Plasmon

იხილეთ აფთიაქების ჩამონათვალი

ჰეპათრომბინ G / Hepatrombin G

სავაჭრო დასახელება: ჰეპათრომბინი G

 

საერთაშორისო არაპატენტირებული ან ჯგუფური დასახელება:

ნატრიუმის ჰეპარინი + ლაურომაკროგოლი 400 + პრედნიზოლონი

 

სამკურნალო ფორმა: რექტალური სუპოზიტორიები

 

1 სუპოზიტორიის შემადგენლობა:

მოქმედი ნივთიერებები: ნატრიუმის ჰეპარინი 120 სე (0,667 მგ ნატრიუმის ჰეპარინის აქტივობის დროს 180 სე/მგ), პრედნიზოლონის აცეტატი - 1,675 მგ, ლაურომაკროგოლი 400 - 30,000 მგ;

დამხმარე ნივთიერებები: საშუალო ჯაჭვის ტრიგლიცერიდები, კრემნიუმის დიოქსიდი კოლოიდური, ცხიმი მყარი (Novata B), გლიცერინის ტრისტეარატი.

 

აღწერა: კონუსის ფორმის, თეთრი ფერის, ჰომოგენური სუპოზიტორიები. ჭრილში დასაშვებია ჰაეროვანი ღერძის ან ძაბრისებრი ჩაღრმავების არსებობა.

 

ფარმაკოთერაპიული ჯგუფი: პირდაპირი მოქმედების ანტიკოაგულანტური საშუალება ადგილობრივი გამოყენებისათვის + სხვა პრეპარატები.

ათქ კოდი: C05BA53

 

ფარმაკოლოგიური თვისებები

ფარმაკოდინამიკა

კომბინირებული პრეპარატი ანტითრომბოზული, ანთების საწინააღმდეგო და ვენოსკლეროზული მოქმედებით ადგილობრივი გამოყენებისათვის პროქტოლოგიაში.

ჰეპარინი - პირდაპირი მოქმედების ანტიკოაგულანტი. გარეგანი გამოყენებისას ახდენს ადგილობრივ ანტითრომბოზულ, ანტიექსუდაციურ და ზომიერ ანთების საწინააღმდეგო მოქმედებას; ხელს უწყობს შემაერთებელი ქსოვილის რეგენერაციას; ხელს უშლის სისხლის კოაგულაციას ჰემორაიდულ კვანძებში.

პრედნიზოლონი - გლუკოკორტიკოსტეროიდი, ახდენს ანთების საწინააღმდეგო, ანტიექსუდაციურ და ანტიალერგიულ მოქმედებას, ამცირებს ქავილს, წვის შეგრძნებას, ტკივილს ანორექტალურ არეში.

ლაურომაკროგოლი 400 ახდენს ადგილობრივ საანესთეზიო მოქმედებას და უზრუნველყოფს ჰემოროიდული კვანძების სკლეროზირებას.

ფარმაკოკინეტიკა

ჰეპარინი

ადბსორბციის შემდეგ პლაზმის ცილებთან შეკავშირება შეადგენს 95 %. ქსოვილებიდან გამოიყოფა ნელა ნახევარგამოყოფის პერიოდით დაახლოებით 1 სთ. მოქმედი ნივთიერების 50% რჩება კანზე შეყვანის შემდეგ. გამოყოფის სიჩქარე დამოკიდებულია დოზაზე. აბსორბციის შემდეგ მეტაბოლიზდება ღვიძლში (ნაწილობრივ ფერმენტით ღვიძლის ჰეპარინაზა) და რეტიკულოენდოთელიალურ სისტემაში. 20%–50% გამოიყოფა თირკმელებით უცვლელი სახით და ნაწილობრივ როგორც უროჰეპარინი, სუსტი ანტიკოაგულაციური მოქმედებით. გამოყოფის ხარისხი  დამოკიდებულია დოზაზე  (უფრო დაბალ დოზებს გააჩნიათ უფრო მოკლე ნახევარგამოყოფის პერიოდი პლაზმაში).

პრედნიზოლონი

პრედნიზოლონი აბსორბციის შემდეგ მეტაბოლიზდება ღვიძლში. დაახლოებით 1% გამოიყოფა თირკმელებით უცვლელი სახით. ნახევარგამოყოფის ბიოლოგიური პერიოდი (T1/2) შეადგენს 18-36 სთ, T1/2 კი პლაზმიდან - 115-212 წთ.    

 

გამოყენების ჩვენებები

გარეთა და შიდა ბუასილი;

უკანა ტანის ჰემოროიდული ვენების ტრომბოფლებიტი;

ფისტულები, ეგზემა და ქავილი უკანა ტანის არეში;

ანალური ნახეთქები;

მზადება ოპერაციული ჩარევისათვის ანორექტალურ არეში;

თრომბირებული ან ნაოპერაციები ბუასილის კომპლექსური თერაპიის შემადგენლობაში. 

 

უკუჩვენებები

მომატებული მგრძნობელობა პრეპარატის კომპონენტების მიმართ;

კანის ბაქტერიული, ვირუსული, სოკოვანი დაზიანებები;

ტუბერკულოზი;

სიფილისი;

კანის სიმსივნე (ანორექტალური ზონის);

სისხლდენებისადმი მიდრეკილება;

რეაქცია ვაქცინაციაზე;

ორსულობის I  ტრიმესტრი;

12 წლამდე საბავშვო ასაკი. 

 

სიფრთხილით:

ორსულობის მეორე და მესამე ტრიმესტრები, ლაქტაციის პერიოდი.

 

გამოყენება ორსულობის და ძუძუთი კვების პერიოდში:

გამოყენება ორსულობის I ტრიმესტრში - უკუნაჩვენებია. ორსულობის მეორე და მესამე ტრიმესტრებში და ლაქტაციის პერიოდში - გამოიყენება სუფრთხილით, როდესაც მოსალოდნელი სარგებელი ქალისთვის აღემატება შესაძლო რისკს ნაყოფისთვის და მეძუძური ბავშვისთვის.

გამოყენების წესი და დოზირება:

რექტალურად, სუპოზიტორიები შეყავთ 1-2 ჯერ დღეში სწორ ნაწლავში დეფეკაციის შემდეგ.

 

გვერდითი მოქმედება:

სისტემური რეაქციები: ალერგიული რეაქციები, კანის ჰიპერემია.

ხანგრძლივი გამოყენებისას და/ან დიდ ფართობზე დატანებისას შესაძლებელია სისტემური გვერდითი რეაქციები: ნახეთქების რეგენერაციის პროცესების შენელება, შეშუპებები.

 

ჭარბი დოზირება:

არ არის გამოვლენილი.

 

ურთიერთქმედება სხვა სამკურნალო საშუალებებთან:

ურთიერთქმედება სხვა სამკურნალო საშუალებებთან არ არის გამოვლენილი. არ არის რეკომენდირებული ერთდროულად გამოყენება სხვა პრეპარატებთან რექტალური გამოყენებისათვის.

 

განსაკუთრებული მითითებები:

ისევე, როგორც ყველა სხვა კორტიკოსტეროიდებით მკურნალობისას, საჭიროა სიფრთხილის დაცვა, არ გამოიყენოთ პრეპარატი დიდი რაოდენობით ან ხანგრძლივი დროის განმავლობაში.

სამკურნალო საშუალების ზეგავლენის თავისებურებანი სატრანსპორტო საშუალების ან პოტენციურად სახიფათო მექანიზმების მართვის უნარზე

პრეპარატი არ მოქმედებს ავტოტრანსპორტის ან პოტენციურად სახიფათო მექანიზმების მართვის უნარზე.

გამოშვების ფორმა:

რექტალური სუპოზიტორიები 120 სე + 30 მგ + 1,675 მგ.

5 სუპოზიტორია პოლიეთილენით ლამინირებულ პოლივინილქლორიდის ფირის ბლისტერში.

2 ბლისტერი სამკურნალო პრეპარატის სამედიცინო გამოყენების ინსტრუქციასთან ერთად მუყაოს კოლოფში.

შენახვის პირობები:

15-დან 25°C-მდე ტემპერატურაზე.

ინახება ბავშვებისათვის მიუწვდომელ ადგილას.

ვარგისობის ვადა:

3 წელი.

არ გამოიყენოთ შეფუთვაზე მითითებული ვარგისიანობის ვადის ამოწურვის შემდეგ. 

გაცემის პირობები:

ფარმაცევტული პროდუქტის ჯგუფი III, გაიცემა რეცეპტის გარეშე.

 

სად შევიძინოთ?