Plasmon

იხილეთ აფთიაქების ჩამონათვალი

დესლოდექსი / DESLODEX

აქტიური ნივთიერება:  5 მლ სიროფი (1 დოზა) შეიცავს 2,5 მგ დესლორატადინს.

დამხმარე ნივთიერებები: სორბიტოლი  (E 420),  ლიმონის მჟავას მონოჰიდრატი,  ნატრიუმის ციტრატის დიჰიდრატი, ნატრიუმის ბენზოატი (E 211),   დინატრიუმის ედეტატი, საქაროზა, ბანანის არომატიზატორი, დისტილირებული წყალი. 

 

1. რა არის დესლოდექსი და რისთვის გამოიყენება?

დესლოდექსი ხელმისაწვდომია 150 მლ ბოთლში შეფუთვით, რომელსაც აქვს ჩამკეტი სისტემა.

დესლოდექსი არის ანტიალერგიული პრეპარატი, რომელიც არ იწვევს ძილიანობას. ის გვეხმარება გავაკონტროლოთ ალერგიული რეაქცია და მისი სიმპტომები.

დესლოდექსი ინიშნება ისეთი სიმპტომების სამკურნალოდ, როგორიცაა ცემინება, ქავილი და სურდო / ცხვირის დაცობა, თვალის გაღიზიანება, ცრემლდენა  და ჰიპერემია, სასის ქავილი და ხველა, დაკავშირებული ალერგიულ რინიტთან (მაგ. ალერგია ჰაერში არსებულ ნივთიერებების, სახლის მტვერი ტკიპების მიმართ).

დესლოდექსი ასევე ინიშნება ისეთი სიმპტომების აღმოსაფხვრელად, როგორიცაა ქავილი, ქავილი ჭინჭრის ციების დროს, პუსტულები და სიწითლე კანზე.

ამ სიმპტომების შემსუბუქება გრძელდება მთელი დღის განმავლობაში და დაგეხმარებათ გააგრძელოთ ნორმალური ყოველდღიური აქტივობა და ძილი.

 

2. დესლოდექსის მიღების წინ

არ გამოიყენოთ დესლოდექსი შემდეგ შემთხვევებში.

თუ, ხართ ჰიპერსენსიტიური (ალერგიული) დესლორატადინის, ლორატადინის ან ამ მედიკამენტის სხვა კომპონენტების მიმართ.

დესლოდექსი  ინიშნება 6-დან 11 წლამდე ასაკის ბავშვებში, მოზარდებში (12 წლის და მეტი), მოზრდილებში და მოხუცებში.

 

ყურადღებით გამოიყენეთ დესლოდექსი შემდეგ სიტუაციებში.

სუსტი თირკმლის  ფუნქციის შემთხვევაში, მიმართეთ ექიმს ან ფარმაცევტს დესლოდექსის მიღების დაწყებამდე.

თუ რომელიმე ამ გაფრთხილებიდან თქვენ გეხებათ, თუნდაც წარსულში ნებისმიერ დროს, გაიარეთ კონსულტაცია ექიმთან.

 

დესლოდექსის მიღება საკვებთან და სასმელებთან.

დესლოდექსის  მიღება შეიძლება საჭმლისგან დამოუკიდებლად.

 

ორსულობა

გაიარეთ კონსულტაცია ექიმთან ან ფარმაცევტთან მედიკამენტის მიღებამდე.

თუ ხართ ორსულად არ მიიღოთ დესლოდექსი.  

თუ ხართ ორსულად ან გგონიათ, რომ, შესაძლებელია, იყოთ ორსულად, ან გსურთ დაორსულება, ამ მედიკამენტის მიღებისდაწყებამდე დაუყოვნებლივ გაიარეთ კონსულტაცია თქვენს ექიმთან, ან ფარმაცევტთან.

თუ შენიშნეთ მკურნალობის პერიოდში რომ ხართ ორსულად, დაუყოვნებლივ მიმართეთ ექიმს ან ფარმაცევტს.

 

ლაქტაცია

გაიარეთ კონსულტაცია ექიმთან ან ფარმაცევტთან მედიკამენტის მიღებამდე.

არ მიიღოთ დესლოდექსი ლაქტაციის პერიოდში.

 

ზემოქმედება სატრანსპორტო საშუალებებისა და სხვა მექანიზმების მართვის უნარზე

რეკომენდირებული დოზის მიღებისას პრეპარატი არ იწვევს ძილიანობას ან ყურადღების დაქვეითებას. თუმცა პრეპარატის მიღების დროს გასათვალისწინებელია ძალიან იშვიათ შემთხვევებში ძილიანობის გამოვლენის შესაძლებლობა ზოგიერთ პაციენტში.

 

მნიშვნელოვანი ინფორმაცია დესლოდექსის დამხმარე ნივთიერებაზე

დესლოდექსი შეიცავს საქაროზას და სორბიტოლს. თუ ექიმმა გითხრათ, რომ მგრძნობიარე ხართ შაქრის მიმართ. ეს სამკურნალო პრეპარატი შეიცავს 1 მმოლზე (23 მგ) ნაკლებ ნატრიუმს თითო დოზაზე; ამ დოზით ნატრიუმით რაიმე ზემოქმედება არ არის მოსალოდნელი.

 

გამოყენება სხვა წამლებთან

არ არის ცნობილი დესლოდექსის ურთიერთქმედება სხვა მედიკამენტებთან.

აცნობეთ ექიმს ან ფარმაცევტს თუ იყენებთ ან ბოლო დროს გამოგიყენებიათ  ნებისმიერი მედიკამენტი, რომელიც ექიმის დანიშნულებით ან მისი დანიშნულების გარეშე გაქვთ მიღებული.

 

3.როგორ გამოვიყენოთ დესლოდექსი

სწორი მიღების წესი და დოზა

6-დან 11 თვის ბავშვები; მიიღეთ 2 მლ სიროფი 1-ჯერ დღეში. მიიღეთ  2 მლ საზომი კოვზით.

1-დან 5-მდე წლის  ბავშვები; მიიღეთ 2,5 მლ  1-ჯერ დღეში. მიიღეთ 2,5 მლ საზომი კოვზით.

6-დან 11-მდე წლის ბავშვები; მიიღეთ 5 მლ 1-ჯერ დღეში. მიიღეთ 5 მლ საზომი კოვზით.

მოზრდილები და მოზარდები 12 წლის ზემოთ: მიიღეთ 10 მლ 1-ჯერ დღეში. მიიღეთ 5 მლ საზომი კოვზით, ორი დოზა.

თქვენი ექიმი დაადგენს, თუ რა ტიპის ალერგიული რინიტი გაწუხებთ და რამდენი ხანი უნდა მიიღოთ დესლოდექსი.

თუ თქვენი რინიტი არის პერიოდული (სიმპტომების არებობისას კვირაში 4 დღეზე ნაკლები ან 4 კვირაზე ნაკლები დროის განმავლობაში), თქვენი ექიმი მოგცემთ რეკომენდაციას  მკურნალობასთან დაკავშირებით, რომელიც თქვენი ავადმყოფობის ისტორიაზე იქნება დამოკიდებული.

თუ თქვენი ალერგიული რინიტი არის მუდმივი (სიმპტომების არსებობისას კვირაში 4 დღე ან მეტი ან 4 კვირაზე მეტი დროის განმავლობაში),  შესაძლებელია, თქვენმა ექიმმა დაგინიშნოთ უფრო ხანგრძლივი მკურნალობა.

მკურნალობის ხანგრძლივობა შეიძლება იცვლებოდეს სხვადასხვა პაციენტთან, ამიტომ უნდა დაიცვათ ექიმის მითითებები.

 

მიღების წესი

მიიღეთ სიროფი და დააყოლეთ წყალი. დესლოდექსის  მიღება შეიძლება საჭმლისგან დამოუკიდებლად. შეგიძლიათ მიიღოთ მშიერ კუჭზე ან ნაჭამზე.

 

ასკობრივი ჯგუფი:

ბავშვები: 

დესლოდექსი შეიძლება მისცეთ ბავშვებს 6 თვიდან.

ხანდაზმულები:

ხანდაზმულებში დესლოდექსის ეფექტურობა და უსაფრთხოება ჯერჯერობით არ არის განსაზღვრული.

სპეციალური შემთხვევები:

ღვიძლის უკმარისობა

არ არსებობს ღვიძლის უკმარისობის დროს გამოყენების მონაცემები.

თირკმლის უკმარისობა

ყურადღებით გამოიყენთ დესლოდექსი თირკმლის უკმარისობის მძიმე შემთხვევაში.

თუ მიგაჩნიათ, რომ დესლოდექსის ეფექტი ძალიან ძლიერია ან ძალიან სუსტია, გაესაუბრეთ ექიმს ან ფარმაცევტს.

თუ თქვენ უფრო მეტი დესლოდექსი მიიღეთ ვიდრე უნდა მიგეღოთ:

მიიღეთ დესლოდექსი ისე როგორც დაგინიშნათ ექიმმა. არანაირი სერიოზული პრობლემა არ არის მოსალოდნელი თუ შემთხვევით გადააჭარბეეთ დოზას.

თუ მეთი დესლოდექსი მიიღეთ ვიდრე უნდა მიგეღოთ, მიმართეთ ექიმს ან ფარმაცევტს.

 

თუ დაგავიწყდათ დესლოდექსის მიღება

თუ დაგავიწყდათ დადგენილი დოზის მიღება, მიიღეთ ის როგორც კი ამის შესაძლებლობა გექნებათ და შემდეგ დაუბრუნდით რეგულარული დოზის მიღებას დანიშნულებისამებრ.

არ მიიღოთ ორმაგი დოზა დავიწყებული დოზის ასანაზაურებლად.

ეფექტი, რომელიც შეიძლება მოხდეს დესლოდექსით მკურნალობის შეწყვეტისას

არ არსებობს ინფორმაცია.

 

4. შესაძლო გვერდითი ეფექტები

როგორც ყველა მედიკამენტის გამოყენებისას შეიძლება გამოვლინდეს გვერდითი ეფექტები პაციენტებში, რომლებიც მგრძნობიარე არიან დესლოდექსში არსებულ ნივთიერებების მიმართ. გვერდითი მოვლენები პლაცებოს მსგავსია (წამლის ტიპი, რომელიც არ აქვს სამკურნალო თვისებები) მოზრდილებში. თუმცა დიარეა, ცხელება და უძილობა გვერდითი მოვლენებია, რომლებიც ჩვეულებრივ 2 წლამდე ასაკის ბავშვებში აღინიშნება. მოზრდილებში გვერდითი მოვლენებია - დაღლილობა, ქსეროსტომია და თავის ტკივილი, რომელიც უფრო ხშირად ხდება ვიდრე პლაცებო.

კვლევების დროს გამოვლენილი არასასურველი რეაქციები მითითებულია ქვემოთ გამოვლენის სიხშირისა და სისტემების მიხედვით:

სხვადასხვა ორგანული სისტემები:

ძალიან ხშირად (≥1/10); ხშირად ( ≥1/100-დან <1/10-მდე); არცთუ ხშირად (≥1/1000-დან <1/100-მდე); იშვიათად (≥1/10000-დან <1/1000-მდე); ძალიან იშვიათად (<1/10000); უცნობი სიხშირით (არსებულ  მონაცემებზე დაყრდნობით შეფასება შეუძლებელია).

ხშირად: დაღლა

არცთუ ხშირად: პირის სიმშრალე, თავის ტკივილი

ძალიან იშვიათად: ალერგიული რეაქციები (სუნთქვის უკმარისობა, ქოშინი, ქავილი, ჭინჭრის ციება, გამონაყარი, უეცარი შეტევა, ჰალუცინაცია, მოუსვენრობა მოძრაობის მომატებით, ტაქიკარდია, გულისცემის რითმის მომატება, ღვიძლის ფუნქციის დარღვევები, ჰეპათიტი, ძილიანობა, ფიზიკური და ფსიკიკური ჰიპერაქტივობა, კუჭის ტკივილი, გულისრევა, დიარეა, უძილობა, მოშვება, კუნთების ტკივილი, დისპეფსია.
უ თქვენ გაგიჩნდათ გვერდითი მოვლენები, მიმართეთ თქვენ ექიმს, ან ფარმაცევტს, იმ შემთვევაშიც, თუ თქვენ აღმოგაჩნდათ გვერდითი მოვლენები, რომლებიც არ არის აღწერილი ამ ბროშურაში.

გვერდითი მოვლენების შეტყობინება

თუ გვერდითი მოვლენა, რომელიც არის ან არ არის ნახსენები ამ ბროშურაში, გაესაუბრეთ ექიმს, ფარმაცევტს ან ექთანს.  უფრო მეტიც, შეატყობინეთ გვერდით მოვლენებზე თურქეთის ფარმაკოვიგილანსის ცენტრს (TUFAM) იკონკა „გვერდითი მოვლენების შეტყობინება“–ზე დაწკაპუნებით ვებგვერდზე www.titck.gov.tr ან დარეკეთ ნომერზე 0 800 314 00 08, რომელიც გვერდითი ეფექტების შეტყობინების ხაზია. გვერდით მოვლენებზე შეტყობინებით ხელს შეუწყობთ უფრო მეტი შეისწავლონ იმ მედიკამენტის შესახებ, რომელსაც თქვენ იყენებთ.

 

5. როგორ შევინახოთ დესლოდექსი

შეინახეთ ბავშვებისათვის მიუწვდომელ ადგილას  თავდაპირველ შეფუთვაში.

შეინახეთ 25 º C –მდე ოთახის ტემპერატურის პირობებში, დაიცავით ტენიანობისგან.

 

გამოიყენეთ ვარგისობის ვადის შესაბამისად.

დესლოდექსი არ გამოიყენება შეფუთვაზე მითითებული ვარგისობის ვადის გასვლის შემდეგ.

არ გამოიყენოთ დესლოდექსი თუ შეამჩნევთ რაიმე ცვლილებას გარეგნულად და აცნობეთ ფარმაცევტს.

არ გადააგდოთ ვადაგასული ან გამოუყენებადი წამალი. გადაეცით გარემოს დაცვისა და ურბანიზმის სამინისტროს მიერ განსაზღვრული შეგროვების სისტემას.

 

გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე.

სად შევიძინოთ?