ტეტესეპტი ბრონქიალ აქტივი 10 გ-100 მლ სიროფი / Tetesept


შემადგენლობა:

აქტიური ნივთიერება: 100 გ სიროფი შეიცავს: მრავალძარღვას თხევად ექსტრაქტს 10 გ. გამხსნელი: ეთანოლი 24.6% შეიცავს 2.5 მოც.-% ალკოჰოლს.

დამხმარე ნივთიერებებია: მეთილ-4 ჰიდროქსიბენზოატი (პარაბენი E218), პროპილ-4 ჰიდროქსიბენზოატი (პარაბენი E217), საქაროზა, გამოხდილი წყალი.

 

ფარმაკოთერაპიული ჯგუფი: მცენარეული პრეპარატი.

 

ჩვენებები: სასუნთქი გზების კატარალური დაავადებების მკურნალობა. პრეპარატი ნაჩვენებია რესპირატორული დაავადებების დროს, პირის ღრუსა და ხახის ლორწოვანი გარსის ანთებითი ცვლილებების დროს.

 

დოზირება და მიღების წესი:

1-4 წლის ასაკი: 5 მლ 3-4-ჯერ დღეში.

4-12 წლის ასაკი: 7.5 მლ 3-4-ჯერ დღეში.

12 წლიდან 10 მლ 3-4-ჯერ დღეში.

პრეპარატის მიღება შესაძლებელია სანამ პაციენტს აღენიშნება სიმპტომები. საჭიროა ექიმთან ან ფარმაცევტთან მიმათვა, თუ პაციენტი ფიქრობს, რომ ტეტესეპტი ხველის საწინააღმდეგო ბრონქიალ-აქტივის მოქმედება ძალიან ძლიერი ან ძალიან სუსტია.

 

გვერდითი მოვლენები: შესაძლოა გამოიწვიოს ალერგიული ტიპის რეაქციები, მათ შორის დაყოვნებული ტიპის.

უკუჩვენებები: თუ პაციენტი ალერგიულია მრავალძარღვას თხევადი ექსტრაქტის, მეთილ-4-ჰიდროქსიბენზოატის (პარაბენი E218), პროპილ-4-ჰიდროქსიბენზოატის (პარაბენი E217) ან ტეტესეპტი ხველის საწინააღმდეგო ბრონქიალ-აქტივის შემადგენლობაში შემავალი სხვა ნივთიერებების მიმართ.

 

ურთიერთქმედება სხვა პრეპარატებთან: მკურნალ ექიმს ან ფარმაცევტს უნდა ეცნობოს, თუ პაციენტი იღებს, უახლოეს წარსულში იღებდა ან აპირებს მიიღოს ნებისმიერი მედიკამენტი. არ არსებობს რაიმე კვლევები მედიკამენტების ურთიერთქმედების შესახებ.

 

განსაკუთრებული მითითებები: საჭიროა მკურნალ ექიმთან ან ფრმაცევტთან კონსულტაცია ტეტესეპტი ხველის საწინააღმდეგო ბრონქიალ-აქტივის მიღებამდე. სიმპტომების გახანგრძლივების, ქოშინის, ცხელების, რომელიც გრძელდება 3 დღეზე მეტ ხანს ან აჭარბებს 39C ტემპერატურას, ჩირქიანი ან სისხლიანი ნახველის შემთხვევაში საჭიროა ექიმთან კონსულტაცია. არ გამოიყენება 1 წლამდე ასაკის ბავშვებში. ტეტესეპტი ხველის საწინააღმდეგო ბრონქიალ-აქტივი შეიცავს 2.5 მოც.-%. ალკოჰოლს. ტეტესეპტი ხველის საწინააღმდეგო ბრონქიალ-აქტივი შეიცავს საქაროზას, ამიტომ მის მიღებამდე საჭიროა ექიმთან კონსულტაცია, თუ პაციენტს აღენიშნება აუტანლობა რომელიმე შაქრის მიმართ. 10 მლ შეიცავს 6.79 გ საქაროზას, რაც შეესაბამება 0.57 პურის ერთეულს. 5 მლ შეიცავს 3.40 გ საქაროზას, რაც შეესაბამება 0.29 პურის ერთეულს. ტეტესეპტი ხველის საწინააღმდეგო ბრონქიალ-აქტივის დოზის გამოტოვებისას, დაუშვებელია გაორმაგებული დოზის მიღება გამოტოვებულის სანაცვლოდ. ტეტესეპტი ხველის საწინააღმდეგო ბრონქიალ-აქტივის მიღების შეწყვეტა უსაფრთხოა.

 

ორსულობა და ლაქტაცია: ეს სამედიცინო პროდუქტი არ გამოიყენება ორსულობისა და ლაქტაციის პერიოდში.

 

მანქანისა და სხვა მექანიზმების მართვა: ეს პრეპარატი არ ახდენს გავლენას მანქანისა და სხვა მექანიზმების მართვის უნარზე.

 

ჭარბი დოზირება: ტეტესეპტი ხველის საწინააღმდეგო ბრონქიალ-აქტივის დოზის გადაჭარბებისას შესაძლებელია უფრო მეტად გამოვლინდეს გვერდითი ეფექტები. ასეთ შემთხვევაში საჭიროა ექიმთან მიმართვა, რომელიც გადაწყვეტს სხვა დამატებითი ღონისძიებების ჩატარების საჭიროებას.

 

გარეგნული სახე და შეფუთვა: შეფუთვაში მოთავსებულია 150 გ სიროფი

 

შენახვის პირობები: ინახება ბაშვებისთვის მიუწვდომელ ადგილას, არაუმეტეს 25C0 ტემპერატურაზე. პირველი გახსნის შემდეგ გამოიყენება 6 თვე.

 

ვარგისიანობის ვადა: წარმოდგენილია შეფუთვაზე.

 

აფთიაქიდან გაცემის პირობები: რეცეპტის გარეშე.