პროტოპიკი® / PROTOPIC®
- საერთაშორისო დასახელება (აქტიური ნივთიერება): tacrolimus
- კლინიკურ-ფარმაკოლოგიური ჯგუფი: იმუნოლოგია → იმუნოდეპრესიული საშუალებები
- მწარმოებელი კომპანია: Astellas Toyama Co
- მწარმოებელი ქვეყანა: იაპონია
- გამოშვების ფორმა: 0.1% 30გ გარეგანი გამოყენების მალამო ტუბში
- გაცემის რეჟიმი: III ჯგუფი (ურეცეპტოდ)
შემადგენლობა
100გ მალამო შეიცავს 0.03გ ან 0.1გ ტაკროლიმუსს. (ტაკროლიმუსის მონოჰიდრატის სახით); დამხმარე ნივთიერებები: თეთრი რბილი პარაფინი, თხევადი პარაფინი, პროპილენკარბონატი, ფუტკრის თეთრი ცვილი, მყარი პარაფინი.
ფარმაკოლოგიური თვისებები
ფარმაკოდინამიკა
ტაკროლიმუსი მიეკუთვნება კალცინევრინის ინჰიბიტორების ჯგუფს. ის უკავშირდება სპეციფიკურ ციტოპლაზმურ ცილა იმუნოფილინს (FKBP12), რომელიც წარმოადგენს კალცივერინისთვის (FK506) ციტოზოლურ რეცეპტორს. ამის შედეგად ყალიბდება კომპლექსი, რომელშიც გაერთიანებულია, ტაკროლიმუსი, FKBP12, კალციუმი, კალმოდულინი და კალცივერინი, რაც იწვევს კალცივერინის ფოსფატაზური აქტივობის ინჰიბირებას. ეს შეუძლებელს ხდის ციტოკინების (ილ-2 და ინტერფერონი-გამა) პროდუქციის მაკოდირებელი უმნიშვნელოვანესი T- უჯრედული იმუნური პასუხის გენების ტრანკრიპციის ინიციაციისთვის აუცილებელ დეფოფორილირებას და აქტივირებული T- უჯრედების (NFAT), ბირთვული ფაქტორის ტრანსლოკაციას. ამის გარდა, ტაკროლიმუსი აინჰიბირებს ისეთი ციტოკინების პროდუქციის მაკოდირებელი გენების ტრანსკრიპციას, როგორიცაა ილ-3, ილ-4, ილ-5, გრანულოციტარულ-მაკროფაგული კოლონემასტიმულირებელი ფაქტორი (გმგკმფ) და სიმსივნის ნეკროზის ფაქტორი (სნფ-ά), რომლებიც მონაწილეობას ღებულობენ T-ლიმფოციტების აქტივაციის საწყის ეტაპებზე. ამის გარდა, ტაკროლიმუსის გავლენით, ადგილი აქვს ღრუბლოანი უჯრედებიდან, ბაზოფილებიდან, ეოზინოფილებიდან ანთების მედიატორების გამოთავისუფლების ინჰბირებას, ასევე ლანგერგანსის უჯრედებზე FcєRI (იმუნოგლობულინ E- ს მაღალაფინური ზედაპირული რეცეპტორი) ექსპრესის შემცირებას, რაც იწვევს მათი აქტივობის შემცირებას და ანტიგენის T- ლიმფოციტებით პრეზენტირებას. ტაკროლიმუსის მალამო არ ახდენს გავლენას კოლაგენის სინთეზზე და ამის გამო არ იწვევს კანის ატროფიას
ფარმაკოკინეტიკა
აბსორბცია.
ტაკროლიმუსის შეწოვა სისტემურ სისხლის მიმოქცევაში ადგილობრივი გამოყენებისას მინიმალურია. ატოპიური დერმატიტით დაავადებულთა უმეტესობაში (მოზრდილებში და ბავშვებში) 0.03-0.1% ტაკროლიმუსის მალამოს როგორც ერთჯერადი ისე განმეორებითი გამოყენებისას, მისი კონცენტრაცია სისხლის პლაზმაში შეადგნდა
განაწილება ორგანიზმში.
იმასთან დაკავშირებით, რომ ტაკროლიმუსის მალამოს სისიტემური აბსორბცია არის დაბალი, პლაზმის ცილებთან კავშირის მაღალი უნარი (>98.8%) განიხილება როგორც კლინიკურად უმნიშვნელო.
მეტაბოლიზმი. ტაკროლიმუსი არ მეტაბოლიზდება კანში. სისტემურ სისხლის მიმოქცევაში მოხვედრისას ტაკროლიმუსი მნიშვნელოვანი ხარისხით მეტაბოლიზდება ღვიძლში CYP3A4 საშუალებით.
გამოყოფა.
ტაკროლიმუსის მალამოსMმრავალჯერადი ადგილობრივი გამოყენებისას ნახავარგამოყოფის პერიოდი მოზრდილებში შეადგენს 75 საათს და ბავშვებში 65 საათს.
ჩვენებები
პროტოპიკი® მალამო მოზრდილებში გამოიყენება დოზირებით 0.03% და 0.1% და მხოლოდ 0,03% ბავშვებში 2-დან 16 წლამდე, ატოპიური დერმატიტის (საშუალო სიმძიმის და მძიმე ფორმების დროს) სხვა გარეგან თერაპიაზე რეზისტენტობის ან მასზე უკუჩვენების არსებობისას.
მიღების წესები და დოზები
მოზრდილებში და 2 წელზე უფროსი ასაკის ბავშვებში პროტოპიკს ადებენ თხელ ფენად კანის დაზიანებულ უბანზე. პრეპარატის გამოყენება შეიძლება სხეულის ნებისმიერ უბანზე, მათ შორის სახეზე და ყელზე, კანის ნაკეცების მიდამოში. არ შეიძლება პრეპარატის დადება ლორწოვან გარსზე და ოკლუზიური სახვევის ქვეშ.
გამოყენება ბავშვებში (2 წელი და უფროსი ასაკის) და მოზარდები 16 წლამდე მკურნალობა უნდ ადაიწყოს 0,03% მალამო პროოპიკის დადებით დღეში 2-ჯერ. მკურნალობის ხანგრძლივობა ამ სქემის მხედვით არ უნდა აჭარბებდეს 3 კვირას. შემდგომში გამოყენების სიხშირე მცირდება დღეში 1 ჯერამდე, მკურნალობა გრძელდება დაზიანებული უბნების სრულ გასუფთავებამდე.
მალამოს გამოყენება მოზრდილებში და 16 წელზე უფროსი ასაკის მოზარდებში მკურნალობა უნდა დაიწყოს პროტოპიკის 0.1% მალამოს გამოყენებით დღეში ორჯერ და უნდა გაგრძელდეს დაზიანების კერების გასუფთავებამდე. გაუმჯობესებასთან ერთად უნდა შემცირდეს 0.1% მალამოს გამოყენება და უნდა მოხდეს 0.03% მალამოს გამოყენებაზე გადასვლა. დაავადების სიმპტომების განმეორებითი განვითარებისას საჭიროა მკურნალობის განახლება პროტოპიკის 0,1%-იანი მალამოთი დღეში ორჯერ. თუ კლინიკური სურათი იძლევა ამის საშუალებას საჭიროა პრეპარატის გამოყენების სიხშირის ან დოზირების შემცირების (0,03%) მცდელობა.
პრეპარატის გამოყენება ხანდაზმულ ასაკში (65 წელი და მეტი)
ხანდაზმულ ასაკში პრეპარტის გამოყენების თავისებურებანი არ არსებობს.
როგორც წესი, გაუმჯობესება აღინიშნება მკურნალობის პირველი კვირის განმავლობაში. თუ გაუმჯობსების ნიშნები არ გამოვლინდა მალამოს გამოყენების დაწყებიდან პირველი ორი კვირის განმავლობაში, აუცილებელია თერაპიული პრაქტიკის შეცვლის საკითხის განხილვა.
გამწვავების მკურნალობა
პროტოპიკის® მალამოს გამოყენება შეიძლება ხანმოკლედ და ხანგრძლივად თერაპიის განმეორებითი კურსის სახით. კანის დაზიანებული უბნების მკურნალობა ხორციელდება ატოპიური დერმატიტის კლინიკური გამოვლენის სრულ გაქრობამდე. თუ გაუმჯობსების ნიშნები არ გამოვლინდა მალამოს გამოყენების დაწყებიდან პირველი ორი კვირის განმავლობაში, აუცილებელია შემდგომი მკურნალობის სხვა ვარიანტების განხილვა. მკურნალობის განახლება უნდა მოხდეს ატოპიური დერმატიტის გამწვავების პირველი ნიშნების გამოვლენისთანავე.
გამწვავების პროფილაქტიკა
გამწვავების თავიდან ასაცილებლად და რემისიის ხანგრძლივობის გასაზრდელად, პაციენტებში, ანამნეზში ხშირი გამწვავებებით (4-ზე მეტი წელიწადში), რეკომენდებულია მალამო პრპტოპიკით შემანარჩუნებელი თერაპია. შემანარჩუნებელი თერაპიის მიზანშეწონილობა განისაზღვრება სტანდარტული სქემით (2-ჯერ დღეში) არაუმეტეს 6 კვირიოს განმავლობაში, წინამორბედი მკურნალობის ეფექტურობით.
შემანარჩუნებელი თერაპიისას პროტოპიკის მალამოს ნიშნავენ კვირაში 2-ჯერ (მაგალითდ ორშაბათას და ხუთშაბათს) გამწვავების დროს დაზიანებულ კანის უბნებზე.
პრეპარტის დადებებს შორის დროის ინტერვალი უნდა იყოს არაუმცირეს 2-3 დღე. მოზრდილებში და 16 წლის, ასევე უფროსი ასაკის მოზარდებში გამოიყენება პროტოპიკის 0.1% მალამო. ბავშვებში (2 წლამდე და უფროსი ასაკის) - პროტოპიკის 0.03% მალამო. გამწვავების ნიშნების გამოვლენისას უნდა გადავიდნენ პროტოპიკის მალამოს გამოყენების ჩვეულ რეჟიმზე (იხილე განყოფილება გამწვავების მკურნალობა”).
შემანარჩუნებელი თერაპიიდან 12 თვის შემდეგ აუცილებელია პაციენტის მდგომარეობის შეფასება და პროტოპიკის მალამოს პროფილაქტიკური გამოყენების მიზანმიმართულობა. ბავშვებში დავადების მიმდინარეობის ხასიათის შესაფასებლად საჭიროა პრეპარტის დროებითი მოხსნა და შემდეგ შემანარჩუნებლი თერაპიის გაგრძელების აუცილებლობის შეფასება.
გვერდითი მოვლენები
მეტნაკლებად ხშირ არასასურველ ეფექტებს მიეკუთვნება დადების ადგილზე კანის გაღიზიანების სიმპტომები (წვის და ქავილის შეგრძნება, გაწითლება, ტკივილი, პარესთეზია და გამონაყარი). როგორც წესი ისინი გამოხატულია ზომიერად ან უმნიშვნელოდ და ქრება მკურნალობის დაწყებიდან პირველი კვირის განმავლობაში.
ხშირად გვხვდება ალკოჰოლის აუტანლობა (სახის გაწითლება ან კანის გაღიზიანების სიმტომები სპირტიანი სასმელების გამოყენების შემდეგ).
იმ პაციენტებში, რომლებიც იყენებენ პროტოპიკის მალამოს, აღინიშნება ფოლიკულიტის, აკნეს და ჰერპესული ინფექციის მომატებული რისკი.
გამოვლენის სიხშირის მიხედვით არასასურველი ეფექტები იყოფა არც ისე ხშირ (>1/10), ხშირ (>1/100, <1/10) და იშვიათ (>1/1.000, 1/100) რეაქციებად. ყოველი ჯგუფის ფარგლებში არასასურველი რეაქციები წარმოდგენილია მნიშვნელობის შემცირების რიგით.
ზოგადი ხასიათის დარღვევები და ადგილობრივი რეაქციები:
ძალიან ხშირი: წვა და ქავილი გამოყენების ადგილას
ხშირი: სითბოს შეგრძნება, გაწითლება, ტკივილი, გაღიზიანება, გამონაყარი გამოყენების ადგილას.
ინფექციები
ხშირი: ჰერპესული ინფექცია (სახის და ტუჩის Hჰერპეს-სიმპლექსი), კაპოშის ვარიცელოფორმული გამონაყარი).
კანი და კანქვეშა ქსოვილი:
ხშირი: ფოლიკულიტი, ქავილი
არახშირი: აკნე
ნერვული სისტემა:
ხშირი: პარესთეზია, ჰიპერესთეზია
მეტაბოლიზმის და კვების თავისებურებანი
ხშირი: ალკოჰოლის აუტანლობა (სახის ჰიპერემია ან კანის გაღიზიანების სიმპტომები სპირტიანი სასმელების გამოყენების შემდეგ).
პრეპარატის გამოყენების მანძილზე დარეგისტრირდა როზაცეას და მალიგნიზაციის (ლიმფომის კანის და სხვა სახეობები, კანის კიბო) ერთეული შემთხვევები
უკუჩვენება
ჰიპერმგრძნობელობა ტაკროლიმუსის, დამხმარე ნივთიერებების, მაკროლიდების მიმართ. ორსულობა და ლაქტაციის პერიოდი.
პროტოპიკის მიღება რეკომენდებული არ არის პაციენტებში ეპიდერმული ბარიერის გენეტიკური დეფექტებით, როგორიცაა ნეტერტონის სინდრომი, ასევე გენერალიზებული ერითროდერმიის დროს ტაკროლიმუსის სისტემური აბსორბციის პროგრესირებადი გაზრდის რისკთან დაკავშირებით. მალამო პროტოპიკის® გამოყენება, დოზირებით 0.1% უკუნაჩვენებია ბავშვებში და 16 წელზე უმცროსი ასაკის მოზარდებში, ასევე დოზირებით 0.03% - ბავშბევში 2 წლამდე.
სიფრთხილით
პროტოპიკი® მნიშვნელოვანწილად მეტაბოლიზდება ღვიძლში. მიუხედვად იმისა, რომ გარეგანი გამოყენებისას მისი კონცენტყრაცია სისხლში ძალიან დაბალია, ავადმყოფებში ღვიძლის დეკომპენსირებული უკმარისობით, სიფრთხილით გამოიყენება.
მალამო პროტოპიკის® გამოყენებისას სიფრთხილეა საჭიროა ავადმყოფებში კანის ვრცელი დაზიანებისას, განსაკუთრებით ხანგრძლივი კურსებით გამოყენების დროს და ბავშვებში
განსაკუთრებული მითითებები
პროტოპიკის მალამოს გამოყენება არ შეიძლება თანდაყოლილი ან შეძენილი იმუნოდეფიციტის მქონე პირებში ან იმ პაციენტებში, რომლებიც იღებენ იმოსუპრესიულ პრეპარატებს.
პროტოპიკის მალამოს გამოყენებისას აუცილებელია თავის დაცვა კანზე მზის სხივების მოხვედრისგან, სოლარიუმში ულტრაიისფერი დასხივებისგან თავის შეკავება ბ ან ა ულტრაიისფერი სხივებით მკურნალობა ფსორალენთან კომბინაციაში (PUVA თერაპია).
პროტოპიკის მალამოს გამოყენება არ შეიძლება იმ დაზიანებული უბნების სამკურნალოდ, რომლებიც განიხილება როგორც პოტენციურად ავთვისებიანი ან ავთვისებიანობისადმი მიდრეკილი.
2 საათის განმავლობაში კანის იმ უბნებზე, სადაც დადებული იქნა პროტოპიკის მალამო, არ შეიძლება დამარბილებლის გამოყენება.
პროტოპიკის მალამოს სხვა გარეგანი გამოყენების პრეპარტებთან, სისტემურ გლუკოკორტიკოსტეროიდებთან და იმუნოდეპრესანტებთან ერთად გამოყენების შესაძლებლობა არ არის შესწავლილი.
პროტოპიკის მალამოს გამოყენების ეფექტურობა და უსაფრთხოება ინფიცირებული ატოპიური დერმატიტის მკურნალობის საქმეში შეფასებული არ არის. ინფიცირების ნიშნების არსებობისას პროტოპიკის მალამოს დანიშვნამდე აუცილებელია შესაბამისი მკურნალობის განხორციელება. პროტოპიკის მალამოს გამოყენება შეიძლება დაკავშირებული იყოს ჰერპესული ინფექციის განვითარების მაღალ რისკთან. ჰერპესული ინფექციის ნიშნების არსებობისას საჭიროა პროტოპიკის სარგებლის და რისკის ინდივიდუალური შეფასება.
ლიმფადენოპათიის არსებობისას აუცილებელია პაციენტის გამოკვლევა მკურნალობის დაწყებამდე და შემდგომ მათზე დაკვირვება მთელი მკურნალობის მანძილზე. ლიმფადენოპათიის აშკარა მიზეზის არარსებობისას ან მწვავე ინფექციური მონონუკლეოზის სიმპტომების არსებობისას, აუცილებელია პროტოპიკის მალამოს გამოყენების შეწყვეტა.
თავიდან უნდა იქნას აცილებული მალამოს მოხვედრა თვალში და ლორწოვან გარსებზე (მალამოს შემთხვევითი მოხვედრისას აუცილებელია მისი ფრთხილი მოცილება ან/და წყლით ჩამობანა).
არ არის რეკომენდებული პროტოპიკის მალამოს წასმა ოკლუზიური ნახვევის ქვეშ ან ჰაერგაუმტარი მჭიდრო ტანსაცმლის ტარება.
ისევე როგორც ნებისმიერი სხვა ადგილობრივი გამოყენების სამკურნალო საშუალებების გამოყენებისას, პაციენტებმა უნდა დაიბანონ ხელები მალამოს დადების შემდეგ, გარდა იმ შემთხვევბისა, როდესაც სამკურნალო მიზნით მალამოს ხელებზე იდებენ.
ჭარბი დოზირება
ადგილობრივი გამოყენებისას დოზის გადაჭარბების შემთხევევბი აღწერილი არ არის.
შიგნით მიღებისას აუცილებელია ზოგადი ხასიათის ღონისძიებების განხირციელება, რაც მოიცავს ორგანიზმის სასიცოცხლო მნიშვნელობის ფუნქციების კონტროლს და ზოგად მდგომარეობაზე დაკვირვებას.
ღებინების პროვოცირება და კუჭის ამორეცხვა რეკომენდებული არ არის
სხვა წამლებთან ურთიერთქმედება
ტაკროლიმუსი არ მეტაბოლიზდება კანში, რაც გამორიცხავს კანში სამკურნალო საშუალებების ურთიერთქმედების რისკს, რამაც შეიძლება ზეგავლენა მოახდინოს მის მეტაბოლიზმზე. იმის გამო, რომ ტაკროლიმუსის სისტემური აბსორბცია მისი მალამოს სახით გამოყენებისას მინიმალურია, ნაკლებსავარაუდოა ურთიერთქმედება CYP3A4 ცნობილი ინჰიბიტორების (ერითრომიცინი, ინტრაკონაზოლი, კეტოკონაზოლი, დილთიაზემი და სხვა) ერთროული გამოყენებისას, თუმცა ბოლომდე არ არის გამორიცხული პაციენტებში დაზიანების ფართო უბნებით ან/და ერითროდერმიით.
პროტოპიკის მალამოს ზემოქმედება ვაქცინაციის ეფექტურობაზე არ არის შესწავლილი. თუმცა, ეფექტურობის შემცირების პოტენციური რისკის გამო, ვაქცინააციის განხორციელება აუცილებელია მალამოს გამოყენების დაწყებამდე ან პროტოპიკის მალამოს უკანასკნელი გამოყენებიდან 14 დღის შემდეგ. ცოცხალი ატენიურებული ვაქცინის გამოყენებისას ეს პერიოდი შეიძლება გახანგძლივდეს 28 დღემდე, წინაააღმდეგ შემთხევევაში საჭიროა ალტერნატიული ვაქცინის გამოყენების შესაძლებლობის გადახედვა.
მალამო პროტოპიკის® სხვა გარეგან საშუალებებთან, სისტემურ გლუკოკორტიკოიდებთან და იმუნოდეპრესანტებთან ერთად შესწავლილი არ არის
შენახვის პირობები და ვადები
ინახება არაუმეტეს 25oC ტემპერატურაზე.
ინახება ბავშვებისთვის მიუწვდომელ ადგილას.
შენახვის ვადა 3 წელი. არ შეიძლება პრეპარატის გამოყენება შეფუთვაზე მითითებული შენახვის ვადის ამოწურვის შემდეგ.
აფთიაქში გაცემის წესი
ფარმაცევტული პროდუქტის ჯგუფი II (გაიცემა ექიმის რეცეპტით).
რეგისტრაციის # და თარიღი
რეგისტრაციის მოქმედების ვადა: 16.11.2014
რეგისტრაციის მოქმედების ვადა: 16.11.2014
სად შევიძინოთ?