ფურაცილინის 0,02% ხსნარი / Solutio Furacilini 0,02%
- საერთაშორისო დასახელება (აქტიური ნივთიერება): comb. drug
- კლინიკურ-ფარმაკოლოგიური ჯგუფი: ანტისეპტიკური საშუალებები → ანტისეპტიკური საშუალებები ადგილობრივი გამოყენებისათვის
- მწარმოებელი კომპანია: ნატურფარმი
- მწარმოებელი ქვეყანა: საქართველო
- გამოშვების ფორმა: 50 მლ., 100 მლ. ხსნარი ფლაკონში
- გაცემის რეჟიმი: III ჯგუფი (ურეცეპტოდ)
ფარმაკოლოგიური თვისებები
ფურაცილინი წარმოადგენს ანტიბაქტერიულ საშუალებას. იგი მოქმედებს გრამდადებით და გრამუარყოფით მიკროორგანიზმებზე, სტაფილოკოკებზე, სტრეპტოკოკებზე, აიროვანი განგრენის გამომწვევებზე.
ჩვენებები
ფარმაკოთერაპიული ჯგუფი: ანტისეპტიკური საშუალება.
გამოიყენება გარეგანად ჩირქოვანი ანთებითი პროცესების მკურნალობის და პროფილაქტიკისთვის. პრეპარატს იყენებენ ჭრილობების, ნაწოლების, წყლულოვანი დაზიანებების, II და III ხარისხის დამწვრობების დროს. ჰაიმორის და ცხვირის სხვა დანამატი ღრუების, აგრეთვე თვალის სკროფულოზური დაავადებების და კონიუნქტივების შემთხვევაში. საცრემლე პარკის გამორეცხვის მიზნით გამოიყენება ფურაცილინის წყლიანი სტერილური ხსნარი.
გვერდითი მოვლენები
ფურაცილინი გარეგანი გამოყენებისას ხასიათდება კარგი ტოლერანტობით. ზოგჯერ შესაძლებელია დერმატიტების განვითარება, რაც პრეპარატის გამოყენების დროებით შეჩერებას ან მისი გამოყენების მთლიანად შეწყვეტას საჭიროებს
უკუჩვენება
ფურაცილინის გარეგანი გამოყენება ქრონიკული ალერგიული დერმატოზებით შეპყრობილ ავადმყოფებში ნებადართული არ არის
სად შევიძინოთ?