პოლისან ა წვეთები (ნატუროპათი) / Polysan A (Naturopath)
- კლინიკურ-ფარმაკოლოგიური ჯგუფი: ჰომეოპათიური საშუალებები
- მწარმოებელი კომპანია: SANUM
- მწარმოებელი ქვეყანა: გერმანია
- გამოშვების ფორმა: წვეთები 10 მლ
- გაცემის რეჟიმი: III ჯგუფი (ურეცეპტოდ)
შემადგენლობა
10 მლ შეიცავს: დოქტორ კარლ შპენგლერის (Dr. Carl Spengler) მიხედვით მომზადებულ 10 მლ D9 კოლოიდურ ხსნარს Mycobacterium tuberculosis typus bovines, Mycobacterium tuberculosis typus brevis ანტიგენებით. პრეპარატი შეიცავს, ასევე, მაღალიმუნიზირებული ბოცვრების სისხლიდან მიღებულ შესაბამის ანტიტოქსინებს.
დამხმარე ნივთიერება: გამოხდილი წყალი
ჩვენება
ასაკთან დაკავშირებული ჩივილები, მოხუცებულობის სისუსტე, მატაბოლური დარღვევები, არტერიოსკლეროზი, არტერიული ჰიპერტენზია, გულის დაზიანება, ნერვული დაავადებები, პაროდონტოზი,
წინამდებარე ჯირკვლის, სახსრების და კუნთების დაავადებები
თვისებები
Polysan-ის ჯგუფის პრეპარატი შეიძლება გამოყენებული იქნეს როგორც თერაპიაში, ასევე დიაგნოსტიკაში.
ქრონიკული დაავადებებით, როგორიცაა ტუბერკულოზი, რევმატიზმი, კიბო და ა.შ. დაავადებულთა ერითროციტებიდან მედიცინის დოქტორმა კარლ შპენგლერმა გრამდადებითი და გრამუარყოფითი გრანულები გამოყო, რომლებსაც სისხლის პარაზიტები უწოდა. გრამდადებითი ავთვისებიანი გრანულები, შპენგლერის მიხედვით, ფემენტაციულად არღვევენ ჟანგბადისა და ჰემოგლობინის კავშირს, ამასთან ერთად, ხელს უშლიან იმუნური ნივთიერებების წარმოქმნას. მისი მტკიცებით, აღნიშნული გრანულებით დაზიანებული ერითროციტები სპეციფიური მემკვიდრეობით გადაცემული ტოქსინების მატარებლებია. ეს სპეციფიური მემკვიდრეობითი
ალერგოზები ბავშვს დედის სისხლით გადაეცემა და შესაძლოა შთამომავლობის მთელი თაობები დააავადოს.
სპეციალურ საკვებ ნიადაგებზე გრანულების გამოზრდის შემდეგ დოქტორმა შპენგლერმა დაამზადა ვაქცინა, რომელიც გამოიყენება, ჰომეოპათიურად პოტენცირებული ფორმის სახით ქრონიკული ინფექციების დროს, აქტიური იმუნიზაციისათვის. ადამიანის სისხლში დაავადების გადატანის შედეგად არსებული ანტისხეულები, ანტიგენანტისხეულის რეაქციის ტიპის მიხედვით რეაგირებას ახდენენ შპენგლერის შესაბამის კოლოიდთან.
Polysan-ის პრეპარატების გამოყენებით ძლიერდება სხეულის სპეციფიური იმუნური დაცვა. აღსანიშნავია, რომ ადგილობრივი ჩივილები არ მიუთითებს ქრონიკული კერის აუცილებელ არსებობაზე, რომლის შემთხვევაში მკურნალობა აუცილებლად უნდა ჩატარდეს, ვინაიდან ამ ანთებით კერებს შეუძლიათ დათრგუნონ ორგანიზმის შიდა რეგულაცია.
მიღების წესი და დოზირება
მკურნალობის მიზნით:
ჩვეულებრივ, ინიშნება 5-10 წვეთი შეზელვის სახით იდაყვის ფოსოში დღეში სამჯერ.
დიაგნოსტიკის მიზნით:
საანალიზო სისხლის 1 წვეთი უნდა შეერიოს Polysan-ის შესაბამისი ანტიგენის 1 წვეთს. ანტიგენ-ანტისხეულის ტიპის რეაქციის განხორციელების შემთხვევაში ვითარდება აგლუტინაციის რეაქცია, რომელიც შეუიარაღებელი თვალით და მიკროსკოპით ჩანს. აგლუტინაციის ხარისხი ანტისხეულების ტიტრის საზომს წარმოადენს.
გვერდითი ეფექტები
არ არის ცნობილი. ვინაიდან Polysan `A~ შეიცავს სპეციფიურ ორგანულ კომპონენტებს, თეორიულად შესაძლებელია ჰიპერმგრძნობელობის გამოვლენა. ასეთ შემთხვევაში მიღება უნდა შეწყდეს და
მკურნალობა გაგრძელდეს სიმპტომურად.
უკუჩვენება
არ არის ცნობილი
სხვა პრეპარატებთან ურთიერთქმედება
არ არის ცნობილი
პროფილაქტიკა
პრეპარატიც არ გამოიყენება ექიმის დანიშნულების გარეშე ორსულ ქალებში, მეძუძურ დედებში და ბავშვებში
მკურნალობის ხანგრძლივობა
ექიმის დანიშნულების შესაბამისად.
გამოშვების ფორმები
წვეთები 10 მლ საწვეთურიან ფლაკონში
სად შევიძინოთ?