Nuk

იხილეთ აფთიაქების ჩამონათვალი

დორნიზოლი / Dornizole

შემადგენლობა:

პრეპარატის ერთი ტაბლეტი (გარსით დაფარული) შეიცავს აქტიური ნივთიერების – ორნიდაზოლის 500 მგ-ს.

ფარმაკოლოგიური თვისებები:
ანტიპროტოზოული პრეპარატი ანტიმიკრობული აქტივობით. მოქმედების მექანიზმი დაკავშირებულია ორნიდაზოლისადმი მგრძნობიარე მიკროორგანიზმების დნმ-ის სტრუქტურის დარღვევასთან. ორნიდაზოლი მიკრობის უჯრედში შეღწევის შემდეგ უკავშირდება მის დნმ-ს, აინჰიბირებს ნუკლეინის მჟავების სინთეზს, რაც საბოლოოდ ბაქტერიის კვდომას იწვევს.
ორნიდაზოლისადმი მგრძნობიარეა: Trichomonas vaginalis, Gardnerella vaginalis, Giardia intestinalis, Entamoeba histolytica; ანაერობული მიკროორგანიზმები: Bacteroides spp. (მათ შორის Bacteroides fragilis, Bacteroides distasonis, Bacteroides ovatus, Bacteroides thetaiotaomicron, Bacteroides vulgatus), Fusobacterium spp., Veillonela spp., Prevotella spp. (Prevotella bivia, Prevotella buccae, Prevotella disiens); გრამდადებითი მიკროორგანიზმები: Eubacterium spp., Clostridium spp. პრეპარატისადმი მდგრადია აერობული მიკროორგანიზმები.

ფარმაკოკინეტიკა
ორნიდაზოლი კარგად შეიწოვება საჭმლის მომნელებელი სისტემიდან. საშუალო შეწოვა შეადგენს 90%.  მაქსიმალური კონცენტრაცია მიღებიდან 1-3 საათში მიიღწევა. ორნიდაზოლის აქტიური ნივთიერება ეფექტურად აღწევს თავ-ზურგ-ტვინის სითხეში, ორგანიზმის სხვა სითხეებსა და ქსოვილებში. პლაზმის ცილებს უკავშირდება  დაახლოებით 13% -ით . კონცენტრაცია სისხლის პლაზმაში მერყეობს 6-36 მგ/ლ დიაპაზონში, რომელიც ითვლება სხვადასხვა ჩვენების დროს ოპტიმალურ დონედ. ჯანმრთელი მოხალისეების მიერ 500 მგ ან 1000 მგ დოზის განმეორებითი გამოყენებისას ყოველ 12 საათში ერთხელ, კუმულაციის კოეფიციენტმა შეადგინა 1.5-2.5  გადის ჰემატო-ენცეფალურ ბარიერს.

მეტაბოლიზმი
ორნიდაზოლი მეტაბოლიზდება ღვიძლში ძირითადად 2-ჰიდროქსიმეთილ და ა-ჰიდროქსიმეთილ მეტაბოლიტების წარმოქმნით. მეტაბოლიტების სახით გამოიყოფა შარდით (60-70%) და ფეკალური მასებით (20-25%),

გამოყოფა
ნახევარგამოყოფის პერიოდი შეადგენს დაახლოებით 13 საათს. ერთჯერადი დოზის მიღების შემდეგ დოზის 85% გამოიყოფა პირველი 5 დღის განმავლობაში, რომლის უმეტესი ნაწილი არის მეტაბოლიზირებული. მიღებული დოზის 4% გამოიყოფა შარდთან ერთად უცვლელი ნივთიერების სახით.

  

ჩვენებები
- ტრიქომონიაზი;
- ამებიაზი, ამებური დიზენტერია, არანაწლავური ამებიაზი (მათ შორის ღვიძლის ამებური აბსცესი);
- ლამბლიოზი;
- გინეკოლოგიური და მსხვილი ნაწლავის ოპერაციის შემდგომი ანაერობული ბაქტერიებით გამოწვეული ინფექციების პროფილაქტიკა.

მიღების წესები და დოზები
მიიღება პერორალურად ჭამის შემდეგ.

ტრიქომონიაზი
გამოიყენება  2  შესაძლო თერაპიული კურსი:  ერთჯერადი დოზირება (მწვავე ტრიქომონიაზის დროს); ხუთ-დღიანი მკურნალობის კურსი (ტრიქომონიაზის ქრონიკული ფორმების სამკურნალოდ).  

(ა) ერთჯერადი დოზირება

(ბ) ხუთ-დღიანი მკურნალობის კურსი

მკურნალობის ტიპი

დღიური დოზა

(ა) ერთჯერადი დოზირება

3 ტაბლეტი საღამოს

(ბ) ხუთ-დღიანი მკურნალობის კურსი

2 ტაბლეტი (1 ტაბლეტი დილით, 1-საღამოს)

ყველა შემთხვევაში, ხელახალი დაინფიცირების თავიდან აცილების მიზნით, სქესობრივმა პარტნიორებმა უნდა გაიარონ მკურნალობის ერთიდაიგივე კურსი.

ბავშვებში სადღეღამისო დოზა შეადგენს 25 მგ/კგ სხეულის წონის თითო კგ-ზე და ინიშნება ერთჯერადი დოზის სახით.

ამებიაზი:

(ა) სამ- დღიანი მკურნალობის კურსი ამებური დიზენტერის  სამკურნალოდ,

ბ) 5-10 დღიანი მკურნალობის კურსი ამებიაზის ყველა ფორმის სამკურნალოდ.

მკურნალობის ხანგრძლივობა

დღიური დოზა

 

მოზრდილები და ბავშვები 35კგ-ზე მეტი სხეულის წონით

ბავშვები 35 კგ-მდე სხეულის წონით

ა) სამ-დღიანი

3 ტაბლეტი - ერთხელ საღამოს, 4 ტაბლეტი - 60კგ-ზე მეტი სხეული წონის მქონე პაციენტებში (2 ტაბლეტი დილით, 2 ტაბლეტი საღამოს)

125 მგ (1/4 ტაბლეტი) სხეულის წონის 3 კგ-ზე  - ერთჯერადი დოზა (40მგ/კგ-ის ექვივალენტი)

ბ) 5-10 დღიანი

2 ტაბლეტი (ტაბლეტი დილით, 1 ტაბლეტი საღამოს)

125 მგ (1/4 ტაბლეტი) სხეულის წონის 5 კგ-ზე  - ერთჯერადი დოზა (25 მგ/კგ-ის ექვივალენტი)

 

ლამბლიოზი:

მოზრდილები და 35 კგ-ზე მეტი სხეულის წონის ბავშვები: 3 ტაბლეტი, ერთჯერადად, საღამოს.

35 კგ-ზე ნაკლები წონის ბავშვები: 40 მგ/კგ დღეში ერთხელ.

მკურნალობის ხანგრძლივობა შეადგენს 1-2 დღეს.

გინეკოლოგიური და მსხვილი ნაწლავის ოპერაციის შემდგომი ანაერობული ბაქტერიებით გამოწვეული ინფექციების პროფილაქტიკა - 0, 5 -1 გ ( 1-2 ტაბლეტი ) ოპერაციამდე. 0,5 გ (1 ტაბლეტი) 12 საათში ერთხელ . 3- 5 დღის განმავლობაში.

გვერდითი მოვლენები:
ცნს-სა და პერიფერიული ნერვული სისტემის მხრივ: თავის ტკივილი, ძილიანობა, თავბრუსხვევა, ტრემორი, რიგიდულობა, კოორდინაციის დარღვევა, გულყრა, დაღლილობა, ცნობიერების დროებითი დარღვევა, სენსორული ან შერეული ტიპის პერიფერიული ნეიროპათიის ნიშნები. საჭმლის მომნელებელი სისტემის მხრივ: გულისრევა, გემოს შეგრძნების გაუკუღმართება, ღვიძლის ფუნქციური სინჯების ცვლილებები.
შესაძლებელია გამოვლინდეს კანის რეაქციის ცვლილებები და მომატებული მგრძნობელობის რეაქციები.

უკუჩვენება:
- პრეპარატის კომპონენტებისადმი მომატებული მგრძნობელობა;
- ცნს-ის ორგანული დაავადებები;
- ორსულობის I ტრიმესტრი და ლაქტაციის პერიოდი.

ორსულობა და ლაქტაცია:
პრეპარატი უკუნაჩვენებია ორსულობის I ტრიმესტრსა და ლაქტაციის პერიოდში. 

ჭარბი დოზირება:
სიმპტომები: ეპილეპტიფორმული გულყრები, დეპრესია, პერიფერიული ნევრიტი. მკურნალობა: სიმპტომური თერაპია. გულყრების გამოვლინებისას ინიშნება დიაზეპამი. სპეციფიკური ანტიდოტი არ არსებობს.

განსაკუთრებული მითითებები:
ტრიქომონიაზით დაავადებულ პაციენტებში აუცილებელია სქესობრივი პარტნიორის მკურნალობაც.
ორნიდაზოლის რეკომენდებული დოზის გადაჭარბება გარკვეულ რისკს წარმოადგენს პაციენტებისათვის ღვიძლის დაზიანებით, ალკოჰოლის ბოროტად გამოყენების შემთხვევაში, ორსული და მეძუძური დედებისა და ბავშვებისათვის.
ნიტროიმიდაზოლების სხვა წარმოებულებისგან განსხვავებით, ორნიდაზოლი არ აინჰიბირებს ფერმენტ ალდეჰიდ-დეჰიდროგენაზას და შესაბამისად არ წარმოადგენს ალკოჰოლთან შეუთავსებად ნივთიერებას.
დორნიზოლის  პერორალური კუმარინის ჯგუფის ანტიკოაგულანტებთან ერთდროულად მიღებისას ძლიერდება ამ უკანასკნელთა ეფექტი, რაც მათი დოზის კორექციას მოითხოვს. ორნიდაზოლი ახანგრძლივებს ვეკურონის ბრომიდის მიორელაქსაციურ მოქმედებას.

 


გამოშვების ფორმა:

1X10 ტაბლეტი ალუ ბლისტერზე.

 

შენახვის პირობები :
ინახება არაუმეტეს 30°C ტემპერატურაზე.სინათლისაგან დაცულ, ბავშვებისათვის ხელმიუწვდომელ ადგილზე!

შენახვის ვადა :

2 წელი

 

გაცემის წესი :
რეცეპტით ( II ჯგუფი)

სად შევიძინოთ?