მაგნიუმ ბ6 ამვილაბი / Magnium B6 Amvilab
- საერთაშორისო დასახელება (აქტიური ნივთიერება): comb. drug
- კლინიკურ-ფარმაკოლოგიური ჯგუფი: ნივთიერებათა ცვლის დარღვევები → ელექტროლიტურ ცვლაზე მოქმედი საშუალებები → ორგანიზმში მაგნიუმის შემავსებელი პრეპარატები
- მწარმოებელი კომპანია: PSP
- გამოშვების ფორმა: ტაბლეტი #50
- გაცემის რეჟიმი: III ჯგუფი (ურეცეპტოდ)
შემადგენლობა
1 ტაბ.
მაგნიუმის ლაქტატი.......................... 470 მგ
პირიდოქსინის ჰიდროქლორიდი (INN)
ანუ ვიტამინი B6.................................................... 5 მგ
ფარმაკოლოგიური თვისებები
მაგნიუმი წარმოადგენს უჯრედების ნორმალური ფუნქციონირებისათვის საჭირო სასიცოცხლოდ აუცილებელ ელემენტს, რომელიც იმყოფება ორგანიზმის ყველა ქსოვილებში და მონაწილეობს ნივთიერებათა ცვლის პროცესებში.
მაგნიუმი მნიშვნელოვან ფიზიოლოგიურ როლს თამაშობს კუნთებში იონური ბალანსის შესანარჩუნებლად.
პირიდოქსინი (ვიტამინი B6) მონაწილეობს მრავალ მეტაბოლურ პროცესებში, მათ შორის ნერვული სისტემის მეტაბოლიზმის რეგულაციაში. იგი აძლიერებს მაგნიუმის შეწოვის პროცესს კუჭ-ნაწლავის ტრაქტში და ამავე დროს მის შეღწევას უჯრედებში.
მაგნიუმის შემცველობა შრატში:
- 12-დან 17 მგ/ლ-მდე (0.5-0.7 მმოლ/ლ) მაგნიუმის ზომიერი უკმარისობის ნათელი მაგალითია.
- 12 მგ/ლ-ზე ქვემოთ (0.5 მმოლ/ლ) მეტყველებს მაგნიუმის მძიმე დეფიციტზე.
ფარმაკოკინეტიკა
კუჭ-ნაწლავის ტრაქტის მიერ შეიწოვება პერორალურად მიღებული მაგნიუმის არაუმეტეს 50%. მაგნიუმის დანარჩენი 99% ორგანიზმში იმყოფება უჯრედების შიგნით.
უჯრედშიდა მაგნიუმის დაახლოებით 2/3 ნაწილდება ძვლის ქსოვილში, ხოლო დანარჩენი იმყოფება გლუვ და განივზოლიან კუნთოვან ქსოვილებში.
მიღებული მაგნიუმის არანაკლებ 1/3 ორგანიზმიდან გამოიყოფა ძირითადად შარდთან ერთად.
ჩვენებები
ორგანიზმში მაგნიუმის უკმარისობით გამოწვეული დარღვევების პროფილაქტიკა, როგორიცაა:
• პრე–მენსტრუალური სინდრომი
• თირკმელ–კენჭოვანი დაავადება
• არტერიული ჰიპერტენზია
• დეპრესია
• ქრონიკული დაღლილობის სინდრომი
• ნერვ–კუნთოვანი დარღვევები
• შაკიკი
• ორსულთა ტოკსიკოზი
მიღების წესები და დოზები
მოზრდილებში 1–2 ტაბლეტი დღეში. შესაძლებელია ხანგრძლივი გამოყენება.
გვერდითი მოვლენები
იშვიათად კუჭ-ნაწლავის ტრაქტის მხრივ: ტკივილი მუცლის არეში, დიარეა, გულისრევა, ღებინება, მეტეორიზმი. შესაძლებელია ალერგიული რეაქციები პრეპარატში შემავალი კომპონენტების მიმართ.
უკუჩვენება
თირკმლისა და გულის უკმარისობით დაავადებული პაციენტებისთვის საჭიროა ექიმების დანიშნულება მაგნიუმის პრეპარატების მიღებისათვის; ორსულობისა და ლაქტაციის დროს ვიტამინ B 6 დოზირება არ უნდა აღემატებოდეს 100მგ დღე–ღამის განმავლობაში.
შენახვის პირობები და ვადები
პრეპარატი ინახება არაუმეტეს 25ºC ტემპერატურაზე, მშრალ, სინათლისა და ბავშვებისაგან დაცულ ადგილას.
ვარგისიანობის ვადა - 3 წელი.
სად შევიძინოთ?