მიკოტრანი / Mikotran


შემადგენლობა
ვაგინალური სანთელი 1ც
თითოეული ვაგინალური სანთელი შეიცავს:
აქტიური ნივთიერება 1200 მგ მიკონაზოლის ნიტრატს.
დამხმარე ნივთიერებები: ვიტეფსოლი S 55, ტვინ 80.

ფარმაკოლოგიური თვისებები
ვაგინალური სანთელი მიკოტრანი შეიცავს იმიდაზოლის წარმოებულ ფართო სპექტრის ანტიფუნგინალურ საშუალებას - მიკონაზოლის ნიტრატს. მიკონაზოლის ნიტრატი მოქმედებს პათოგენურ და საფუარა სოკოებზე, მათ შორის Candida albicans-ზე. მის მიმართ მგრძნობიარეა ზოგიერთი გრამდადებითი ბაქტერია, მათ შორის Aspergillus spp, Cryptococcus neofarmans, სტაფილოკოკები და სტრეპტოკოკები.

ფარმაკოკინეტიკა
ვაგინური სანთლის ერთჯერადი დოზის - 1200 მგ გამოყენების შემდეგ, სისხლის პლაზმაში მისი, საშუალო მაქსიმალური კონცენტრაცია შეადგენს 10.4 მგ/ლ, ხოლო ნახევრადგამოყოფის პერიოდი_ 56.8 სთ. პლაზმაში საშუალო კონცენტრაცია - (დროის მონაკვეთში მრუდის ქვეშ ფართობი)- 967 მგ/ლ სთ. ინტრავაგინალური გამოყენებისას მიკონაზოლის ნიტრატი სისხლში შეიწოვება უმნიშვნელო რაოდენობით (მიღებული დოზის 1.4 %)

ჩვენებები
გამოიყენება ერთჯერადად ვულვოვაგინალური კანდიდოზისა და შერეული ინფექციების დროს, რომლებიც გამოწვეულია გრამდადებითი ბაქტერიებით (სტაფილოკოკები, სტრეპტოკოკები, მიკოკოკები, რომელნიც იწვევენ მეორად ინფიცირებას)

მიღების წესები და დოზები
მიკოტრანი - გამოიყენება ერთჯერადად ვულვოვაგინალური კანდიდოზისას. ვაგინალური სანთელი ინიშნება მხოლოდ ერთხელ, ძილის წინ, ღრმად საშოში დამხმარე სათითურით. აუცილებლობის შემთხვევაში მკურნალობა მეორდება 3 დღის შემდეგ.
მიკოტრანი - გამოიყენება ექიმის დანიშნულებით.
მიკოტრანი - არ გამოიყენება ბავშვებში, მოზარდებში, შიგნით და სხვა გზებით მისაღებად.

გვერდითი მოვლენები
შეიძლება აღინიშნოს: ქავილი (2-6 %), კრუნჩხვები მენჯის არეში (2 %) თავის ტკივილი (1.3%) იშვიათად კანის ალერგიული რეაქციები (0.5 %-ზე ნაკლები).

უკუჩვენება
პრეპარატი არ გამოიყენება მიკონაზოლის მიმართ მომატებული მგრძნობელობისას.

განსაკუთრებული მითითებები
პრეპარატი გამოიყენება მიკროსკოპულად დადასტურებული კანდიდოზის დროს. მიკოტრანის სანთელი არ უნდა იქნას გამოყენებული მექანიკურ კონტრაცეპტიულ საშუალებებთან ერთად და ორსულობის I ტრიმესტრში, თუ მკურნალი ექიმი არ თვლის საჭიროდ მისი გამოყენების აუცილებლობას.

ჭარბი დოზირება
მიკოტრანის ჰიპერდოზირება არ დაფიქსირებულა.
პრეპარატის შეცდომით შიგნით მიღების შემთხვევაში საჭიროა ღებინების გამოწვევა ხელოვნურად და კუჭის ამორეცხვა.
ანტიდოტი არ მოიპოვება, ტარდება სიმპტომური მკურნალობა.

სხვა წამლებთან ურთიერთქმედება
ვაგინალური გამოყენებისას მიკონაზოლის ნიტრატი შეიწოვება უმნიშვნელო რაოდენობით (მიღებული დოზის1.4 %), რის გამოც სხვა პრეპარატებთან მის ურთიერთქმედებას არა აქვს ადგილი.

შენახვის პირობები და ვადები
ინახება არა უმეტეს 25oC ტემპერატურაზე, შეფუთული, ბავშვებისთვის მიუწვდომელ ადგილას. არ გამოიყენება შეფუთვაზე მითითებული ვარგისიანობის ვადის გასვლის შემდეგ.

აფთიაქში გაცემის წესი
რეცეპტით

რეგისტრაციის # და თარიღი
წს Nრ-000822 02.12.2005