სოლტუქსი / Soltuks
- საერთაშორისო დასახელება (აქტიური ნივთიერება): comb. drug
- კლინიკურ-ფარმაკოლოგიური ჯგუფი: პულმონოლოგია → მუკოლიზური და ხველის საწინააღმდეგო საშუალებები → მუკოლიზური და ამოსახველებელი საშუალებები
- მწარმოებელი კომპანია: DIFASS S.A
- მწარმოებელი ქვეყანა: იტალია
- გამოშვების ფორმა: სიროფი 200მლ ფლაკონი #1
- გაცემის რეჟიმი: III ჯგუფი (ურეცეპტოდ)
შემადგენლობა
ადჰატოდა ვაზიკას (Adhatoda vasika) მშრალი ექსტრაქტი 100 მგ.
სუროს ფოთლების (Hedera helix) ექსტრაქტი 175 მგ
მრგვალფოთოლა დროზერას (Drozera rotundifolia) მშრალი ექსტრაქტი 75 მგ
ძირტკბილას (Glycyrrhiza glabra) მშრალი ექსტრაქტი 40 მგ
ბეგქონდარას (Thymus vulgaris) მშრალი ექსტრაქტი 75 მგ
გრინდელიას (Grindelia Robusta) მშრალი ექსტრაქტი 50 მგ
ყაყაჩოს ყვავილის (Papaver rhoeas) მშრალი ექსტრაქტი 50 მგ
C ვიტამინი 30 მგ
თუთიის ციტრატი 4,5 მგ
დამხმარე ნივთიერებები: მოცხარის ნატურალური წვენი, ფრუქტოზა, ევკალიპტის თაფლი.
ფარმაკოლოგიური თვისებები
სოლტუქსი – მუკოლიტიკი, რომელიც დამზადებულია სპეციალურად შერჩეული მცენარეების ნაკრებისაგან, რომლის შემადგენლობაში შედის თუთია და ვიტამინი C. სოლტუქსი ახდენს ხველის შეტევის კუპირებას და გააჩნია ანთებისსაწინააღმდეგო და ანტიმიკრობული მოქმედება.
Adhatoda vasika: უხსოვარი დროიდან გამოიყენებოდა როგორც მუკოლიტიკი. მასში შემავალი ალკალოიდის წარმოებული vazisin-ი ორგანიზმში გარდაიქმნება ამბროქსოლის აქტიურ მეტაბოლიტად. ალკალოიდი ადჰატოდა ვაზიკა არღვევს მუკოპოლისაქარიდებისა და მუკოპროტეინების მტკიცე შენაერთს ნახველში, რის შედეგადაც გამოთავისუფლებული ლიზოსომური ფერმენტები ათხიერებენ ნახველს და ხელს უწყობენ სასუნთქი გზების გათავისუფლებას. აფერხებენ ისეთი მიკრობების გამრავლებასა და განვითარებას, როგორიცაა: სტაფილოკოკი, სტრეპტოკოკი, ტუბერკულოზისა და ნაწლავის ჩხირი. მისი ერთ-ერთი მთავარი უპირატესობაა სურფაქტანტის სინთეზის აქტივაცია და მუკოცილიარული კლირენსის აღდგენა.
Hedera helix: აქვს ამოსახველებელი, მუკოლიზური და ანტიბაქტერიული მოქმედება, ჰედერა და ჰედერაგინინი სპაზმოლიზურად მოქმედებს ბრონქების გლუვ კუნთებზე, ხსნის ბრონქოსპაზმს, ხოლო ბუნებრივი ფლავონოიდები აძლიერებენ ბრონქების მოციმციმე ეპითელის მოძრაობას და ნახველის გამოდევნას.
Thymus vulgaris: მის შემადგენლობაში შედის ეთერზეთები და ფლავონოიდები, გააჩნია ბრონქოლიზური, ამოსახველებელი და მუკოლიზური ეფექტი. იგი გამოიყენება ზედა და ქვედა სასუნთქი გზების ანთებითი დაავადებების დროს, ასევე გააჩნია ბაქტერიოსტატული მოქმედება რეზისტენტული შტამების მიმართაც კი. მეცნიერულად დამტკიცებულია რომ ის მოქმედებს პიროგენულ სოკოებზე. ასევე, ათხიერებს ხახისა და ბრონქის ლორწოვანის მიერ გამომუშავებულ ლორწოს.
Papaver rhoeas: ყაყაჩოს ყვავილის ფურცლის მშრალი ექსტრაქტი ამცირებს ხველის შეტევებს.
Grindelia Robusta: მასში შემავალ ალკალოიდებს აქვთ ანტისეპტიური, მუკოლიზური და ანტისპაზმური თვისებები, აგრეთვე მასში არსებული ეთერზეთებს აქვთ იმუნომასტიმულირებელი ეფექტი.
Drozera rotundifolia: მასში შემავალი ნაფტოქინები სპაზმოლიზურ გავლენას ახდენენ ბრონქების გლუვ მუსკულატურაზე, აგრეთვე, მასში შემავალ ნივთიერება პლიმბაგოს აქვს ანტისეპტიური და სოკოს საწინააღმდეგო მოქმედება.
ვიტამინი C და ცინკი ზრდიან ინტერფერონის დონეს და ასტიმულირებენ იმუნურ სისტემას. ამიტომ, სოლტუქსის გამოყენება მიზანშეწონილია დაქვეითებული იმუნიტეტის მქონე და ძლიერი ხველებით პაციენტებში. ვიტ. ჩ მონაწილეობს უჯრედის ოქსიგენაციის პროცესში. ახდენს ნახველის გამათხიერებელი ფერმენტების აქტივაციას, გააჩნია ანთებისსაწინააღმდეგო მოქმედება.
ჩვენებები
- სასუნთქი გზების მწვავეDდა ქრონიკული დაავადებები, მიმდინარე წებოვანი ნახველის არსებობით (ბრონქიტი, ტრაქეობრონქიტი, ობსტრუქციული ბრონქიტი, პნევმონია, ფილტვის ემფიზემა)
- ვირუსული ეტიოლოგიის ხველა
- ყივანახველა
- ბრონქული ასთმა (კომპლექსური თერაპია)
- ფილტვების ტუბერკულოზი
- ლარინგიტი, ფარინგიტი, რინოსინუსიტი
- აგფ-ინჰიბიტორების მიღებით განპირობებული ხველა
- მწეველთა ბრონქიტი
მიღების წესები და დოზები
0-1 წლამდე ბავშვებში: საზომი მენზურის 1/4 (2,5 მლ) 3-ჯერ დღეში
1-6 წლამდე ბავშვებში: საზომი მენზურის 1/2 (5 მლ) 3-ჯერ დღეში.
ბავშვებში 6 წლიდან და მოზრდილებში: 1 მთლიანი დოზა (10 მლ) 3-ჯერ დღეში. სოლტუქსის სიროფი მიიღება საკვების მიღების შემდეგ. საჭიროების შემთხვევაში შესაძლოა დაინიშნოს დღეში 4-ჯერ. მიღების წინ სიროფი შეანჯღრიეთ!
გვერდითი მოვლენები
იშვიათად შეიძლება გამოვლინდეს გულისრევა.
უკუჩვენება
მომატებული მგრძნობელობა შემადგენელი კომპონენტების მიმართ.
განსაკუთრებული მითითებები
ორსულებში ინიშნება მხოლოდ ექიმის რეკომენდაციით (რადგან პრეპარატის შემადგენლობაში შემავალი Adhatoda vasika იწვევს საშვილოსნოს ტონუსის მომატებას). პრეპარატი ინიშნება ლაქტაციის დროს.
სად შევიძინოთ?