გეომინი ფორტე / GEOMIN FORTE
- საერთაშორისო დასახელება (აქტიური ნივთიერება): comb. drug
- კლინიკურ-ფარმაკოლოგიური ჯგუფი: ბიოლოგიურად აქტიური დანამატები
- გამოშვების ფორმა: 500მგ კაფსულა #70
- გაცემის რეჟიმი: III ჯგუფი (ურეცეპტოდ)
შემადგენლობა
თითოეული კაფსულა შეიცავს 500მგ გააქტივებულ კლინოპტილოლითს.
ფარმაკოლოგიური თვისებები
,,გეომინი ფორტე’’ ანტიოქსიდანტური პრეპარატია. განსხვავებით ჩვეულებრივი ანტიოქსიდანტებისაგან, იგი ასტიმულირებს ორგანიზმის ენდოგენურ ანტიოქსიდანტურ სისტემას. წარმოადგენს პირდაპირი მოქმედების ოქსიდორედუქტიულ პრეპარატს. მასში შემავალი გააქტივებული ბუნებრივი მინერალი ცეოლითი (კლინოპტილოლითი) უშუალოდ მოქმედებს უჯრედის მემბრანაზე, როგორც ელექტრონების ზედაპირულად აქტიური დონორი. ოქსიდორედუქტიული ეფექტით ,,გეომინი ფორტე’’ 200-ჯერ აღემატება ჩ და E ვიტამინებს.
ჩვენებები
• ორგანიზმის იმუნური სიტემის ფუნქციური მდგომარეობის დაქვეითება და გადაღლილობა;
• ინტოქსიკაციები (გამოიყენება, როგორც საუკეთესო სორბენტი კვებითი, ინფექციური, პროფესიული ინტოქსიკაციებისას, მძიმე მეტალებისა და რადიაციის ქრონიკული ზემოქმედებისას).
• ალერგიული დაავადებები;
• კუჭ-ნაწლავის ტრაქტისა და ღვიძლის ფუნქციის დაქვეითება, ჰეპატიტები (აუმჯობესებს საერთო მდგომარეობას).
• ქალთა და მამაკაცთა წინა და კლიმაქტერული პერიოდის ნერვული აშლილობა და შრომისუნარიანობის დაქვეითება;
• რეკომენდირებულია როგორც მინერალური ნივთიერებების (კალციუმის, მაგნიუმის) დამატებითი წყარო.
• რეკომენდირებულია დამხმარე თერაპიის სახით ონკოლოგიურ ავადმყოფებში – ქიმიური და სხივური თერაპიის გვერდითი ეფექტების ლიკვიდაციისთვის (თმის ცვენის, ინტოქსიკაციის მოვლენების, გულისრევის, ღებინების ტოქსიკური პოლინეიროპათიის შემცირება და გაქრობა; ძვლის წითელი ტვინის მოქმედების სტიმულირება); პირებში, რომელთათვისაც უკუნაჩვენებია ქიმიო და სხივური თერაპია, აღადგენს იმუნური სისტემის წონასწორობას; ამცირებს კარცინოინტოქსიკაციის მოვლენებს;
• კანის დაავადებები (რეკომენდირებულია ფხვნილის გარეგანი გამოყენებაც ჭრილობებზე ან კანის დაზიანებულ ნაწილებზე დღეში რამდენჯერმე დატანით).
• გამოიყენება კომბინირებულ ანტიოქსიდანტურ თერაპიაში ჩასართველად სტანდარტული მკურნალობის ფონზე შემდეგი დაავადებებისას: შაქრიანი დიაბეტი; დაბერების დაჩქარებული პროცესი; ალცჰეიმერის დაავადება; პარკინსონის დაავადება; ენდოკრინული პათოლოგიები; ათეროსკლეროზი და გულის იშემიური დაავადება; ჰიპერტონული დაავადება; ინსულტი; რევმატიზმი;
მიღების წესები და დოზები
მიიღება პერორალურად.
მოზრდილებში - 2 კაფსულა 3-ჯერ დღეში საკვების მიღების შემდეგ, ბავშვებში - 1 კაფსულა 2-3-ჯერ დღეში საკვების მიღების შემდეგ.
მოწამვლებისას - 4 კაფსულა 3-ჯერ დღეში.
ონკოლოგიური დაავადებების შემთხვევაში - 4 კაფსულა 3-4-ჯერ დღეში.
გვერდითი მოვლენები
არ არის გამოვლენილი.
განსაკუთრებული მითითებები
ზემოქმედება ავტოტრანსპორტისა და მექანიზმების მართვის უნარზე:
არ ახდენს გავლენას სატრანსპორტო საშუალებებისა და მექანიზმების მართვის უნარზე.
შენახვის პირობები და ვადები
ინახება მშრალ, სინათლისაგან დაცულ ადგილას, ოთახის ტემპერატურის პირობებში.
ვარგისიანობის ვადა: 5 წელი.
აფთიაქში გაცემის წესი
ფარმაცევტული პროდუქტის ჯგუფი III – გაიცემა ურეცეპტოდ.
სად შევიძინოთ?