ბერლიპრილი® პლუსი / BERLIPRIL PLUS
- საერთაშორისო დასახელება (აქტიური ნივთიერება): enalapril maleate
- კლინიკურ-ფარმაკოლოგიური ჯგუფი: გულ-სისხლძარღვთა სისტემა → ანგიოტენზინ-გარდაქმნელი ფერმენტების ინჰიბიტორები
- მწარმოებელი კომპანია: BERLIN-CHEMIE AG
- მწარმოებელი ქვეყანა: გერმანია
- გამოშვების ფორმა: 10მგ/25მგ ტაბლეტი №30
- გაცემის რეჟიმი: II ჯგუფი (გაიცემა ფორმა N3 რეცეპტით)
1. პრეპარატ ბერლიპრილი® პლუსის აღწერა და გამოყენება
ბერლიპრილი® პლუსი არის სამკურნალო საშუალება, რომელიც აქვეითებს არტერიულ წნევას (ჰიპოტენზიური პრეპარატი). ეს არის კომბინირებული პრეპარატი, რომელიც შედგება ანგიოტენზინგარდამქმნელი ფერმენტის (აგფ) ინჰიბიტორისა და შარდმდენი საშუალებისაგან (ჰიდროქლორთიაზიდი).
ბერლიპრილი® პლუსი გამოიყენება მომატებული არტერიული წნევის დროს, როდესაც არ ხდება წნევის დაწევა მხოლოდ ენალაპრილის გამოყენებით, ასევე, ენალაპრილისა და ჰიდროქლორთიაზიდის ცალკეული პრეპარატების ნაცვლად, რომლებიც დანიშნული იყო კომბინირებული პრეპარატი ბერლიპრილი® პლუსის ანალოგიური დოზებით.
2. რა უნდა ვიცოდეთ პრეპარატ ბერლიპრილი® პლუსის მიღების დაწყებამდე
ბერლიპრილი® პლუსი უკუნაჩვენებია შემდეგ შემთხვევებში:
• ალერგია მოქმედი ნივთიერების ენალაპრილის, სხვა აგფ ინჰიბიტორების ან პრეპარატის სხვა რომელიმე კომპონენტის მიმართ (მითითებულია პარაგრაფში 6);
• ალერგია (მომატებული მგრძნობელობა) მოქმედი ნივთიერების ჰიდროქლორთიაზიდის ან სხვა სულფონამიდების მიმართ;
• ანამნეზში კიდურების, სახის, ტუჩების, ყელის, პირისა და ენის შეშუპება
(ანგიონევროზული შეშუპება) აგფ ინჰიბიტორების მიღებისას;
• კიდურების, სახის, ტუჩების, ყელის, პირისა და ენის თანდაყოლილი მიდრეკილება
შეშუპებისადმი (ანგიონევროზული შეშუპება) ან გაურკვეველი მიზეზით გამოწვეული
შეშუპება (მემკვიდრეობითი ან თანდაყოლილი ანგიონევროზული შეშუპება);
• თირკმლის ფუნქციის მძიმე დარღვევისას (კრეატინინის კლირენსი 30 მლ/წთ ნაკლები)
და/ან დიალიზის ჩატარებისას, შარდის გამომუშავების შემცირებისას;
• ღვიძლის ფუნქციის მძიმე დარღვევისას;
• 3 თვიდან ორსულობის პერიოდში (აგრეთვე, ბერლიპრილი® პლუსის მიღება რეკომენდებული არ არის ორსულობის ადრეულ ეტაპზე – იხ. პარაგრაფი ორსულობის
შესახებ);
• ანამნეზში დიაბეტის არსებობისას ან თირკმლის ფუნქციის დარღვევებისას, აგრეთვე ალისკირენის შემცველი არტერიული წნევის დამწევი სამკურნალო საშუალებების მიღებისას.
გაფრთხილება და სიფრთხილის ზომები
ბერლიპრილი® პლუსის მიღებამდე კონსულტაციისათვის მიმართეთ ექიმს ან ფარმაცევტს
აცნობეთ თქვენს ექიმს, მაღალი არტერიული წნევის სამკურნალოდ შემდეგი პრეპარატებიდან ნებისმიერის მიღების შემთხვევაში:
- ანგიოტენზინ II რეცეპტორების ბლოკერები (არბ) (აგრეთვე ცნობილი, როგორც სარტანები - მაგალითად, ვალსარტანი, ტელმისარტანი, ირბესარტანი), განსაკუთრებით, თუ ადგილი აქვს თირკმელების დაავადებებს დიაბეტთან დაკავშირებით;
- ალისკირენი.
მკურნალ ექიმს შეუძლია მიიღოს გადაწყვეტილება რეგულარულად ჩაატაროს თირკმელების ფუნქციის, არტერიული წნევის კონტროლი და სისხლში ელექტროლიტების (მაგალითად, კალიუმის) შემცველობის განსაზღვრა.
იხ. აგრეთვე ინფორმაცია პარაგრაფში ~პრეპარატ ბერლიპრილი® პლუსის მიღება არ შეიძლება შემდეგ შემთხვევებში:~.
მიმართეთ თქვენს ექიმს შემდეგ შემთხვევებში:
- თუ ადგილი აქვს არტერიული წნევის ზედმეტად დაქვეითების მომატებულ რისკს წყლისა და ელექტროლიტური ცვლის დარღვევის ან/და სითხის დაკარგვის ფონზე,
მაგალითად, შარდმდენი საშუალებების მიღების შემდეგ, მარილის შეზღუდვით დიეტის დაცვისას, ღებინების ან დიარეის დროს;
- თუ ადგილი აქვს გულის მარცხენა პარკუჭის სარქველის სანათურის შევიწროებას ან მარცხენა პარკუჭიდან სისხლის გამოდინების შემაფერხებელ სხვა დარღვევას;
- თუ ადგილი აქვს გულის დაავადებებს გვირგვინოვანი არტერიების სისხლის მიმოქცევის დარღვევით (გულის იშემიური დაავადება);
- თუ ადგილი აქვს თავის ტვინის სისხლძარღვებში სისხლის მიმოქცევის დარღვევას
(თავის ტვინის სისხლის მიმოქცევის მოშლა);
- თუ ადგილი აქვს თირკმლის ფუნქციის საშუალო სიმძიმის დარღვევას (კრეატინინის კლირენსი 30-80 მლ/წთ);
- თუ ადგილი აქვს თირკმლის არტერიების შევიწროებას (ორმხრივი ან ცალმხრივი ერთი თირკმლის ფუნქციონირების შემთხვევაში);
- ახლო წარსულში ჩატარებული თირკმლის ტრანსპლანტაცია;
- თუ ადგილი აქვს ღვიძლის ფერმენტების დონის მომატებას ან სიყვითლის
გამოვლენას;
- თუ ადგილი აქვს სისხლში ლეიკოციტების დონის შემცირებას (ლეიკოპენია) ან ინფექციებისაგან დამცავი უჯრედების რაოდენობის გამოხატულ შემცირებას შესაბამისი სიმპტომების გამოვლენით (აგრანულოციტოზი);
- თუ ადგილი აქვს შემაერთებელი ქსოვილის ზოგიერთ დაავადებას (კოლაგენოზები), რომელიც მიმდინარეობს სისხლძარღვების დაზიანებით;
- თუ ადგილი აქვს იმუნური სისტემის დამთრგუნველი პრეპარატებით მკურნალობას;
- თუ ადგილი აქვს ალოპურინოლით (გამოიყენება პოდაგრის დროს), პროკაინამიდით
(არითმიების დროს) ან ლითიუმის პრეპარატებით (ზოგიერთი ფსიქიკური
დაავადებების დროს) მკურნალობას;
- თუ ადგილი აქვს მომატებული მგრძნობელობის რეაქციებს (ალერგია) ან ქსოვილების
შეშუპებას (ანგიონევროზული შეშუპება) ბერლიპრილი პლუსით მკურნალობისას.
- შაქრიანი დიაბეტი;
- პოდაგრა;
- შეუპოვარი მშრალი ხველა;
- თუ ადგილი აქვს სისხლში კალიუმის კონცენტრაციის გაზრდის მომატებულ რისკს;
- თუ ადგილი აქვს არტერიული წნევის არასაკმარისად დაქვეითებას ეთნიკური
რასობრივი კუთვნილების გამო (განსაკუთრებით შავკანიან პაციენტებში);
- თუ ადგილი აქვს მხედველობის სიმკვეთრის დაქვეითებას ან თვალების ტკივილს. ეს შეიძლება იყოს თვალშიდა წნევის მომატების ნიშნები, რაც შეიძლება გამოვლინდეს ბერლიპრილი® პლუსის მიღებიდან რამდენიმე საათიდან ერთ კვირამდე დროის მონაკვეთში.
ისეთი სიმპტომები, როგორიცაა სიმშრალე პირის ღრუში, წყურვილი, სისუსტე, ლეთარგია, კუნთების ტკივილი ან კუნთების სპაზმი, გახშირებული გულისცემა, თავბრუსხვევა, გულისრევა, ღებინება და შარდის გამოყოფის შემცირება, შეიძლება იყოს წყლის ან ელექტროლიტური ბალანსის დარღვევის ნიშნები. მათი გამოვლენის შემთხვევაში დაუყოვნებლივ მიმართეთ ექიმს.
მწერების შხამის (მაგალითად, ფუტკრის ან კრაზანის) წინააღმდეგ მიმართული მადესენსიბილიზებელი თერაპიის ჩატარების საჭიროების შემთხვევაში, ბერლიპრილი® პლუსი დროებით უნდა ჩანაცვლდეს სათანადო პრეპარატით სხვა კლასის სამკურნალო საშუალებებიდან. წინააღმდეგ შემთხვევაში შეიძლება გამოვლინდეს მძიმე, სიცოცხლისათვის სახიფათო ჰიპერმგრძნობელობის რეაქციები (მაგალითად, არტერიული წნევის დაცემა, ქოშინი, ღებინება, კანის ალერგიული რეაქციები). აღნიშნულ რეაქციებს აგრეთვე შეიძლება ადგილი ჰქონდეს მწერების კბენის შემთხვევაში (მაგალითად, ფუტკრის ან კრაზანის).
გარკვეული ტიპის მემბრანების (გამტარობის მაღალი უნარით) გამოყენებით დიალიზის ან სისხლში ლიპიდების კონცენტრაციის შესამცირებლად ჩატარებულ მკურნალობასთან (დსლპ-აფერეზი დექსტრანსულფატით აბსორბციით) ერთად ბერლიპრილი® პლუსის მიღებისას შეიძლება გამოვლინდეს მომატებული მგრძნობელობის მძიმე რეაქციები, სიცოცხლისთვის სახიფათო შოკურ მდგომარეობამდე.
დიალიზის, ჰემოფილტრაციის ან დსლპ-აფერეზის ჩატარებამდე ექიმმა უნდა დაგინიშნოთ სხვა შესაბამისი პრეპარატი (მაგრამ არა აგფ ინჰიბიტორი) ან გამოიყენოს დიალიზის სხვა მემბრანება.
თუ იღებთ ბერლიპრილი® პლუსს ან გჭირდებათ დიალიზის ჩატარება, აცნობეთ თქვენს ექიმს, რათა მან გაითვალისწინოს აღნიშნული გარემოება მკურნალობის დანიშვნისას.
თუ ოპერაცია ან ნარკოზი გიწევთ (მათ შორის სტომატოლოგთან ვიზიტი) აცნობეთ თქვენს ექიმს, რომ იღებთ ბერლიპრილი® პლუსს, რადგან ნარკოზის დროს შეიძლება ადგილი ჰქონდეს არტერიული წნევის უეცარ დაცემას.
დაუყოვნებლივ მიმართეთ ექიმს შემდეგი სიმპტომების გამოვლენისას:
- სახის, კიდურების, ტუჩების, ლორწოვანი გარსების, ენისა და/ან ხორხის შეშუპება, ქოშინი;
- კანისა და ლორწოვანი გარსების გაყვითლება;
- სხეულის ტემპერატურის მომატება, ლიმფური კვანძების გადიდება და/ან ყელის ანთება.
ასეთ შემთხვევაში უნდა შეწყდეს ბერლიპრილი® პლუსით მკურნალობა და დაცული იქნას ექიმის რეკომენდაციები მკურნალობის შესახებ.
ბერლიპრილი® პლუსით მკურნალობის დროს საჭიროა რეგულარული ვიზიტები ექიმთან. ექიმის მიერ დანიშნული გამოკვლევები და ანალიზები უნდა ჩატარდეს მაშინვე, გადაუდებლად.
ბერლიპრილი® პლუსის ლითიუმის პრეპარატებთან (გამოიყენება ზოგიერთი ფსიქიკური დაავადებების სამკურნალოდ) კომბინაციაში გამოყენება რეკომენდებული არ არის.
აუცილებლად აცნობეთ ექიმს, თუ ფიქრობთ, რომ ხართ ორსულად, ან არ გამორიცხავთ ორსულობის დადგომას. რეკომენდებული არ არის ბერლიპრილი® პლუსის მიღება ორსულობის ადრეულ ეტაპზე და არ შეიძლება მისი მიღება ორსულობის მეორე და მესამე ტრიმესტრში, რადგან ამ პერიოდში პრეპარატმა შეიძლება სერიოზული ზიანი მიაყენოს თქვენს ბავშვს (იხ. პარაგრაფი ორსულობის შესახებ).
• პაციენტები თირკმლის ფუნქციის დარღვევით
თირკმლის ფუნქციის დარღვევის მქონე პაციენტებისთვის პრეპარატის დოზა შეირჩევა
ინდივიდუალურად და მკურნალობის დაწყება საჭიროა განსაკუთრებული სიფრთხილით.
• ხანდაზმული პაციენტები
არ არსებობს მონაცემები პაციენტის ასაკისა და პრეპარატის ეფექტურობისა და
უსაფრთხოების ურთიერთკავშირის შესახებ. ექიმი დაგინიშნავთ თქვენთვის შესაფერის მკურნალობას თირკმელების ფუნქციის მიხედვით.
• ბავშვები და მოზარდები
ბავშვებისათვის და 18 წლამდე ასაკის მოზარდებისთვის ბერლიპრილი® პლუსის მიღება
რეკომენდებული არ არის.
დოპინგური ტესტი
იმ შემთხვევაში, თუ ხართ დაკავებული სპორტით ან გეგმავთ დოპინგური ტესტის
ჩატარებას, კონსულტაციისათვის მიმართეთ ექიმს. ბერლიპრილი® პლუსის გამოყენებამ
შეიძლება გამოიწვიის ანტიდოპინგური ტესტის დადებითი შედეგი, რადგან პრეპარატი შეიცავს მოქმედ ნივთიერებას ჰიდროქლორთიაზიდს. დოპინგის სახით პრეპარატ ბერლიპრილი® პლუსის გამოყენებამ შესაძლებელია უარყოფითი გავლენა იქონიოს თქვენს ჯანმრთელობაზე.
ბერლიპრილი® პლუსი და სხვა სამკურნალო საშუალებები
აცნობეთ ექიმს ან ფარმაცევტს, თუ იღებთ ან ახლო წარსულში იღებდით სხვა სამკურნალო საშუალებებს.
შესაძლოა საჭირო გახდეს მკურნალი ექიმის მიერ დოზის კორექტირება ან/და სიფრთხილის სხვა ზომების მიღება.
• ანგიოტენზინ II რეცეპტორების ბლოკერების (არბ) ან ალისკირენის მიღების შემთხვევაში (იხ. ინფორმაცია პარაგრაფში ~ბერლიპრილი® პლუსი უკუნაჩვენებია შემდეგ შემთხვევებში~ და ~გაფრთხილება და სიფრთხილის ზომები~)
შესაძლოა შემდეგი გვერდითი მოქმედებები:
• შარდმდენი პრეპარატები, რომლებიც ამცირებს კალიუმის გამოყოფას (კალიუმის დამზოგველი დიურეზულები, მაგალითად, სპირონოლაქტონი, ეპლერენონი, ტრიამტერენი ან ამილორიდი), კალიუმის შემცველი მარილის შემცვლელები და ჰეპარინი:
სისხლში კალიუმის კონცენტრაციის მომატება. მკურნალობის დროს ექიმმა რეგულარულად უნდა შეამოწმოს სისხლში კალიუმის კონცენტრაცია.
• სხვა შარდმდენი საშუალებები (თიაზიდები ან მარყუჟოვანი დიურეზულები), არტერიული წნევის დამაქვეითებელი სხვა პრეპარატები, სისხლძარღვების გამაფართოებელი პრეპარატები, დეპრესიის, ასევე, სხვა ფსიქიკური დაავადებების სამკურნალო პრეპარატები (ტრიციკლური ანტიდეპრესანტები, ნეიროლეფსიური საშუალებები), სანარკოზე საშუალებები, ანესთეტიკები:
არტერიული წნევის მკვეთრი დაქვეითება.
• მომატებული არტერიული წნევის სამკურნალო გარკვეული პრეპარატები - როგორიცაა, მაგალითად, სამკურნალო საშუალებების ჯგუფის პრეპარატები, სახელწოდებით
~ანგიოტენზინ II რეცეპტორების ბლოკერები~ ან ~სარტანები~:
დაბალი არტერიული წნევის შემთხვევების გახშირება, გონების დაკარგვა, მიოკარდიუმის
ინფარქტი, კალიუმის დონის მომატება და თირკმლის ფუნქციის შეცვლა სხვა გარკვეული დაავადებების მქონე პაციენტებში (ათეროსკლეროზი, გულის უკმარისობა ან დიაბეტი).
• ალკოჰოლი, ბარბიტურატები და სანარკოზე ანალგეტიკები:
არტერიული წნევის ზედმეტად დაქვეითება წამოდგომისას ვერტიკალურ მდგომარეობაში გადასვლის დროს.
• ლითიუმის პრეპარატები (ზოგიერთი ფსიქიკური დაავადების სამკურნალოდ):
ლითიუმით მოწამვლის მომატებული რისკი. ამიტომ, ბერლიპრილი® პლუსის და
ლითიუმის პრეპარატების ერთდროულად მიღება რეკომენდებული არ არის. თუ აღნიშნული კომბინაციის გამოყენება აუცილებელია, მკურნალობის დროს საჭიროა სისხლში ლითიუმის შემცველობის რეგულარული კონტროლი.
• ტკივილგამაყუჩებელი და ანთების საწინააღმდეგო პრეპარატები (არასტეროიდული ანთების საწინაარმდეგო საშუალებები):
არტერიული წნევის არასაკმარისად დაქვეითება, სისხლში კალიუმის კონცენტრაციის მომატება და თირკმლის ფუნქციის გაუარესება; იშვიათ შემთხვევებში – თირკმლის მწვავე უკმარისობა, განსაკუთრებით თირკმლის ფუნქციის დარღვევის მქონე პაციენტებში.
• ოქროს პრეპარატები ინექციების სახით (ნატრიუმის აუროტიომალატი), რევმატოიდული ართრიტის სამკურნალო საინექციო პრეპარატები
ნიტრიტოიდული რეაქციები, რომლებიც ითვალისწინებს ისეთ სიმპტომებს, როგორიცაა სახეზე სისხლის მოწოლა, გულისრევა, ღებინება და არტერიული ჰიპოტენზია
• იმუნური სისტემის დამთრგუნველი პრეპარატები (იმუნოდეპრესანტები), სისტემური კორტიკოსტეროიდები, პროკაინამიდი (არითმიის საწინააღმდეგო პრეპარატი):
ლეიკოციტების კონცენტრაციის შემცირების მომატებული რისკი მთლიანობაში ან მათი ცალკეული ფრაქციის შემცირება (ლეიკოპენია).
• ციტოსტატიკები (მაგალითად, ციკლოფოსფამიდი, ფტორურაცილი, მეტოტრექსატი): ძვლის ტვინზე ტოქსიური მოქმედების გაძლიერება (კერძოდ, გრანულოციტოპენია).
• პოდაგრის სამკურნალო პრეპარატები (მაგალითად, ალოპურინოლი, ბენზბრომარონი):
პოდაგრის სამკურნალოდ შეიძლება საჭირო გახდეს პრეპარატების დოზის გაზრდა.
• სიმპათომიმეტიკები (ბუნებრივი მედიატორების ნორადრენალინის ან ადრენალინის მსგავსი ეფექტების მქონე ნაერთები, მაგალითად, ჰიპერტენზიური ეფექტი) კოლესტირამინი და კოლესტიპოლი (სისხლში ლიპიდების კონცენტრაციის დამაქვეითებელი პრეპარატების მოქმედი ნივთიერებები):
არტერიული წნევის არასაკმარისი დაქვეითება.
• მეტფორმინის ტიპის შაქრის დამწევი პრეპარატები და ინსულინი:
შეიძლება საჭირო გახდეს შაქრის დამწევი პრეპარატების ან ინსულინის დოზის
შეცვლა. მეტფორმინი ჰიდროქლორთიაზიდთან ერთად მიიღება სიფრთხილით, რადგან არსებობს სისხლის მჟავიანობის მომატების რისკი თირკმლის უკმარისობის შესაძლო განვითარების შედეგად.
• ამფოტერიცინი B (გამოიყენება სოკოვანი ინფექციების სამკურნალოდ), კარბენოქსოლონი (კუჭის/ნაწლავების წყლულოვანი დაავადების სამკურნალოდ), კორტიზონის შემცველი პრეპარატები (კორტიკოსტეროიდები), კორტიკოტროპინი (ჰორმონი, რომელიც ზეგავლენას ახდენს თირკმელზედა ჯირკვლის მოქმედებაზე), კალიურეზული დიურეტიკები (შარდის გამოყოფის გასაძლიერებელი გარკვეული სამკურნალო საშუალებები - მაგალითად, ფუროსემიდი) და ზოგიერთი საფაღარათო საშუალება: ელექტროლიტური ცვლის დარღვევები, კერძოდ, კალიუმის დონის დაქვეითება.
• კალციუმის მარილები:
სისხლში კალციუმის კონცენტრაციის მომატება.
• საგულე გლიკოზიდები (მაგალითად, დიგოქსინი, რომელიც ზრდის გულის განდევნას):
საგულე გლიკოზიდების ეფექტებისა და გვერდითი მოქმედებების გაძლიერება.
• მიორელაქსანტები (მაგალითად, ტუბოკურარინის ქლორიდი, რომელიც ადუნებს კუნთებს):
მიორელაქსანტების მოქმედების გაძლიერება და გახანგრძლივება.
• პრეპარატები, რომლებმაც შეიძლება გამოიწვიოს პირუეტის ტიპის პარკუჭოვანი ტაქიკარდიის განვითარება, გულის რიტმის სახიფათო დარღვევა (მაგალითად, ზოგიერთი
არითმიის საწინააღმდეგო - როგორიცაა, მაგალითად, ქინიდინი, პროკაინამიდი, ამიოდარონი, სოტალოლი - ან ფსიქოაქტიური პრეპარატი):
იზრდება პირუეტის ტიპის პარკუჭოვანი ტაქიკარდიის განვითარების რისკი.
პრეპარატ ბერლიპრილი® პლუსის მიღება საკვებთან, სასმელთან და ალკოჰოლთან
• ალკოჰოლი: არტერიული წნევის ზედმეტად დაქვეითება.
ორსულობა და ლაქტაცია
თუ ხართ ორსულად, ეჭვი გაქვთ, რომ ხართ ორსულად, გეგმავთ ორსულობას ან ბავშვს
ძუძუთი კვებავთ, კონსულტაციისათვის მიმართეთ მკურნალ ექიმს ან ფარმაცევტს.
• ორსულობა
აცნობეთ მკურნალ ექიმს თუ ფიქრობთ, რომ ხართ ორსულად (შეიძლება იყოთ ორსულად).
ორსულობის დადგომამდე ან დადგენის შემდეგ ექიმმა შეიძლება მოგიხსნათ ბერლიპრილი®
პლუსით მკურნალობა და მის ნაცვლად დაგინიშნოთ სხვა პრეპარატი.
ბერლიპრილი® პლუსის მიღება რეკომენდებული არ არის ორსულობის ადრეულ ეტაპზე, ორსულობის მეორე და მესამე ტრიმესტრში მისი მიღება აკრძალულია ნაყოფისთვის
მაღალი რისკის გამო.
• ლაქტაცია
აცნობეთ თქვენს ექიმს, თუ ბავშვს ძუძუთი კვებავთ ან გეგმავთ ძუძუთი კვებას.
ბერლიპრილი® პლუსის მიღება ძუძუთი კვების პერიოდში რეკომენდებული არ არის.
ზემოქმედება სატრანსპორტო საშუალებების მართვის და მექანიზმებთან მუშაობის უნარზე
ბერლიპრილი® პლუსმა შეიძლება შეცვალოს რეაქციის უნარი, ამიტომ საგზაო მოძრაობაში მონაწილეობა, მექანიზმების მართვა ან მუშაობა არამდგრადი წონასწორობის პირობებში შეიძლება დაკავშირებული იყოს გარკვეულ რისკთან. ეს განსაკუთრებით ხდება მკურნალობის დასაწყისში, დოზის გაზრდის და მედიკამენტის შეცვლისას, აგრეთვე მკურნალობის დროს ალკოჰოლური სასმელის გამოყენებისას. გაითვალისიწინეთ, რომ ბერლიპრილი® პლუსის მიღებას შეიძლება თან ახლდეს თავბრუსხვევა ან სისუსტე.
პრეპარატი ბერლიპრილი® პლუსი შეიცავს ლაქტოზას
აღნიშნული სამკურნალო საშუალება შეიცავს ლაქტოზას. ამიტომ, შაქრის გარკვეული სახეობის მიმართ აუტანლობის შემთხვევაში, ბერლიპრილი® პლუსის მიღების დაწყებამდე კონსულტაციისთვის მიმართეთ მკურნალ ექიმს.
3. პრეპარატ ბერლიპრილი® პლუსის მიღების წესი
ბერლიპრილი® პლუსი ყოველთვის მიიღება მკურნალი ექიმის დანიშნულებით. დამატებითი კითხვების გაჩენის შემთხვევაში, მიმართეთ ექიმს ან ფარმაცევტს.
შესაძლებელია, კომბინირებული პრეპარატის დანიშვნამდე ექიმმა მიიღოს გადაწყვეტილება აქტიური კომპონენტების (ენალაპრილისა და ჰიდროქლორთიაზიდის) დოზის ცალ-ცალკე შერჩევის შესახებ. შემდეგ, აუცილებლობის შემთხვევაში, ექიმი გადაგიყვანთ ბერლიპრილი® პლუსით მკურნალობაზე.
ბერლიპრილი® პლუსის რეკომენდებული დოზა შეადგენს 1 ტაბლეტს ერთხელ დღე- ღამეში.
მითითება:
ცალ-ცალკე პრეპარატის მიღების გადასვლისას ბერლიპრილი® პლუსის მიღებაზე
შესაძლებელია მოხდეს არტერიული წნევის ზედმეტად დაქვეითება. ხშირად ეს აღინიშნება წყალ-მარილოვანი ბალანსის დარღვევის მქონე პაციენტებში (მაგალითად, ღებინების, დიარეის, შარდმდენი საშუალებების მიღების შემდეგ), ასევე, გულის მძიმე უკმარისობის ან მაღალი არტერიული წნევის დროს, რაც დაკავშირებულია თირკმელების მძიმე სიმპტომებთან ან დაავადებებთან. ამიტომ, ბერლიპრილი® პლუსის პირველი ტაბლეტის მიღების შემდეგ თქვენ შესაძლოა დარჩეთ ექიმის კონტროლის ქვეშ 8 საათის განმავლობაში
• მიღების წესი:
ბერლიპრილი® პლუსის მიღება შეიძლება კვებისგან დამოუკიდებლად. დანიშნული
სადღეღამისო დოზა მიიღება დილით, საკმარისი რაოდენობის სითხესთან ერთად
(მაგალითად, ჭიქა წყალი).
გამყოფი ხაზი გამიზნულია ტაბლეტის გასაყოფად ყლაპვის გასაადვილებლად.
• მიღების ხანგრძლივობა
მკურნალობის ხანგრძლივობას განსაზღვრავს ექიმი.
თუ ფიქრობთ, რომ პრეპარატ ბერლიპრილი® პლუსით მკურნალობის ეფექტი ძალიან
ძლიერი ან სუსტია, მიმართეთ მკურნალ ექიმს ან ფარმაცევტს.
ბერლიპრილი® პლუსის დოზის გადაჭარბების შემთხვევაში
პრეპარატის დოზის შემთხვევით გადაჭარბებისას, დაუყოვნებლივ მიმართეთ ექიმს ან გამოიძახეთ სასწრაფო დახმარების ბრიგადა. მოწამვლის სიმძიმის მიხედვით ექიმი მიიღებს სათანადო ზომებს.
დოზის გადაჭარბების ხარისხის შესაბამისად შესაძლებელია შემდეგი სიმპტომების გამოვლენა: ხშირი და უხვი შარდვა, ელექტროლიტური ბალანსის დარღვევა, არტერიული წნევის გამოხატული დაცემა, გონების დაბინდვა ან დაკარგვა, კრუნჩხვა, მსუბუქი ხარისხის დამბლა, გულის რიტმის დარღვევა, პულსის შენელება ან გახშირება, სისხლძარღვოვანი უკმარისობა, თირკმლის უკმარისობა.
დოზის გადაჭარბებაზე ეჭვის შემთხვევაში დაუყოვნებლივ მიმართეთ ექიმს.
თუ დაგავიწყდათ პრეპარატ ბერლიპრილი® პლუსის დოზის მიღება
არ მიიღოთ ორმაგი დოზა გამოტოვებულის საკომპენსაციოდ.
თუ შეწყვიტეთ პრეპარატ ბერლიპრილი® პლუსის მიღება
არ შეწყვიტოთ ბერლიპრილი® პლუსით მკურნალობა მკურნალ ექიმთან წინასწარი კონსულტაციის გარეშე!
მკურნალობასთან დაკავშირებულ ნებისმიერ საკითხზე რჩევისათვის მიმართეთ ექიმს ან ფარმაცევტს.
4. შესაძლო გვერდითი მოქმედება
როგორც ყველა სამკურნალო საშუალებას, ბერლიპრილი® პლუსსაც შეიძლება ჰქონდეს გვერდითი მოქმედებები, თუმცა ის არ ვლინდება ყველა პაციენტში. გვერდითი მოქმედებების გაძლიერების შემთხვევაში, აგრეთვე, ისეთი გვერდითი მოქმედების გამოვლენისას, რომელიც არ არის აღნიშნული წინამდებარე ჩანართში, შეატყობინეთ მკურნალ ექიმს ან ფარმაცევტს.
გვერდითი მოქმედებები ან სიმპტომები, რომლებიც საჭიროებს ყურადღებას, და ამასთან დაკავშირებული სიფრთხილის ზომები
ხორხის, სახმო იოგების და/ან ენის ქსოვილების შეშუპების დროს (ანგიონევროზული
შეშუპება), დაუყოვნებლივ მიმართეთ მკურნალ ექიმს, რომელიც მიიღებს საჭირო ზომებს.
სიყვითლის ნიშნების გამოვლენის შემთხვევაში შეწყვიტეთ პრეპარატის მიღება და მიმართეთ ექიმს.
სხეულის ტემპერატურის მომატებისას, ლიმფური კვანძების გადიდების და/ან ყელის ანთების შემთხვევაში საჭიროა აგრეთვე ექიმთან მიმართვა, რომელიც დანიშნავს სისხლის ანალიზს და შეამოწმებს ლეიკოციტების დონეს.
ბერლიპრილი® პლუსით მკურნალობის ფონზე ზემოთ აღწერილი ნებისმიერი მოვლენის განვითარების შემთხვევაში დაუყოვნებლივ აცნობეთ ექიმს.
სხვა შესაძლო გვერდითი მოქმედება
ძალიან ხშირად (შეიძლება აღენიშნოს 10 პაციენტიდან 1-ზე მეტს)
- არამკვეთრი მხედველობა
- თავბრუსხვევა
- ხველა
- გულისრევა
- სისუსტე
ხშირად (შეიძლება აღენიშნოს 10 პაციენტიდან 1-ს)
- დეპრესია
- გონების დაკარგვა, თავის ტკივილი
- არტერიული წნევის მკვეთრად დაცემა ჰორიზონტალურიდან ვერტიკალურ მდგომარეობაში გადასვლის დროს, გულის რიტმის დარღვევა, მოჭერითი ხასიათის ტკივილი მკერდის ძვლის უკან (სტენოკარდია), გახშირებული პულსი
- ქოშინი
- ფაღარათი, მუცლის ტკივილი, გემოს აღქმის შეცვლა
- გამონაყარი, ჰიპერმგრძნობელობის რეაქციები/ქსოვილების შეშუპება (ანგიონევროზული
შეშუპება).
შესაძლებელია ანგიონევროზული შეშუპება სახის, კიდურების, ტუჩების, ენის, სახმო
იოგების და/ან ხორხის დაზიანებით.
- კუნთების სპაზმი
- დაღლილობა, ტკივილი გულ-მკერდის არეში
- სისხლში კალიუმის, შარდმჟავას და/ან კრეატინინის კონცენტრაციის მომატება,
სისხლში გარკვეული ცხიმების შემცველობის მომატება (ქოლესტერინი და
ტრიგლიცერიდები), სისხლში კალიუმის კონცენტრაციის დაქვეითება.
იშვიათად (შეიძლება აღენიშნოს 100 პაციენტიდან 1-ს)
- ანემია ერითროციტების გაძლიერებული დაშლის (ჰემოლიზური ანემია) ან ძვლის ტვინში სისხლის წარმოქმნის დარღვევის ფონზე (აპლასტიური ანემია)
- სისხლში გლუკოზის კონცენტრაციის დაქვეითება, მადის დაკარგვა
- ცნობიერების არევა, ძილიანობა, უძილობა, გაღიზიანებადობა, უჩვეულო შეგრძნებები
კანის მხრივ (მაგალითად, ჩხვლეტა, წვა), გამოხატული თავბრუსხვევა
- გარემოს აღქმა ყვითელ ფერში
- ხმაური ყურებში (ტინიტუსი)
- სახის გაწითლება (სახეზე სისხლის მოწოლა), მიოკარდიუმის ინფარქტი ან ინსულტი,
შესაძლოა გამოწვეული წნევის დაცემის შედეგად, გულის კუნთში და/ან თავის ტვინში
სისხლის მიმოქცევის დარღვევის მქონე პაციენტებში გულისცემა
- სურდო, ტკივილი ყელის არეში ან ხმის ჩახლეჩვა, ბრონქების სპაზმი, ასთმა
- ნაწლავური გაუვალობა, ღებინება, საჭმლის მონელების პროცესის დარღვევა, პირის
სიმშრალე, კუჭის წყლული, მეტეორიზმი, ყაბზობა, კუჭის მგრძნობელობის მომატება,
კუჭქვეშა ჯირკვლის ანთება
- სიყვითლე
- გახშირებული ოფლდენა, ქავილი, ჭინჭრის ციება, თმის ცვენა, კანის მომატებული
მგრძნობელობა მზის სხივების მიმართ
- სახსრების ტკივილი (ართრალგია)
- თირკმელების ფუნქციის დარღვევა, თირკმლის უკმარისობა, შარდში ცილის დონის
მომატება
- იმპოტენცია
- სისხლში ნატრიუმის კონცენტრაციის დაქვეითება, მაგნიუმის დაქვეითებული დონე,
შარდოვანას შემცველობის მომატება
- პოდაგრა
- სქესობრივი ლტოლვის დაქვეითება
იშვიათად (შეიძლება აღენიშნოს 1000 პაციენტიდან 1-ს)
- სანერწყვე ჯირკვლების ანთება
- სისხლის გარკვეული უჯრედების რაოდენობის შემცირება (ლეიკოპენია, ნეიტროპენია,
თრომბოციტოპენია, პანციტოპენია) გარკვეული სახის ლეიკოციტების რაოდენობის
გამოხატულ შემცირებამდე, ინფექციური დაავადებების და ზოგადი მძიმე სიმპტომატიკის (აგრანულოციტოზი) განვითარების ტენდენციით, ზოგიერთი ლაბორატორიული პარამეტრის დაქვეითება (ჰემოგლობინი და ჰემატოკრიტი), ძვლის ტვინის ფუნქციის
დარღვევა (ძვლის ტვინის ფუნქციის დათრგუნვა), ლიმფური კვანძების გადიდება, აუტოიმუნური დაავადებები
- ძილის დარღვევა, სიზმრების ხასიათის შეცვლა
- ხელის მტევნებში და ტერფებში სიხლის მიმოქცევის დარღვევა, რომელიც
განპირობებულია სისხლძარღვების სპაზმით (რეინოს სინდრომი), წვრილი
სისხლძარღვების ანთება
- მტკივნეული ცვლილებები ფილტვების ქსოვილში (ინფილტრატები ფილტვებში), სუნთქვის გაძნელება (ფილტვების ანთების და მათში სითხის დაგროვების ჩათვლით), ცხვირის ლორწოვანი გარსის ანთება, ალერგიული ხასიათის ანთებითი პროცესები ფილტვებში (ალვეოლიტი, ეოზინოფილური პნევმონია)
- პირის ღრუს ლორწოვანი გარსის წყლულოვანი ანთება, ენის ლორწოვანი გარსის ანთება
- ღვიძლის უკმარისობა, ღვიძლის უჯრედების სიკვდილი (ღვიძლის ნეკროზი ლეტალურ შედეგამდე), ღვიძლის ანთება (ჰეპატიტი), ნაღვლის ბუშტის ანთება (ქოლეცისტიტი), კერძოდ, ანამნეზში ნაღვლკენჭოვანი დაავადებების მქონე პაციენტებში, სიყვითლე
- მძიმე რეაქციები კანის მხრივ (პოლიმორფული ერითემა, სტივენს-ჯონსონის სინდრომი, ექსფოლიატური დერმატიტი, ტოქსიური ეპიდერმული ნეკროლიზი, პემფიგუსი, ერითროდერმია), სისტემური წითელი მგლურას მსგავსი კანის რეაქციები (კანის დაზიანებით მიმდინარე აუტოიმუნური დაავადება), სისტემური წითელი მგლურას კანის ფორმა, მომატებული მგრძნობელობის მძიმე რეაქციები, ლაქების ტიპის სისხლჩაქცევები კანში (პურპურა)
- გამოყოფილი შარდის მოცულობის შემცირება
- მამაკაცებში სარძევე ჯირკვლის გადიდება
- ღვიძლის მაჩვენებლების მომატება (ღვიძლის ფერმენტების აქტივობა, შრატში
ბილირუბინის კონცენტრაცია), სისხლში გლუკოზის კონცენტრაციის მომატება, შარდში
გლუკოზის გამოვლენა
- თირკმლის მწვავე უკმარისობა
- მოძრაობის უნარის ნაწილობრივ დაკარგვა (პარეზი) ორგანიზმში კალიუმის დაბალი შემცველობის გამოს
ძალიან იშვიათად (შეიძლება აღენიშნოს 10000 პაციენტიდან 1-ს)
- სისხლის პH მომატება, სისხლში კალციუმის დონის მომატება
- ნაწლავის კედლის შეშუპება (ანგიონევროზული შეშუპების ნაწლავური ფორმა)
სიხშირე უცნობია (არსებული მონაცემების საფუძველზე სიხშირის დადგენა შეუძლებელია):
- ანტიდიურეზული ჰორმონის არაადეკვატური სეკრეციის სინდრომი (შIADH), შედეგად, სისხლში ნატრიუმის დონის დაქვეითება (სიმპტომები შეიძლება იყოს დაღლილობა, თავის ტკივილი, გულისრევა, ღებინება)
- მხედველობის გაუარესება ან თვალების ტკივილი თვალშიდა წნევის მომატების გამო
(დახურულკუთხოვანი გლაუკომის შესაძლო ნიშნები)
აღწერილია სიმპტომების კომპლექსი, რომელიც შეიძლება მოიცავდეს შემდეგ გვერდით მოქმედებებს: სხეულის ტემპერატურის მომატება, სეროზული გარსების ანთება (მაგალითად, პლევრის), სისხლძარღვების ანთება, კუნთების ტკივილი ან ანთება, სახსრების ტკივილი ან სახსრების ანთება და ლაბორატორიული მაჩვენებლების ზოგიერთი გადახრა (ანტიბირთვული ანტისხეულების დადებითი ტიტრი, ერითროციტების დალექვის სიჩქარის მომატება, ეოზინოფილია და ლეიკოციტოზი). ასევე, შეიძლება ადგილი ჰქონდეს კანზე გამონაყარს, მზის სხივების მიმართ კანის მგრძნობელობის მომატებას და სხვა რეაქციებს კანის მხრივ.
შეტყობინება გვერდითი მოქმედებების შესახებ
რომელიმე გვერდითი მოქმედების გამოვლენის შემთხვევაში მიმართეთ ექიმს ან ფარმაცევტს. ეს ეხება ყველა შესაძლო გვერდით მოქმედებას, მათ შორის ისეთებს, რომლებიც არ არის მითითებული მოცემულ ჩანართში. გვერდითი მოქმედებების შესახებ ინფორმაციის გაგზავნით თქვენ დაგვეხმარებით მოცემული სამკურნალო საშუალების უსაფრთხოების შესახებ მეტი ინფორმაციის მიღებაში.
5. პრეპარატ ბერლიპრილი® პლუსის შენახვის პირობები
სამკურნალო საშუალება ინახება ბავშვებისათვის მიუწვდომელ ადგილას.
პრეპარატი არ გამოიყენება ვარგისიანობის ვადის გასვლის შემდეგ, რომელიც მითითებულია დასაკეც მუყაოს კოლოფზე და ბლისტერზე წარწერა ~ვარგისია~-ს შემდეგ. ვარგისიანობის ვადის გასვლის თარიღი გულისხმობს მითითებული თვის ბოლო დღეს.
სამკურნალო საშუალებების კანალიზაციის მილში ან ნაგავთან გადაგდება არ შეიძლება. პრეპარატის უტილიზაციის საკითხთან დაკავშირებით მიმართეთ ფარმაცევტს. აღნიშნული ზომები ხელს შეუწყობს გარემოს დაცვას.
შენახვის პირობები
პრეპარატი ინახება არა უმეტეს 30 ˚C ტემპერატურაზე!
შეინახეთ ტენისაგან დაცულ ადგილას და ორიგინალურ შეფუთვაში.
ვარგისიანობის ვადა: 36 თვე
6. შეფუთვის შიგთავსი და დამატებითი ინფორმაცია
პრეპარატ ბერლიპრილი® პლუსის შემადგენლობა
პრეპარატის მოქმედ ნივთიერებებს წარმოადგენს ენალაპრილ მალეატი და ჰიდროქლორთიაზიდი.
თითო ტაბლეტი შეიცავს 10 მგ ენალაპრილ მალეატს და 25 მგ ჰიდროქლორთიაზიდს.
დამხმარე კომპონენტები: ლაქტოზის მონოჰიდრატი, მაგნიუმის კარბონატი ძირითადი მსუბუქი, ჟელატინი, სახამებლის გლიკოლატის ნატრიუმის მარილი, ტიპი A, სილიციუმის დიოქსიდი კოლოიდური უწყლო, მაგნიუმის სტეარატი, რკინის (III) ოქსიდის ჰიდრატი ყვითელი (E172).
პრეპარატ ბერლიპრილი® პლუსის აღწერა და შეფუთვა
ღია-ყვითელი, მრგვალი, ორივე მხრიდან ბრტყელი ტაბლეტები, ჩამოჭრილი კიდეებით და გამყოფი ზოლით ერთ მხარეს.
შეფუთვაში მოთავსებულია ბერლიპრილი® პლუსის 30 ტაბლეტი.
გაცემის წესი:
ფარმაცევტული პროდუქტის ჯგუფი II, გაიცემა ფორმა N3 რეცეპტით.
სად შევიძინოთ?