Plasmon

იხილეთ აფთიაქების ჩამონათვალი

ჰიპოთიაზიდი / HYPOTHIAZID

შემადგენლობა
1 ტაბლეტი შეიცავს:
აქტიურ ნივთიერებას: ჰიდროქლოროთიაზიდს – 25 მგ ან 100 მგ;
დამხმარე ნივთიერებებს: მაგნიუმის სტეარატს, ტალკს, ჟელატინს, სიმინდის სახამებელს, ლაქტოზას მონოჰიდრატს.

სამკურნალო ფორმა: ტაბლეტები.
ათქ კოდი: C03AA03.

ფარმაკოთერაპიული ჯგუფი
იპოთიაზიდი® არის დიურეზული საშუალება (შარდმდენი საშუალება), რომელიც აქვეითებს არტერიულ წნევას. შარდთან ნატრიუმის გამოყოფის გაზრდა აღინიშნება პრეპარატის მიღებიდან 2 საათის შემდეგ, სრული აბსორბცია აღინიშნება 4 საათის შემდეგ. პრეპარატის მოქმედება გრძელდება 6-12 საათი. ჰიპოთიაზიდი® გამოიყოფა უპირატესად შეუცვლელი სახით, შარდთან ერთად. იგი აღწევს პლაცენტაში და გამოიყოფა დედის რძეში. 

ჩვენება
ჰიპოთიაზიდი® რეკომენდებულია გულის, თირკმლის ან ღვიძლის დაავადებით გამოწვეული შეშუპების, წინამენსტრაუალური შეშუპებისა და კორტიკოსტეროიდული ჰორმონებით და ესტროგენებით ჩატარებული თერაპიით გამოწვეული შეშუპების სამკურნალოდ. პრეპარატის გამოყენება რეკომენდებულია ჰიპერტენზიის სამკურნალოდ მონოთერაპიის სახით ან სხვა ჰიპოტენზიურ საშუალებებთან კომბინაციაში. 
ჰიპოთიაზიდი® რეკომენდებულია პოლიურიის სამკურნალოდ თირკმლისმიერ შეძენილ უშაქრო დიაბეტის დროს ჰიპერკალციურიის შესასუსტებლად (შარდში კალციუმის შემცველობის ძლიერი მომატება). 

უკუჩვენება
ჰიპოთიაზიდი® უკუნაჩვენებია შემდეგ შემთხვევებში:
• ალერგია ჰიდროქლოროთიაზიდის (პრეპარატის მოქმედი ნივთიერება) ან სულფონამიდის სხვა წარმოებულების მიმართ;
• ანურია, თირკმლის ან ღვიძლის მძიმე უკმარისობა (კრეატინინის კლირენსი 30 მლ/წთ დაბალი);
• ძუძუთი კვების პერიოდი.

სიფრთხილის ზომები
ჰიპოთიაზიდის® მიღებამდე აცნობეთ თქვენს ექიმს, თუ თქვენ დაავადებული ხართ გულის, თირკმელების, ღვიძლის დაავადებებით, გაქვთ თავის ტვინის მძიმე სკლეროზი, შაქრიანი დიაბეტი ან პოდაგრა. პრეპარატის მიღებამდე აცნობეთ თქვენს ექიმს, თუ იღებთ საგულე გლიკოზიდებს, კორტიკოსტეროიდებს ან ბარბიტურატებს. 
ჰიპოთიაზიდით® მკურნალობის დროს შეიძლება განვითარდეს სითხისა და ელექტროლიტური ბალანსის დარღვევა, რომელიც გამოვლინდება შემდეგი სიმპტომებით: სიმშრალე პირის ღრუში, წყურვილის გრძნობა, სისუსტე, ძილიანობა, მოუსვენრობა, კუნთების სპაზმი ან ტკივილი, კუნთების დაღლა, არტერიული წნევის დაქვეითება, შარდის გამოყოფის შემცირება, გახშირებული გულისცემა და საჭმლის მონელების დარღვევა. რეკომენდებულია კალიუმის დანამატების ან კალიუმით მდიდარი საკვების მიღება, მაგალითად, ხილისა და ბოსტნეულის, რათა თავიდან ავიცილოთ სისხლში კალიუმის დონის დაქვეითება. ღებინების ან თირკმელების მოქმედების გაუარესების შემთხვევაში დაუყოვნებლივ მიმართეთ ექიმს!    
ლაქტოზის აუტანლობის მქონე პაციენტებში პრეპარატმა შეიძლება გამოიწვიოს საჭმლის მონელების დარღვევა.
ზემოქმედება ავტომობილის მართვის და ყურადღების კონცენტრაციის უნარზე
მკურნალობის დასაწყისში თავი შეიკავეთ ავტომობილის მართვისაგან და ისეთი სამუშაოს შესრულებისაგან, რომელიც საჭიროებს ყურადღების კონცენტრაციას. ამ პერიოდის ხანგრძლივობა განისაზღვრება ექიმის მიერ. 

ორსულობა და ძუძუთი კვების პერიოდი 
ჰიპოთიაზიდის® მიღებამდე აცნობეთ თქვენს ექიმს, თუ ხართ ორსულად. ოსრულობის პერიოდში პრეპარატი გამოიყენება მხოლოდ აუცილებლობის შემთხვევაში და ექიმის მითითებით. ჰიპოთიაზიდი® გამოიყოფა დედის რძეში, ამიტომ, თუ პრეპარატის მიღება აუცილებელია, შეწყვიტეთ ძუძუთი კვება.

ურთიერთქმედება სხვა სამკურნალო საშუალებებთან
პრეპარატის მიღებამდე აცნობეთ თქვენს ექიმს ყველა სამკურნალო საშუალების შესახებ, რომელსაც იღებთ. აცნობეთ ექიმს, თუ იღებთ შემდეგ სამკურნალო საშუალებებს: ჰიპერტენზიურ პრეპარატებს, საგულე გლიკოზიდებს, ამიოდარონს, ორალურ ანტიდიაბეტურ პრეპარატებს, კორტიკოსტეროიდულ პრეპარატებს, კალციტონინს, არასტეროიდულ ანთების საწინააღმდეგო საშუალებებს, კუნთების არადეპოლარიზაციულ რელაქსანტებს, ამანტადინს, ქოლესტირამინს. 
ჰიპოთიაზიდისა® და ლითიუმის მარილების ერთდროულად მიღება რეკომენდებული არ არის. 
ჰიპოთიაზიდის® ალკოჰოლთან და ნარკოტიკულ საშუალებებთან ერთდროულად მიღება რეკომენდებული არ არის, რადგან ისინი აძლიერებენ არტერიული წნევის დაქვეითებას ჰორიზონტალურიდან ვერტიკალურ მდგომარეობაში გადასვლისას. 

გამოყენების წესი და დოზები
მოზრდილები: შეშუპებისას რეკომენდებული საწყისი დოზა შეადგენს 25-100 მგ-ს ერთხელ დღე-ღამეში ან ყოველი 2 დღის შემდეგ. მენსტრუალური შეშუპებისას რეკომენდებული დოზა შეადგენს 25 მგ-ს დღე-ღამეში და იგი მიიღება შეშუპების გამოვლენისთანავე მენსტრუაციის დაწყებამდე. 
ჰიპერტენზიის სამკურნალოდ რეკომენდებული დოზა შეადგენს 25-100 მგ-ს ერთხელ დღე-ღამეში მონოთერაპიის სახით ან სხვა ჰიპოტენზიურ საშუალებებთან კომბინაციაში. 
თირკმლისმიერ შეძენილ უშაქრო დიაბეტის დროს რეკომენდებულია 50-150 მგ სადღეღამისო დოზის განაწილება რამდენიმე მიღებაზე. 
ბავშვები: რეკომენდებული დოზა შეადგენს 1-2 მგ სხეულის მასის კილოგრამზე ერთხელ დღე-ღამეში. არ გადააჭარბოთ ექიმის მიერ დანიშნული დოზა!
მკურნალობის კურსის ხანგრძლივობას განსაზღვრავს ექიმი.

ჭარბი დოზა
თუ თქვენ შემთხვევით მიიღეთ ზედმეტი ტაბლეტები დაუყოვნებლივ მიმართეთ ექიმს ან უახლოესი საავადმყოფოს ტოქსიკოლოგიურ განყოფილებას. ჰიპოთიაზიდის® ჭარბი დოზით მიღებისას ხდება ორგანიზმის მიერ სითხისა და მარილების დაკარგვა. დოზის გადაჭარბების სიმპტომებია: გახშირებული გულისცემა, არტერიული წნევის დაქვეითება, შოკი, სისუსტე, გონების არევა, თავბრუსხვევა, წვივ-ტერფის კუნთის  სპაზმი, კიდურების დაბუჟება, დაღლილობა, გონების დაკარგვა. შეიძლება გამოვლინდეს გულისრევა, ღებინება, წყურვილის გრძნობა, შარდის გამოყოფის შემცირება.
დოზის გამოტოვება. დოზის გამოტოვების შემთხვევაში მიიღეთ შემდეგი დოზა ჩვეულებრივ დანიშნულ დროს. გამოტოვებული დოზის საკომპენსაციოდ ორმაგი დოზის მიღება არ შეიძლება.

გვერდითი მოვლენები
როგორც ყველა სხვა სამკურნალო საშუალებას, ჰიპოთიაზიდსაც® ახასიათებს გვერდითი მოვლენები. ჰიპოთიაზიდის® მიღებისას შეიძლება აღინიშნოს ჰიპოკალიემია, ჰიპომაგნიემია, ჰიპერკალციემია და ჰიპოქლორემია, ალკალოზი, რომლებიც გამოვლინდება შემდეგი სიმპტომებით: სიმშრალე პირის ღრუში. წყურვილის გრძნობა, არითმიები, ხასიათის შეცვლა, კუნთების სპაზმი და ტკივილი, გულისრევა, ღებინება, დაღლილობა ან სისუსტე. 
იშვიათად შეილება გამოვლინდეს: ჰიპონატრიემია (გონების არევა, კრუნჩხვა, აზროვნების შენელება, დაღლილობა, აგზნება, კუნთების სპაზმი), ჰიპერგლიკემია, გლუკოზურია, ჰიპერურიკემია და პოდაგრის შეტევა.
ჰიპოთიაზიდის® მიღებამ შეიძლება დაარღვიოს გლუკოზის ამტანობა, ამის გამო სისხლის შრატში შეიძლება გაიზარდოს შაქრის დონე. პრეპარატის მაღალი დოზებით მიღებისას სისხლის შრატში შეიძლება გაიზარდოს ლიპიდების შემცველობა. 
შეიძლება გამოვლინდეს ქოლეცისტიტი ან პანკრეატიტი, ქოლესტაზური სიყვითლე, დიარეა, შეკრულობა, ანორექსია; ორტოსტატული ჰიპოტენზია, ვასკულიტი; თავბრუსხვევა, დროებითი არამკვეთრი მხედველობა, თავის ტკივილი, პარესთეზია. ძალიან იშვიათად შეილება აღინიშნოს ლეიკოპენია, აგრანულოციტოზი, თრომბოციტოპენია, ჰემოლიზური ანემია, აპლასტიური ანემია. პრეპარატის მიმართ მომატებული მგრძნობელობის შემთხვევაში შეიძლება აღინიშნოს ჭინჭრის ციება, პურპურა, ნეკროზული ვასკულიტი, სტივენს-ჯონსონის სინდრომი, რესპირატორული დისტრესის სინდრომი (პნევმონიტის და ფილტვების არაკარდიოგენური შეშუპება), მომატებული ფოტომგრძნობელობა, ანაფილაქსიური რეაქციები, შოკი. 
შეიძლება აღინიშნოს სქესობრივი ფუნქციის დაქვეითება, თირკმელების ფუნქციის დაქვეითება.
იმ შემთხვევაში, თუ რომელიმე გვერდითი მოვლენა გაგირთულდათ ან გაგიუარესდათ ჯანმრთელობის მდგომარეობა, პრეპარატით მკურნალობის გაგრძელების შესახებ კონსულტაციისათვის მიმართეთ ექიმს.

ვარგისიანობის ვადა
პრეპარატის ვარგისიანობის ვადა შეადგენს 5 წელს. არ გამოიყენება ბლისტერზე ან მუყაოს კოლოფზე მითითებული ვადის გასვლის შემდეგ!

შენახვის პირობები
პრეპარატი ინახება არა უმეტეს 25˚С ტემპერატურაზე, სინათლისაგან დაცულ ადგილას. პრეპარატი შეინახეთ ბავშვებისათვის მიუწვდომელ ადგილას!

შეფუთვა
20 ტაბლეტი ალუმინის პვქ ბლისტერში. 1 ბლისტერი და გამოყენების ინსტრუქცია მოტავსებულია მუყაოს კოლოფში. 

გაცემის პირობა
რეცეპტით.


სად შევიძინოთ?