Plasmon

იხილეთ აფთიაქების ჩამონათვალი

ნაზივინი წვეთები / NAZIVIN
გამოშვები ფორმა
ნაზივინი 0.01%:
5 მლ მუქი შუშის ფლაკონში სახურავი-პიპეტით.
1 ფლაკონი გამოყენების ინსტრუქციასთან ერთად მოთავსებულია მუყაოს კოლოფში.

ნაზივინი 0.025% და 0.05%:
10 მლ მუქი შუშის ფლაკონში სახურავი-პიპეტით.
1 ფლაკონი გამოყენების ინსტრუქციასთან ერთად მოთავსებულია მუყაოს კოლოფში.

შემადგენლობა:
ხსნარის 1 მლ შეიცავს:
აქტიური ნივთიერება:
ნაზივინი 0.1% 
ოქსიმეთაზოლინის ჰიდროქლორიდი 0.1 მგ
ნაზივინი 0.25% 
ოქსიმეთაზოლინის ჰიდროქლორიდი 0.25 მგ
ნაზივინი 0.05% 
ოქსიმეთაზოლინის ჰიდროქლორიდი 0.5 მგ

დამხმარე საშუალებები:
ლიმონმჟავას მონოჰიდრატი 
ნატრიუმის ციტრატის დიჰიდრატი 
გლიცეროლი (85%) 
ბენზალკონიუმის ქლორიდი
(50% ხსნარი)  
გასუფთავებული წყალი 

აღწერა
ხსნარი თითქმის გამჭვირვალე, უფეროდან ღია ყვითელ ფერამდე.

ფარმაკოთერაპიული ჯგუფი
ალფა2-ადრენომიმეტიკური საშუალება.

ათქ კოდი: R01AA05.

ფარმაკოლოგიური თვისებები
ფარმაკოდინამიკა 
ნაზივინი (ოქსიმეთაზოლინი) ახდენს სისხლძარღვების შემავიწროვებელ მოქმედებას. ცხვირის ანთებით ლორწოვანაზე ადგილობრივად წასმისას ამცირებს შეშუპებას და ცხვირიდან გამონადენს. აღადგენს ცხვირით სუნთქვას. 

ლორწოვანას შეშუპების მოხსნა ხელს უწყობს ცხვირის ცხვირის ნესტოების, შუა ყურის ღრუს აერაციის აღდგენას, რაც ახდენს ბაქტერიული გართულებების განვითარების პრევენციას (ჰაიმპორიტის, სინუსიტის, შუა ოტიტს). 

ადგილობრივი ინტრანაზალური გამოყენებისას თერაპიული კონცენტრაციებით არ აღიზიანებს ლორწოვანას, არ იწვევს ჰიპერემიას.

ადგილობრივი ინტრანაზალური გამოყენებისას პრეპარატს არ გააჩნია სისტემური მოქმედება.
პრეპარატი მოქმედებას იწყებს სწრაფად (რამდენიმე წუთში).
ნაზივინის მოქმედება გრძელდება 12 საათამდე. 

ჩვენებები
• მწვავე რესპირატორული დაავადებების მკურნალობა, რომლებსაც თან ახლავს სურდო
• ალერგიული რინიტი
• ვაზომოტორული რინიტი
• დრენაჟის აღსადგენად ცხვირის ღრუს, ცხვირის ნესტოების ანთების, ევსტაქიიტის, შუა ოტიტის დროს
• შეშუპების მოსახსნელად ცხვირის გასასვლელებში დიაგნოსტიკურ მანიპულაციებამდე.

უკუჩვენებები
ატროფიული რინიტი; მომატებული მგრძნობელობა პრეპარატის კომპონენტებისადმი.
დაცული უნდა იყოს პრეპარატის რეკომენდებული კონცენტრაციები, რომლებიც განკუთვნილია სხვადასხვა ასაკობრივი კატეგორიებისათვის (იხ. გამოყენების წესი).

სიფრთხილით
იმ პაციენტებში, რომლებიც იღებენ მონოამინოოქსიდაზას ინჰიბიტორებს და სხვა პრეპარატებს, რომლებიც ხელს უწყობენ არტერიული წნევის მომატებას; მომატებული შიდა თვალის წნევის, განსაკუთრებით დახურულკუთხოვანი გლაუკომის დროს; ორსულობისა და ლაქტაციის დროს, გულ-სისხლძარღვთა დაავადებების მძიმე ფორმების დროს (ჰიპერტენზია, სტენოკარდია); თირეოტოქსიკოზისა და შაქრიანი დიაბეტის დროს.

ორსულობა და ლაქტაცია
ორსულობის ან ლაქტაციის პერიოდში გამოყენებისას არ შეიძლება რეკომენდებული დოზირების გადამეტება. პრეპარატი გამოიყენება მხოლოდ დედისა და ნაყოფისათვის რისკისა და სარგებლის ურთიერთმიმართების გულდასმითი შეფასების შემდეგ. 

გამოყენების წესი და დოზები
გამოყენების წესი და დოზებინაზივინი 0.01%, 0.025% და 0.05% წვეთები ცხვირში გამოსაყენებლად.

მოზრდილები და ბავშვები 6 წლის ასაკიდან:
0.05% ნაზივინის წვეთები მიიღება 1-2 წვეთი თითოეულ ნესტოში დღეში 2-3-ჯერ.

ბავშვები 1-დან 6 წლამდე:
0.25% ნაზივინის წვეთები მიიღება 1-2 წვეთი თითოეულ ნესტოში დღეში 2-3-ჯერ.

1 წლამდე ასაკის ბავშვები:
4 კვირამდე ასაკის ბავშვებში ინიშნება 1 წვეთი ნაზივინი 0.01% თითოეულ ნესტოში დღეში 2-3-ჯერ. სიცოცხლის მე-5 კვირიდან და 1 წლამდე – 1-2 წვეთი თითოეულ ნესტოში დღეში 2-3-ჯერ.

დოზირების სიზუსტის უზრუნველსაყოფად 0.01% ნაზივინის წვეთების ფლაკონს გააჩნია გრადუირებული პიპეტი წვეთების რაოდენობის აღნიშვნებით. მაგალითად, თუ დანიშნულია 1 წვეთი, პიპეტი უნდა შეივსოს ხსნარით 1 აღნიშვნამდე.

დადასტურებულია შემდეგი პროცედურის ეფექტიანობაც:
ასაკის მიხედვით, 0.01% ხსნარის 1-2 წვეთით დაასველეთ ბამბა და გამოწმინდეთ ცხვირის ღრუები.

ნაზივინი 0.01%, 0.25% და 0.05% წვეთები გამოიყენება 3-5 დღე. რეკომენდებულზე მაღალი დოზების გამოყნება შეიძლება მხოლოდ ექიმის მეთვალყურეობით.

განსაკუთრებული მითითებები
თავიდან უნდა იქნას აცილებული პრეპარატის ხანგრძლივად გამოყენება და ზედოზირება, განსაკუთრებით ბავშვებში.

ურთიერთქმედება სხვა სამკურნალო საშუალებებთან
მაო ბლოკატორებისა და ტრიციკლური ანტიდეპრესანტების ერთდროული გამოყენებისას – არტერიული წნევის მომატება.

სისხლძარღვების შემავიწროვებელი სხვა სამკურნალო საშუალებების იმავდროულად მიღებისას მატულობს გვერდითი ეფექტების განვითარების რისკი. 

გვერდითი მოქმედება
ზოგჯერ:
ცხვირის გარსების წვა ან სიმშრალე, ცემინება.

იშვიათ შემთხვევებში:
მას შემდეგ, რაც გავა ნაზივინის გამოყენების ეფექტი, აღინიშნება ცხვირის “გაჭედილობის” ძლიერი გრძნობა (რეაქციული ჰიპერემია). მრავალჯერადი ზედოზირება ადგილობრივი ნაზალური გამოყენებისას ზოგჯერ იწვევს ისეთ სისტემურ სიმპატომიმეტიკურ ეფექტებს, როგორიცაა პულსის გახშირება (ტაქიკარდია) და არტერიული წნევის მომატება. ძალიან იშვიათად აღინიშნა შფოთვა, უძილობა, დაღლილობა, თავის ტკივილები და გულისრევა.

ჭარბი დოზა
მნიშვნელოვანი ზედოზირების ან შემთხვევით შიგნით მიღების შემდეგ შეიძლება განვითარდეს შემდეგი სიმპტომები: გუგების შევიწროვება, გულისრევა, ღებინება, ციანოზი, ტემპერატურის მომატება, ტაქიკარდია, არითმია, კოლაფსი, გულის მუშაობის დათრგუნვა, არტერიული ჰიპერტენზია, ფილტვების შეშუპება, სუნთქვის დარღვევები. გარდა ამისა, შეიძლება აღინიშნოს ფსიქიკური აშლილობები, აგრეთვე ცენტრალური ნერვული სისტემის ფუნქციის დათრგუნვა, რასაც თან ახლავს ძილიანობა, სხეულის ტემპერატურის დაწევა, ბრადიკარდია, არტერიული ჰიპოტენზია, სუნთქვის გაჩერება და კომის შესაძლო განვითარება.

შიგნით მიღებასთან დაკავშირებით ჭარბი დოზირებისას ინიშნება კუჭის გამორეცხვა, აქტივირებული ნახშირი.

ზემოქმედება სატრანსპორტო საშუალებებისა და მექანიზმების მართვის უნარზე
ოქსიმეთაზოლინის შემცველი სურდოს საწინააღმდეგო საშუალებების ხანგრძლივად გამოყენებისას რეკომენდებულზე მაღალი დოზებით არ არის გამორიცხული საერთო ზემოქმედება გულ-სისხლძარღვთა სისტემაზე და ცენტრალურ ნერვულ სისტემაზე. ასეთ შემთხვევებში შეიძლება დაქვეითდეს სატრანსპორტო საშუალებებისა და მექანიზმების მართვის უნარი.

შენახვა: ინახება არა უმეტეს 25oC-ზე.
ინახება ბავშვებისაგან მიუწვდომელ ადგილას.

ვარგისიანობის ვადა: 3 წელი.
არ გამოიყენება ვარგისიანობის ვადის გასვლის შემდეგ.

აფთიაქიდან გაცემის წესი: რეცეპტის გარეშე.
სად შევიძინოთ?