ოქტენიდოლი® / Octenidol®
- საერთაშორისო დასახელება (აქტიური ნივთიერება): octenidine
- კლინიკურ-ფარმაკოლოგიური ჯგუფი: ანტისეპტიკური საშუალებები → ანტისეპტიკური საშუალებები ადგილობრივი გამოყენებისათვის
- მწარმოებელი კომპანია: Schülke & Mayr
- მწარმოებელი ქვეყანა: გერმანია
- გამოშვების ფორმა: სავლები 250მლ ფლაკონი # 1
- გაცემის რეჟიმი: III ჯგუფი (ურეცეპტოდ)
ჩვენებები
პიტნის გემოს მქონე ოქტენიდოლი® წარმოადგენს უნიკალურ ოქტენიდინის შემცველ პირველ პირის ღრუს სავლებ ხსნარს. ანტიბაქტერიული ხსნარი სწრაფად და ხანგრძლივად თრგუნავს ბაქტერიების ფუნქციებს და ამცირებს მათ წარმოქმნას. იგი წარმოადგენს პარადონტოზისა და გინგივიტისაგან (ღრძილის ანთება) დაცვის ეფექტურ საშუალებას, ასევე დამხმარე მკურნალობას MRSA - სა და C. Albicans - ის წინააღმდეგ.
ოქტენიდოლი® არ შეიცავს ალკოჰოლს და ქლორჰექსიდინს.
მიღების წესები და დოზები
ოქტენიდოლი® 15 მლ დოზით, განზავების გარეშე, 2-3-ჯერ დღეში გამოივლეთ პირის ღრუში დაახლოებით 30 წამის განმავლობაში (MRSA - ს დროს 15 წამი, Candida albicans - ის საწინააღმდეგოდ 1 წუთი). არ გადაყლაპოთ. უშუალოდ პროცედურის შემდეგ შესაძლებელია პირის ღრუს გამორეცხვა, საკვებისა და სასმელის მიღება.
შენახვის პირობები და ვადები
შენახვის ტემპერატურა არ უნდა აღემატებოდეს 25°C -ს, დაიცავით ყინვისაგან. ნუ გამოიყენებთ ვადაგასულ პროდუქტს.
სად შევიძინოთ?