სტომატოლოგია ქირურგიული

დაუყოვნებლივ დაუკავშირდით ექიმს, თუ სისხლდენა ამოღებიდან რამდენიმე საათში არ ჩერდება, ტკივილი მე-2-3 დღეს კლების ნაცვლად ძლიერდება (ეს ე.წ. მშრალი ბუდის ნიშანია), შეშუპება 48 საათის შემდეგაც იზრდება ან ტემპერატურა აიწია. ნორმალურ შემთხვევაში ტკივილი ყოველდღიურად სუსტდება და ჭრილობა 7-10 დღეში მშვიდად ხორცდება.

არა - სწორად ამოჭრილი, ჰიგიენისთვის მისაწვდომი და ჯანმრთელი სიბრძნის კბილი ამოღებას არ საჭიროებს. მოცილების ჩვენებაა განმეორებადი ანთება კბილის გარშემო, ღრმა კარიესი ძნელად მისადგომ ზონაში, მეზობელ კბილზე ზეწოლა და მისი დაზიანების რისკი, ან ორთოდონტიული მკურნალობის გეგმა. გადაწყვეტილება სამგანზომილებიანი სნიმკის საფუძველზე მიიღება.

ტამპონი 20-30 წუთის შემდეგ მოიცილეთ, პირველი 24 საათი პირს ნუ გამოივლებთ და ბუდეს ენით ნუ შეეხებით - სისხლის კოლტი შეხორცების საფუძველია. 48-72 საათი მოერიდეთ მოწევას, ალკოჰოლს, ცხელ საკვებსა და ფიზიკურ დატვირთვას; პირველ დღეს გარედან ცივი კომპრესი შეშუპებას შეამცირებს. ჭამეთ რბილი, ნელთბილი საკვები მეორე მხარეს.

თავად იმპლანტის ჩადგმა 30-60 წუთი გრძელდება, შემდეგ კი ძვალთან შეხორცებას (ოსეოინტეგრაციას) 3-6 თვე სჭირდება - ქვედა ყბაზე ჩვეულებრივ უფრო სწრაფად, ზედაზე ნელა. ამის შემდეგ მაგრდება გვირგვინი. ზოგ შემთხვევაში შესაძლებელია დროებითი გვირგვინის დაუყოვნებლივ დამაგრებაც. თუ ძვლის დამატებაა საჭირო, პროცესს კიდევ 4-6 თვე ემატება.

სინუს-ლიფტინგი ზედა ყბის ძვლის მოცულობის აღდგენაა - ჰაიმორის წიაღის ფსკერი ფრთხილად იწევა და გამონთავისუფლებული სივრცე ძვლის მასალით ივსება. ის საჭიროა, როცა ზედა ყბის გვერდით ზონაში კბილის ხანგრძლივი არარსებობის გამო ძვლის სიმაღლე იმპლანტისთვის საკმარისი აღარ არის. შეხორცება 4-6 თვე გრძელდება, ამ პერიოდში იზღუდება ცემინება დახურული პირით და წნევის ცვლილებები - ფრენა, ყვინთვა.