ონდანიქე / ondaniqe
- გამოშვების ფორმა: შეფუთვაში არის 5 ამპულა 4 მლ ონდანსეტრონის ინექციით USP 8 მგ/4 მლ
- გაცემის რეჟიმი: II ჯგუფი (გაიცემა ფორმა N3 რეცეპტით)
ონდანსეტრონი საინექციო USP 2 მგ/მლ
ი.მ./ი.ვ.
ყოველი მლ შეიცავს:
ონდანსეტრონის ჰიდროქლორიდი USP
2 მგ ონდანსეტრონის ექვივალენტი
საინექციო წყალი USP Q.S
დამხმარე ნივთიერებები: მეთილპარაბენი, პროპილპარაბენი,
ნატრიუმის ქლორიდი, ნატრიუმის ციტრატი, ლიმონმჟავა.
ონდანსეტრონის ინექცია შეიცავს აქტიურ ნივთიერება ონდანსეტრონს, რომელიც მიეკუთვნება ანტი-ემეტური (ღებინების საწინააღმდეგო) პრეპარატების ჯგუფს.
ონდანსეტრონის ინექცია გამოიყენება:
გულისრევის (ღებინების შეგრძნება) და ღებინების პროფილაქტიკისათვის, რომელიც გამოწვეულია
ქიმიოთერაპიის დროს კიბოთი დაავადებულ მოზრდილებში და ≥ 6 თვის ასაკში ბავშვებში.
რადიოთერაპიის დროს კიბოთი დაავადებულ მოზრდილებში.
გულისრევისა და ღებინების პროფილაქტიკა და მკურნალობა ოპერაციის შემდეგ მოზრდილებში და ≥ 1 თვის ასაკის ბავშვებში.
მიმართეთ თქვენს ექიმს, მედდას ან ფარმაცევტს, თუ გსურთ დამატებითი ინფორმაციის მიღება ამ პრეპარატის გამოყენების შესახებ.
ყოველთვის გამოიყენეთ ეს პრეპარატი ზუსტად ისე, როგორც ექიმმა დაგინიშნათ. ეჭვის არსებობის შემთხვევაში, მიმართეთ ექიმს ან ფარმაცევტს.
ჩვეულებრივ ონდანსეტრონის ინექცია კეთდება მედდის ან ექიმის მიერ. თქვენთვის გამოწერილი დოზა დამოკიდებულია დანიშნულ მკურნალობაზე.
ქიმიოთერაპიის ან რადიოთერაპიის შედეგად გამოწვეული გულისრევისა და ღებინების პროფილაქტიკა მოზრდილებში:
ქიმიოთერაპიის ან რადიოთერაპიის დღეს რეკომენდებული დოზა მოზრდილებში შეადგენს 8 მგ-ს ვენაში ან კუნთში ინექციის სახით, უშუალოდ მკურნალობის დაწყების წინ, და კიდევ 8 მგ თორმეტი საათის შემდეგ.
ჩვეულებრივ ინტრავენური დოზა მოზრდილებისთვის არ აღემატება 8 მგ-ს.
ქიმიოთერაპიის შედეგად გულისრევისა და ღებინების პროფილაქტიკა ბავშვებში: (6 თვეზე მეტი ასაკის ბავშვები და მოზარდები)
ექიმი განსაზღვრავს დოზას ბავშვის წონის ან ზომის მიხედვით (სხეულის ზედაპირის ფართობი). ქიმიოთერაპიის დღეს
პირველი დოზა კეთდება ვენაში ინექციის სახით, უშუალოდ მკურნალობის დაწყებამდე. ქიმიოთერაპიის შემდეგ, ბავშვს პრეპარატი ჩვეულებრივ მიეცემა პერორალურად ტაბლეტების ან სიროფის სახით.
მომდევნო დღეებში
პერორალური მიღება შეიძლება დაიწყოს ბოლო ინტრავენური დოზის მიღებიდან თორმეტი საათის შემდეგ და შეიძლება გაგრძელდეს 5 დღემდე.
ოპერაციის შემდეგ გულისრევისა და ღებინების პროფილაქტიკისა და მკურნალობისთვის მოზრდილებში:
ჩვეულებრივი დოზა მოზრდილებისთვის შეადგენს 4 მგ, რომელიც კეთდება ვენაში ან კუნთში ინექციის სახით. პროფილაქტიკის მიზნით ამ დოზის შეყვანა ხდება ოპერაციის წინ.
ბავშვები
1 თვეზე მეტი ასაკის ბავშვებისთვის და მოზარდებისთვის დოზას განსაზღვრავს ექიმი. მაქსიმალური დოზა შეადგენს 4 მგ-ს ვენაში ნელი ინექციის სახით. პროფილაქტიკისთვის ეს დოზა მიიღება ოპერაციის წინ.
პაციენტები ღვიძლის ზომიერი ან მძიმე პრობლემებით
საერთო დღიური დოზა არ უნდა იყოს 8 მგ-ზე მეტი.
თუ თქვენ ან ბავშვი ცუდად გრძნობთ თავს
ონდანსეტრონის ინექციამ მოქმედება უნდა დაიწყოს ინექციის გაკეთებისთანავე. თუ თქვენ ან ბავშვს კვლავ გაქვთ გულისრევა ან ღებინება, აცნობეთ ექიმს ან მედდას.
თუ თქვენ ან ბავშვმა მიიღეთ საჭიროზე მეტი ონდანსეტრონის ინექცია
ონდანსეტრონის ინექციას თქვენ ან ბავშვს გაგიკეთებთ ექიმი ან მედდა და ამიტომ ნაკლებად სავარაუდოა, რომ თქვენ ან ბავშვმა მიიღოთ ძალიან დიდი რაოდენობით. თუ ფიქრობთ, რომ თქვენ ან ბავშვმა მიიღეთ ძალიან დიდი დოზა ან გამოტოვეთ დოზა, აცნობეთ თქვენს ექიმს ან მედდას.
თუ თქვენ ან ბავშვს გაქვთ ალერგიული რეაქცია, დაუყოვნებლივ აცნობეთ ექიმს ან სამედიცინო პერსონალს.
ნიშნები შეიძლება იყოს
უეცარი ხიხინი და გულმკერდის არეში ტკივილი ან შებოჭილობა
ქუთუთოების, სახის, ტუჩების, პირის ან ენის შეშუპებ
კანის გამონაყარის წითელი ლაქების ან სიმკვრივეების სახით კანის ქვეშ (ჭინჭრის ციება) სხეულის ნებისმიერ ადგილზე
კოლაფსი
თავის ტკივილი
სიცხის მოწოლის ან სითბოს შეგრძნება
ყაბზობა
ღვიძლის ფუნქციის ტესტის შედეგების ცვლილება (თუ ონდანსეტრონის ინექცია გაგიკეთდათ ცისპლატინთან ერთად, სხვა შემთხვევაში, ეს გვერდითი მოვლენა იშვიათია)
გაღიზიანება და სიწითლე ინექციის ადგილზე
შეტევები (კრუნჩხვები)
სხეულის უჩვეულო მოძრაობები ან კანკალი
არათანაბარი გულისცემა ან გულმკერდის არეში ტკივილი.
სხვა პრეპარატები და ონდანსეტრონის ინექც
ფენიტოინი (გამოიყენება ეპილეფსიისა და გულის არითმიის სამკურნალოდ) ონდანსეტრონის ეფექტი შეიძლება შესუსტდეს
კარბამაზეპინი (გამოიყენება ეპილეფსიისა და ნევრალგიური ტკივილის სამკურნალოდ) ონდანსეტრონის ეფექტი შეიძლება შესუსტდეს
რიფამპიცინი, რომელიც გამოიყენება ინფექციების სამკურნალოდ, როგორიცაა ტუბერკულოზი(TB). ონდანსეტრონის ეფექტი შეიძლება შესუსტდეს.
ანტიბიოტიკები, როგორიცაა ერითრომიცინი ან კეტოკონაზოლი.
ანტიარითმული მედიკამენტები (გამოიყენება არათანაბარი გულისცემის სამკურნალოდ), როგორიცაა ამიოდარონი.
ბეტა-ბლოკატორები, რომლებიც გამოიყენება გულის ან თვალის გარკვეული პრობლემების, შფოთვის სამკურნალოდ ან შაკიკის პროფილაქტიკისთვის, როგორიცაა ატენოლოლი ან თიმოლოლი.
ტრამადოლი (გამოიყენება ტკივილის სამკურნალოდ), ტრამადოლის ტკივილგამაყუჩებელი ეფექტი შეიძლება შესუსტდეს.
აპომორფინი (პარკინსონის დაავადების სამკურნალოდ გამოყენებული პრეპარატი) არტერიული წნევის ძლიერი დაქვეითება და გონების დაკარგვა აღინიშნა (ონდანსეტრონის) ერთდროული გამოყენებისას აპომორფინთან.
მედიკამენტები, რომლებიც გავლენას ახდენენ გულზე (როგორიცაა ჰალოპერიდოლი ან მეტადონი)
კიბოს სამკურნალო საშუალებები (განსაკუთრებით ანტრაციკლინები, როგორიცაა დოქსორუბიცინი, დაუნორუბიცინი ან ტრასტუზუმაბი)
SSRIs(სეროტონინის უკუმიტაცების შერჩევითი ინჰიბიტორები), რომლებიც გამოიყენება დეპრესიისა და/ან შფოთვის სამკურნალოდ, მათ შორისაა ფლუოქსეტინი, პაროქსეტინი, სერტრალინი, ფლუვოქსამინი, ციტალოპრამი, ესციტალოპრამი
SNRIs (სეროტონინ ნორადრენალინის უკუმიტაცების ინჰიბიტორები), რომლებიც გამოიყენება დეპრესიის და/ან შფოთვის სამკურნალოდ, მათ შორისაა ვენლაფაქსინი, დულოქსეტინი
არასაკმარისი გამოცდილების გამო, ორსულობის დროს ონდანსეტრონის ინექციის გამოყენება რეკომენდებული არ არის. თუ ორსულად ხართ, ფიქრობთ, რომ შეიძლება ორსულად იყოთ ან გეგმავთ ბავშვის გაჩენას, ონდანსეტრონის ინექციის გამოყენებამდე რჩევისთვის მიმართეთ თქვენს ექიმს ან ფარმაცევტს.
ონდანსეტრონის ინექციაში არსებული ონდანსეტრონი შეიძლება გადავიდეს დედის რძეში. ამიტომ დედებმა, რომლებიც იღებენ ონდანსეტრონის ინექციას, არ უნდა გამოკვებონ ბავშვი ძუძუთი.
თუ ძუძუთი კვებავთ, ონდანსეტრონის ინექციის გამოყენებამდე რჩევისთვის მიმართეთ თქვენს ექიმს ან ფარმაცევტს.
ონდანსეტრონის ინექცია გავლენას არ მოახდენს ავტომობილის მართვის ან მექანიზმებთან მუშაობის უნარზე.
ონდანსეტრონი არის 5-HT3 რეცეპტორების შერჩევითი ანტაგონისტი. მიუხედავად იმისა, რომ მისი მოქმედების მექანიზმი სრულად არ არის ახსნილი, ონდანსეტრონი არ არის დოფამინ-რეცეპტორების ანტაგონისტი. 5-HT3 ტიპის სეროტონინის რეცეპტორები წარმოდგენილია როგორც პერიფერიულად ვაგალური ნერვის ტერმინალებზე, ასევე ცენტრალურად ღებინების ცენტრის ქიმიორეცეპტორების გამომწვევ ზონაში. გარკვეული არ არის, ონდანსეტრონის ანტიემეტური მოქმედება ხდება ცენტრალურად, პერიფერიულად თუ ორივე ადგილას. თუმცა, ციტოტოქსიური ქიმიოთერაპია, როგორც ჩანს, დაკავშირებულია სეროტონინის გამოყოფასთან წვრილი ნაწლავის ენტეროქრომაფინის უჯრედებიდან. ადამიანებში, შარდში 5-ჰიდროქსინდოლძმარმჟავას (5-HIAA) გამოყოფა იზრდება ცისპლატინის მიღების შემდეგ ღებინების დაწყების პარალელურად. გამოთავისუფლებულ სეროტონინს შეუძლია ვაგალური აფერენტების სტიმულირება 5-HT3 რეცეპტორების მეშვეობით და ღებინების რეფლექსის დაწყება.
ონდანსეტრონი შეიწოვება კუჭ-ნაწლავის ტრაქტიდან და განიცდის პირველი გავლის მეტაბოლიზმს. საშუალო ბიოშეღწევადობა ჯანმრთელ სუბიექტებში, ერთი 8 მგ ტაბლეტის მიღების შემდეგ, არის დაახლოებით 56%.
ონდანსეტრონის სისტემური ექსპოზიცია არ იზრდება დოზის პროპორციულად. მრუდის ქვეშ არსებული ფართობი (AUC) 16 მგ ტაბლეტიდან იყო 24%-ით მეტი, ვიდრე პროგნოზირებული იყო 8 მგ ტაბლეტის დოზიდან. ეს შეიძლება ასახავდეს პირველი გავლის მეტაბოლიზმის გარკვეულ შემცირებას უფრო მაღალი პერორალური დოზებით.
ბიოშეღწევადობა ასევე ოდნავ უმჯობესდება საკვების არსებობით.
ონდანსეტრონის პლაზმის ცილებთან შეკავშირება, რომელისც გაიზომა in vitro იყო 70%-დან 76%-მდე 10-დან 500 მგ/მლ-მდე კონცენტრაციის დიაპაზონში. მოცირკულირე პრეპარატი ასევე ნაწილდება ერითროციტებში.
მეტაბოლიზმი და ექსკრეცია
ონდანსეტრონი ინტენსიურად მეტაბოლიზდება პაციენტებში, რადიომონიშნული დოზის დაახლოებით 5% აღდგენილია შარდიდან ძირითადი ნაერთის სახით. მეტაბოლიტები შეინიშნება შარდში. პირველადი მეტაბოლური გზა არის ჰიდროქსილაცია ინდოლის რგოლზე, რასაც მოჰყვება გლუკურონიდის ან სულფატის შემდგომი კონიუგაცია.
In vitro მეტაბოლიზმის კვლევებმა აჩვენა, რომ ონდანსეტრონი არის ადამიანის ღვიძლის ციტოქრომ P-450 ფერმენტების სუბსტრატი, მათ შორის CYP1A2, CYP2D6 და CYP3A4. ონდანსეტრონის მთლიანი ბრუნვის თვალსაზრისით, CYP3A4 ასრულებდა უპირატეს როლს. მეტაბოლური ფერმენტების სიმრავლის გამო, რომლებსაც შეუძლიათ ონდანსეტრონის მეტაბოლიზება, სავარაუდოა, რომ ერთი ფერმენტის დათრგუნვა ან დაკარგვა (მაგ. CYP2D6 გენეტიკური დეფიციტი) კომპენსირებული იქნება სხვათა მიერ და შეიძლება გამოიწვიოს მცირე ცვლილება ონდანსეტრონის ელიმინაციის საერთო სიხშირეში.
მიუხედავად იმისა, რომ ზოგიერთ არაკონიუგირებულ მეტაბოლიტს აქვს ფარმაკოლოგიური აქტივობა, ისინი არ გვხვდება პლაზმაში იმ კონცენტრაციებზე, რომლებიც შესაძლოა მნიშვნელოვნად ხელს უწყობდეს ონდანსეტრონის ბიოლოგიურ აქტივობას.
შენახვის პირობები:
ინახება არაუმეტეს 300C-ზე.
შეინახეთ სინათლისა და ტენისაგან დაცულ ადგულას.
წარმოებულია ინდოეთში.
Humanique Biopharmaceuticals Pvt.Ltd.