ებრანტილი / EBRANTIL®
- საერთაშორისო დასახელება (აქტიური ნივთიერება): urapidil
- კლინიკურ-ფარმაკოლოგიური ჯგუფი: გულ-სისხლძარღვთა სისტემა → ადრენომაბლოკირებელი საშუალებები → ალფა-ადრენომაბლოკირებელი საშუალებები → ალფა1 ადრენომაბლოკირებელი საშუალებები
- მწარმოებელი კომპანია: Nycomed GmbH
- მწარმოებელი ქვეყანა: გერმანია
- გამოშვების ფორმა: 5მგ/მლ 10მლ ი.ვ. საინექციო ხსნარი ამპულა №5
- გაცემის რეჟიმი: II ჯგუფი (გაიცემა ფორმა N3 რეცეპტით)
შემადგენლობა 1 მლ-ზე:
აქტიური ნივთიერება
ურაპიდილ ჰიდროქლორიდი 5.47 მგ (რაც შეესაბამება 5.0 მგ ურაპიდილს).
დამხმარე ნივთიერებები:
პროპილენგლიკოლი, ნატრიუმის ჰიდროფოსფატის დიჰიდრატი, ნატრიუმის დიჰიდროფოსფატის დიჰიდრატი, საინიექციო წყალი.
აღწერილობა: გამჭვირვალე უფერო ხსნარი.
ფარმაკოთერაპიული ჯგუფი: ალფა-ადრენობლოკატორი.
კოდი აქტ: C02CA06
ფარმაკოლოგიური მოქმედება
ფარმაკოდინამიკა
ებრანტილი® მიეკუთვება პრეპარატებს, რომლებიც აბლოკირებენ პოსტ-სინაფსურ ალფა-1-ადრენორეცეპტორებს, რახ პერიფერულ წინაღობას ამცირებს. გარდა ამისა, ებრანტილი® არეგულირებს სისხლძარღვების ტონუნის შენარჩუნების მექანიზმს და გააჩნია სუსტი ბეტა-ადრენომაბლოკირებელი მოქმედება. გულის შეკუმშვათა სიხშირე, გულის წუთმოცულობა მისი შეყვანისას არ იცვლება. დაბალი გულის წუთმოცულობა შეიძლება გაიზარდოს სისხლძარღვოვანი წინაღობის შემცირებით. ორთოსტატულ მოვლენებს, როგორც წესი ებრანტილი® არ იწვევს. ებრანტილი® აბლოკირებს ალფა-2-ადრენორეცეპტორებით გამოწვეულ ვაზოკონსტრიქციას და არ იწვევს ვაზოდილატაციით განპირობებულ რეფლექტორულ ტაქიკარდიას.
ებრანტილი® ამცირებს სისტოლურ და დიასტოლურ არტერიულ წნევას, ამცირებს რა პერიფერულ წინაღობას და არ იწვევს რეფლექტორულ ტაქიკარდიას.
ურაპიდილი ამირებს პრე – პოსტდატვირთვას გულზე, ზრდის გულის შეკუმშვის ეფექტურობას, არითმიის არარსებობისას პრეპარატი ზრდის გულის შემცირებულ წუთმოცულობას.
მოქმედების მექანიზმი
ებრანტილი® აქვს მოქმედების ცენტრალური და პერიფერული მექანიზმი.
უპირატესად აბლოკირებს პრიფერულ პოსტ-სინაფსურ ალფა-1-ადრენორეცეპტორებს, მაშასადამე პრეპარატი აბლოკირებს კატექოლამინების სისხლძარღვების შემავიწროვებელ ეფექტს.
ცენტრალურ ნერვულ სისტემაში ურაპიდილი ზეგავლენას ახდენს სისხლძარღვების მამოძრავებელი ცენტრის აქტივობაზე, რაც გამოვლინდება სიმპათიკური ნერვული სისტემის ტონუსის რეფლექტორული მომატების (ან შემცირების) დათრგუნვაში.
ურაპიდილი ზეგავლენას არ ახდენს ნახშირწყლების ცვლის, შარდმჟავას ცვლის მაჩვენებლებზე და არ იწვევს ორგანიზმში სითხის შეკავებას.
ფარმაკოკინეტიკა
25 მგ ურაპიდილის ვენაში შეყვანის შემდეგ აღინიშნება პრეპარატის კონცენტრაციის ორფაზიანი შემცირება: თავიდან – სწრაფი შემცირება (ალფა-ფაზა), შემდეგ – ნელი (ბეტა ფაზა).
პრეპარატის განაწილების პერიოდი შეადგენს დაახლოებით 35 წუთს.
განაწილების მოცულობა 0.8 ლ/კგ (0.6-1.2 ლ/კგ). ურაპიდილის უდიდესი ნაწილი მეტაბოლიზდება ღვიძლში. ძირითადი მეტაბოლიტე – ჰიდროქსილირებული წარმოებული ბენზოლის რგოლის მე-4 პოზიციაში, რომელსაც პრაქტიკულად არ გააჩნია ანტიჰიპერტენზიული აქტივობა. O-დემეთილირებული მეტაბოლიტე წარმოიქმნება ძალიან მცირე რაოდენობით და პრაქტიკულად ისეთივე აქტიურია, როგორც ურაპიდილი. 50-70% ურაპიდილისა და მისი მეტაბოლიტებისა (15% აქტიური პრეპარატის სახით) გამოიყოფა თირკმლებით, დანარჩენი გამოიყოფა ნაწლავებით მეტაბოლიტების სახით (ძირითადად არააქტიური п-ჰიდროქსილირებული ურაპიდილის სახით).
ინტრავენური ბოლუსური შეყვანის შემდეგ ნახევრად დაშლის პერიოდი შეადგენს 2.7 საათს (1.8 – 3.9 სთ). სისხლის პლაზმის ცილებთან შეკავშირება – 80% . სისხლის პლაზმის ცილებთან შედარებით დაბალი შეკავშირება ხსნის იმას, რომ უცნობია ურაპიდილის შესაძლო ურთიერთქმედება სხვა სამკურნალო საშუალებებთან, რომლებიც ძლიერად უკავშირდებიან სისხლის პლაზმის ცილებს.
ხანდაზმულ პაციენტებში, ასევე პაციენტებში ღვიძლის და/ან თირკმლის უკმარისობით განაწილების მოცულობა და ურაპიდილის კლირენსი შემცირებულია, ხოლო ნახევრად დაშლის პერიოდი მომატებულია.
ურაპიდილი გადადის ჰემატოენცეფალურ და პლაცენტარულ ბარიერში.
ჩვენებები
ჰიპერტონული კრიზი, არტერიული ჰიპერტენზიის რეფრაქტერული და მძიმე ხარისხი.
მათვადი არტერიული ჰიპოტენზია ქირურგიული ოპერაციის დროს და/ან შემდეგ.
უკუჩვენებები
ჰიპერმგრძნობელობა პრეპარატის მიმართ, აორტის სტენოზი, ღია ბოტალის სადინარი, 18 წლამდე ასაკი, ორსულობა, ლაქტაციის პერიოდი (ეფექტურობა და უსაფრთხოება დადგენილი არ არის).
სიფრთხილით: ხანდაზმული ასაკი, ღვიძლის და/ან თირკმლების დარღვეული ფუნქცია, ჰიპოვოლემია.
გამოყენების წესი და დოზირება
ებრანტილი® შეივანება ვენაში წვეთოვნად ან ხანგრძლივი ინფუზიის გზით – მწოლიარე მდგომარეობაში.
ჰიპერტენზიული კრიზი, არტერიული ჰიპერტენზიის მძიმე ხარისხი, რეფრაქტერული ჰიპერტენზია.
1) ვენაში: პრეპარატის 10-50მგ შეიყვანება არტერიული წნევის კონტროლით. არტერიული წნევის დაქვეითება მოსალოდნელია შეყვანიდან 5 წუთში. თერაპიული ეფექტის მიხედვით შესაძლებელია პრეპარატის განმეორებით შეყვანა.
2) ინტრავენური წვეთოვანი ან უწყვეტი ინფუზია პერფიზიული ტუმბოს საშუალებით. შემანარჩუნებელი დოზა: საშუალოდ 9 მგ/სთ, ანუ პრეპარატის 250 მგ (10 ამპულა 5 მლ-იანი ან 5 ამპულა 10 მლ-იანი) გახსნილი 500 მლ საინფუზიო გამხსნელში (1 მგ – 44 წვეთი – 2.2 მლ).
მაქსიმალური დასაშვები თანაფარდობა – პრეპარატ ებრანტილის 4 მგ 1 მლ საინფუზიო ხსნარზე.
რეკომენდებული მაქსიმალური საწყისი სიჩქარე: 2 მგ/წთ.
წვეთოვანი შეყვანის სიჩქარე დამოკიდებულია პაციენტის არტერიული წნევის მაჩვენებლებზე.
ხსნარი წვეთოვანი ინფუზიისათვის განკუთვნილი არტერიული წნევის შესანარჩუნებლად, მზადდება შემდეგნაირად:
პრეპარატის 250 მგ (10 ამპულა 5 მლ-იანი ან 5 ამპუ;ა 10 მლ-იანი) პრეპარატს უმატებენ 500 მლ საინფუზიო ხსნარს, მაგალითად ფიზიოლოგიურ ხსნარს, 5 ან 10%-იან დექსტროზას (გლუკოზას) ხსნარს.
თუ შემანარჩუნებელი დოზის შესაყვანად გამოიყენება პერფუზიული ტუმბო, მაშინ პრეპარატის 100 მგ (4 ამპულა 5 მლ-იანი ან 2 ამპულა 10 მლ-იანი) შეივანება შპერფუზიული ტუმბოს პრიცში და განზავდება 50 მლ-მდე ფიზიოლოგიური ხსნარით, 5 ან 10%-იანი დექსტროზა (გლუკოზას) ხსნარით.
არტერიული წნევის მართვადი (კონტროლირებული) შემცირება მისი მომატებისასქირურგიული ოპერაციის დროს და/ან შემდეგ.
უწყვეტი ინფუზია პერფუზიული ტუმბოს დახმარებით ან წვეთოვანი ინფუზია გამოიყენება არტერიული წნევის შესანარჩუნებლად, რომელიც მიიღწევა ინტრავენური შეყვანით.
დოზირების სქემა
პრეპარატის ვენაში ინიექცია
ებრანტილი® (25 მგ) - არტერიული წნევა, ქვეითდება 2 წუთში
არტერიული წნევა არ იცვლება, 2 წუთის შემდეგ
პრეპარატის ვენაში ინიექცია
ებრანტილი® (25 მგ) - არტერიული წნევა, ქვეითდება 2 წუთში
არტერიული წნევა არ იცვლება, 2 წუთის შემდეგ
პრეპარატ ებრანტილი®-ის ნელი ინტრავენური შეყვანა (50 მგ) არტერიული წნევა, ქვეითდება 2 წუთში
არტერიული წნევის სტაბილიზაცია ინფუქზიის გზით
საწყისი დოზა 6 მგ-მდე 1-2 წუთში, შემდეგ დოზა მცირდება
შენიშვნები
- თუ ადრე გამოიყენებოდა სხვა ჰიპოტენზიური საშუალებები, მაშინ აბრანტილის შეყვანა შეიძლება მხოლოდ გარკვეული დროის შემდეგ, რათა იმოქმედონ ადრე შეყვანილმა პრეპარატებმა. პრეპარატ ებრანტილი® -ს დოზა შესაბამისად უნდა დაკორექტირდეს.
- ხანდზამულ პაციენტებში ჰიპოტენზიური საშუალებების გამოყენებისას სიფრთხილეა საჭირო. საწყისი დოზა უნდა შემცირდეს რეკომენდებულთან შედარებით, ვინაიდან ასეთი რიგის პრეპარატების მიმართ მგრძNობელობა ხანდაზმულ პაციენტებში ხშირად შეცვლილია (განაწილების მოცულობა შემცირებულია, ხოლო ნახევრად დაშლის პერიოდი გაზრდილია).
პრეპარატის შეყვანა შეიძლება იყოს ერთჯერადი ან მრავალჯერადი. პრეპარატის ინიექციური შეყვანა შეიძლება კომბინირებული იყოს მომდევნო წვეთოვან ინფუზიასთან. პარენტერალური თერაპია შეიძლება განმეორდეს არტერიული წნევის ახალი მომატებისას.
გვერდითი მოვლენები
ქვემოთ ჩამოთვლილი გვერდითი მოვლენებიდან უმრავლესობა განპირობებულია არტერიული წნევის მკვეთრი დაქვეითებით, თუმცა კლინიკური გამოყენების გამოცდილება უჩვენებს, რომ ისინი ქრებიან რამდენიმე წუთის განმავლობაში, პრეპარატ ებრანტილი® -ის წვეთოვანი ინფუზიის ჩატარების შემდეგადაც კი. მძიმე გვერდითი მოვლენების დროს შეიძლება საჭირო გახდეს მკურნალობის შეწყვეტა.
გვერდითი მოვლენების სიხშირის შეფასება ხდება შემდეგი შკალის მიხედვით:
ძალიან ხშირი (≥ 1: 10), ხშირი (> 1: 100, < 1:10), ზოგჯერ (>1:1000, <1:100). იშვიათად (>1:10000. <1:1000), ძალიან იშვიათად (<1:10000). ცალკეული შემთხვევების ჩათვლით.
|
ორგანოთა სისტემები/ სიხშირე
|
ხშირი (1% - < 10%) |
არახშირი |
იშვიათი |
ძალიან იშვიათი (<0.01%) |
|
გულსისხლძარღვთა სისტემის მხრივ |
|
გულისცემა; ტაქიკარდია; ბრადიკარდია; გულმკერდში მოჭერის შეგრძნება; ქოშინი, არითმიები. |
|
|
|
კუჭ-ნაწლავის ტრაქტის მხრივ |
გულისრევა |
ღებინება |
|
|
|
ლაბორატორიული მაჩვენებლების მხრივ |
|
|
|
თრომბოციტოპენია* |
|
ცენტრალური ნერვული სისტემის მხრივ |
თავბრუ; თავის ტკივილი; დაღლილობა |
|
|
მოუსვენრობის შეგრძნება |
|
რეპროდუქციული სისტემის და სარძევე ჯირკვლების მხრივ |
|
|
პრიაპიზმი |
|
|
შარდგამომყოფი სისტემის მხრივ |
პროტეინურია |
|
ნეფროპათია, ნეფროზული სინდრომი |
|
|
კანის საფარის მხრივ |
|
მომატებული ოფლიანობა |
ალერგიული რეაქციები (კანის ქავილი, კანის სიწითლე, ეგზანთემა) |
|
ძალიან იშვიათ, ცალკეულ შემთხვევებში, ურაპიდილის გამოყენებისას აღინიშნებოდა თრომბოციტების რაოდენობა. თრომბოციტოპენიის სიხშირე დამოკიდებული იყო პრეპარატის გამოყენებაზე. თუმცა შეუძლეელია პრეპარატ ებრანტილი® -ით მკურნალობასთან რაიმე მიზეზობრივი კავშირის დადგენა, მაგალითად იმუნოჰემატოლოგიური კვლევების მეშვეობით.
ჭარბი დოზირება
სიმპტომები:
თავბრუ, ორთოსტატული კოლაფსი, დაღლილობა, დათრგუნვა.
მკურნალობა:
არტერიული წნევის მკვეთრი დაქვეითებისას აუცილებელია პაციენტს აუწიოთ ფეხები და დავიწყოთ ინფუზიური თერაპია მოცირკულირე სისხლის მოცულობის გასაზრდელად. ამ ღონისძიებების უშედეგობისას შეიძლება დავიწყოთ ვაზოკონსტრიქტორების ინფუზია, არტერიული წნევის კონტროლის ქვეშ. ძალიან იშვიათ შემთხვევებში აუცილებელია კატექოლამინების ინტრავენური შეყვანა (0.5 – 1.0 მგ ეპინეფრინი (ადრენალინი) განზავებული 10 მლ ფიზიოლოგიურ ხსნარში).
ურთიერთქმედება სხვა სამკურნალო საშუალებებთან
ურაპიდილის ჰიპოტენზიური მოქმედება შეიძლება გაიზარდოს ერთდროული გამოყენებისას ალფა-ადრენობლოკატორებთან ან სხვა ჰიპოტენზიურ საშუალებებთან ერთად, ასევე ჰიპოვოლემიის (გულისრევა, ღებინება) და ეთანოლის მიღებისას.
ციმეტიდინთან კომბინირებისას ურაპიდილის მაქსიმალური კონცენტრაცია სისხლის პლაზმაში შეიძლება გაიზარდოს 15%-ით.
განსაკუთრებული მითითებანი
შესაძლებელია ერთდროული გამოყენება სხვა პერორალურ ჰიპოტენზიურ საშუალებებთან ერთად.
18 წლამდე ასაკის ბავშვებში გამოყენების კლინიკური მონაცემები არ მოიპოვება.
გამოშვების ფორმა
ინტრავენური ხსნარი 5 მგ/მლ.
5 მლ პრეპარატი მოთავსებული ნეიტრალური უფერო შუშის (ტიპი 1, ევრ. ფარმ.) ამპულაში, გადასატეხი წერტილით და ორი მარკირებული ზოლით.
10 მლ პრეპარატი მოთავსებული ნეიტრალური უფერო შუშის (ტიპი 1, ევრ. ფარმ.) ამპულაში, გადასატეხი წერტილით და ორი მარკირებული ზოლით.
5 ამპულა პლასტმასის კონტურულ შეფუთვაში მოთავსებულია მუყაოს კოლოფში გამოყენების ინსტრუქციასთან ერთად.
შენახვის პირობები
ინახება არა უმეტეს 30oC ტემპერატურის პირობებში.
შეინახეთ ბავშვებისათვის მიუწვდომელ ადგილას.
ვარგისიანობა
2 წელი. ნუ გამოიყენებთ შეფუთვაზე აღნიშნული ვარგისიანობის ვადის გასვლის შემდეგ.
აფთიაქიდან გაცემა
რეცეპტით.
სად შევიძინოთ?