პრედნიზოლონი / prednizolone
- საერთაშორისო დასახელება (აქტიური ნივთიერება): prednizolone
- კლინიკურ-ფარმაკოლოგიური ჯგუფი: გლუკოკორტიკოიდები → გარეგანი გამოყენების სტეროიდები
- მწარმოებელი კომპანია: შტადა
- მწარმოებელი ქვეყანა: გერმანია
- გამოშვების ფორმა: 0.5% გარეგანი გამოყენების მალამო 10გრ ტუბში
- გაცემის რეჟიმი: III ჯგუფი (ურეცეპტოდ)
შემადგენლობა
პრედნიზოლონი 0,5გ;
ფუძე (გლიცერინი, ვაზელინი, სტეარინის მჟავა, ემულგატორი #1, ნიპაგინი, ნიპაზოლი, გამოხდილი წყალი) 100გ-მდე.
ფარმაკოლოგიური თვისებები
პრედნიზოლონს გააჩნია ანთების საწინააღმდეგო, ალერგიის საწინააღმდეგო და ანტიექსუდატური მოქმედება
ჩვენებები
პრეპარატი ნაჩვენებია კანის არამიკრობული ანთებითი და ალერგიული დაავადებების კომპლექსურ თერაპიაში გამოსაყენებლად: ეკზემა, ალერგიული, სებორეული და კონტაქტური დერმატიტი, ნეიროდერმიტი, ფსორიაზი, წითელი მგლურა, ერითროდერმია
მიღების წესები და დოზები
პრეპარატი ინიშნება ექიმის მიერ. პრედნიზოლონი დაიტანება თხელი ფენით კანის დაზიანებულ უბნებზე 1-3 ჯერ დღეში. მკურნალობის ხანგრძლივობა დამოკიდებულია დაავადების ხასიათზე და თერაპიის ეფექტურობაზე. იგი შეადგეს 6-14 დღეს, შესაძლებელია მისი გაგრძელება 20 დღემდე. დაზიანებულ შემოფარგლულ უბნებზე შესაძლებელია ოკლუზიური საფენების გამოყენება. პრეპარატის გამოყენებისას 1 წლის ასაკის ბავშვებში და ზევით მკურნალობის კურსის ხანგრძლივობა მცირდება და არ გამოიყენებენ ზომებს, რომლებიც იწვევენ სტეროიდის რეზორბციის და შეწოვის გაძლიერებას (ფიქსირებული, ოკლუზიური და გამათბობელი საფენები).
გვერდითი მოვლენები
პრეპარატის გამოყენებისას ავადმყოფებში ინდივიდუალური აუტანლობით შესაძლებელია განვითარდეს ჰიპერემია, შეშუპება, ქავილი. მისი ხანგრძლივი გამოყენებისას შეიძლება წარმოიშვას კანის მეორადი ინფექციური დაზიანება, მისი ატროფიული ცვლილებები, ჰიპერტრიქოზი. ამის თავიდან ასაცილებლად რეკომენდებულია პრეპარატის ერთდროული დანიშნვნა ანტიბაქტერიულ, სოკოს საწინააღმდეგო საშუალებებთან. პრეპარატის ხანგრძლივი გამოყენებისას დიდ უბნებზე შესაძლებელია განვითარდეს ჰიპერკორტიციზმი. ასეთ შემთხვევაში რეკომენდებულია პრეპარატის მოხსნა.
უკუჩვენება
მომატებული მგრძნობელობა პრეპარატის მიმართ. პრედნიზოლონის გამოყენება წინააღმდეგნაჩვენებია კანის ჭრილობების დროს, ბაქტერიული, ვირუსული და სოკოვანი დაავადებების დროს. პრეპარატი არ ინიშნება ორსულებში.
ორსულობა და ლაქტაცია
გლუკოკორტიკოიდები გაივლიან პლაცენტურ ბარიერს. შესაძლებელია მათი ზემოქმედება ნაყოფზე სხეულის დიდ ზედაპირზე პრეპარატის გამოყენებისას. პრეპარატი სიფრთხილით ინიშნება ლაქტაციის პერიოდში.
განსაკუთრებული მითითებები
პრეპარატის გამოყენებისას ბავშვებში, სახის არეში ან საფენების ქვეშ მკურნალობის ხანგრძლივობა მცირდება. ბავშვებში თირკმელზედა ჯირკვლის ფუნქციის დათრგუნვა ვითარდება უფრო სწრაფად. ასევე შესაძლებელია ზრდის ჰორმონის ექსკრეციის შემცირება. პრეპარატის ხანგრძლივი გამოყენებისას ყურადღება უნდა მიექცეს სხეულის წონას, ზრდის პროცესს და კორტიზოლის კონცენტრაციას პლაზმაში.
ჭარბი დოზირება
პრეპარატის ხანგრძლივი გამოყენებისას დიდი რაოდენობით შესაძლებელია ჰიპერკორტიციზმის სიმპტომების განვითარება
აფთიაქში გაცემის წესი
შენახვის ვადა : 2 წელი.
დაუშვებელია ვადაგასული პრეპარატი გამოყენება.
ინახება არა უმეტეს 20 ° C. , სინათლისაგან და ბავშვებისაგან დაცულ ადგილას.
რეგისტრაციის # და თარიღი
15.09.2008
სად შევიძინოთ?