აქტოვეგინი / ACTOVEGIN
- საერთაშორისო დასახელება (აქტიური ნივთიერება): Deproteinised hemoderivative of calf blood
- კლინიკურ-ფარმაკოლოგიური ჯგუფი: ნივთიერებათა ცვლის დარღვევები → ქსოვილებში ნივთიერებათა ცვლაზე მოქმედი საშუალებები → ქსოვილებში ნივთიერებათა ცვლის გამააქტიურებელი, ტროფიკის გამაუმჯობესებელი და რეგენერაციის პროცესის მასტიმულირებელი პრეპარატები → ცხოველების სისხლის დიალიზატის პრეპარატები
- მწარმოებელი კომპანია: Nycomed Austria GmbH
- მწარმოებელი ქვეყანა: ავსტრია
- გამოშვების ფორმა: 40მგ/მლ 2მლ ი.ვ.ი.მ. და ინტრაარტერიალური საინექციო ხსნარი ამპულა №25
- გაცემის რეჟიმი: II ჯგუფი (გაიცემა ფორმა N3 რეცეპტით)
პრეპარატის სავაჭრო დასახელება: აქტოვეგინი®
სამკურნალო ფორმა: საინექციო ხსნარი.
შემადგენლობა: 1 მლ შეიცავს:
აქტიური ნივთიერება: სისხლის კომპონენტები: ხბოს სისხლის დეპროტეინირებული ჰემოდერივატი, რომელიც შეესაბამება მშრალი მასის 40 მგ-ს, რომელიც შეიცავს 26,8 მგ ნატრიუმის ქლორიდს;
დამხმარე ნივთიერება: საინექციო წყალი.
დამხმარე ნივთიერება: საინექციო წყალი.
აღწერილობა: გამჭვირვალე, მოყვითალო ფერის ხსნარი, პრაქტიკულად თავისუფალი ნაწილაკებისაგან.
ფარმაკოთერაპიული ჯგუფი: ქსოვილთა რეგენერაციის სტიმულატორი.
ათქ კოდი: [B06AB]
ფარმაკოლოგიური მოქმედება
ფარმაკოდინამიკა: ანტიჰიპოქსანტი. აქტოვეგინი® არის ჰემოდერივატი, რომელიც მიიღება დიალიზისა და ულტრაფილტრაციის მეშვეობით (გადიან ნაერთები, რომელთა მოლეკულური მასა 5000 დალტონზე ნაკლებია). დადებითად მოქმედებს გლუკოზას ტრანსპორტსა და უტილიზაციაზე, ასტიმულირებს ჟანგბადის მოხმარებას (რაც იწვევს უჯრედების პლაზმური მემბრანების სტაბილიზაციას იშემიის დროს და ლაქტატის წარმოქმნის შემცირებას), გააჩნია რა, ამგვარად, ანტიჰიპოქსიური მოქმედება, რომელიც ვლინდება პერენტერალური მიღებიდან ყველაზე გვიან 30 წუთის შემდეგ და აღწევს მაქსიმუმს საშუალოდ 3 საათის (2-სთ.) შემდეგ. აქტოვეგინი® ზრდის ადენოზინტრიფოსფატის, ადენოზინდიფოსფატის, ფოსფოკრეატინინის, ასევე ამინომჟავების - გლუტამატის, ასპარტატის და გამა-ამინოერბომჟავას კონცენტრაციებს. აქტოვეგინის® ზეგავლენა ჟანგბადის შეთვისებასა და უტილიზაციაზე, ასევე ინსულინის მსგავსი აქტივობა გლუკოზას ტრანსპორტისა და დაჟანგვის სტიმულირებით არის მნიშვნელოვანი დიაბეტური პოლინეიროპათიის მკურნალობაში. პაციენტებში შაქრიანი დიაბეტით და დიაბეტური პოლინეიროპათიით აქტოვეგინი® ამცირებს პოლინეიროპათიის სიმპტომებს (მჩხვლეტავი ტკივილი, წვის შეგრძნება, პარესთეზიები, დაბუჟება ქვედა კიდურებში). ობიექტურად მცირდება მგრძნობელობის დარღვევები, უმჯობესდება პაციენტების ფსიქიკური მდგომარეობა.
ფარმაკოკინეტიკა: ფარმაკოკინეტიკური მეთოდების დახმარებით შეუძლებელია პრეპარატ აქტოვეგინის® ფარმაკოკინეტიკური მაჩვენებლების შესწავლა, რადგანაც იგი მხოლოდ ორგანიზმში არსებული ფიზიოლოგიური კომპონენტებისაგან შედგება. დღემდე არ არის აღმოჩენილი ჰემოდერივატების ფარმაკოლოგიური ეფექტის დაქვეითება ავადმყოფებში შეცვლილი ფარმაკოკინეტიკით (მაგალითად, ღვიძლის და თირკმელების უკმარისობა, ასაკობრივი მეტაბოლური ცვლილებები, ასევე მეტაბოლიზმის თავისებურებანი ახალშობილებში).
გამოყენების ჩვენებები
• თავის ტვინის მეტაბოლური და სისხლძარღვოვანი დარღვევები (მათ შორის იშემიური ინსულტი, ქალა-ტვინის ტრავმა).
• პერიფერიული (არტერიული და ვენური) სისხლძარღვოვანი დარღვევები და მათი შედეგები (არტერიული ანგიოპათია, ტროპიკული წყლულები); დიაბეტური პოლინეიროპათია.
• ჭრილობების შეხორცება (სხვადასხვა ეთიოლოგიის წყლულები, დამწვრობა, ტროფიკული დარღვევები O(ნაწოლები), ჭრილობების შეხორცების პროცესების დარღვევა).
• კანისა და ლორწოვანი გარსების სხივური დაზიანებების პროფილაქტიკა და მკურნალობა სხივური თერაპიის დროს.
უკუჩვენებები
ჰიპერმგრძნობელობა პრეპარატ აქტოვეგინის® ან ანალოგიური პრეპარატების მიმართ, დეკომპენსირებული გულის უკმარისობა, ფოლტვების შეშუპება, ოლიგურია, ანურია, ორგანიზმში სითხის შეკავება.
სიფრთხილით: ჰიპერქლორემია, ჰიპერნატრიემია.
გამოყენება ორსულობის და ლაქტაციის დროს: პრეპარატის გამოყენება ორსულებში არ იწვევდა ნეგატიურ ზემოქმედებას დედაზე და ნაყოფზე. მაგრამ ორსულებში გამოყენებისას აუცილებელია ნაყოფისათვის პოტენციური რისკის გათვალისწინება.
გამოყენების წესი და დოზირება: ინტრაარტერიულად, ინტრავენირად, (მათ შორის ინფუზიის სახით) და ინტრამუსკულარულად. ანაფილაქსიური რეაქციების განვითარების პოტენციურ შესაძლებლობასთან დაკავშირებით რეკომენდირებულია ინფუზიის დაწყებამდე ტესტის ჩატარება პრეპარატისადმი ჰიპერმგრძნობელობის არსებობაზე.
გადატეხის წერტილის მქონე ამპულების გამოყენების ინსტრუქცია:
1. მოათავსეთ ამპულის წვერი წერტილით ზევით!
თითის ფრთხილად მოკაკუნებით და ამპულის შენჯღრევით მივცეთ საშუალება ხსნარს ჩამოდინდეს ქვევით.
2. მოათავსეთ ამპულის წვერი წერტილით ზევით! მოატეხეთ წვერი, როგორც ეს ნაჩვენებია სურათზე.
თავის ტვინის მეტაბოლური და სისხლძარღვოვანი დარღვევები: 5-დან 25 მლ-მდე (200-1000 მგ დღეში) ინტრავენურად ყოველდღიურად ორი კვირის განმნავლობაში, ტაბლეტირებულ ფორმაზე შემდგომი გადასვლით.
იშემიური ინსულტი: 20-50 მლ (800-2000 მგ) 200-300 მლ 0,9 %-ან ნატრიუმის ქლორიდის ხსნარში ან დექსტროზას 5%-ან ხსნარში, ინტრავენურად წვეთოვნად 1 კვირის განმავლობაში, შემდეგ 10-20 მლ (400-800 მგ) ინტრავენურად წვეთოვნად - 2 კვირა ტაბლეტირებულ ფორმაზე შემდგომი გადასვლით.
პერიფერიული (არტერიული და ვენური) სისხლძარღვოვანი დარღვევები და მათი შედეგები: პრეპარატის 20-30 მლ (800-1000 მგ) 200 მლ 0,9 %-ან ნატრიუმის ქლორიდის ხსნარში ან დექსტროზას 5%-ან ხსნარში, ინტრაარტერიულად ან ინტრავენურად ყოველდღე; მკურნალობის ხანგრძლივობა 4 კვირა.
დიაბეტური პოლინეიროპათია: 50 მლ (2000 მგ) ინტრავენურად 3 კვირის განმავლობაში ტაბლეტირებულ ფორმაზე შემდგომი გადასვლით - 2-3 ტაბლეტი 3 ჯერ დღეში არანაკლებ 4-5 თვის განმავლობაში.
ჭრილობების შეხორცება: 10 მლ (400 მგ) ინტრავენურად ან 5 მლ ინტრამუსკულარულად ყოველდღე ან 3-4 ჯერ კვირაში შეხორცების პროცესის მიხედვით (გარეგანი გამოყენების სამკურნალო ფორმით პრეპარატ აქტოვეგინით® ადგილობრივ მკურნალობასთან კომბინაციაში).
კანის და ლორწოვანი გარსების სხივური დაზიანებების პორფილაქტიკა და მკურნალობა სხივური თერაპიის დროს: საშუალო დოზა შეადგენს 5 მლ-ს (200 მგ) ინტრავენურად ყოველდღიურად რადიაციული ზემოქმედების ინტერვალებში.
რადიაციული ცისტიტი: ყოველდღიურად 10მლ (400მგ) ტრანსურეტრალურად ანტიბიოტიკებით თერაპიასთან კომბინაციაში.
შეყვანის სიჩქარე: დაახლოებით 2 მლ/წთ.
მკურნალობის კურსის ხანგრძლივობა განისაზღვრება ინდივიდუალურად დაავადების სიმპტომატიკის და სიმძიმის თანახმად.
გვერდითი მოქმედება: ალერგიული რეაქციები (გამონაყარი კანზე, კანის ჰიპერემია, ჰიპერთერმია) ანაფილაქსიურ შოკამდე.
ურთიერთქმედება სხვა სამკურნალო საშუალებებთან: დღესდღეობით ცნობილი არ არის.
განსაკუთრებული მითითებები: ინტრამუსკულარული გზით გამოყენების შემთხვევაში შეავთ ნელა არაუმეტეს 5 მლ. ანაფილაქსიური რეაქციის გაჩენის შესაძლებლობის გამო რეკომენდირებულია სასინჯი ინექციის ჩატარება (2 მლ ინტრამუსკულარულად).
საინექციო ხსნარს გააჩნია ოდნავ მოყვითალო შეფერილობა.
შეღებვის ინტენსივობა შეიძლება ვარირებდეს ერთი პარტიიდან მეორემდე გამოყენებული საწყისი მასალების თავისებურებების მიხედვით, მაგრამ ეს არ მოქმედებს უარყოფითად პრეპარატის აქტივობაზე ან მის ამტანობაზე. ნუ გამოიყენებთ გაუმჭვირვალე ხსნარს ან ხსნარს, რომელიც შეიცავს ნაწილაკებს. ამპულის გახსნის შემდეგ არ შეიძლება ხსნარის შენახვა.
გამოშვების ფორმა: საინექციო ხსნარი 40 მგ/მლ. 2, 5, 10 მლ პრეპარატი უფერო მინის ამპულებში (ტიპი I, ევროპეული ფარმაკოპეა) გადატეხის წერტილით. 5 ამპულა პლასტიკის კონტურულ უჯრედოვან შეფუთვაში. 1 ან 5 კონტურულ უჯრედოვან შეფუთვას გამოყენების ინსტრუქციასთან ერთად ათავსებენ მუყაოს ყუთში. ყუთზე აკრავენ მრგვალი ფორმის გამჭვირვალე დამცავ სტიკერებს ჰოლოგრაფიული წარწერებით და პირველი გახსნის კონტროლით.
ვარგისიანობის ვადა: 5 წელი. ნუ გამოიყენებთ ვარგისიანობის ვადის ამოწურვის შემდეგ.
შენახვის პირობები
ინახება არაუმეტეს 25°C ტემპერატურაზე, სინათლისაგან დაცულ ადგილას.
ინახება ბავშვებისათვის მიუწვდომელ ადგილას!
აფთიაქიდან გაცემის პირობები: ექიმის რეცეპტით.
სად შევიძინოთ?