პექტოლოტი / Pectolote
- საერთაშორისო დასახელება (აქტიური ნივთიერება): comb. drug
- კლინიკურ-ფარმაკოლოგიური ჯგუფი: პულმონოლოგია → მუკოლიზური და ხველის საწინააღმდეგო საშუალებები
- მწარმოებელი კომპანია: Lotos pharma
- მწარმოებელი ქვეყანა: ლატვია
- გამოშვების ფორმა: 100მლ. სიროფი ფლაკონი N1
- გაცემის რეჟიმი: III ჯგუფი (ურეცეპტოდ)
შემადგენლობა:
7.5 მლ-ის შემცველობა:
მრავალძარღვას ფოთლის (Plantago major) მშრალი ექსტრაქტი - 500მგ.
ფიჭვის კვირტის (Pinus sylvestris) მშრალი ექსტრაქტი - 150მგ.
ბეგქონდარას ფოთლების (Thymus vulgaris) მშრალი ექსტრაქტი - 150მგ.
ტყის ფიჭვის ქერქის (Pinus Sylvestris) მშრალი ექსტრაქტი - 75მგ.
მიხაკის კვირტის ( Syzygium aromaticum) მშრალი ექსტრაქტი - 15მგ.
ფარმაკოლოგიური თვისებები: პექტოლოტი ამცირებს ხველის სიხშირესა და ინტენსივობას, ათხიერებს ნახველს, აფართოებს ბრონქებს და ხელს უწყობს ნახველის ადვილად გამოდევნას.
სიროფი დამზადებულია კომშის წვენის ფუძეზე, რომელიც შეიცავს ვიტამინ C-ს და მაკრო-მიკროელემენტებს (K,Ca, Mg,Na,P, Zn, Cu,Fe).
მრავალძარღვას ფოთლის (Plantago major) ექსტრაქტს გააჩნია ანთებისსაწინააღმდეგო, მუკოლიზური, სპაზმოლიზური, სუსტად გამოხატული ანტიბაქტერიული და იმუნომასტიმურილებელი მოქმედება. არბილებს ლოწოვან გარსს, ხნის დისკომფორტს და გაღიზიანებას, რომელიც თან ახლავს ზედა სასუნთქი გზების ანთებას.
ფიჭვის კვირტის (Pinus sylvestris) ექსტრაქტს გააჩნია ანტიბაქტერიული, მუკოლიზური, სპაზმოლიზური, ანტივირუსული და ანთებისსაწინააღმდეგო მოქმედება. აუმჯობესებს ენდოთელიუმის ფუნქციას, მოქმედებს როგორც შეშუპების საწინააღმდეგო საშუალება ზედა და ქვედა სასუნთქი გზებისთვის.
ბეგქონდარას ფოთლების (Thymus vulgaris) ექსტრაქტს გააჩნია სპაზმოლიზური, ანთებისსაწინააღმდეგო, ანტისეპტიური, ანტიმიკრობული მოქმედება. ბეგქონდარა შეიცავს ეთერზეთს, რომლის მთავარ კომპონენტს წარმოადგენს თიმოლი. ეს უკანასკნელი მოქმედებს როგორც ბუნებრივი ამოსახველებელი აგენტი - ხელს უწყობს ლორწოს გათხიერებას და სასუნთქი გზებიდან მის გამოთავისუფლებას.
ტყის ფიჭვის ქერქის (Pinus Sylvestris) ექსტარქტს გააჩნია ანთებისსაწინააღმდეგო, სპაზმოლიზური, ანტიბაქტერიული, ანტივირუსული მოქმედება. შეიცავს ძლიერ ანტიოქსიდანტს (ოლიგომერული პროანთოციანიდების კომპლექსი), რომელიც ხელს უშლის თავისუფალი რადიკალებისგან უჯრედის დაზიანებას.
მიხაკის კვირტის ( Syzygium aromaticum) ექსტრაქტს გააჩნია ანტიბაქტერიული, ანტიმიკოზური, ანტივირუსული, ანტიოქსიდანტური (წარმოადგენს ფლავანოიდების ერთერთ წყაროს) მოქმედება. ამსუბუქებს ტკივილს ,რომელიც გამოწვეულია მუდმივი ხველით. მიხაკის კვირტი ხსნის ქავილის შეგრძნებას, რომელიც დამახასიათებელია მშრალი ხველისთვის.
ჩვენება:
სასუნთქი გზების მწვავე და ქრონიკული ანთებითი დაავადებები, რომელსაც თან ახლავს ხველა.
მშრალი ხველა.
პროდუქტიული ხველა.
სპასტიური ხველა (ყივანახველა).
გამოყენების წესი და დოზირება: მიღებამდე შეანჯღრიეთ!
1-დან 4 წლამდე ასაკის ბავშვებში 2.5მლ. 3-ჯერ დღეში.
5 წლიდან 12 წლამდე ასაკის ბავშვებში 5მლ. 3-ჯერ დღეში.
12 წლის ზემოთ მოზარდებში და ზრდასრულებში 10მლ. 3-ჯერ დღეში.
გამოყენება ორსულობის და ლაქტაციის პერიოდში:
ორსულობის და ლაქტაციის პერიოდში პრეპარატი მიიღება ექიმთან კონსულტაციის შემდეგ.
უკუჩვენება:
მომატებული მგრძნობელობა შემადგენელი კომპონენტების მიმართ.
ურთიერთქმედება სხვა სამკურნალო საშუალებებთან: მონაცემები პრეპარატის გავლენის შესახებ სხვა სამკურნალო საშუალებების ეფექტებზე არ არსებობს. სხვა პრეპარატებთან ურთიერთქმედება არ დაფიქსირებულა.
განსაკუთრებული მითითებები: ბიოლოგიურად აქტიური დანამატი არ გამოიყენოთ სრულფასოვანი და დაბალანსირებული კვების შემცვლელად.
არ გადააჭარბოთ რეკომენდებულ სადღეღამისო დოზას
გამოშვების ფორმა:
100 მლ. სიროფი მინის ბოთლში, დოზირებულ ჭიქასთან ერთად.
ვარგისიანობის ვადა:
2 წელი. სიროფის გამოყენება შეიძლება ფლაკონის გახსნიდან 2 თვის განმავლობაში.
შენახვის პირობები:
ინახება არაუმეტეს 25°C ტემპერატურაზე, ბავშვისათვის მიუწვდომელ ადგილას.
სად შევიძინოთ?