დიფუნგოფი - სოკოს საწინააღმდეგო ფრჩხილის ლაქი / Difungoff
- საერთაშორისო დასახელება (აქტიური ნივთიერება): comb. drug
- კლინიკურ-ფარმაკოლოგიური ჯგუფი: დერმატოლოგია → საშუალებები სოკოს საწინააღმდეგო მოქმედებით
- გაცემის რეჟიმი: III ჯგუფი (ურეცეპტოდ)
სოკოს საწინააღმდეგო ფრჩხილის ლაქი
აღწერა:
Difungoff ფრჩხილის ლაქი არის სამედიცინო საშუალება, რომელიც გამოიყენება ხელის და ფეხის ფრჩხილების სოკოვანი ინფექციის თავიდან ასაცილებლად და ჯანსაღი ფრჩხილების ხელახალი გაზრდისთვის
პრეპარატი რეკომენდებულია ფრჩხილის სოკოსთან საბრძოლველად, ასევე ინფექციის შემდეგ გაყვითლებულ, შესქელებულ და დასუსტებულ ფრჩხილებზე გამოსაყენებლად.
• ებრძვის ხელისა და ფეხის ფრჩხილების სოკოვან ინფექციას
• ხელს უშლის სხვა ფრჩხილების დაინფიცირებას
• აუმჯობესებს ფრჩხილების გარეგნულ სახეს და მდგომარეობას
• მას აქვს მაღალი, თითქმის 100%-იანი ეფექტურობა დერმატოფიტებთან ბრძოლაში, რომლებიც ფრჩხილის სოკოს ყველაზე გავრცელებული გამომწვევია
• მოსახერხებელი და მარტივი გამოსაყენებელი
• უზრუნველყოფს თვალსაჩინო ეფექტს ფრჩხილის ხელახალი ზრდის მომენტიდან
მოქმედების მექანიზმი:
დიფუნგოფის ლაქი ფრჩხილზე წასმისას სწრაფად შეიწოვება ფრჩხილის ფირფიტის მიერ, ქმნის არახელსაყრელ გარემოს სოკოებისთვის (მჟავე pH4) და აფერხებს მათ გამრავლებას. ქმნის დამცავ ფენას, რომელიც ხელს უშლის სოკოვანი ინფექციის გავრცელებას სხვა ფრჩხილებზე. დიფუნგოფის თხევად გელს აქვს სასიამოვნო კონსისტენცია, რომელიც სწრაფად შრება.
შემადგენლობა:
ეთანოლი, დისტილირებული წყალი, პროპილენგლიკოლი, ჰიდროგენირებული ეთოქსილირებული აბუსალათინის ზეთი, რძემჟავა, უნდეცილენის მჟავა, ქიტოზანი.
პროდუქტის მაღალი ეფექტურობა უზრუნველყოფილია ინგრედიენტების კომბინაციით:
უნდეცილენის მჟავა - ახდენს სოკოს ელიმინაციას და აფერხებს მის გამრავლებას
რძემჟავა - აქვეითებს ფრჩხილის pH-ს, ქმნის მტრულ, არახელსაყრელ გარემოს სოკოებისთვის
ქიტოსანკრეატი (ქიტოზანი, ) - ქმნის დამცავ ფენას ფრჩხილის ფირფიტაზე და ხელს უშლის მიკოზის გავრცელებას სხვა ფრჩხილებზე
ეს დამცავი აპკი ახდენს ინფიცირებული ფრჩხილის იზოლირებას
დიფუნგოფის ეფექტურობის ტესტებმა დაადასტურა მისი 99.99 %-იანი ეფექტურობა სოკოს ორ ყველაზე გავრცელებულ შტამზე -Trichophyton rubrum და Trichopyton mentagrophites. დიფუნგოფის ლაქის ეფექტურობა შეინიშნება პირველი გამოყენებიდან სულ რაღაც 6 საათში.
ლაქი ასევე შეიცავს აბუსალათინის ზეთს, რომელიც ამაგრებს ფრჩხილებს, ხელს უშლის მათ გახლეჩას და დამატებით კვებავს და ასტიმულირებს მათ ზრდას.
გამოყენების წესი:
ლაქი გამოიყენება ხელის და ფეხის ფრჩხილებზე ლაქის ან კოსმეტიკური საშუალებების სხვა ნარჩენების მოცილების შემდეგ. პრეპარატი გულუხვად უნდა წაისვათ დაზიანებული ფრჩხილის მთელ ზედაპირზე, რათა დაფაროს მისი კიდეების ქვედა მხარეც. მკურნალობის ჩატარება რეკომენდებულია რეგულარულად, დღეში ერთხელ (სასურველია საღამოს), ფრჩხილის სრულ შეხორცებამდე. მომდევნო გამოყენებამდე არ არის აუცილებელი პრეპარატის მოცილება მოსაშორებელი საშუალებით.
მნიშვნელოვანი ინფორმაცია:
გამოყენების შემდეგ, ფრთხილად დახურეთ კონტეინერი და შეინახეთ მჭიდროდ დახურულ ორიგინალურ შეფუთვაში, ღია ცეცხლისა და სითბოს წყაროებისგან მოშორებით. არ გამოიყენოთ შეფუთვაზე მითითებული ვარგისიანობის ვადის გასვლის შემდეგ.
გამოყენების უკუჩვენებები
არ გამოიყენოთ პრეპარატი პროდუქტის ინგრედიენტების მიმართ ჰიპერმგრძნობელობის (ალერგიის) შემთხვევაში. თუ კანის გაღიზიანება ან სიწითლე შეამჩნიეთ, შეწყვიტეთ მკურნალობა და მიმართეთ ექიმს. არ გამოიყენოთ ჭრილობებზე.
გაფრთხილებები
არასათანადო გამოყენებისა და ფრჩხილების (კუტიკულების) ირგვლივ მიდამოზე შემთხვევით წასმის შემთხვევაში, სადაც შეიძლება აღმოჩნდეს მიკროდაზიანებები, პროდუქტი დაუყოვნებლივ უნდა მოიშოროთ.
მოერიდეთ თვალებთან და ლორწოვან გარსებთან კონტაქტს; შემთხვევითი კონტაქტის შემთხვევაში კარგად ჩამოიბანეთ წყლით. მოერიდეთ ფრჩხილის სხვა პროდუქტების ერთდროულ გამოყენებას.
არ გამოიენოთ კოსმეტიკური ფრჩხილის ლაქი ან ხელოვნური ფრჩხილები, რათა არ შეიზღუდოს პროდუქტის ეფექტურობა.
პროდუქტი განკუთვნილია მოზრდილებისთვის. შეინახეთ ბავშვებისთვის მიუწვდომელ ადგილას.
ორსულობა და ძუძუთი კვება
პრეპარატი მოქმედებს მხოლოდ ადგილობრივად, არ არსებობს კლინიკური მონაცემები ორსულობისა და ლაქტაციის პერიოდში გამოყენების შესახებ.