კლოპიგამა® / Clopigamma®
- საერთაშორისო დასახელება (აქტიური ნივთიერება): clopidogrel
- კლინიკურ-ფარმაკოლოგიური ჯგუფი: ჰემოსტაზი → ანტითრომბოზული და შედედების საწინააღმდეგო საშუალებები → ანტიაგრეგანტები
- მწარმოებელი კომპანია: WORWAG Pharma
- მწარმოებელი ქვეყანა: გერმანია
- გამოშვების ფორმა: 75 მგ ტაბლეტი
- გაცემის რეჟიმი: II ჯგუფი (გაიცემა ფორმა N3 რეცეპტით)
შემადგენლობა
თითოეული ტაბლეტი შეიცავს 75 მგ კლოპიდოგრელს. შეიცავს ლაქტოზას და ჰიდრირებულ აბუსალათინის ზეთს. ყურადღEბა მიაქციეთ ფურცელჩანართს.
დამატებითი ინფორმაციები
რას შეიცავენ კლოპიგამა® 75 მგ ტაბლეტები
აქტიური ნივთიერება არის: კლოპიდოგრელი. თითოეული ტაბლეტი ბლისტერულ შეფუთვაში შეიცავს 75 მგ კლოპიდოგრელს. დამხმარე შემადგენელი ინგრედიენტებია: მანითოლი (Ph. Eur.), უწყლო ლაქტოზა (Ph. Eur.), მიკროკრისტალური ცელულოზა, მაღალდისპენსიური სილიციუმდიოქსიდი, ბუთილჰიდროქსიანისოლი (Ph. Eur.), სახამებელი (სიმინდის), ჰიპრომელოზა, ასკორბინის მჟავა და ჰიდრირებული ქაფურის ზეთი ტაბლეტის ბირთვში; ჰიპროლოზა, ჰიპრომელოზა, მაკროგოლი 8000, რკინის ოქსიდი (III)-ოქსიდი (E172) და ტიტანიუმის დიოქსიდი (E171) ტაბლეტის გარსში.
კლოპიგამა® 75 მგ ტაბლეტების გარეგნული სახე და შეფუთვის შემადგენლობა
კლოპიგამა® 75 მგ ტაბლეტები არის წითელი შეფერილობის, მრგვალი ტაბლეტები ბლისტერულ შეფუთვაში.
საკეც კოლოფში მოთავსებულია 14(N1), 28 (N2), 50 (N2) და 100 (N3) ტაბლეტები ბლისტერულ შეფუთვაში AL/PVC-PE-PBDC - შეფუთვაში.
შესაძლოა ყველა შეფუთვის ზომა არ იქნეს გაშვებული მიმოქცევაში.
28 ტაბლეტი ბლისტერულ შეფუთვაში (N2) მიიღება ორალურად
კლოპიგამა 75 მგ ტაბლეტები ბლისტერულ შეფუთვაში
კლოპიდოგრელი
ჩვენებები
რა არის კლოპიგამა® 75 მგ ტაბლეტები და რისთვის გამოიყენება იგი?
კლოპიგამა® 75 მგ ტაბლეტები მიეკუთვნება სამედიცინო პრეპარატების ჯგუფს, რომლებიც წარმოადგენენ თრომბოციტების ფუნქციის დამაბრკოლებელს. თრომბოციტები წარმოადგენენ სისხლის ძალიან პატარა უჯრედებს, უფრო მცირეს ვიდრე ერითროციტები და ლეიკოციტები, რომლებიც თრომბის დროს წარმოქმნიან კონგლომერატებს. თრომბოციტების ფუნქციის დამაბრკოლებელი აბრკოლებენ კოგლომერაციას და ამის შედეგად ამცირებენ სისხლის შედედების რისკ-ფაქტორს (პროცესს ეწოდება თრომბოზი).
კლოპიგამა® 75 მგ ტაბლეტები მიიღება იმისათვის, რომ ,,დაკირულ” არტერიებში ხელი შეუწყოს თრომბის წარმოქმნის პრევენციას, პროცესს ეწოდება ათეროთრომბოზი და მან შესაძლოა გამოიწვიოს ატეროთრომბული შედეგები, მაგ., როგორიცაა აპოპლექსიური შეტევა, გულის ინფარქტი ან სიკვდილი. თქვენ დაგენიშნათ კლოპიგამა® 75 მგ ტაბლეტები სისხლის შედედების დასაბრკოლებლად და მძიმე შედეგების წარმოქმნის რისკ-ფაქტორების თავიდან აცილების მიზნით შემდგომი მიზეზების გამო:
• თუ თქვენ გაქვთ ჩაკირული არტერიები (ცნობილია როგორც არტერიული სკლეროზი) და
• თუ გადატანილი გაქვთ გულის ინფარქტი ან აპოპლექსიური შეტევა ან თუ აღგენიშნებათ ისეთი დაავადება, რომელიც ხასიათდება, როგორც პერიფერიული არტერიული მაობლიტირირებელი დაავადებები.
მიღების წესები და დოზები
რას უნდა მიაქციოთ ყურადღება კლოპიგამა® 75 მგ ტაბლეტების მიღების წინ?
კლოპიგამა® 75 მგ ტაბლეტების გამოყენება არ შეიძლება იმ შემთხვევაში, თუ:
• თუ თქვენ გახასიათებს ზედმეტად მგრძნობელობა (ალერგიულობა) კლოპიდოგრელის ან კლოპიგამა® 75 მგ ტაბლეტების სხვა შემადგენელ ინგრედიენტებთან მიმართებაში;
• თუ თქვენ აღგენიშნებათ მწვავე სისხლდენა, რომელიც, მაგ. გამოწვეულია კუჭის წყლულით ან თუ აღგენიშნებათ სისხლჩაქცევა თავის ტვინში;
• თუ გახასიათებთ ღვიძლის მძიმე დაავადება.
თუ თქვენ ფიქრობთ, რომ ამ მდგომარეობებიდან რომელიმე გახასიათებთ, ან თუ ამ საკითხთან დაკავშირებით საეჭვო მდგომარეობა გაქვთ, გთხოვთ მიმართეთ ექიმს კლოპიგამა® 75 მგ ტაბლეტების მიღებამდე.
კლოპიგამა® 75 მგ ტაბლეტების მიღებისას საჭიროა განსაკუთრებული სიფრთხილე შემდგომ შემთხვევებში: თუ თქვენ შემდგომი პუნქტებიდან აღგენიშნებათ რომელიმე, მაშინ კლოპიგამა® 75 მგ ტაბლეტების მიღებამდე დაუყონებლივ უნდა აცნობოთ ექიმს ამის შესახებ:
• თუ არსებობს სისხლდენის რისკ-ფაქტორები, ეს შეიძლება იყოს:
- დაავადება, რომელიც ქმნის სისხლდენის რისკ-ფაქტორს (მაგ. კუჭის წყლული);
- სისხლის შედედების დარღვევა, რომელიც შეიძლება გახდეს სისხლდენის მიზეზი (ე.ი. სისხლდენა სხეულის ქსოვილში, ორგანოში ან სახსარზე);
- თუ თქვენ ცოტა ხნის წინ გახასიათებდათ სხეულის მძიმე დაზიანება;
- თუ თქვენ ცოტა ხნის წინ გადაიტანეთ ოპერაცია (სტომატოლოგიური ჩარევის შემთხვევაშიც);
- თუ თქვენ შემდგომ შვიდ დღეში ოპერაციას გეგმავთ (სტომატოლოგიური ჩარევის შემტხვევაშიც);
- თუ შვიდი დღის წინ აღგენიშნათ სისხლჩაქცევა ტვინის არტერიაზე (იშემიური აპოპლექსია);
- თუ თქვენ იმავდროულად იღებთ სხვა მედიკამენტებს (იხ. ,,კლოპიგამა® 75მგ ტაბლეტების მიღება სხვა მედიკამენტებთან ერთად, პუნქტი 3”);
- თუ თქვენ აღგენიშნებათ თირკმლისა და ღვიძლის დაავადება. კლოპიგამა® 75 მგ ტაბლეტების მიღებისას:
• თქვენ უნდა აცნობოთ ექიმს მედიკამენტის მიღების შესახებ, თუ დაგეგმილი გაქვთ ქირურგიული ან სტომატოლოგიური ოპერაცია.
• გარდა ამისა ექიმს დაუყონებლივ უნდა აცნობოთ, თუ თქვენ აგიწიათ სხეულის ტემპერატურამ ან წარმოგექმნათ პატარა წითელი წერილების მსგავსი სისხლჩაქცევები კანქვეშ. ეს შეიძლება დაკავშირებული იყოს ისეთ სიმპთომებთან, როგორიცაა უმიზეზო დაღლილობა, მოუსვენრობა და სიყვითლე კანზე და თვალზე (სიყვითლე, იხ. პუნქტი 4, ,,გვერდითი მოვლენები”).
• კანის გაჭრის ან დაზიანების შემთხვევაში სისხლდენა შესაძლებელია გაგრძელდეს შედარებით უფრო დიდხანს, ვიდრე სხვა შემთხვევაში. ეს გამოწვეულია თქვენი მედიკამენტის ზემოქმედებით, ვინაიდან იგი აბრკოლებს სისხლის კოაგულაციას. ისეთი დაზიანება, როგორიცაა უბრალო ხელის გაჭრა ან დაზიანება სახის გაპარსვისა უმნიშვნელოა. თუ მაინც შეგაშფოთათ სისხლდენამ, მაშინ დაუკავშირდით ექიმს. (იხ. პუნქტი 4, ,,გვერდითი მოვლენები”)
• თქვენი ექიმი გირჩევთ სისხლის ანალიზის ჩატარებას.
• თქვენ უნდა აცნობოთ ექიმს ან ფარმაცევტს, თუ შეამჩნევთ გვერდით მოვლენებს, რომელიც არ არის აღნიშნული პუნქტში 4 ,,გვერდითი მოვლენები” ან თუ რომელიმე გვერდითი მოვლენა მეტად საგრძნობლად გამოვლინდა.
კლოპიგამა® 75 მგ ტაბლეტები არ არის გათვალისწინებული ბავშვებისა და მოზარდებისათვის.
როგორ უნდა მივიღოთ კლოპიგამა® 75 მგ ტაბლეტები?
მიიღეთ კლოპიგამა® 75 მგ ტაბლეტები ყოველთვის ზუსტად ექიმის დანიშნულების მიხედვით. გთხოვთ გაურკვეველ სიტუაციაში მიმართეთ ექიმს ან ფარმაცევტს.
ჩვეულებრივი დოზა არის ერთი კლოპიგამა® 75 მგ ტაბლეტი დღეში, რომელიც უნდა მიიღოთ ყოველდღე ზუსტად ერთი და იგივე დროს კვებისგან დამოუკიდებლად.
კლოპიგამა® 75 მგ ტაბლეტების მიღების ხანგრძლივობა განისაზღვრება ექიმის მიერ.
თუ თქვენ დოზაზე მეტი კლოპიგამა® 75 მგ ტაბლეტები მიიღეთ
აცნობეთ ამის შესახებ ექიმს, ან იქონიეთ კონტაქტი ახლო მდებარე საავადმყოფოს სასწრაფო დახმარებასთან სისხლდენის რისკ-ფაქტორის წარმოქმნის გამო.
თუ დაგავიწყდათ კლოპიგამა® 75 მგ ტაბლეტების მიღება
თუ დაგავიწყდათ კლოპიგამა® 75 მგ ტაბლეტების მიღება ერთხელ და შუალედი არ აღემატება მომდევნო 12 საათს, მაშინ მიიღეთ ტაბლეტი გახსენებისთანავე და შემდგომ ისევ განაგრძეთ მიღება ჩვეულებრივად განსაზღრული დროის მიხედვით.
თუ თქვენ დაგავიწყდათ ტაბლეტის მიღება და ეს დრო აღემატება 12 საათს, მაშინ მიიღეთ შემდგომი ტაბლეტი მომდევნო მისაღებ დროს. არ მიიღოთ ორმაგი დოზა დავიწყებული ტაბლეტის ანაზღაურების მიზნით.
თუ თქვენ გსურთ კლოპიგამა® 75 მგ ტაბლეტების მიღების შეწყვეტა
არ შეწყვიტოთ მკურნალობა. მიმართეთ ექიმს ან ფარმაცევტს, მკურნალობის შეწყვეტამდე.
დამატებითი შეკითხვების შემთხვევაში მიმართეთ ექიმს ან ფარმაცევტს.
დოზირება
დილა შუადღეს საღამოს
გვერდითი მოვლენები
როგორც ყველა მედიკამენს, აგრეთვე კლოპიგამა® 75 მგ ტაბლეტებს ახასიათებთ გვერდითი მოვლენები, რომელბიც არ ვლინდება ყველა პაციენტში:
მიმართეთ დაუყონებლივ ექიმს, თუ თქვენ შენიშნავთ შემდგომ მოვლენებს:
• სხეულის ტემპერატურა, ინფექციის ნიშნები ან გამოხატული დაღლილობა. ამან შესაძლებელია იშვიათად გამოიწვიოს იქონიოს სისხლის უჯრედების შემცირება.
• ღვიძლის პრობლემების ნიშნები, როგორიცაა კანის და/ან თვალის სიყვითლე, შესაძლო სისხლჩაქცევებით, რომლებიც ვლინდება პატარა სისხლის წერტილების სახით კანქვეშ და მოუსვენრობა (პუნქტი 2 ,,განსაკუთრებული სიფრთხილე კლოპიგამა® 75 მგ ტაბლეტების მიღებისას”).
• შეშუპება პირის ღრუში ან კანის დაავადებები, როგორიცაა გამონაყარი კანზე და ქავილი, წყლულების წარმოქმნა კანზე. ეს შეიძლება იყოს ალერგიული რეაქციის ნიშნები.
კლოპიგამა® 75 მგ ტაბლეტების მკურნალობისას ყველზე ხშირად გამოვლენილი გვერდითი მოვლენები (ვლინდება 100 დან 1-10 პაციენტში) არის სისხლდენა.
სისხლდენა შესაძლებელია გამოვლინდეს კუჭზე და ნაწლავებზე ან ვლინდება აგრეთვე, როგორც ცისფერი ლაქები, ჰემატომა (უჩვეულო სისხლჩაქცევა და სისხლდენა კანქვეშ), სისხლდენა ცხვირიდან ან შეიმჩნევა სისხლი შარდში. იშვიათად ვლინდება სისხლდენა თვალის სისხლძარრვებიდან, თავში, ფილტვებში ან სახსრებში.
თუ კლოპიგამა® 75 მგ ტაბლეტების მკურნალობისას სისხლდენა შეიმჩნევა ხანგრძლივი დროის მანძილზე
კანის გაჭრისას ან დაზიანების შემთხვევაში შესაძლოა სისხლდენა გაგრძელდეს ჩვეულებრივზე უფრო ხანგრძლივი დროით. ეს დამოკიდებულია მედიკამენტის ზემოქმედებაზე, რადგანაც იგი აბრკოლებს სისხლის კოაგულაციას. მცირე დაზიანება და ჭრილობები, როგორიცაა ჭრილობა გაპარსვისას ან კანის მცირე დაზიანება უმნიშვნელოა. თუ მაინც შეგაშფოთათ ამფაქტმა მიმართეთ მკურნალ ექიმს (იხ. პუნქტი 2, ,,განსაკუთრებული სიფრთხილე კლოპიგამა® 75 მგ ტაბლეტების მიღებისას”).
კლოპიგამა® 75 მგ ტაბლეტების მკურნალობისას სხვა დამახასიათებელი გვერდითი მოვლენებია:
• ხშირად გამოვლენილი გვერდითი მოვლენები (ვლინდება 100 დან 1-10 პაციენტში): ფაღარათი, მუცლის ტკივილი, მონელების პრობლემები ან გულ-ძმარვა
• საშუალდ გამოვლენილი გვერდითი მოვლენები (ვლინდება 1.000 დან 1-10 პაციენტში): თავის ტკივილი, კუჭის წყლული, გულისრევა, ღებინება, ყაბზობა, შებერილობა, გამონაყარი, ქავილი, გონების დაკარგვა/თავბრუსხვევა, სმენადობის დაკარგვის შეგრძნება.
• იშვიათად გამოვლენილი გვერდითი მოვლენები (ვლინდება 10.000 დან 1-10 პაციენტში): თავბრუსხვევა/წონასწორობის დაკარგვა.
• ძალიან იშვიათად გამოვლენილი გვერდითი მოვლენები (ვლინდება 10.000 დან 1 პაციენტში): სიყვითლე; ძლიერი მუცლის ტკივილი ზურგის ტკივილით ან მის გარეშე; სხეულის ტემპერატურა, სუნთქვის გართულება ხველებით; ზოგადი ალერგიული რეაქციები; პირის ღრუს ლორწოვანი გარსის ანთება (სტომატიტი); დაბალი წნევა; მოუსვენრობა; ჰალუცინაცია; სახსრების ტკივილი; კუნთების ტკივილი; გემოს შეგრძნების ცვლილება. ამასთანავე შესაძლოა ექიმმა გამოავლინოს ცვლილებები თქვენ სისხლში ან შარდში ანალიზის შედეგად.
აცნობეთ თქვენს ექიმს ან ფარმაცევტს, თუ თქვენ აღნიშნული გვერდითი მოვლენებიდან რომელიმე განსაკუთრებით გამოვლინდება ან თუ გახასიათებთ გვერდითი მოვლენა, რომელიც არ არის მითითებული წინამდებარე ინსტრუქციაში.
ორსულობა და ლაქტაცია
ამ მედიკამენტის გამოყენება ორსულობისა და ლაქტაციის პერიოდში არ არის ნებადართული.
თუ ორსულად ხართ ან ეჭვობთ, რომ ორსულად ხართ, მაშინ კლოპიგამა® 75 მგ ტაბლეტების მიღებამდე მიმართეთ რჩევისათვის ექიმს ან ფარმაცევტს. თუ თქვენ კლოპიგამა® 75 მგ ტაბლეტების მიღების პერიოდში დაორსულდით ამის შესახებ დაუყონებლივ აცნობეთ ექიმს, ვინაიდან კლოპიგამა® 75 მგ ტაბლეტების მიღება ორსულობის დროს არ არის რეკომენდირებული.
მიმართეთ რჩევისათვის ექიმს, თუ თქვენ გსურთ კლოპიგამა® 75 მგ ტაბლეტების მიღება და ბავშვის ძუძუთი კვება ერთდროულად.
მიმართეთ ექიმს ან ფარმაცევტს კლოპიგამა® 75 მგ ტაბლეტების მიღებამდე.
კონცენტრაციისა და ავტომობილის მართვის უნარი.
არ არსებობს მიზეზები, რომლებიც ზეგავლენას ახდენენ და ნეგატიურად მოქმედებენ საჭის ან მანქანის მართვის უნარზე.
მნიშვნელოვანი ინფორმაცია კლოპიგამა® 75 მგ ტაბლეტების სხვა შემადგენელი ინგრედიენტების შესახებ
კლოპიგამა® 75 მგ ტაბლეტები შეიცავენ ლაქტოზას.
გთხოვთ მიიღეთ კლოპიგამა® 75 მგ ტაბლეტები მხოლოდ ექიმის რეკომედაციის შემდეგ, თუ თქვენ გახასიათებს შაქრის მიმართ (მაგ, ლაქტოზის მიმართ) აუტანლობა.
კლოპიგამა® 75 მგ ტაბლეტები შეიცავენ აგრეთვე ჰიდრირებულ ქაფუს ზეთს, რამაც შეიძლება გამოიწვიოს კუჭის მოქმედების აშლილობა და ფაღარათი.
სხვა წამლებთან ურთიერთქმედება
ზოგიერთმა მედიკამენტმა შეიძლება ზეგავლენა იქონიოს კლოპიგამა® 75 მგ ტაბლეტებზე და პირიქით კლოპიგამა® 75 მგ ტაბლეტებმა შესაძლოა ზეგავლენბა იქონიოს სხვა მედიკამენტების ზემოქმედებაზე. გთხოვთ აცნობეთ თქვენს ექიმს ან ფარმაცევტს, თუ თქვენ იყენებთ სხვა მედიკამენტს ან ცოტა ხნის წინ მიიღეთ, იმ შემთხვევაშიც კი თუ ეს პრეპარატი გაიცემა ურეცეპტოდ.
ორალური ანტიკოაგულნტების (მედიკამენტი, რომელიც აბრკოლებს სისხლის კოლტის წარმოქმნას) და კლოპიგამა® 75 მგ ტაბლეტების ერთდროული მიღება არ არის რეკომენდირებული.
განსაკუთრებით უნდა აცნობოთ ექიმს, თუ თქვენ იღებთ არასტეროიდულ ანტიფლოგისტებს, რომლებიც ჩვეულებისამებრ გამოიყენება კუნთებისა და სახსრების მტკივნეული ან ანთებითი პროცესების სამკურნალოდ, ან თუ იღებთ/ იყენებთ ჰეპარინს ან სხვა მედიკამენტებს, რომლებიც აბრკოლებენ სისხლის კოლტის წარმოქმნას ან თუ მიიღეთ კუჭის აშლილობისათვის პროტონების დამაბრკოლებელი (მაგ. ომეპრაზოლი).
აცეტილსალიცილის მჟავას, როგორც ტკივილგამაყუჩებელი და სიცხის დამწევი საშუალების მიღება, რომელიც მრავალი მედიკამენტის შემადგენლობაში შედის (24 სთ განმავლობაში 1000მგ-ზე მეტის მიღებისას) ზოგადად არ იწვევს არანაირ საფრთხეს. აცეტილსალიცინის მჟავას სხვა მიზეზების გამო ხანგრძლივი დროით მიღებისას უნდა შეათანხმოთ ექიმთან.
კლოპიგამა® 75 მგ ტაბლეტების მიღება საკვებ და სასმელ პროდუქტებთან ერთად.
კლოპიგამა® 75 მგ ტაბლეტების მიღება შესაძლებელია კვებისაგან დამოუკიდებლად.
შენახვის პირობები და ვადები
მედიკამენტი მოარიდეთ ბავშვებს.
არ გამოიყენოთ კლოპიგამა® 75 მგ ტაბლეტები შეფუთვის კოლოფზე და ბლისტერზე მითითებული ვარგისიანობის ვადის გასვლის შემდეგ.
შეინახეთ საწყის შეფუთვაში, რათა დაიცვათ იგი სინათლისა და ნესტისაგან.
არ მიიღოთ კლოპიგამა® 75 მგ ტაბლეტები, თუ შეამჩნევთ ცვლილებებს მედიკამენტზე.
პრეპარატი არ გადააგდოთ კანალიზაციაში ან საოჯახო ნარჩეებთან ერთად. შეეკითხეთ ექიმს მისი უტილიზაციის შესახებ. ეს ღონისძიება ხელს უწყობს ბუნების დაცვას.
რეგისტრაციის # და თარიღი
რეგისტრაციის მოქმედების ვადა: 03.09.2014
სად შევიძინოთ?