ფენისტილი გელი / Fenistil Gel
- საერთაშორისო დასახელება (აქტიური ნივთიერება): dimetindene
- კლინიკურ-ფარმაკოლოგიური ჯგუფი: ალერგოლოგია → ჰისტამინური H1 რეცეპტორების ბლოკატორები → ადგილობრივი მოქმედების პრეპარატები
- მწარმოებელი კომპანია: Novartis Consumer Health SA
- მწარმოებელი ქვეყანა: შვეიცარია
- გამოშვების ფორმა: 1მგ/გ 30გ გარეგანი გამოყენების გელი ალუმინის ტუბი №1
- გაცემის რეჟიმი: III ჯგუფი (ურეცეპტოდ)
შემცველობა.
გელი გარეგანი გამოყენებისათვის
აქტიური ნივთიერება: დიმეთინდენის მალეატი 1 მგ/1 მლ.
დამხმარე ნივთიერებები: ბენზალკონიუმის ქლორიდი, ნატრიუმის ედეთეატი, კარბოპოლი 974 P (კარბომერი 934 P), პროპილენგლიკოლი, ნატრიუმის ჰიდროზეჟანგი, გასუფთავებული წყალი.
ფარმაკოთერაპიული ჯგუფი
ანტიჰისტამინური პრეპარატი. ალერგიისა და ქავილის საწინააღმდეგო საშუალება გარეგანი გამოყენებისათვის.
ფარმაკოლოგიური მოქმედება. ფენინდენის წარმოებული, დიმეთინდენის მალეატი, წარმოადგენს ჰისტამინის H1-რეცეპტორების ანტაგონისტს. ახდენს ალერგიისა და ქავილის საწინააღმდეგო მოქმედებას. კანზე წასმისას ფენისტილი გელი ამცირებს კანის ალერგიული რეაქციებით გამოწვეულ ქავილსა და გაღიზიანებას. პრეპარატს ასევე გააჩნია ადგილობრივი ანესთეზიის თვისებები.
მიღების ჩვენებები
სხვადასხვა წარმოშობის კანის ქავილი (ქოლესტაზთან დაკავშირებულის გარდა), მაგალითად კანის სხვადასხვა გამონაყარისას, ჭინჭრის ციებისას, მწერების ნაკბენებისას, მზის ერითემისას და ზედაპირული დამწვრობებისას.
მიღების წესი და დოზები
გელს ისვამენ კანის დაზიანებულ მონაკვეთზე 2-4-ჯერ დღეში.
უკუჩვენებები
მაღალი მგრძნობელობა რომელიმე კომპონენტის მიმართ.
ჩვილებში და მცირე ასაკის ბავშვებში პრეპარატის გამოყენება არ შეიძლება კანის დიდ მონაკვეთებზე, განსაკუთრებით თუ ისინი ანთებითია ან იმ ადგილებიდან აღინიშნება სისხლდენა.
განსაკუთრებული მითითებები / სიფრთხილის ზომები
გამოხატული ქავილისას ან კანის დიდი მონაკვეთის დაზიანებებისას პრეპარატის გამოყენება შეიძლება მხოლოდ ექიმთან კონსულტაციის შემდეგ.
ორსულობა და ლაქტაცია
პრეპარატის გამოყენება ორსულობის პირველი სამ თვეს შეიძლება მხოლოდ ექიმთან კონსულტაციის შემდეგ. ორსულობის II და III ტრიმესტრში, ასევე ლაქტაციის დროს, ფენისტილის გამოყენება არ შეიძლება კანის დიდ მონაკვეთზე, განსაკუთრებით თუ არსებობს ანთებისა და სისხლდენის მოვლენები.
დედებისათვის ლაქტაციის პერიოდში არ შეიძლება პრეპარატის წასმა სარძევე ჯირკვლის თავებზე. ფენისტილი გელის კანის დიდ მონაკვეთებზე გამოყენების დროს ერიდეთ მზის სხივების პირდაპირ ზემოქმედებას.
თუ ფენისტილი გელის გამოყენების პერიოდში დაავადების სიმპტომები არ შემცირდება, ან პირიქით მოიმატებს, აუცილებლად მიმართეთ ექიმს.
გვერდითი მოქმედება.
ხანდახან შესაძლებელია კანის სიმშრალის ან მსუბუქი წვის დროებითი შეგრძნება. იშვიათ შემთხვევებში – გამონაყარი კანზე და ქავილი.
გამოშვების ფორმა.
გელი ტუბში 30 გ.
შენახვის პირობები.
შეინახეთ 250C-ზე ნაკლებ ტემპერატურაზე. შეინახეთ ბავშვებისათვის მიუწვდომელ ადგილას.
ვარგისიანობის ვადა. პრეპარატის გამოყენება არ შეიძლება შეფუთვაზე აღნიშნული ვარგისიანობის ვადის ამოწურვის შემდეგ.
აფთიაქიდან გაცემის პირობები.
გაიცემა ურეცეპტოდ. გამოიყენეთ ექიმის დანიშნულებით.
სად შევიძინოთ?