ან ნეიტროპენიის განვითარების შესაძლებლობის შესახებ. პაციენტებმა, რომელთაც განუვითარდათ ზემოჩამოთვლილი სიმპტომები, უნდა გაიარონ ხელახალი გამოკვლევა, და მათი მკურნალობის რეჟიმი უნდა გადაიხედოს.
სინგლონი, საღეჭი ტაბლეტები 4 მგ, შეიცავს ასპარტამს – ფენილალანინის წყაროს. პაციენტებმა ფენილკეტონურიით უნდა მიიღონ მხედველობაში, რომ ყოველი 4 მგ ტაბლეტი შეიცავს 1.2 მგ ასპარტამს.
სინგლონი, საღეჭი ტაბლეტები 5მგ შეიცავს ასპარტამს – ფენილალანინის წყაროს. პაციენტებმა ფენილკეტონურიით უნდა მიიღონ მხედველობაში, რომ ყოველი 4 მგ ტაბლეტი შეიცავს 1.5 მგ ასპარტამს.
სინგლონი, საღეჭი ტაბლეტების, 4 მგ უსაფრთხოება და ეფექტურობა 2 წლამდე ასაკის ბავშვებში დადგენილი არ არის.
სავარაუდოა, რომ სინგლონი არ მოქმედებს პაციენტების უნარზე მართონ ავტომანქანა და სხვა მექანიზმები. მაგრამ საჭიროა სიფრთხილის დაცვა, იმდენად, რამდენადაც მკურნალობისას ძალიან იშვიათ შემთხვევებში პაციენტებს აღენიშნებოდათ ძილიანობა.

გამოშვების ფორმა:
7 საღეჭი ტაბლეტი ბლისტერზე.
2, 4, 8 ბლისტერი მუყაოს კოლოფში გამოყენების ინსტრუქციასთან ერთად.

შენახვის პირობები:
ინახება ორიგინალურ შეფუთვაში +15°C - +25°C ტემპერატურაზე სინათლისგან და ნესტისგან დაცულ ადგილას.
ინახება ბავშვებისთვის მიუწვდომელ ადგილას.

ვარგისობის ვადა:
3 წელი.
არ შეიძლება გამოყენება შეფუთვის მითითებული ვარგისიანობის ვადის ამოწურვის შემდეგ.