დეფალი / Defal
- საერთაშორისო დასახელება (აქტიური ნივთიერება): deflazacort
- კლინიკურ-ფარმაკოლოგიური ჯგუფი: გლუკოკორტიკოიდები
- მწარმოებელი კომპანია: FAES FARMA
- მწარმოებელი ქვეყანა: ესპანეთი
- გამოშვების ფორმა: 30მგ ტაბლეტი №10
- გაცემის რეჟიმი: II ჯგუფი (გაიცემა ფორმა N3 რეცეპტით)
1. რა არის დეფალი და რისთვის გამოიყენება
დეფალი წარმოადგენს ანთების და ალერგიის საწინააღმდეგო თვისებების მქონე კორტიკოსტეროიდების ჯგუფის პრეპარატს. მისი უსაფრთხოების პროფილი განსხვავდება, რადგან ნაკლებად აფერხებს გლუციდის მეტაბოლიზმს და გააჩნია ნაკლები მინერალოკორტიკოსტეროიდული ეფექტი ვიდრე სხვა კორტიკოსტეროიდებს.
დეფალი ნაჩვენებია შემდეგი დაავადებების სამკურნალოდ:
რევმატული და კოლაგენური დაავადებები.
კანის დაავადებები.
ალერგიული დაავადებები: ბრონქული ასთმა, რომელიც არ რეაგირებს ტრადიციულ მკურნალობაზე.
სასუნთქი აპარატის დაავადებები.
თვალის დაავადებები.
სისხლის დაავადებები.
საჭმლის მომნელებელი სისტემის დაავადებები.
თირკმლის დაავადებები.
ღვიძლის დაავადებები.
2. რა უნდა იცოდეთ დეფალის მიღებამდე
არ მიიღოთ დეფალი: თუ ალერგიული (ჰიპერმგრძნობიარე) ხართ დეფლაზაკორტის ან პრეპარატის რომელიმე სხვა ინგრედიენტის მიმართ; თუ გაწუხებთ კუჭის წყლული; თუ გაწუხებთ ბაქტერიული (აქტიური ტუბერკულოზი) ან ვირუსული ინფექციები(თვალის მარტივი ჰერპესი, ჰერპეს ზოსტერი, ჩუტყვავილა) ან გენერალიზებული სოკოვანი ინფექციები; პრე- და პოსტ-ვაქცინაციის პერიოდებში.
გაფრთხილებები და სიფრთხილის ზომები
აცნობეთ ექიმს თუ გაწუხებთ: გულის დაავადება, გულის შეგუბებითი უკმარისობა, მაღალი არტერიული წნევა, თრომბოემბოლიური დაავადებები (სისხლის შედედებით გამოწვეული), საყლაპავის, კუჭის ან ნაწლავების დაავადებები, შაქრიანი დიაბეტი, ემოციური აშლილობები, ფსიქოზი, ეპილეფსია, მაღალი თვალშიდა წნევა (გლაუკომა), ჰიპოთირეოზი (ფარისებრი ჯირკვლის ფუნქციის დაქვეითება), ციროზი (ღვიძლის სერიოზული დაზიანება), კორტიკოსტეროიდების დოზა უნდა დაკორექტირდეს განსაკუთრებულ შემთხვევებში (ქირურგიული ჩარევა, ინფექციები და სხვა); შესაბამისად ექიმმა უნდა იცოდეს გადაიტანეთ თუ არა რომელიმე დაავადება. ბავშვებში აღნიშნული პრეპარატის ხანგრძლივად გამოყენებამ შესაძლებელია გამოიწვიოს ზრდის და განვითარების შეჩერება. დეფალით ხანგრძლივად მკურნალობის შემდეგ დოზა უნდა შემცირდეს ეტაპობრივად. არ შეწყვიტოთ პრეპარატის მიღება ექიმის გარეშე. მიმართეთ ექიმს თუ აღინიშნა მხედველობის დაბინდვა ან სხვა მხედველობითი დარღვევები. პრაპარატის მიღებამდე კონსულტაცია გაიარეთ ექიმთან.
პრეპარატის გამოყენება სპორტსმენებში
პაციენტებს უნდა მიეცეთ გაფრთხილება, რომ აღნიშნული პრეპარატი შეიცავს დეფლაზაკორტს და ანტიდოპინგის ტესტმა შესაძლოა აჩვენოს დადებითი შედეგი.
სხვა პრეპარატები და დეფალი
აცნობეთ ექიმს ან ფარმაცევტს თუ ღებულობთ ან ბოლო პერიოდში ღებულობდით ნებისმიერ სხვა პრეპარატს, მათ შორის ურეცეპტოდ შეძენილ მედიკამენტებს ან გეგმავთ მათ მიღებას.
განსაკუთრებით აცნობეთ ექიმს ან ფარმაცევტს თუ ღებულობთ რომელიმე ქვემოთ მოცემულ პრეპარატს, რადგან შესაძლოა აღინიშნოს დეფალთან ურთიერთქმედება.
· დიაბეტის სამკურნალო პრეპარატები: შესაძლოა საჭირო გახდეს დოზის შეცვლა
· ანტიბიოტიკები (რიფამპიცინი): შესაძლოა შემცირდეს დეფალის ეფექტი.
· ესტროგენები ან პერორალური კონტრაცეპტივები: შესაძლოა გაძლიერდეს დეფალის ეფექტი.
· პრეპარატები, რომლებიც იწვევენ კუნთების მოდუნებას: შესაძლოა გახანგრძლივდეს რელაქსაციური ეფექტი.
· ანტიქოლინესტერაზული პრეპარატები, რომელთაც იყენებენ მიასთენია გრავის დროს.
· ვაქცინები და ტოქსოიდები: კორტიკოსტეროიდები ამცირებენ იმუნურ პასუხს.
· პრეპარატები, რომელთაც იყენებენ ეპილეფსიის და ფსიქიატრიული დაავადებების სამკურნალოდ (ფენიტოინი, ფენობარბიტალი): შესაძლოა შემცირდეს დეფალის ეფექტი.
· ზოგიერთმა პრეპარატმა შესაძლოა გამოიწვიოს დეფალის 6 მგ ტაბლეტების ეფექტის გაძლიერება და ექიმმა შესაძლოა აკონტროლოს თქვენი მდგომარეობა თუ ღებულობთ აღნიშნულ პრეპარატებს (მათ შორის აივ-ის სამკურნალო ზოგიერთი პრეპარატი: რიტონავირი, კობიცისტატი).
ორსულობა და ლაქტაცია
დეფალი არ გამოიყენება ორსულობის პირველი სამი თვის განმავლობაში თუ ექიმი არ ჩათვლის, რომ სარგებელი აჭარბებს მოსალოდნელ რისკს.
მნიშვნელოვანი ინფორმაცია ქალებისთვის:
თუ ორსულად ხართ ან ძუძუთი კვებავთ ბავშვს, ეჭვობთ ორსულობაზე ან გეგმავთ ორსულობას, პრეპარატის მიღებამდე კონსულტაციისთვის მიმართეთ ექიმს ან ფარმაცევტს. ორსულობის პერიოდში პრეპარატების გამოყენებამ შესაძლოა საფრთხე შეუქმნას ჩანასახს ან ნაყოფს და ექიმმა უნდა აკონტროლოს მდგომარეობა.
დეფალი ხვდება დედის რძეში, შესაბამისად მისი გამოყენება არ არის რეკომენდებული ძუძუთი კვების პერიოდში.
ტრანსპორტის მართვა და მექანიზმების გამოყენება
მართალია ინფორმაცია არ მოიპოვება, მაგრამ მკურნალობაზე დამაკმაყოფილებელი რეაქციის მიღწევამდე არ არის რეკომენდებული ისეთი საქმიანობების შესრულება, რაც საჭიროებს განსაკუთრებულ ყურადღებას, მაგ: ტრანსპორტის მართვა, პოტენციურად სახიფათო მექანიზმების გამოყენება და სხვა.
დეფალი 6 მგ ტაბლეტები შეიცავს ლაქტოზას
აღნიშნული პრეპარატი შეიცავს ლაქტოზას. თუ ექიმისგან ინფორმირებული ხართ, რომ ვერ იტანთ შაქრის გარკვეულ ტიპებს, პრეპარატის მიღებამდე კონსულტაციისთვის მიმართეთ ექიმს.
3. დეფალის მიღების წესი
პრეპარატი ყოველთვის მიიღეთ ზუსტად ექიმის დანიშნულების მიხედვით. თუ არ ხართ დარწმუნებული, გადაამოწმეთ ექიმთან ან ფარმაცევტთან. აღნიშნული პრეპარატი მიიღება პერორალურად. ექიმი მოგცემთ მითითებას თუ რამდენი ტაბლეტი და რა სიხშირით უნდა მიიღოთ. დოზა ინდივიდუალურია თითოეული პაციენტისთვის და შეიძლება შეცვალოს ექიმმა იმის მიხედვით თუ როგორ რეაგირებთ მკურნალობაზე.
თუ მიიღეთ დეფალის ჭარბი დოზით
ჭარბი დოზირების ან პრეპარატის შემთხვევით მიღებისას დაუკავშირდით ტოქსიკოლოგიის საინფორმაციო ცენტრს, მიაწოდეთ ინფორმაცია პრეპარატის დასახელების და მიღებული რაოდენობის შესახებ და სათანადო მკურნალობისთვის დაუყოვნებლივ მიმართეთ საავადმყოფოს.
თუ დაგავიწყდათ დეფალის მიღება
არ მიიღოთ გაორმაგებული დოზა გამოტოვებული დოზის ანაზღაურების მიზნით.
თუ წყვეტთ დეფალის მიღებას
პრეპარატის გამოყენებასთან დაკავშირებული დამატებითი შეკითხვების შემთხვევაში მიმართეთ ექიმს ან ფარმაცევტს.
4. მოსალოდნელი გვერდითი ეფექტები
სხვა პრეპარატების მსგავსად დეფალმაც შესაძლოა გამოიწვიოს გვერდითი ეფექტები, თუმცა არა ყველა პაციენტში.
ძირითადად ხანგრძლივი მკურნალობის პერიოდში დაფიქსირებული დეფალის გვერდითი ეფექტებია:
დარღვევები კუჭ-ნაწლავის ტრაქტის მხრივ: კუჭ-ნაწლავის წყლული.
დარღვევები ნერვული სისტემის მხრივ: თავის ტკივილი, თავბრუსხვევა, შფოთვა, ძილის პრობლემები.
დარღვევები კანის და კანქვეშა ქსოვილის მხრივ: შეხორცების პრობლემები, კანის დაზიანება.
დარღვევები გულის და სისხლძარღვების მხრივ: არტერიული წნევის ზრდა (ჰიპერტენზია), სითხის შეკავება ქსოვილებში (შეშუპება).
დარღვევები ენდოკრინული სისტემის მხრივ: წონის მატება, შაქრიანი დიაბეტის გართულება, მენსტრუაციის შეწყვეტა (ამენორეა).
დარღვევები ჩონჩხ-კუნთოვანი სისტემის, შემაერთებელი ქსოვილის და ძვლების მხრივ: კუნთების სისუსტე, ოსტეოპოროზი.
მხედველობითი დარღვევები: თვალებთან დაკავშირებული პრობლემები.
სიხშირე უცნობია (სიხშირე ვერ განისაზღვრება არსებულ მონაცემებზე დაყრდნობით): მხედველობის დაბინდვა.
დეფალის მიღებამ სხვა ისეთ პრეპარატებთან ერთად, რომლებიც იწვევენ კუნთების რელაქსაციას, განსაკუთრებით კი მაღალი დოზების ხანგრძლივად მიღებისას, შესაძლოა გამოიწვიოს კუნთების სერიოზული დარღვევები. ნებისმიერი გვერდითი ეფექტის გამოვლენისას მიმართეთ ექიმს ან ფარმაცევტს. ეს ეხება ნებისმიერ შესაძლო გვერდით ეფექტსაც, რომელიც არ არის მოცემული აღნიშნულ ფურცელ-ჩანართში.
5. დეფალის შენახვის პირობები
ინახება არაუმეტეს 300C ტემპერატურაზე.
არ გამოიყენოთ შეფუთვაზე მითითებული ვარგისიანობის ვადის EXP გასვლის შემდეგ. ვარგისიანობის ვადაში იგულისხმება მოცემული თვის ბოლო დღე. შეფუთვა და პრეპარატები, რომლებიც აღარ გჭირდებათ, მოათავსეთ აფთიაქში განთავსებულ სანაგვე წერტილებში. რჩევისთვის შეგიძლიათ მიმართოთ ფარმაცევტს თუ როგორ გაანადგუროთ პრეპარატები, რომლებიც აღარ გჭირდებათ. აღნიშნული ზომები დაიცავს გარემოს.
6. რას შეიცავს დეფალი 6 მგ ტაბლეტებ
აქტიური ნივთიერება არის დეფლაზაკორტი. თითო ტაბლეტი შეიცავს 6 მგ დეფლაზაკორტს.
სხვა ინგრედიენტებია: ლაქტოზას მონოჰიდრატი, სიმინდის სახამებელი, მიკროკრისტალური ცელულოზა და მაგნიუმის სტეარატი.
როგორია დეფალი 6 მგ ტაბლეტები ვიზუალურად და რა შედის შეფუთვაში
მრგვალი, თეთრი, უგარსო ტაბლეტები, ერთ მხარეზე ჯვარედინი ხაზით და მეორე მხარეზე წარწერით „6“.
ტაბლეტი შეიძლება გაიყოს თანაბარ ნაწილებად.
დეფალი 6 მგ ტაბლეტები მოთავსებულია პვქ-ალუმინის ბლისტერში და შეფუთვაში 20 ტაბლეტია.
გამოშვების სხვა ფორმები
დეფალი 30 მგ ტაბლეტები: შეფუთვაში 10 ტაბლეტი (30 მგ დეფლაზაკორტი).
გაცემის რეჟიმი:
II, გაიცემა ფორმა №3 რეცეპტით
შეინახეთ ბავშვებისთვის მიუწვდომელ ადგილზე!
სად შევიძინოთ?