ლოპიგროლი / LOPIGROL
- საერთაშორისო დასახელება (აქტიური ნივთიერება): clopidogrel
- კლინიკურ-ფარმაკოლოგიური ჯგუფი: ჰემოსტაზი → ანტითრომბოზული და შედედების საწინააღმდეგო საშუალებები → ანტიაგრეგანტები
- მწარმოებელი კომპანია: World Medicine ilac san ve tic as
- მწარმოებელი ქვეყანა: თურქეთი
- გამოშვების ფორმა: 75მგ ტაბლეტი №14
- გაცემის რეჟიმი: II ჯგუფი (გაიცემა ფორმა N3 რეცეპტით)
საერთაშორისო არაპატენტირებული დასახელება
კლოპიდოგრელი, Clopidogrel
წამლის ფორმა
აპკიანი გარსით დაფარული ტაბლეტები.
აღწერილობა: მრგვალი, ორმხრივამოზნექილი, ღია-ვარდისფერი ფერის აპკიანი გარსით
შემადგენლობა
აპკიანი გარსით დაფარული ტაბლეტი შეიცავს:
აქტიური ნივთიერება: კლოპიდოგრელი (კლოპიდოგრელის ბისულფატის ფორმით) 75 მგ.
დამხმარე ნივთიერებები: ჰიდროქსიპროპილცელულოზა, მანიტი 400, მიკროკრისტალური ცელულოზა, მაკროგოლი 6000, აბუსალათინის ზეთი ჰიდროგენიზირებული.
გარსის შემადგენლობა: ოპადრიÒ II ვარდისფერი 85F240091 (პოლივინილის სპირტი ნაწილობრივ ჰიდროლიზებული, ტიტანის დიოქსიდი, პოლიეთილენგლიკოლი, ტალკი, რკინის ოქსიდი წითელი).
პრეპარატის ათქ კოდი B01AC04
ფარმაკოთერაპიული ჯგუფი
სისხლის სისტემასა და სისხლმბად ორგანოებზე მოქმედი საშუალებები. ანტითრომბოზული საშუალებები. თრომბოციტების აგრეგაციის ინჰიბიტორები, ჰეპარინის გარდა.
ფარმაკოლოგიური თვისებები
ფარმაკოდინამიკა
კლოპიდოგრელი წარმოადგენს პროწამალს, მისი ერთი-ერთი აქტიური მეტაბოლიტი არის თრომბოციტების აგრეგაციის ინჰიბიტორი. აქტიური მეტაბოლიტი, რომელიც წარმოიქმნება კლოპიდოგრელის ბიოტრანსფორმაციის შედეგად ციტოქრომ P450 სისტემის ფერმენტების მონაწილეობით, ის სელექციურად უშლის ხელს ადენოზინდიფოსფატის (ადფ) შეკავშირებას თრომბოციტების რეცეპტორებთან (P2Y12), და ამით, აინჰიბირებს IIb/IIIa გლიკოპროტეინის კომპლექსის ადფ-განპირობებულ შემდგომ აქტივაციას და თრომბოციტების აგრეგაციას. P2Y12 რეცეპტორების შეუქცევადი ბლოკადის გამო, თრომბოციტები კარგავენ თავის ფუნქციას სიცოცხლის დარჩენილი ვადის განმავლობაში (დაახლოებით 7-10 დღე), ხოლო თრომბოციტების ნორმალური ფუნქციის აღდგენა ხდება იმ სიჩქარით, რომელიც მათი განახლების სიჩქარის შესაბამისია. ასევე თრომბოციტების აქტივაციის გაძლიერების პროცესის დათრგუნვის ხარჯზე, გამონთავისუფლებული ადფ-ის მიერ ხდება თრომბოციტების აგრეგაციის ინჰიბირება მაშინ, როდესაც ეს ადფ-ისაგან განსხვავებული აგონისტებით არის განპირობებული.
ვინაიდან აქტიური მეტაბოლიტი წარმოიქმნება ციტოქრომ P450 სისტემის იზოფერმენტების მონაწილეობით, რომლებსაც გენეტიკური პოლიმორფიზმი გააჩნიათ ან შეიძლება დაითრგუნონ სხვა სამკურნალო საშუალებებით, თრომბოციტების აგრეგაციის ადექვატური ინჰიბირება შეიძლება ყველა პაციენტში არ გამოვლინდეს.
კლოპიდოგრელის ყოველდღიური გამოყენებისას დოზით 75 მგ პირველივე დღიდან აღინიშნება თრომბოციტების ადფ-განპირობებული აგრეგაციის პროცესის გამოხატული დათრგუნვა, სტაბილური მდგომარეობა 3-7 დღის განმავლობაში მიიღწევა. სტაბილურ მდგომარეობაში თრომბოციტების აგრეგაციის ხარისხი საშუალოდ მცირდება 40-60%-ით კლოპიდოგრელის გამოყენებისას დოზით 75 მგ დღეში. კლოპიდოგრელის შეწყვეტის შემდეგ, საშუალოდ 5 დღის განმავლობაში სისხლდენის ხანგრძლივობის დროის და თრომბოციტების აგრეგაციის მაჩვენებლები თანდათანობით საწყის დონეს უბრუნდებიან.
ფარმაკოკინეტიკა
შეწოვა
როგორც ერთჯერადი, ასევე მრავალჯერადი პერორალური დოზების მიღებისას (75 მგ/დღეში) კლოპიდოგრელი სწრაფად შეიწოვება კუჭ-ნაწლავის ტრაქტში. კლოპიდოგრელის მაქსიმალური კონცენტრაცია (Cmax) სისხლის პლაზმაში დაახლოებით 45 წუთის შემდეგ მიიღწევა (დაახლოებით 2,2-2,5 ნგ/მლ 75 მგ ერთჯერადი დოზის პერორალური მიღების შემდეგ). შეწოვის ხარისხი სულ მცირე 50%-ს შეადგენს (შარდში კლოპიდოგრელის მეტაბოლიტების ექსკრეციის მონაცემების საფუძველზე).
განაწილება
In vitro კლოპიდოგრელი და მისი სისხლში მოცირკულირე ძირითადი (არააქტიური) მეტაბოლიტი შექცევადად უკავშირდება პლაზმის ცილებს (შესაბამისად 98% და 94%). In vitro შეკავშირების პროცესი ხასიათდება გაჯერების არარსებობით კონცენტრაციების ფართო დიაპაზონში.
ბიოტრანსფორმაცია
კლოპიდოგრელი ინტენსიურად მეტაბოლიზდება ღვიძლში. კლოპიდოგრელის in vitro და in vivo ბიოტრანსფორმაცია ორი გზით ხორციელდება: პირველი - ესთერაზებით განპირობებული ჰიდროლიზის კარბოქსილური მჟავას არააქტიური წარმოებულის წარმოქმნით (მოცირკულირე მეტაბოლიტების 85%), მეორე - ციტოქრომ P450 სისტემის იზოფერმენტებით განპირობებული მეტაბოლიზმით. თავიდან წარმოიქმნება შუალედური მეტაბოლიტი 2-ოქსო-კლოპიდოგრელი, შემდეგ მისგან წარმოიქმნება აქტიური მეტაბოლიტი - კლოპიდოგრელის თიოლის წარმოებული. აღნიშნულ მეტაბოლურ რეაქციებში უპირატესად მონაწილეობს CYP2C19, ასევე CYP1A2, CYP2B6 და CYP3A4. In vitro გამოყოფილი აქტიური თიოლის მეტაბოლიტი, სწრაფად და შეუქცევადად უკავშირდება თრომბოციტების რეცეპტორებს, და ამით აინჰიბირებს თრომბოციტების აგრეგაციას.
აქტიური მეტაბოლიტის Сmax მიიღწევა კლოპიდოგრელის დატვირთვის დოზის მიღებიდან 30-60 წუთის განმავლობაში და ორჯერ აღემატება Сmax-ს, რომელიც მიიღწევა კლოპიდოგრელის 4 დღიანი მიღების შემდეგ შემანარჩუნებელი დოზით 75 მგ/დღეში.
გამოყოფა
კლინიკურ კვლევებში რადიოაქტიური მარკირების (14С-იზოტოპი) გამოყენებისას დადგინდა რომ კლოპიდოგრელის პერორალური მიღებიდან 120 საათის განმავლობაში მიღებული დოზის დაახლოებით 50% გამოიყოფა შარდთან ერთად და 45% კუჭ-ნაწლავის გზით. 75 მგ პერორალური დოზის ერთჯერადი მიღების შემდეგ კლოპიდოგრელის ნახევრად დაშლის პერიოდი დაახლოებით 6 საათს შეადგენს, სამკურნალო საშუალების ერთჯერადი და მრავალჯერადი გამოყენებისას, სისხლში მოცირკულირე მისი ძირითადი არააქტიური მეტაბოლიტის ნახევრად დაშლის პერიოდი 8 საათს შეადგენს.
ფარმაკოგენეტიკა
CYP2C19 მონაწილეობს კლოპიდოგრელის როგორც აქტიური მეტაბოლიტის, ასევე მისი შუალედური მეტაბოლიტის 2-ოქსი-კლოპიდოგრელის წარმოქმნაში. კლოპიდოგრელის აქტიური მეტაბოლიტის ფარმაკოკინეტიკური პარამეტრები და ანტიაგრეგაციული ეფექტი (თრომბოციტების აგრეგაციის შესწავლისას ex vivo) მერყეობს გენოტიპის მიხედვით, რომელიც განაპირობებს CYP2C19-ს აქტივობას.
CYP2C19*1 ალელის არსებობისას აღინიშნება იზოფერმენტის ნორმალური ფუნქციური აქტივობა, ალელები CYP2C19*2 და CYP2C19*3 განაპირობებენ ფუნქციური აქტივობის არარსებობას იზოფერმენტში. CYP2C19*2 და CYP2C19*3 ალელები შეადგენენ იმ ალელების უმრავლესობას, რომლებიც ციტოქრომ P450 სისტემის იზოფერმენტების დაბალ აქტივობას განაპირობებენ, ევროპულ (85%) და მონღოლოიდური (99%) რასის წარმომადგენლების „ნელ“ მეტაბოლიზატორებში. სხვა ალელები, რომლებიც განაპირობებენ იზოფერმენტის ფუნქციური აქტივობის შემცირებას ან მის არარსებობას, გვხვდება უფრო იშვიათად და მოიცავს CYP2C19*4, *5, *6, *7 და *8-ს. პაციენტებს „ნელი მეტაბოლიზატორების“ სტატუსით ექნება ზემოთ აღნიშნული ორი ალელი, რომელიც იზოფერმენტის ფუნქციური აქტივობის შემცირებას განაპირობებენ. გამოქვეყნებული მონაცემების თანახმად, CYP2C19-თან მიმართებაში „ნელი“ მეტაბოლიზატორების გენოტიპის მქონე პირების სიხშირე ევროპულ რასაში შეადგენს 2%-ს, ნეგროიდულ რასაში 4%-ს და ჩინელებში 14%-2. იზოფერმენტ CYP2C19 გენოტიპის დასადგენად შესაბამისი ტესტები არსებობს.
პაციენტების განსაკუთრებული ჯგუფები
კლოპიდოგრელის აქტიური მეტაბოლიტის ფარმაკოკინეტიკა პაციენტების ქვემოთ მოცემულ კატეგორიში შესწავლილი არ არის.
პაციენტები თირკმლის ფუნქციის დარღვევებით
კლოპიდოგრელის მრავალჯერადი მიღებისას დოზით 75 მგ დღეში თირკმლის მძიმე უკმარისობის მქონე პაციენტებში (კრეატინინის კლირენსი 5-15 მლ/წთ) ადფ-განპირობებული თრომბოციტების აგრეგაციის ინჰიბირების ხარისხი უფრო დაბალი იყო (25%), ვიდრე ჯანმრთელ პირებში, რომლებიც კლოპიდოგრელის ანალოგიურ დოზას ღებულობდნენ, ამასთან სისხლდენის ხანგრძლივობა ორივე ჯგუფში იყო ერთნაირი. ასევე ყველა პაციენტში კლოპიდოგრელის მიღება კარგი ტოლერანტობით ხასიათდებოდა.
პაციენტები ღვიძლის ფუნქციის დარღვევებით
კლოპიდოგრელის მიღებისას დოზით 75 მგ დღეში 10 დღის განმავლობაში ღვიძლის მძიმე უკმარისობის მქონე პაციენტებში, ადფ-განპირობებული თრომბოციტების აგრეგაციის ინჰიბირების ხარისხი ისეთივე იყო, რაც ჯანმრთელ პირებში. სისხლდენის ხანგრძლივობის საშუალო მაჩვენებლები ორივე ჯგუფში მსგავსი იყო.
რასობრივი კუთვნილება
CYP2C19 ალელების გავრცელების სიხშირე, რითაც განპირობებულია იზოფერმენტის ფუნქციური აქტივობის შემცირება, მერყეობს რასობრივ/ეთნიკური კუთვნილების მიხედვით. მისი კლინიკური მნიშვნელობის შესაფასებლად, CYP2C19 გენოტიპირებასთან მიმართებაში მონღოლოიდური პოპულაციის შესახებ არსებული ლიტერატურული მონაცემები შეზღუდულია.
გამოყენების ჩვენებები
პრეპარატი გამოიყენება მხოლოდ მოზრდილ პაციენტებში.
ათეროთრომბოზული გართულებების მეორადი პროფილაქტიკა:
პაციენტებში მიოკარდიუმის ინფარქტით (რამდენიმე დღიდან 35 დღემდე ხანდაზმულობის ვადით), იშემიური ინსულტით (7 დღიდან 6 თვემდე ხანდაზმულობის ვადით) ან პერიფერიული არტერიების დიაგნოსტირებული დაავადებით;
პაციენტებში მწვავე კორონარული სინდრომით:
ST სეგმენტის ელევაციის გარეშე (არასტაბილური სტენოკარდია ან მიოკარდიუმის ინფარქტი Q კბილის გარეშე) - იმ პაციენტების ჩათვლით, რომლებსაც კორონარული ჩარევის შემდეგ ჩაუტარდათ სტენტირება, აცეტილსალიცილის მჟავასთან კომბინაციაში;
ST სეგმენტის ელევაციით (მიოკარდიუმის მწვავე ინფარქტი) - პაციენტებში, რომლებიც მედიკამენტოზურ თერაპიას იტარებენ, თრომბოლიზური თერაპიის ჩატარების შესაძლებლობისას აცეტილსალიცილის მჟავასთან კომბინაციაში.
ათეროთრომბოზული და თრომბოემბოლიური გართულებების პროფილაქტიკა, ინსულტის ჩათვლით, წინაგულების ფიბრილაციების დროს
პაციენტებში წინაგულების ფიბრილაციით და სისხლდენების განვითარების დაბალი რისკით, რომლებსაც სისხლძარღვოვანი გართულებების განვითარების სულ მცირე ერთი რისკ-ფაქტორი აქვთ და რომლებშიც უკუნაჩვენებია K ვიტამინის ანტაგონისტების დანიშვნა, კლოპიდოგრელი გამოიყენება კომბინაციაში აცეტილსალიცილის მჟავასთან.
მიღების წესი და დოზები
დოზირება
მოზრდილები და ხანდაზმული პაციენტები
კლოპიდოგრელი მიიღება დოზით 75 მგ დღეში ერთხელ.
პაციენტები მწვავე კორონარული სინდრომი:
ST სეგმენტის ელევაციის გარეშე (არასტაბილური სტენოკარდია ან მიოკარდიუმის ინფარქტი Q კბილის გარეშე)
მკურნალობა უნდა დაიწყოს კლოპიდოგრელის ერთჯერადი დატვირთვის დოზით 300 მგ დღეში, ხოლო შემდეგ გაგრძელდეს 75 მგ დოზით დღეში ერთხელ (აცეტილსალიცილის მჟავასთან (ასმ) კომბინაციაში დოზით 75-325 მგ დღეში). ასმ გამოყენება > 100 მგ დოზებით რეკომენდებული არ არის, ვინაიდან ამ დროს იზრდება სისხლდენების განვითარების რისკი. მკურნალობის ოპტიმალური ხანგრძლივობა ფორმალურად დადგენილი არ არის. კლინიკური კვლევების მონაცემები ცხადჰყოფს 12 თვის განმავლობაში თერაპიის აღნიშნული სქემის გამოყენების ეფექტურობას, მაქსიმალური დადებითი ეფექტი 3 თვის შემდეგ აღინიშნებოდა;
ST სეგმენტის ელევაციით (მიოკარდიუმის მწვავე ინფარქტი) - მკურნალობა უნდა დაიწყოს კლოპიდოგრელის დატვირთვის დოზით 300 მგ და შემდეგ გაგრძელდეს დოზით 75 მგ დღეში ერთხელ ასმ-სთან კომბინაციაში თრომბოლიზური საშუალებების გამოყენებით ან მათ გარეშე. 75 წელს ზემოთ პაციენტებში კლოპიდოგრელის დატვირთვის დოზის გამოყენება არ შეიძლება. კომბინირებული თერაპია სიმპტომების გამოვლენისთანავე უნდა დაიწყოს და სულ მცირე 4 კვირა გაგრძელდეს. კლოპიდოგრელის ეფექტურობა ასმ-თან კომბინაციაში მკურნალობის ოთხი კვირის შემდეგ აღნიშნული ჩვენების პირობებში შესწავლილი არ არის.
პაციენტები წინაგულების ფიბრილაციით:
კლოპიდოგრელის გამოყენება შეიძლება დღეში ერთხელ დოზით 75 მგ ასმ-თან კომბინაციაში (75-100 მგ დღეში).
მორიგი დოზის გამოტოვება:
თუ შემდეგი დოზის გამოტოვებიდან გასულია არა უმეტეს 12 საათისა, პაციენტმა სასწრაფოდ უნდა მიიღოს გამოტოვებული დოზა, ხოლო შემდეგი დოზა მიიღოს მკურნალობის სქემის მიხედვით ჩვეულ დროს;
თუ მომდევნო დოზის გამოტოვებიდან გასულია 12 საათზე მეტი, პაციენტმა პრეპარატის შემდეგი დოზა უნდა მიიღოს მკურნალობის სქემის მიხედვით. არ შეიძლება მისი გაორმაგება.
ბავშვები
არ შეიძლება კლოპიდოგრელის გამოყენება ბავშვებში, ვინაიდან მისი გამოყენების ეფექტურობა პაციენტების აღნიშნულ კატეგორიაში დადგენილი არ არის.
პაციენტები თირკმლის ფუნქციის დარღვევებით
თირკმლის ფუნქციის დარღვევების მქონე პაციენტებში კლოპიდოგრელის გამოყენების კლინიკური გამოცდილება შეზღუდულია.
პაციენტები ღვიძლის ფუნქციის დარღვევებით
ღვიძლის ფუნქციის ზომიერად გამოხატული დარღვევების მქონე პაციენტებში, რომლებშიც შესაძლებელია ჰემორაგიული დიათეზი, კლოპიდოგრელის გამოყენების კლინიკური გამოცდილება შეზღუდულია.
მიღების წესი
ტაბლეტები მიიღება პერორალურად საკვებისაგან დამოუკიდებლად.
უკუჩვენებები
ჰიპერმგრძნობელობა აქტიური ნივთიერების ან ნებისმიერი დამხმარე ნივთიერების მიმართ;
ღვიძლის მძიმე დარღვევები;
მწვავე პათოლოგიური სისხლდენა, მაგალითად კუჭის ან თორმეტგოჯა ნაწლავის წყლულოვანი დაავადების ან ქალაშიდა სისხლჩაქცევის დროს.
არასასურველი რეაქციები
არასასურველი რეაქციები, რომელთა შესახებ ინფორმაცია სხვადასხვა წყაროებიდან არის მიღებული (კლინიკური კვლევები და პოსტმარკეტინგული გამოცდილება), მოცემულია ქვემოთ სისტემურ-ორგანული კლასის მიხედვით (MedDRA). ყოველი კატეგორიის ფარგლებში გვერდითი მოვლენები კლასიფიცირდება სიხშირის მიხედვით და წარმოდგენილია მათი კლებით.
არასასურველი რეაქციების სიხშირის პარამეტრები წარმოდგენილია შემდეგნაირად: ძალიან ხშირი (≥ 1/10); ხშირი (≥ 1/100; < 1/10); არახშირი (≥ 1/1000; < 1/100); იშვიათი (≥ 1/10000; < 1/1000); ძალიან იშვიათი (< 1/10000); სიხშირე უცნობია (არსებულით მონაცემებით სიხშირე ვერ ფასდება). სიხშირის თითოეული ჯგუფის ფარგლებში არასასურველი რეაქციები წარმოდგენილია მათი სიმძიმის კლების მიხედვით.
უსაფრთხოების პროფილის მოკლე მიმოხილვა
სისხლდენა არის ყველაზე ხშირი არასასურველი რეაქცია, რომლის შესახებ ნაჩვენებია, როგორც კლინიკური კვლევებიდან, ასევე პოსტმარკეტინგულ პერიოდში, ის ძირითადად მკურნალის პირველი თვის განმავლობაში აღინიშნებოდა.
სისხლისა და ლიმფური სისტემის მხრივ: არახშირი - თრომბოციტოპენია, ლეიკოპენია, ეოზინოფილია; იშვიათი - ნეიტროპენია, მძიმე ნეიტროპენიის ჩათვლით; ძალიან იშვიათი - თრომბოზული თრომბოციტოპენიური პურპურა, აპლასტიური ანემია, პანციტოპენია, აგრანულოციტოზი, მძიმე თრომბოციტოპენია, შეძენილი ჰემოფილია A, გრანულოციტოპენია, ანემია.
გულის მხრივ: სიხშირე უცნობია - კოუნისის სინდრომი (ალერგიული ვაზოსპასტიური სტენოკარდია/მიოკარდიუმი ალერგიული ინფარქტი) ჰიპერმგრძნობელობის რეაქციის კონტექსტში, რომელიც გამოწვეული იყო კლოპიდოგრელის მიღებით.
იმუნური სისტემის მხრივ: სიხშირე უცნობია - შრატის დაავადება, ანაფილაქტოიდური რეაქციები, თიენოპირიდინებზე (მაგ. ტიკლოპიდინი, პრასუგრელი) ჰიპერმგრძნობელობის ჯვარედინი რეაქციები, აუტომინური ინსულინური სინდრომი, რომელსაც შეიძლება თან ახლდეს მძიმე ჰიპოგლიკემია, განსაკუთრებით HLA სისტემით (ადამიანის ლეიკოციტური ანტიგენების სისტემა) DRA4 ალელების მქონე პაციენტებში (უმთავრესად იაპონელებში).
ფსიქიკის დარღვევები: ძალიან იშვიათი - ჰალუცინაციები, ცნობიერების აშლილობა.
ნერვული სისტემის მხრივ: არახშირი - ქალაშიდა სისხლდენები (რეგისტრირებულია რამდენიმე შემთხვევა ლეტალური გამოსავალით), თავის ტკივილი, პარესთეზია, თავბრუ; ძალიან იშვიათი - გემოს დარღვევა, აგევზია.
მხედველობის ორგანოების მხრივ: არახშირი - თვალში სისხლჩაქცევა (კონიუქტივაში, თვალის კაკალში, ბადურაში).
სმენის ორგანოებისა და ლაბირინთის დარღვევების მხრივ: იშვიათად - თავბრუ.
სისხლძარღვების მხრივ: ხშირი - ჰემატომა; ძალიან იშვიათი - მძიმე სისხლდენა, სისხლდენა ოპერაციული ჭრილობიდან, ვასკულიტი, არტერიული ჰიპოტენზია.
სასუნთქი სისტემის, გულმკერდისა და შუასაყრის ორგანოების მხრივ: ხშირი - ცხვირიდან სისხლდენა; ძალიან იშვიათი - სისხლდენები სასუნთქ გზებში (სისხლიანი ნახველი, ფილტვებიდან სისხლდენა), ბრონქოსპაზმი, ინტერსტიციული პნევმონიტი, ეოზინოფილური პნევმონია.
კუჭ-ნაწლავის ტრაქტის მხრივ: ხშირი - კუჭ-ნაწლავიდან სისხლდენა, ფაღარათი, მუცლის ტკივილი, დისპეფსია; არახშირი - კუჭისა და თორმეტგოჯა ნაწლავის წყლული, გასტრიტი, პირღებინება, გულისრევა, შეკრულობა, მეტეორიზმი; იშვიათი - რეტროპერიტონეალური სისხლდენა; ძალიან იშვიათი - კუჭ-ნაწლავიდან და რეტროპერიტონეალური სისხლდენა ლეტალური შედეგით, პანკრეატიტი, კოლიტი (წყლულოვანი და ლიმფოციტურის ჩათვლით), სტომატიტი.
ღვიძლისა და სანაღვლე გზების მხრივ: ძალიან იშვიათი - ღვიძლის მწვავე უკმარისობა, ღვიძლის ფუნქციური სინჯების ანომალური შედეგები.
კანისა და კანქვეშა ქსოვილების მხრივ: ხშირი - სისხლნაჩაქცევები, არახშირი - გამონაყარი, ქავილი, კანში სისხლჩაქცევა (პურპურა); ძალიან იშვიათი - ბულოზური დერმატიტი (ტოქსიკური ეპიდერმული ნეკროლიზი, სტივენს-ჯონსონის სინდრომი, მრავალფორმული ერითემა, მწვავე გენერალიზებული ეგზანთემურიპუსტულოზი), ანგიონევროზული შეშუპება, წამლის მიმართ ჰიპერმგრძნობელობის სინდრომი, წამლისმიერი რეაქცია ეოზინოფილიითა და სისტემური სიმპტომებით (DRESS), ერითემატოზული ან ექსფოლიაციური გამონაყარი, ჭინჭრის ციება, ეგზემა, წითელი ბრტყელი ლიქენი.
სასქესო ორგანოებისა და სარძევე ჯირკვლის მხრივ: იშვიათი - გინეკომასტია.
ჩონჩხკუნთოვანი და შემაერთებელი ქსოვილის მხრივ: ძალიან იშვიათი - სისხლჩაქცევები კუნთებში, ძვლებსა და სახსრებში (ჰემართროზი), ართრიტი, ართრალგია, მიაალგია.
თირკმლებისა და შარდგამომყოფი გზების მხრივ: არახშირი - ჰემატურია; ძალიან იშვიათი - გლომერულონეფრიტი, სისხლის პლაზმაში კრეატინინის დონის მომატება.
ზოგადი დარღვევები და ლოკალური რეაქციები: ხშირი - სისხლდენა ინიექციის ადგილას; ძალიან იშვიათი - ცხელება.
ლაბორატორიული და ინსტრუმენტული კვლევების შედეგებზე ზეგავლენა: არახშირი - სისხლდენის დროის გაზრდა, ნეიტროფილების რაოდენობის შემცირება, თრომბოციტების რაოდენობის შემცირება.
საეჭვო არასასურველი რეაქციების შესახებ შეტყობინება
სამკურნალო საშუალების რეგისტრაციის შემდეგ საეჭვო გვერდითი რეაქციების შესახებ შეტყობინება ძალიან მნიშვნელოვანია. სამკურნალო საშუალების მიმართ მძიმე გვერდითი მოვლენის განვითარების ან ახალი არასასურველი რეაქციის გამოვლენის შემთხვევაში, რომელიც არ არის აღწერილი წინამდებარე ნაწილში, გთხოვთ აცნობოთ ფარმაკოზედამხედველობის ეროვნულ სისტემას.
განსაკუთრებული მითითებები
სისხლდენებისა და სისხლის სისტემის მხრივ არასასურველი რეაქციების განვითარების რისკის გათვალისწინებით, კლოპიდოგრელით მკურნალობის დროს სისხლდენის განვითარებაზე მიმანიშნებელი კლინიკური სიმპტომების გამოვლენისას, სასწრაფოდ უნდა გაკეთდეს სისხლის საერთო ანალიზი და/ან სხვა შესაფერისი კვლევები. სხვა ანტითრომბოციტული საშუალებების მსგავსად, კლოპიდოგრელი სიფრთხილით გამოიყენება სისხლდენების მომატებული რისკის მქონე პაციენტებში დაკავშირებული ტრავმებთან, ქირურგიულ ჩარევებთან ან სხვა პათოლოგიურ მდგომარეობებთან, ასევე პაციენტებში, რომლებიც ღებულობენ ასმ-ს, ჰეპარინს, IIb/IIIa გლიკოპროტეინის ანტაგონისტებს, არასტეროიდულ ანთების საწინააღმდეგო საშუალებებს, მეორე ტიპის ციკლოოქსიგენაზას ინჰიბიტორებს (ცოგ-2), სეროტონინის უკუ-მიტაცების სელექტიური ინჰიბიტორებს ან CYP2C19-ის ძლიერ მოქმედი ინდუქტორების, ან სხვა სამკურნალო საშუალებებს, რომელთა მიღება ზრდის სისხლდენების განვითარებას, მაგალითად პენტოქსიფილინი. აუცილებელია პაციენტის მდგომარეობაზე სათანადო დაკვირვება სისხლდენის ნებისმიერი ნიშნის გამოვლენის მიზნით, ფარული სისხლდენის ჩათვლით, განსაკუთრებრით მკურნალობის პირველი კვირის განმავლობაში და/ან გულზე ინვაზიური მანიპულაციების ან ქირურგიული ჩარევების შემდეგ. კლოპიდოგრელის გამოყენება პერორალურ ანტიკოაგულანტებთან ერთად არ შეიძლება, ვინაიდან შეიძლება გამოიწვიოს სისხლდენის გაძლიერება.
გეგმიური ქირურგიული ოპერაციის ჩატარებისას, როდესაც ანტიაგრეგაციული ეფექტი დროებით არასასურველია, საჭიროა კლოპიდოგრელის შეწყვეტა ოპერაციამდე 7 დღით ადრე. ნებისმიერი ქირურგიული ჩარევის ან ნებისმიერი პირველად დანიშნული სამკურნალო საშუალების მიღების წინ, პაციენტებმა მკურნალ ექიმს და სტომატოლოგს უნდა აცნობონ კლოპიდოგრელით მკურნალობის შესახებ. კლოპიდოგრელი ზრდის სისხლდენების დროს, ამიტომ სისხლდენების განვითარებისკენ მიდრეკილი დაავადებების (განსაკუთრებით კუჭ-ნაწლავის და ინტრაოკულარული) მქონე პაციენტებში პრეპარატი სიფრთხილით გამოიყენება
კლოპიდოგრელის გამოყენებისას (ცალკე ან კომბინაციაში ასმ-თან) პაციენტებმა უნდა იცოდნენ, რომ სისხლდენის შეჩერებას შეიძლება უფრო მეტი დრო დასჭირდეს, ვიდრე ჩვეულებრივ, და რომ მკურნალ ექიმს უნდა აცნობონ ყველა უჩვეულო სისხლდენის შემთხვევის შესახებ (ლოკალიზაციითა და ხანგრძლივობით).
თრომბოზულ-თრომბოციტოპენიური პურპურა
ძალიან იშვიათად, კლოპიდოგრელის მიღების შემდეგ, ზოგჯერ ხანმოკლე გამოყენების შემდეგად, აღინიშნებოდა თთპ-ს განვითარების შემთხვევები, რომელიც ხასიათდება თრომბოციტოპენიითა და მიკროანგიოპათიური ჰემოლიზური ანემიით და თან ახლავს ნევროლოგიური სიმპტომების განვითარება, თირკმლის ფუნქციის დარღვევა და ცხელება. თთპ წარმოადგენს პოტენციურ საფრთხეს სიცოცხლისათვის და საჭიროებს გადაუდებელ მკურნალობას, პლაზმაფერეზის ჩათვლით.
შეძენილი ჰემოფილია
კლოპიდოგრელის გამოყენებისას დაფიქსირებულია შეძენილი ჰემოფილიის შემთხვევები. აქტივირებული ნაწილობრივი თრომბოპლასტინის დროის (APTT) დადასტურებული იზოლირებული ზრდის შემთხვევაში, სისხლდენების განვითარებით ან მის გარეშე, საჭიროა გათვალისწინებული იყოს შეძენილი ჰემოფილიის განვითარების რისკი. შეძენილი ჰემოფილიის დადასტურებული დიაგნოზის მქონე პაციენტების მკურნალობა და დაკვირვება უნდა განხორციელდეს შესაბამისი სპეციალისტების მიერ, ამასთან კლოპიდოგრელის მიღება უნდა შეწყდეს.
ახლად გადატანილი იშემიური ინსულტი
მწვავე იშემიური ინსულტის შემდეგ პირველი 7 დღის განმავლობაში კლოპიდოგრელის გამოყენების შესახებ მონაცემები არ არსებობს, ამიტომ ამ პერიოდში მისი გამოყენება რეკომენდებული არ არის.
ციტოქრომ P450 სისტემის CYP2C19 იზოფერმენტი
ფარმაკოკინეტიკა: პაციენტებში CYP2C19-ის დაქვეითებული მეტაბოლური აქტივობით, რეკომენდებული დოზებით კლოპიდოგრელის მიღებისას წარმოიქმნება მისი აქტიური მეტაბოლიტის ნაკლები რაოდენობა, რითაც თრომბოციტების ფუნქციაზე ზეგავლენა მცირდება. პაციენტში CYP2C19 გენოტიპის განსაზღვრის სპეციალური ტესტები არსებობს.
ვინაიდან კლოპიდოგრელის გარდაქმნა აქტიურ მეტაბოლიტად ნაწილობრივ CYP2C19-ით არის განპირობებული, მაშინ აღნიშნული იზოფერმენტის მაინჰიბირებელ სამკურნალო საშუალებებთან ერთად გამოყენებისას, შესაძლებელია კლოპიდოგრელის აქტიური მეტაბოლიტის დონის დაქვეითება. აღნიშნული ურთიერთქმედებების კლინიკური მნიშვნელობა უცნობია. უსაფრთხოების მიზნებისათვის, კლოპიდოგრელის გამოყენებას CYP2C19-ის ძლიერ ან ზომიერ ინჰიბიტორებთან ერთად უნდა მოვერიდოთ.
მოსალოდნელია, რომ CYP2C19-ის აქტივობის მასტიმულირებელი სამკურნალო პრეპარატების გამოყენება გამოიწვევს კლოპიდოგრელის აქტიური მეტაბოლიტის დონის გაზრდას და სისხლდენების განვითარების მომატებულ რისკებს. უსაფრთხოების მიზნებისათვის CYP2C19-ის ძლიერი ინდუქტორების თანმხლები გამოყენება რეკომენდებული არ არის.
CYP2C8-ის სუბსტრატები
სიფრთხილე არის აუცილებელი კლოპიდოგრელისა და ისეთი სამკურნალო საშუალებების კომბინაციის გამოყენებისას, რომლებიც CYP2C8-ს სუბსტრატებს წარმოადგენენ.
თიენპირიდინებზე მგრძნობელობის ჯვარედინი რეაქციები
უნდა დადგინდეს, აქვს თუ არა პაციენტს ანამნეზში ჰიპერმგრძნობელობა თიენოპირიდინების მიმართ (როგორიცაა კლოპიდოგრელი, თიკლოპიდინი, პრასუგრელი), ვინაიდან არსებობს თიენოპირიდინების ჯვარედინი ჰიპერმგრძნობელობის განვითარების შემთხვევები. თიოპირიდინებმა შეიძლება გამოიწვიოს როგორც მსუბუქი, ასევე მძიმე ალერგიული რეაქციები, როგორიცაა გამონაყარი, ანგიონევროზული შეშუპება, ან ჰემატოლოგიური რეაქციები, თრომბოციტოპენიისა და ნეიტროპენიის ჩათვლით. პაციენტებს, რომლებსაც თეინოპირიდინების ჯგუფის ერთ პრეპარატზე მაინც ადრე აღენიშნებოდა ალერგიული და/ან ჰემატოლოგიური რეაქციები, სხვა თიენოპირიდინების მიმართაც შეიძლება ჰქონდეთ მსგავსი ან სხვა რეაქციის განვითარების მომატებული რისკი. პაციენტები, რომლებსაც ანამნეზში ავქთ ალერგიული რეაქციები თიენოპირიდენების მიმართ, უნდა იყვნენ სათანადო მეთვალყურეობის ქვეშ ჰიპერმგრძნობელობის ნიშნების გამოვლენის მიზნით.
თირკმლის ფუნქციის დარღვევა
პაციენტებში თირკმლის დისფუნქციით კლოპიდოგრელის გამოყენების კლინიკური გამოცდილება შეზღუდულია, ამიტომ ასეთ პაციენტებში ლოპიგროლი სიფრთხილით გამოიყენება.
ღვიძლის ფუნქციის დარღვევა
პაციენტებში ღვიძლის ფუნქციის ზომიერად გამოხატული დარღვევებით, რომლებშიც მოსალოდნელია ჰემორაგიული დიათეზის განვითარება, ლოპიგროლის გამოყენებისას სიფრთხილე არის აუცილებელია, ვინაიდან პაციენტების აღნიშნულ კატეგორიაში კლოპიდოგრელის გამოყენების კლინიკური გამოცდილება შეზღუდულია.
დამხმარე ნივთიერებები
ლოპიგროლი შეიცავს მანიტს, რომელსაც სუსტი საფაღარათე მოქმედება გააჩნია.
ლოპიგროლი შეიცავს აბუსალათინის ზეთს, რომელმაც შეიძლება გამოიწვიოს კუჭის აშლილობა და ფაღარათი.
ავტოსატრანსპორტო საშუალებების მართვისა და მექანიზმებთან მუშაობის უნარზე ზეგავლენა
კლოპიდოგრელი ზეგავლენას არ ახდენს ან უმნიშვნელოდ მოქმედებს ავტოსატრანსპორტო საშუალებების მართვისა და მექანიზმებთან მუშაობის უნარზე.
ფერტილობა, ორსულობისა და ლაქტაციის დროს გამოყენება
ორსულობა
ორსულობის დროს ლოპიგროლის გამოყენება რეკომენდებული არ არის, ვინაიდან ორსულობის პერიოდში კლოპიდოგრელის გამოყენების კლინიკური გამოცდილება არ არსებობს. ცხოველებზე ჩატარებულმა კვლევებმა არ აჩვენეს კლოპიდოგრელის პირდაპირი თუ ირიბი უარყოფითი ზეგავლენა ორსულობაზე, ემბრიონის/ნაყოფის განვითარებაზე, მშობიარობასა თუ პოსტნატალურ განვითარებაზე.
ლაქტაცია
არ არის ცნობილი გადადის თუ არა კლოპიდოგრელი დედის რძეში. ცხოველებზე ჩატარებულმა კვლევებმა აჩვენა, რომ კლოპიდოგრელი გამოიყოფა დედის რძეში. ამიტომ ლოპიგროლით მკურნალობის დროს ძუძუთი კვება უნდა შეწყდეს.
ფერტილობა
ცხოველებზე ჩატარებულ კვლევებში დადგინდა, რომ კლოპიდოგრელი ზეგავლენას არ ახდენს ფერტილობაზე.
სხვა სამკურნალო საშუალებებთან ურთიერთქმედება
სამკურნალო საშუალებები, რომელთა გამოყენება დაკავშირებულია სისხლდენების რისკთან
შესაძლო ადიტიური ეფექტის გამო არსებობს სისხლდენების განვითარების მომატებული რისკი, ამიტომ ასეთი სამკურნალო საშუალებებისა და ლოპოგროლის ერთად გამოყენება საჭიროებს სიფრთხილეს.
პერორალური ანტიკოაგულანტები
კლოპიდოგრელის გამოყენება პერორალურ ანტიკოაგულანტებთან ერთად რეკომენდებული არ არის, ვინაიდან აღნიშნულმა კომბინაციამ შეიძლება გამოიწვიოს სისხლდენების გაძლიერება. მიუხედავად იმისა, რომ კლოპიდოგრელი დოზით 75 მგ დღეში არ ცვლიდა S-ვარფარინის ფარმაკოკინეტიკურ პარამეტრებს და საერთაშორისო ნორმალიზებულ თანაფარდობას (INR) პაციენტებში, რომლებიც იტარებდნენ ვარფარინით ხანგრლივ თერაპიას, კლოპიდოგრელისა და ვარფარინის ერთად გამოყენება ზრდის სისხლდენების განვითარების რისკს, რადგანაც ორივე მათგანს გააჩნიათ ერთმანეთისაგან დამოუკიდებელი ეფექტები ჰემოსტაზზე.
IIb/IIIa გლიკოპროტეინის ანტაგონისტები
IIb/IIIa გლიკოპროტეინის ანტაგონისტენთან ერთად კლოპიდოგრელის გამოყენებისას სიფრთხილე არის აუცილებელი.
აცეტილსალიცილის მჟავა
აცეტილსალიცილის მჟავა ზეგავლენას არ ახდენს თრომბოციტების ადფ-ინდუცირებული აგრეგაციის კლოპიდოგრელით განპირობებული ინჰიბირების პროცესზე, ამასთან კლოპიდოგრელი აძლიერებს ასმ-ს ეფექტს თრომბოციტების კოლაგენ-ინდუცირებულ აგრეგაციასთან მიმართებაში. კლოპიდოგრელით განპირობებული სისხლდენის ხანგრძლივობა ასმ-ს ორჯერადი გამოყენებისას დოზით 500 მგ მნიშვნელოვნად არ იზრდებოდა. თუმცა ფარმაკოდინამიკური ურთიერთქმედება კლოპიდოგრელსა და ასმ-ს შორის, იწვევს სისხლდენების განვითარების მომატებულ რისკებს, ამიტომაც მათი კომბინირებული გამოყენებისას აუცილებელია სიფრთხილე. არსებობს მონაცემები, რომ კლინიკურ პრაქტიკაში კლოპიდოგრელი აცეტილსალიცილის მჟავასთან ერთად ერთი წლის განმავლობაში გამოიყენებოდა.
ჰეპარინი
კლინიკურ კვლევებში ჯანმრთელი მოხალისეების მონაწილეობით კლოპიდოგრელი არ ახდენდა ზეგავლენას ჰეპარინის სისხლის შედედების ეფექტზე, ჰეპარინი არ საჭიროებდა დოზის კორექციას. ამასთან ჰეპარინი არ ახდენდა გავლენას თრომბოციტების აგრეგაციის კლოპიდოგრელით-განპირობებული ინჰიბირების პროცესზე. თუმცა ფარმაკოდინამიკური ურთიერთქმედება კლოპიდოგრელსა და ჰეპარინს შორის, რომელმაც შეიძლება გამოიწვიოს სისხლდენების რისკის მომატება შესაძლებელია, ამიტომ მათი კომბინირებისას აუცილებელია სიფრთხილის დაცვა.
თრომბოლიზური საშუალებები
კლოპიდოგრელის, ფიბრინ-სპეციფიკური ან ფიბრინ-არასპეციფიკური თრომბოლიზური პრეპარატებისა და ჰეპარინის ერთად გამოყენების უსაფრთხოებას აფასებდნენ მწვავე მიოკარდიუმის ინფარქტის მქონე პაციენტებში, ამასთან კლინიკურად მნიშვნელოვანი სისხლდენების სიხშირე ისეთივე იყო, რაც თრომბოლიზური საშუალებებისა და ჰეპარინის გამოყენებისას აცეტილსალიცილის მჟავასთან ერთად.
არასტეროიდული ანთების საწინააღმდებო საშუალებები
კლინიკურ კვლევებში ჯანმრთელი მოხალისეების მონაწილეობით, კლოპიდოგრელისა და ნაპროქსენის ერთად გამოყენებისას აღინიშნებოდა კუჭ-ნაწლავიდან ფარული სისხლდენების რაოდენობის მომატება. თუმცა დღეისათვის უცნობია, იზრდება თუ არა კუჭ-ნაწლავიდან სისხლდენების რისკი კლოპიდოგრელის გამოყენებისას არასტეროიდული ანთების საწინააღმდეგო ჯგუფის სხვა სამკურნალო საშუალებებთან ერთად, ვინაიდან შესაბამისი კვლევები არ ჩატარებულა. ამასთან დაკავშირებით კლოპიდოგრელის და არასტეროიდული ანთების საწინააღმდეგო საშუალებების კომბინირებისას, ცოგ-2-ის ჩათვლით, სიფრთხილე არის აუცილებელი.
სეროტონინის უკუმიტაცების სელექტიური ინჰიბიტორები (სუსი)
ვინაიდან სუსი ზეგავლენას ახდენენ თრომბოციტების აქტივაციის პროცესზე და ზრდიან სისხლდენების განვითარების რისკს, კლოპიდოგრელთან ერთად მათი გამოყენებისას აუცილებელია სიფრთხილის დაცვა.
სხვა სამკურნალო საშუალებებთან ერთად გამოყენება
CYP2C19 ინდუქტორები
ვინაიდან კლოპიდოგრელი ნაწილობრივ მეტაბოლიზდება თავის აქტიურ მეტაბოლიტამდე CYP2C19-ის დახმარებით, მოსალოდნელია, რომ აღნიშნული ფერმენტის მასტიმულირებელი აქტივობის მქონე სამკურნალო საშუალებების გამოყენება გამოიწვევს კლოპიდოგრელის აქტიური მეტაბოლიტის დონის გაზრდას.
რიფამპიცინი წარმოადგენს CYP2C19-ის ძლიერ ინდუქტორს და იწვევს კლოპიდოგრელის აქტიური მეტაბოლიტის დონის მომატებას და თრომბოციტების აგრეგაციის ინჰიბირების ზრდას. უსაფრთხოების მიზნებისათვის ძლიერი CYP2C19 ინდუქტორების ერთდროული გამოყენება რეკომენდებული არ არის.
CYP2C19-ის ინჰიბიტორები
ვინაიდან კლოპიდოგრელი ნაწილობრივ მეტაბოლიზდება თავის აქტიურ მეტაბოლიტამდე CYP2C19-ის ზემოქმედებით, მოსალოდნელია, რომ აღნიშნული ფერმენტის მაინჰიბირებელი აქტივობის მქონე სამკურნალო საშუალებების გამოყენება გამოიწვევს კლოპიდოგრელის აქტიური მეტაბოლიტის დონის შემცირებას. მსგავსი ურთიერთქმედების კლინიკურ მნიშვნელობა უცნობია. უსაფრთხოების მიზნებისათვის არ შეიძლება კლოპიდოგრელის გამოყენება CYP2C19-ის ძლიერ ან ზომიერ ინჰიბიტორებთან ერთად.
CYP2C19-ის ძლიერი ან ზომიერი ინჰიბიტორების სამკურნალო საშუალებებს მიეკუთვნებიან მაგალითად ომეპრაზოლი და ესომეპრაზოლი, ფლუვოქსამინი, ფლუოქსეტინი, მოკლობემიდი, ვორიკონაზოლი, ფლუკონაზოლი, ტიკლოპიდინი, კარბამაზეპინი და ეფავირენცი.
პროტონული ტუმბოს ინჰიბიტორები
ომეპრაზოლი დოზით 80 მგ დღეში ამცირებდა კლოპიდოგრელის აქტიური მეტაბოლიტის კონცენტრაციას სისხლის პლაზმაში 45%-ით (დატვირთვის დოზა) და 40%-ით (შემანარჩუნებელი დოზა) როგორც კლოპიდოგრელთან ერთად მიღებისას, ასევე სამკურნალო საშუალებებს შორის 12 საათიანი ინტერვალის გამოყენებისას. ამასთან აღინიშნებოდა თრომოციტების აგრეგაციის ინჰიბირების ხარისხის შემცირება 39% (დატვირთვის დოზა) და 21% (შემანარჩუნებელი დოზა). ვარაუდობენ, რომ ეზომეპრაზოლს კლოპიდოგრელთან ურთიერთქმედების მსგავსი ხაისიათი გააჩნია.
მძიმე გულ-სისხლძარღვოვან გართულებებთან მიმართებაში ზემოთ აღწერილი ფარმაკოკინეტიკური/ფარმაკოდინამიკური ურთიერთქმედების კლინიკური მნიშვნელობის შესახებ არსებული მონაცები ურთიერთსაწინააღმდეგოა.
უსაფრთხოების მიზნებისათვის არ შეიძლება კლოპიდოგრელის გამოყენება კომბინაციაში ომეპრაზოლთან ან ეზომეპრაზოლთან.
პანტოპრაზოლთან ან ლანსოპრაზოლთან ერთად გამოყენებისას აღინიშნებოდა სისხლის პლაზმაში კლოპიდოგრელის აქტიური მეტაბოლიტის კონცენტრაციის ნაკლებად გამოხატული შემცირება. პანტოპრაზოლი დოზით 80 მგ დღეში ამცირებდა მის კონცენტრაციას 20%-ით (დატვირთვის დოზა) და 14%-ით (შემანარჩუნებელი დოზა), ამასთან თრომბოციტების აგრეგაციის ინჰიბირების ხარისხის შესაბამისად მცირდებოდა 15% და 11%-ით. აღნიშნული მონაცემები კლოპიდოგრელისა და პანტოპრაზოლის კომბინირებული გამოყენების შესაძლებლობას მოწმობენ.
არ არსებობს იმის მტკიცებულება, რომ სხვა სამკურნალო საშუალებები, რომლებიც კუჭში მარილმჟავას წარმოქმნას ამცირებენ, როგორიცაა H2-ბლოკატორები ან ანტაციდები, ზეგავლენას ახდენენ კლოპიდოგრელის ანტითრომბოციტულ აქტივობაზე.
გაძლიერებული ანტირეტროვირუსული თერაპია (ართ): აივ დაავადების მქონე პაციენტებს, რომლებიც გაძლიერებულ ანტირეტროვირუსულ თერაპიას იტარებენ, სისხლძარღვოვანი დარღვევების განვითარების მაღალი რისკი აქვთ.
პაციენტებში, რომლებიც ანტირეტროვირუსულ თერაპიას იტარებენ, გაძლიერებული რიტონავირით ან კობიცისტატით, აღინიშნებოდა თრომბოციტების აგრეგაციის დათრგუნვის მნიშვნელოვანი შემცირება. თუმცა აღნიშნული შედეგების კლინიკური მნიშვნელობა უცნობია. მიღებულია სპონტანური ცნობები აივ-ინფიცირებული პაციენტების შესახებ, რომლებიც ანტირეტროვირუსულ თერაპიას იტარებდნენ, გაძლიერებული რიტონავირით, და რომლებსაც აღენიშნებოდათ განმეორებითი ოკლუზიის შემთხვევები ენდოვასკულარული რეკანალიზაციის ან გადატანილი თრომბოზული მოვლენების შემთხვევები კლოპიდოგრელის დარტყმითი დოზის გამოყენებისას, კლოპიდოგრელის მოქმედება და თრომბოციტების ინჰიბირების მაჩვენებლების საშუალო დონე შეიძლება შემცირდეს. გამომდინარე ზემოთ აღნიშნულიდან, უნდა მოვერიდოთ კლოპიდოგრელის დანიშვნას გაძლიერებულ ანტირეტროვირუსულ თერაპიასთან ერთად.
სხვა სამკურნალო საშუალებები
კლოპიდოგრელსა და სხვა სამკურნალო საშუალებებს შორის პოტენციური ფარმაკოდინამიკური და ფარმაკოკინეტიკური ურთიერთქმედებების შესწავლის მიზნით რიგი კლინიკური კვლევები იყო ჩატარებული. ათენოლოლთან ნიფედიპინთან ან ორივე სამკურნალო საშუალებასთან ერთად კლოპიდოგრელის გამოყენებისას მნიშვნელოვანი ფარმაკოდინამიკური ურთიერთქმედებები არ აღინიშნებოდა. ფენობარბიტალთან ან ესტროგენებთან ერთად გამოყენებისას კლოპიდოგრელის ფარმაკოდინამიკა მნიშვნელოვნად არ იცვლებოდა.
დიგოქსინისა და თეოფილინის ფარმაკოკინეტიკურ პარამეტრებზე კლოპიდოგრელი ზეგავლენას არ ახდენდა. კლოპიდოგრელის შეწოვის ხარისხი არ იცვლებოდა ანტაციდებთან ერთად გამოყენებისას.
კლინიკური კვლევების შედეგები მიუთითებენ იმაზე, რომ ფენიტოინის და ტოლბუტამიდის (CYP2C9-ით მეტაბოლიზებული) გამოყენება კლოპიდოგრელთან ერთად უსაფრთხოა.
სამკურნალო საშუალებები, რომლებიც CYP2C8-სუბსტრატს წარმოადგენენ
კლოპიდოგრელი ზრდიდა რეპაგლინიდის კონცენტრაციას ჯანმრთელი მოხალისეების სისხლის პლაზმაში. In vitro კვლევებმა უჩვენეს, რომ ეს გლუკურონის მჟავასთან კონიუგირებული, კლოპიდოგრელის მეტაბოლიტის CYP2C8 ინჰიბირების შედეგია. სისხლის პლაზმაში კონცენტრაციების მომატების რისკთან დაკავშირებით, კლოპიდოგრელისა და იმ სამკურნალო საშუალებების ერთად გამოყენებისას, რომელთა გამოყოფა განპირობებულია მეტაბოლიზმით CYP2C8-ის მონაწილეობით (მაგალითად, რეპაგლინიდი, პაკლიტაქსელი), სიფრთხილე არის აუცილებელი. ზემოთ აღწერილის გარდა, კლოპიდოგრელისა და ისეთი პრეპარატების ურთიერთქმედების შემსწავლელი კვლევები, რომლებიც გამოიყენებოდა ათეროთრომბოზული დაავადებების მქონე პაციენტებში, არ ჩატარებულა. თუმცა, კლინიკურ კვლევებში ჩართულ პაციენტებში, რომლებიც კლოპიდოგრელს ღებულობდნენ კომბინაციაში სხვა პრეპარატებთან, შარდმდენების, ბეტა-ბლოკატორების, ანგიოტენზინგარდამქმნელი ფერმენტის ინჰიბიტორების, კალციუმის ანტაგონისტების, ჰიპოლიპიდემიური პრეპარატების, ანტიანგინალური პრეპარატების, ჰიპოგლიკემიური პრეპარატების (მაგ. ინსულინი), ანტიეპილეფსიური პრეპარატებისა და GPIIb/IIIa ანტაგონისტების ჩათვლით, კლინიკურად მნიშვნელოვანი არასასურველი ურთიერთქმედებები არ აღინიშნებოდა.
სხვა P2Y12 პერორალური ინჰიბიტორების მსგავსად, ოპიოიდური აგონისტების თანმხლებმა გამოყენებამ შეიძლება შეანელოს ან შეამციროს კლოპიდოგრელის შეწოვა, სავარაუდოდ კუჭის უფრო შენელებული დაცლის გამო. კლინიკური მნიშვნელობა უცნობია. პაციენტებში მწვავე კორონარული სინდრომით, რომლებსაც ესაჭიროებათ მორფინისა და სხვა ოპიოიდური აგონისტების თანმხლები გამოყენება უნდა განვიხილოთ პარენტერალური ანტითრომბოზული საშუალებების გამოყენების შესაძლებლობა.
ჭარბი დოზირება
კლოპიდოგრელის ჭარბმა დოზირებამ შეიძლება გამოიწვიოს სისხლდენის დროის გაზრდა სისხლდენების განვითარების სახით, შემდგომი გართულებებით. სისხლდენის დროს საჭიროა შესაბამისი სამკურნალო ზომების მიღება. კლოპიდოგრელის ფარმაკოლოგიური მოქმედების ანტიდოტი უცნობია. სისხლდენის დროის სწრაფი კორექციის საჭიროების შემთხვევაში რეკომენდებულია თრომბოციტული მასის გადასხმა.
გამოშვების ფორმა
აპკიანი გარსით დაფარული ტაბლეტები
14 ტაბლეტი ბლისტერზე
1 ან 2 ბლისტერი სამედიცინო გამოყენების ინსტრუქციასთან ერთად მოთავსებულია მუყაოს კოლოფში.
შენახვის პირობები
ინახება არაუმეტეს 25°С ტემპერატურაზე.
ინახება ბავშვებისათვის მიუწვდომელ ადგილას!
სად შევიძინოთ?