ენტერო ბენე / Entero Bene
- საერთაშორისო დასახელება (აქტიური ნივთიერება): comb. drug
- კლინიკურ-ფარმაკოლოგიური ჯგუფი: გასტროენტეროლოგია, ჰეპატოლოგია → დიარეის საწინააღმდეგო პრეპარატები
- მწარმოებელი კომპანია: Bene pharm
- მწარმოებელი ქვეყანა: გერმანია
- გამოშვების ფორმა: კაფსულა N10
- გაცემის რეჟიმი: III ჯგუფი (ურეცეპტოდ)
ენტერო ბენე წარმოადგენს ორი პრობიოტიკული შტამის კომბინაციას. თითოეული კაფსულა შეიცავს 4 მილიარდ კოლონიის წარმომქმნელ ერთეულ Saccharomyces boulardii, Lactobacillus acidophilus-ს. შტამების სინერგიული კომბინაცია არეგულირებს და აღადგენს ნაწლავური მიკროფლორის წონასწორობას.
ჩვენებები:
მწვავე ბაქტერიული და ვირუსული დიარეა, მწვავე და ქრონიკული გასტროენტერიტი და გასტროენტეროკოლიტი, ანტიბიოტიკებით, ონკოსტატიკებით, ქიმიოთერაპით და სხივური თერაპიით გამოწვეული დისბიოზის პროფილაქტიკა და მკურნალობა, Clostridium difficile-თი გამოწვეული მორეციდივე ფსევდომემბრანული კოლიტი, AIDS- თან დაკავშირებული დიარეა, გაღიზიანებული ნაწლავის სინდრომი, ზონდით ხანგრძლივი კვებით გამოწვეული დიარეა.
დოზირება და მიღების წესი:
3-დან 10 წლამდე: 1 კაფსულა 2-ჯერ დღეში. 10 წელის ზემოთ: 1-2 კაფსულა 2-ჯერ დღეში. კაფსულა მიიღება წყალთან ერთად. შესაძლებელია კაფსულის შიგთავსის გახსნა საკვებში, წყალში ან რძეში. არ უნდა მოხდეს ძალიან ცივი ან ცხელი წყლის გამოყენება.
სიფრთხილის ზომები:
არ გადააჭარბოთ რეკომენდებულ დღიურ დოზას. ორსულობის ან ლაქტაციის პერიოდში ენტერო ბენეს მიღებამდე საჭიროა ექიმთან კონსულტაცია.
უკუჩვენებები:
მომატებული მგრძნობელობა რომელიმე შემადგენელი კომპონენტის მიმართ. არ არის განკუთვნილი 3 წლამდე ასაკის ბავშვებისთვის.
შენახვის პირობები:
ინახება მშრალ და გრილ, მზის პირდაპირი სხივებისგან დაცულ ადგილას, არაუმეტეს 25°C ტემპერატურაზე ბავშვებისთვის მიუწვდომელ ადგილას.
სად შევიძინოთ?