ასიბროქსი / ASIBROX
- საერთაშორისო დასახელება (აქტიური ნივთიერება): acetylcysteine
- კლინიკურ-ფარმაკოლოგიური ჯგუფი: პულმონოლოგია → მუკოლიზური და ხველის საწინააღმდეგო საშუალებები → მუკოლიზური და ამოსახველებელი საშუალებები
- მწარმოებელი კომპანია: PharmaEstica Manufacturing OU
- მწარმოებელი ქვეყანა: ესტონეთი
- გამოშვების ფორმა: 600მგ შუშხუნა ტაბლეტები №10
- გაცემის რეჟიმი: III ჯგუფი (ურეცეპტოდ)
საერთაშორისო არაპატენტირებული დასახელება
აცეტილცისტეინი, Acetylcysteine
სამკურნალო ფორმა
შუშხუნა ტაბლეტები.
აღწერილობა: ბრტყელცილინდრული ტაბლეტები თეთრი ფერის, ნაზოლით, დასაშვებია მსუბუქი მარმარილოსებრი სიპრიალე, დამახასიათებელი სუნით.
შემადგენლობა
ასიბროქსი 200 მგ
1 შუშხუნა ტაბლეტი შეიცავს
აქტიური ნივთიერება: აცეტილცისტეინი 200 მგ.
დამხმარე ნივთიერებები: ასკორბინის მჟავა, ნატრიუმის კარბონატი უწყლო, ნატრიუმის ჰიდროკარბონატი, ლიმონმჟავა უწყლო, სორბიტოლი, ნატრიუმის ციტრატი, მაკროგოლი 6000, ნატრიუმის საქარინი, არომატიზატორი “ლიმონი”.
ასიბროქსი 600 მგ
1 შუშხუნა ტაბლეტი შეიცავს
აქტიური ნივთიერება: აცეტილცისტეინი 600 მგ.
დამხმარე ნივთიერებები: ასკორბინის მჟავა, ნატრიუმის კარბონატი უწყლო, ნატრიუმის ჰიდროკარბონატი, ლიმონმჟავა უწყლო, სორბიტოლი, ნატრიუმის ციტრატი, მაკროგოლი 6000, ნატრიუმის საქარინი, არომატიზატორი “ლიმონი”.
პრეპარატის ათქ კოდი R05CB01
ფარმაკოთერაპიული ჯგუფი
საშუალებები, რომლებიც გამოიყენება ხველების და გაციების დროს. მუკოლიზური საშუალებები.
ფარმაკოლოგიური თვისებები
ფარმაკოდინამიკა
აცეტილცისტეინი წარმოადგენს ამინომჟავა ცისტეინის წარმოებულს.
აცეტილცისტეინი ახდენს მუკოლიზურ და ამოსახველებელ მოქმედებას. მისი მოქმედება განპირობებულია მუკოპოლისაქარიდულ ჯაჭვებს შორის დისულფიდური კავშირების გაწყვეტის და ნახველის მუკოპროტეიდებზე დეპოლიმერიზებელი მოქმედების მოხდენის (მათ შორის ჩირქოვან ნახველში) უნარით, რაც იწვევს მისი სიბლანტის დაქვეითებას.
აცეტილცისტეინის მოქმედების ალტერნატიული მექანიზმი დაკავშირებულია მის შემადგენლობაში შემავალი SH-ჯგუფების ანტიოქსიდანტურ თვისებებთან, რომლებსაც შეუძლიათ თავისუფალ რადიკალებთან შეკავშირება და ამგვარად მათი ტოქსიკური მოქმედების განეიტრალება.
გარდა ამისა, აცეტილცისტეინი ხელს უწყობს გლუტათიონის სინთეზის გაძლიერებას, რომელიც მნიშვნელოვან როლს ასრულებს მავნე ნივთიერებების დეტოქსიკაციაში. ეს თავისებურება იძლევა აცეტილცისტეინის ეფექტურად გამოყენების საშუალებას პარაცეტამოლის დოზის გადაჭარბების შემთხვევაში.
პაციენტებში ქრონიკული ბრონქიტით/მუკოვისციდოზით აცეტილცისტეინის პროფილაქტიკური გამოყენებისას მცირდება ბაქტერიული გართულებების სიხშირე და სიმძიმე.
ფარმაკოკინეტიკა
პერორალურად მიღების შემდეგ აცეტილცისტეინი სწრაფად და პრაქტიკულად სრულად შეიწოვება და ექვემდებარება მეტაბოლიზმს ღვიძლში ცისტეინის - ფარმაკოლოგიურად აქტიური მეტაბოლიტის, ასევე დიაცეტილცისტინის, ცისტინის და სხვა შერეული დისულფიდების წარმოქმნით. ბიოშეღწევადობა პერორალური მიღების შემდეგ მაღალი პრესისტემური მეტაბოლიზმის გამო დაბალია და შეადგენს დაახლოებით 10%-ს. ადამიანებში მაქსიმალური კონცენტრაცია სისხლის პლაზმაში მიიღწევა 1-3 საათში. დადგენილია, რომ აცეტილცისტეინის შეკავშირების ხარისხი სისხლის პლაზმის ცილებთან შეადგენს დაახლოებით 50%-ს.
აცეტილცისტეინი და მისი მეტაბოლიტები ორგანიზმში სამი განსხვავებული ფორმით გვხვდება: ნაწილობრივ – თავისუფალი ფორმით, ნაწილობრივ ცილებთან დისულფიდური კავშირების მეშვეობით შეკავშირებული ფორმით ან ამინომჟავების შემადგენლობაში. ცილებთან შეკავშირება დაახლოებით 50% შეადგენს მიღებიდან 4 საათის შემდეგ, ხოლო 12 საათის შემდეგ მცირდება 20%-მდე.
აცეტილცისტეინი გამოიყოფა თირკმელებით არააქტიური მეტაბოლიტების სახით (არაორგანული სულფატები, დიაცეტილცისტეინი).
პლაზმიდან ნახევრადგამოყოფის პერიოდი განისაზღვრება ძირითადად სწრაფი ბიოტრანსფორმაციით ღვიძლში და შეადგენს დაახლოებით 1 საათს. მაშასადამე, ღვიძლის ფუნქციის დაქვეითების შემთხვევაში, ნახევრადგამოყოფის პერიოდი პლაზმიდან იზრდება 8 საათამდე.
საბოლოო ნახევარგამოყოფის პერიოდი პერორალური მიღების შემდეგ საშუალოდ შეადგენს 6,25 საათს. თირკმელებით ექსკრეცია შეიძლება შეადგენდეს საერთო კლირენსის 30% -მდე.
ფარმაკოკინეტიკურ კვლევებში აცეტილცისტეინის ინტრავენური შეყვანით განსაზღვრული იყო განაწილების მოცულობა, რომელმაც შეადგინა 0,33-დან 0,47-მდე ლ/კგ საერთო აცეტილცისტეინისთვის და 0,59 ლ/კგ აღდგენილი აცეტილცისტეინისთვის; და პლაზმური კლირენსი, რომელმაც შეადგინა 0,11 ლ/სთ/კგ საერო აცეტილცისტეინისთის და 0,84 ლ/სთ/კგ აღდგენილი აცეტილცისტეინისთვის.
ნახევრადგანოყოფის პერიოდი ინტრავენური შეყვანის შემდეგ შეადგენს 30-40 წუთს ეკსკრეციით სამფაზიანი კინეტიკური მოდელით (ალფა, ბეტა და ტერმინალური გამა ფაზა).
აცეტილცისტეინის ფარმაკოკინეტიკა პროპორციულია 200 მგ/მ2-დან 3200 მგ/მ2-მდე დიაპაზონში შეყვანილი დოზის, AUC (ფართობი „კონცენტრაცია-დრო“ მრუდის ქვეშ) და Cmax (მაქსიმალური კონცენტრაცია) მნიშვნელობებისთვის.
N-აცეტილცისტეინი აღწევს პლაცენტარულ ბარიერში და ვლინდება ჭიპლარის სისხლში. მონაცემები დედის რძეში შეღწევის უნარის შესახებ არ არსებობს.
არ არსებობს მონაცემები ადამიანის ჰემატოენცეფალურ ბარიერში აცეტილცისტეინის შეღწევის უნარის შესახებ.
გამოყენების ჩვენებები
სასუნთქი ორგანოების მწვავე და ქრონიკული დაავადებები, რომლებსაც ახლავს ნახველის წარმოქმნისა და გამოყოფის დარღვევა.
გამოყენების წესი და დოზირება
გამოყენების წესი
ასიბროქსის შუშხუნა ტაბლეტები იხსნება ჭიქა წყალში და მიიღება შიგნით ჭამის შემდეგ.
მკურნალობის ხანგრძლივობა დამოკიდებულია დაავადების ტიპსა და სიმძიმეზე და განისაზღვრება ექიმის მიერ. ქრონიკული ბრონქიტის და მუკოვისციდოზის დროს ასიბროქსის გამოყენება პროფილაქტიკური მიზნით უნდა ჩატარდეს უფრო ხანგრძლივი დროის განმავლობაში.
დოზირება
ასიბროქსი 200 მგ
ასიბროქსის 200 მგ რეკომენდირებული დოზა (თუ სხვაგვარად არ არის დანიშნული ექიმის მიერ) შეადგენს:
6-დან 14 წლამდე ბავშვებსა და მოზარდებში: 1 შუშხუნა ტაბლეტი (200 მგ) 2-ჯერ დღეში (400 მგ აცეტილცისტეინი დღეში);
მოზრდილებსა და 14 წლის ასაკიდან მოზარდებში: 1 შუშხუნა ტაბლეტი (200 მგ) 2-3-ჯერ დღეში (400-600 მგ აცეტილცისტეინი დღეში).
მუკოვისციდოზის დროს:
6 წელზე უფროსი ასაკის ბავშვებსა და მოზარდებში: 1 შუშხუნა ტაბლეტი (200 მგ) 3-ჯერ დღეში (600 მგ აცეტილცისტეინი დღეში).
ასიბროქსი 600 მგ
600 მგ ასიბროქსის რეკომენდირებული დოზა (თუ სხვაგვარად არ არის დანიშნული ექიმის მიერ) შეადგენს:
მოზრდილებსა და 14 წლის ასაკიდან მოზარდებში: 1 შუშხუნა ტაბლეტი დღეში (600 მგ აცეტილცისტეინი დღეში). ექიმის კონსულტაციის გარეშე პრეპარატის მიღება არ შეიძლება 4-5 დღეზე მეტ ხანს.
გაფრთიხლება
გოგირდწყალბადის უმნიშვნელო სუნი, რომელიც შეიძლება იგრძნოთ ტუბის გახსნისას, არ მოქმედებს პრეპარატის ეფექტურობაზე, ამტანობასა და უსაფრთხოებაზე.
უკუჩვენებები
ჰიპერმგრძნობელობა აცეტილცისტეინისა ან პრეპარატის ნებისმიერი დამხმარე ნივთიერებების მიმართ.
ასაბროქსი 200 მგ არ არის რეკომენდირებული 6 წლამდე ასაკის ბავშვებში, ასიბროქსი 600 მგ არ არის რეკომენდირებული 14 წლამდე ასაკის ბავშვებში აქტიური ნივთიერების მაღალი კონცენტრაციის გამო.
ამ ასაკობრივი კატეგორიებისთვის რეკომენდირებულია აცეტილცისტეინის შესაბამისი დოზების გამოყენება.
გვერდითი რეაქციები
აცეტილცისტეინის პერორალურ მიღებასთან დაკავშირებული ყველაზე გავრცელებული გვერდითი ეფექტები გამოვლენილია კუჭ-ნაწლავის ტრაქტის მხრივ. ჰიპერმგრძნობელობის რეაქციები, ანაფილაქსიური შოკის, ანაფილაქსიური/ანაფილაქტოიდური რეაქციების, ბრონქოსპაზმის, ანგიონევროზული შეშუპების, გამონაყარისა და ქავილის ჩათვლით, იშვიათად აღინიშნებოდა.
გვერდითი რეაქციები ჩამოთვლილია ქვემოთ MedDRA მიხედვით სისტემურ- ორგანული კლასების შესაბამისად. არასასურველი რეაქციების სიხშირის პარამეტრები განისაზღვრება შემდეგნაირად:
ძალიან ხშირად (≥ 1/10); ხშირად (≥ 1/100, მაგრამ <1/10); არახშირად (≥ 1/1000, მაგრამ <1/100); იშვიათად (≥ 1/10000, მაგრამ <1/1000); ძალიან იშვიათად (<1/10000); სიხშირე უცნობია (არ შეიძლება შეფასდეს არსებული მონაცემების მიხედვით).
იმუნური სისტემის მხრივ: არახშირად - ჰიპერმგრძნობელობის რეაქციები; ძალიან იშვიათად - ანაფილაქსიური შოკი, ანაფილაქსიური/ანაფილაქტოიდური რეაქცია.
ნერვული სისტემის მხრივ: არახშირად - თავის ტკივილი.
სმენის ორგანოს მხრივ და ლაბირინთული დარღვევები: არახშირად - ხმაური ყურებში.
გულის მხრივ: არახშირად - ტაქიკარდია.
სისხლძარღვების მხრივ: ძალიან იშვიათად - სისხლდენა.
სასუნთქი სისტემის, გულმკერდის ორგანოების და შუასაყარის მხრივ: იშვიათად - ბრონქოსპაზმი, დისპნოე.
კუჭ-ნაწლავის ტრაქტის მხრივ: არახშირად - ღებინება, დიარეა, სტომატიტი, ტკივილი მუცლის არეში, გულისრევა; იშვიათად - დისპეფსია.
კანისა და კანქვეშა ქსოვილების მხრივ: არახშირად - ჭინჭრის ციება, გამონაყარი, ანგიონევროზული შეშუპება, ქავილი, ეგზანტემა.
ზოგადი დარღვევები და დარღვევები შეყვანის ადგილას: არახშირად - ცხელება; სიხშირე უცნობი - სახის შეშუპება.
ზემოქმედება ლაბორატორიული და ინსტრუმენტული კვლევების შედეგებზე: არახშირად - ჰიპოტონია.
აცეტილცისტეინის მიღების დროს დარეგისტრირებულია მძიმე კანის რეაქციების განვითარების ძალიან იშვიათი შემთხვევები, როგორიცაა სტივენს-ჯონსონის სინდრომი და ლაიელის სინდრომი. უმეტეს შემთხვევაში გამოვლენილი იყო მინიმუმ კიდევ ერთი საეჭვო სამკურნალო პრეპარატი ზემოთ მითითებული სინდრომების გენეზში მონაწილეობის დიდი ალბათობით; თუმცა, კანისა და ლორწოვანი გარსების მხრივ ცვლილებების შემთხვევაში, მიზანშეწონილია მკურნალ ექიმთან მიმართვა. ამ შემთხვევაში აცეტილცისტეინის მიღება დაუყოვნებლივ უნდა შეწყდეს.
ზოგიერთმა კვლევამ დაადასტურა თრომბოციტების აგრეგაციის შემცირება აცეტილცისტეინის მიღებისას. ამ მონაცემების კლინიკური მნიშვნელობა დღეისათვის არ არის განსაზღვრული.
შეტყობინებები საეჭვო გვერდითი რეაქციების შესახებ
შეტყობინებები სავარაუდო გვერდითი რეაქციების შესახებ სამკურნალო პრეპარატის რეგისტრაციის შემდეგ ძალიან მნიშვნელოვანია. თუ პაციენტს გამოუვლინდა სერიოზული გვერდითი რეაქცია სამკურნალო საშუალებაზე ან ახალი გვერდითი რეაქციის აღნიშვნის შემთხვევაში, რომელიც არ არის აღწერილი მოცემულ ნაწილში, გთხოვთ მოახდინოთ ინფორმირება ფარმაკოზედამხედველობის ეროვნული სისტემის შესაბამისად.
განსაკუთრებული მითითებები
ძალიან იშვიათად იყო შეტყობინებები მძიმე რეაქციების შემთხვევების შესახებ კანის მხრივ (სტივენს-ჯონსონის და ლაიელის სინდრომი), დაკავშირებულის აცეტილცისტეინის მიღებასთან. კანის ან ლორწოვანი გარსების მხრივ ცვლილებების აღნიშვნის შემთხვევაში, დაუყოვნებლივ უნდა შეწყვიტოთ პრეპარატის გამოყენება და ექიმთან კონსულტაცია ჩაიტაროთ.
თერაპიის დროს პაციენტები ბრონქიალური ასთმით უნდა იმყოფებოდნენ დაკვირვების ქვეშ. ბრონქოსპაზმის აღნიშვნის შემთხვევაში დაუყოვნებლივ უნდა შეწყდეს აცეტილცისტეინის მიღება და დაიწყებული იქნას შესაბამისი მკურნალობა.
პრეპარატი სიფრთხილით უნდა იქნას გამოყენებული პაციენტებში პეპტიური წყლულით ანამნეზში, განსაკუთრებით იმ სამკურნალო საშუალებების თანმხლები გამოყენების შემთხვევაში, რომლებიც აღიზიანებენ კუჭ-ნაწლავის ტრაქტის ლორწოვან გარსს.
პაციენტებში ჰისტამინის აუტანლობით ასიბროქსი სიფრთხილით უნდა იქნას გამოყენებული, ხანგრძლივი თერაპიის თავიდან აცილებით, აცეტილცისტეინის ჰისტამინის მეტაბოლიზმზე შესაძლო ზეგავლების და აუტანლობის სიმპტომების (როგორიცაა თავის ტკივილი, სურდო, ქავილი) გამოვლინების გამო.
აცეტილცისტეინის მიღებამ, განსაკუთრებით მკურნალობის დასაწყისში, შეიძლება გამოიწვიოს ბრონქიალური სეკრეტის გათხევადება და, შესაბამისად, გაზარდოს მისი მოცულობა. თუ პაციენტს არ შეუძლია ნახველის ეფექტურად ამოხველება, საჭიროა შესაბამისი ზომების მიღება (როგორიცაა პოსტურალური დრენაჟი და ბრონქოასპირაცია).
ბავშვები და მოზარდები
მუკოლიზურ საშუალებებს შეუძლიათ რესპირატორული დარღვევების გამოწვევა 2 წლამდე ასაკის ბავშვებში, ამ ასაკობრივ ჯგუფში სასუნთქი გზების ფიზიოლოგიური თავისებურებების გამო (ფიზიოლოგიური თვითწმენდის შეზღუდული უნარი). ამიტომ არ არის რეკომენდირებული მუკოლიზური საშუალებების გამოყენება 2 წლამდე ასაკის ბავშვებში.
დამხმარე ნივთიერებები
ასიბროქსი შეიცავს სორბიტოლს (E420), ამიტომ პრეპარატი უკუნაჩვენებია პაციენტებისათვის ფრუქტოზის მემკვიდრეობითი აუტანლობით.
პრეპარატი ასიბროქსი 200 მგ შეიცავს 403,1 მგ ნატრიუმს, რაც ჯანმო-ს მიერ რეკომენდირბული მაქსიმალური დღიური მიღების 2 გ ნატრიუმის 20,16%-ის ექვივალენტურია მოზრდილი ადამიანისათვის.
პრეპარატი ასიბროქსი 600 მგ შეიცავს 356,8 მგ ნატრიუმს, რაც ჯანმო-ს მიერ რეკომენდირბული მაქსიმალური დღიური მიღების 2 გ ნატრიუმის 17,84%-ის ექვივალენტურია მოზრდილი ადამიანისათვის.
მაქსიმალური დღიური დოზა (600 მგ აცეტილცისტეინი - ასიბროქსი 200 მგ 3 შუშხუნა ტაბლეტი) შეადგენს ჯანმო-ს მიერ რეკომენდირებული მაქსიმალური დღიური მიღების 2 გ ნატრიუმის 60,48%-ს მოზრდილი ადამიანისათვის. ნატრიუმის ოდენობა გასათვალისწინებელია ნატრიუმის შემცველობის კონტროლირებად დიეტაზე მყოფი პაციენტების მკურნალობისას (ნატრიუმის დაბალი შემცველობა/მარილების დაბალი შემცველობა).
ზემოქმედება ავტოტრანსპორტის ტარების და მექანიზმების მართვის უნარზე
ასიბროქსი არ მოქმედებს ავტომობილის ტარების და სამუშაობების შესრულების უნარზე, რაც მოითხოვს ფსიქომოტორული რეაქციების მაღალ სისწრაფეს.
ფერტილობა, გამოყენება ორსულობისა და ლაქტაციის დროს
ორსულობა
არ არსებობს საკმარისი მონაცემები ორსულობის დროს პრეპარატ ასიბროქსის გამოყენების შესახებ.
ცხოველებზე რეპროდუქციული ფუნქციის კვლევები არ მიუთითებენ პირდაპირ ან ირიბ მავნე ზემოქმედებაზე ორსულობაზე, ემბრიონულ/ფეტალურ განვითარებაზე, მშობიარობაზე ან პოსტნატალურ განვითარებაზე. თავიდან უნდა იქნას აცილებული პრეპარატის გამოყენება ორსულობის დროს. ორსულობის დროს პრეპარატის დანიშვნა შესაძლებელია მხოლოდ რისკისა და სარგებლობის მკაცრი შეფასების შემდეგ.
ძუძუთი კვება
არ არსებობს ინფორმაცია აცეტილცისტეინის ან მისი მეტაბოლიტების გამოყოფის შესახებ დედის რძეში. ვერ იქნება გამორიცხული რისკი ბავშვისთვის, რომელიც იმყოფება ძუძუთი კვებაზე. პრეპარატის გამოყენება ძუძუთი კვების დროს შესაძლებელია მხოლოდ სარგებელი/რისკის თანაფარდობის სათანადოდ შეფასების შემდეგ.
ფერტილობა
არ არსებობს მონაცემები აცეტილცისტეინის გავლენის შესახებ ადამიანის ფერტილობაზე. ცხოველებზე ჩატარებულ კვლევებში, აცეტილცისტეინის თერაპიულმა დოზებმა არ გამოავლინა რაიმე უარყოფითი გავლენა ფერტილობაზე.
ურთიერთქმედება სხვა სამკურნალო საშუალებებთან
მედიკამენტური ურთიერთქმედების კვლევები ტარდებოდა მხოლოდ ზრდასრული პაციენტების მონაწილეობით.
აცეტილცისტეინის ერთდროულად გამოყენებამ ხველების საწინააღმდეგო პრეპარატებთან შეიძლება გამოიწვიოს ხველების რეფლექსის დათრგუნვა და ბრონქული სეკრეტის დაგროვება, ამიტომ ასეთი კომბინირებული თერაპიის ჩვენებები სათანადოდ უნდა იქნას განხილული.
აქტივირებულმა ნახშირმა შეიძლება შეამციროს აცეტილცისტეინის მოქმედება.
ამჟამად მონაცემები ანტიბიოტიკების (ტეტრაციკლინის, ამინოგლიკოზიდის, პენიცილინის) აქტივობის შემცირების შესახებ აცეტილცისტეინთან ერთად გამოყენებისას შეზღუდულია in vitro კვლევებით, რომლის დროსაც ხდებოდა მითითებული აქტიური ნივთიერებების შერევა. მიუხედავად ამისა, სიფრთხილის მიზნით რეკომენდირებულია ანტიბიოტიკების პერორალურად მიღებასა და აცეტილცისტეინს მიღებას შორის მინიმუმ 2 საათის ინტერვალის დაცვა. ეს არ ეხება ცეფიქსიმს და ლორაკარბეფს.
აცეტილცისტეინი/ნიტროგლიცერინი
ნიტროგლიცერინისა და აცეტილცისტეინის ერთდროულმა მიღებამ შეიძლება გამოიწვიოს ნიტროგლიცერინის ვაზოდილატაციური ეფექტის გაძლიერება. ნიტროგლიცერინით და აცეტილცისტეინით კომბინირებული თერაპიის აუცილებლობის შემთხვევაში, პაციენტები უნდა იმყოფებოდნენ დაკვირვების ქვეშ ჰიპოტონიის განვითარების საგანზე, რომელიც შეიძლება სერიოზული იყოს და რომელზეც შეიძლება თავის ტკივილი მიუთითებდეს.
აცეტილცისტეინის და კარბამაზეპინის ერთდროულმა გამოყენებამ შეიძლება გამოიწვიოს კარბამაზეპინის სუბთერაპიული კონცენტრაცია.
ზემოქმედება ლაბორატორიული ტესტების მაჩვენებლებზე
აცეტილცისტეინმა შეიძლება იმოქმედოს სალიცილატების განსაზღვრის კოლორიმეტრიული მეთოდის შედეგებზე.
აცეტილცისტეინმა შეიძლება გავლენა მოახდინოს შარდში კეტონური სხეულების განსაზღვრის შედეგებზე.
არ არის რეკომენდირებული ასიბროქსის მზა ხსნარის შერევა სხვა პრეპარატებთან.
ჭარბი დოზირება
დღემდე არ არის აღწერილი აცეტილცისტეინის პერორალური ფორმების ჭარბი დოზირების შემთხვევები.
ჯანმრთელ მოხალისეებში, რომლებიც სამი თვის განმავლობაში იღებდნენ აცეტილცისტეინის ყოველდღიურ დოზას 11,2 გ-ს, არ აღინიშნებოდა სერიოზული გვერდითი რეაქციები. აცეტილცისტეინის დოზები 500 მგ-მდე/კგ სხეულის მასაზე, რომლებიც შიგნით მიიღებოდა, აიტანებოდა ინტოქსიკაციის ნიშნების გარეშე.
სიმპტომები
ჭარბმა დოზირებამ შეიძლება გამოიწვიოს სიმპტომების განვითარება კუჭ-ნაწლავის ტრაქტის მხრივ, როგორიცაა გულისრევა, ღებინება და დიარეა. მეძუძურ ბავშვებში არსებობს ჰიპერსეკრეციის რისკი.
მკურნალობა
დოზის გადაჭარბების შემთხვევაში რეკომენდებულია სიმპტომატური თერაპია.
გამოშვების ფორმა
ასიბროქსი 200 მგ #24
24 შუშხუნა ტაბლეტი პოლიპროპილენის პენალში, დახურული პოლიეთილენის საცობით სილიკაგელით.
1 პენალი მუყაოს კოლოფში ჩანართ-ფურცელთან ერთად.
ასიბროქსი 200 მგ #10 ან #20
2 შუშხუნა ტაბლეტი ლამინირებულ სტრიპში.
5 ან 10 ლამინირებული სტრიპი მუყაოს კოლოფში ჩანართ-ფურცელთან ერთად.
ასიბროქსი 600 მგ #12
12 შუშხუნა ტაბლეტი პოლიპროპილენის პენალში, დახურული პოლიეთილენის საცობით სილიკაგელით.
1 პენალი მუყაოს კოლოფში ჩანართ-ფურცელთან ერთად.
ასიბროქსი 600 მგ #10 ან #20
2 შუშხუნა ტაბლეტი ლამინირებულ სტრიპში.
5 ან 10 ლამინირებული სტრიპი მუყაოს კოლოფში ჩანართ-ფურცელთან ერთად.
შენახვის პირობები
ინახება ნესტისა და სინათლისაგან დაცულ ადგილას, არაუმეტეს 25°C ტემპერატურაზე.
ინახება ბავშვებისათვის მიუწვდომელ ადგილას!
სად შევიძინოთ?