ცერეტონი / Cereton
- საერთაშორისო დასახელება (აქტიური ნივთიერება): choline alphoscerate
- კლინიკურ-ფარმაკოლოგიური ჯგუფი: ცენტრალური ნერვული სისტემა → თავის ტვინის მეტაბოლიზმის გასაუმჯობესებელი საშუალებები → ნოოტროპული პრეპარატები
- მწარმოებელი კომპანია: Sotex
- მწარმოებელი ქვეყანა: რუსეთი
- გამოშვების ფორმა: 400 მგ კაფსულა № 14
- გაცემის რეჟიმი: II ჯგუფი (გაიცემა ფორმა N3 რეცეპტით)
საერთაშორისო არაპატენტირებული დასახელება: ქოლინის ალფოსცერატი
წამლის ფორმა: კაფსულები
შემადგენლობა:
1 კაფსულა შეიცავს:
აქტიური ნივთიერება: ქოლინის ალფოსცერატი გადაანგარიშებით 100% ნივთიერებაზე- 400 მგ,
დამხმარე ნივთიერებები: გლიცეროლი -50 მგ, გასუფთავებული წყალი - შემცველობის მასის მიღებამდე 590 მგ,
კაფსულის შემადგენლობა: ჟელატინი, სორბიტოლი, გლიცეროლი, მეთილპარაჰიდროქსიბენზოატი, პროპილპარაგიდროქსიბენზოატი, ტიტანის დიოქსიდი (E171), რკინის საღებავი ოქსიდი ყვითელი (E172), გასუფთავებული წყალი.
აღწერა: ოვალური ფორმის ჟელატინისკაფსულები, ყვითელი ფერის ან ყვითელი ღია-ყავისფერი ელფერით. კაფსულების შემცველობა - ზეთოვანი, გამჭვირვალე, უფერული ან ოდნავ შეფერილი სითხე.
ფარმაკოთერაპიული ჯგუფი: ნოოტროპული საშუალება.
ATX კოდი: N07AX02
ფარმაკოლოგიური თვისებები
ფარმაკოდინამიკა:
ნოოტროპული საშუალება. ცენტრალური ქოლინოსტიმულატორი, რომლის შემადგენლობაში შედის 40,5% მეტაბოლურად დაცული ქოლინი. მეტაბოლური დაცვა ხელს უწყობს ქოლინის გამოყოფას თავის ტვინში. უზრუნველყოფს აცეტილქოლინისა და ფოსფატიდილქოლინის ნეირონულ მემბრანებში, აუმჯობესებს სისხლის ნაკადს და აძლიერებს მეტაბოლურ პროცესებს ცენტრალურ ნერვულ სისტემაში, ააქტიურებს რეტიკულურ ფორმაციას. ზრდის სიხლის ნაკადის წრფივ სიჩქარეს ტვინის ტრავმატული დაზიანების მხარეს, ხელს უწყობს ტვინის სპონტანური ბიოელექტრული აქტივობის სივრცულ-დროითი მახასიათებლების ნორმალიზაციას, კეროვანი ნევროლოგიური სიმპტომების რეგრესს და გონების აღდგენას; დადებით გავლენას ახდენს თავის ტვინის სისხლძარღვოვანი დაავადებების მქონე ავადმყოფის შემეცნებით და ქცევით რეაქციებზე (დისცირკულატორული ენცეფალოპათიით და ტვინის სისხლის მიმოქცევის დარღვევის ნარჩენი მოვლენებით). ახდენს პროფილაქტიკურ და კორიგირებად მოქმედებას ინვოლუციური, ფსიქოორგანული სინდრომის პათოგენურ ფაქტორებზე, ცვლის ნეირონების მემბრანების ფოსფოლიპიდურ შემადგენლობას: მონაწილეობს ფოსფატიდილქოლინის სინთეზში (მემბრანული ფოსფალიპიდის), აუმჯობესებს ნეირონული მემბრანების პლასტიურობას. ასტიმულირებს აცეტილქოლინის დოზადამოკიდებულ გამოყოფას ფიზიოლოგიურ პირობებში, აუმჯობესებს სინაპსურ გადაცემას, რეცეპტორების ფუნქიას. არ ახდენს გავლენას რეპროდუქციულ ციკლზე და არ ფლობს ტერატოგენურ, მუტაგენურ მოქმედებას.
ფარმაკოკინეტიკა:
აბსორბცია - 88%, ადვილად აღწევს ჰემატოენცეფალური ბარიერს. (პერორალური მიღებისას კონცენტრაცია ტვინში - 45% ასეთივეა სისხლის პლაზმაში). მსუბუქად ექსკრეტირებს პრეპარატის 85% ნახშირბადის დიოქსიდის სახით, დანარჩენი რაოდენობა (15%) გამოიყოფა თირკმლებისა და ნაწლავების გზით.
ჩვენებები:
- ქალა-ტვინის მძიმე ტრავმისა და იშემიური ინსულტის აღდგენითი პერიოდი, ჰემორაგული ინსულტის აღდგენითი პერიოდი, რომლებიც მიმდინარეობს კეროვანი ნახევარსფერული სიმპტომატიკით ან ტვინის ღეროს დაზიანების სიმპტომებით;
- ფსიქოორგანული სიმპტომი ტვინის დეგენერაციული და ინვულუციური ცვლილებების ფონზე;
-კოგნიტიური აშლილობები (აზროვნების დისფუნქცია, მეხსიერების დარღვევები, გონების დაბინდვა, დეზორიენტაცია, მოტივაციის, ინიციატურობისა და ყურადღებისადმი კონცენტრაციის უნარის დაქვეითება), მათ შორის დემენციისას და ენცეფალოპათიისას;
- მოხუცებულთა ფსევდომელანქოლია.
გამოყენების წესი და დოზირების რეჟიმი:
ქალა-ტვინის ტრავმის, იშემიური ან ჰემორაგიული ინსულტის აღდგენით პერიოდში ცერეტონი® ინიშნება 800 მგ დილას და 400 მგ დღისით 6 თვის განმავლობაში.
ქრონიკული ცერებროვასკულარული უკმარისობისას და დემენციის სინდრომებისას ცერეტონი® ინიშნება 400 მგ (1 კაფსულა) 3-ჯერ დღე-ღამეში, უპირატესად ჭამის შემდეგ, 3-6 თვის განმავლობაში.
გვერდითი მოქმედება:
შესაძლებელია, გაჩნდეს გულისრევა (როგორც დოფამინერგული აქტივაციის შედეგი). არ საჭიროებს შეწყვეტას, საკმარისია პრეპარატის დოზის დროებითი შემცირება.
ალერგიული რეაქციები.
უკუჩვენებები:
- მომატებული მგრძნობელობა პრეპარატის მიმართ;
- ჰემორაგიული ინსულტის მწვავე სტადია;
- ბავშვთა და მოზარდთა ასაკი 18 წლამდე (მონაცემთა არარსებობასთან დაკავშირებით);
- ორსულობა და ლაქტაციის პერიოდი.
დოზის გადაჭარბება:
სიმპტომები: შეიძლება აღინიშნებოდეს გულისრევა.
მკურნალობა: სიმპტომური თერაპია.
განსაკუთრებული მითითებები:
ცერეტონი® არ ახდენს გავლენას ფსიქომოტორული რეაქციების სიჩქარეზე.
ურთიერთმოქმედება სხვა სამკურნალო საშუალებებთან:
მნიშვნელოვანი ურთიერთმოქმედება სხვა პრეპარატებთან გამოვლენილი არ არის.
შენახვის პირობები:
მშრალ, სინათლისგან დაცულ ადგილას ტემპერატურაზე არაუმეტეს 250C.
შეინახეთ ბავშვებისათვის მიუწვდომელ ადგილას!
ვარგისიანობის ვადა:
3 წელი. არ გამოიყენოთ შეფუთვაზე მითითებული ვარგისიანობის ვადის გასვლის შემდეგ.
გაშვების პირობები:
რეცეპტით.
გამოშვების ფორმა:
კაფსულები 400 მგ.
14 კაფსულა კონტურულ უჯრედოვან შეფუთვაში კომბინირებული მასალისგან (პოლიამიდი/ალუმინის ფოლგა/პოლივინილქლორული აპკი) და ალუმინის ფოლგისგან ან პოლივინილქლორული აპკისგან და ალუმინის ფოლგისგან.
1 კონტურულუჯრედოვანი შეფუთვა გამოყენების ინსტრუუქციით მუყაოს კოლოფში.
სად შევიძინოთ?