Plasmon

იხილეთ აფთიაქების ჩამონათვალი

ბრილიანტის მწვანეს 1% სპირტიანი ხსნარი / Solutio Viridis nitentis spirituosa 1 %
შემადგენლობა

ბრილიანტის მწვანე - 1გ, ეთილის სპირტი 60% -100მლ-მდე.
აღწერა: ინტენსიური მწვანე ფერის, გამჭვირვალე სითხე, სპირტის დამახასიათებელი სუნით.

ფარმაკოლოგიური თვისებები
ბრილიანტის მწვანე აქტიურია გრამდადებითი მიკრობების მიმართ, არ ახასიათებს გამაღიზიანებელი მოქმედება (არ იწვევს ქსოვილშიდა წნევის მომატებას).

ფარმაკოკინეტიკა
პრეპარატი მცირედ შეიწოვება დაზიანებელი ზედაპირიდან, არ შეიწოვება დაუზიანებელი უბნიდან.

ჩვენებები
პრეპარატი გარეგანად გამოიყენება კანის მსუბუქი ჩირქოვან-ანთებითი პროცესების დროს (პიოდერმია, ფურუნკულოზი, კარბუნკულოზი, ბლეფარიტი), ასევე საოპერაციო მიდამოს, ოპერაციებისა და ტრავმების შემდეგ კანის საფარის დასამუშავებლად.

მიღების წესები და დოზები
გარეგანად. ხსნარს დაიტანენ დაზიანებულ ზედაპირზე და მის ირგვლივ ჯანმრთელ ქსოვილებზე, ბლეფარიტის შემთხვევაში - ქუთუთოს ირგვლივ.

გვერდითი მოვლენები
ალერგიული რეაქციები (ქავილი, ჭინჭრის ციება). ხსნარის თვალის ლორწოვან გარსზე მოხვედრისას იწყება წვა, ცრემლდენა, შეიძლება გამოიწვიოს დამწვრობები.

უკუჩვენება
მომატებული მგრძნობელობა პრეპარატის შემადგენელი კომპონენტების მიმართ.

განსაკუთრებული მითითებები
პრეპარატის ლორწოვან გარსზე მოხვედრისას, მის შემადგენლობაში შემავალმა სპირტმა შეიძლება გამოიწვიოს ლორწოვანის გაღიზიანება, წვის შეგრძნება, დამწვრობა.

სხვა წამლებთან ურთიერთქმედება
შეუთავსებელია სადეზინფექციო საშუალებებთან, რომელთა შემადგენლობაში შედის აქტიური იოდი, ამიაკი, ტუტეები.

შენახვის პირობები და ვადები
ვარგისიანობის ვადა: 2 წელი.
შენახვის პირობები: ინახება გრილ, სინათლისგან დაცულ და ბავშვებისთვის მიუწვდომელ ადგილზე.
ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.

აფთიაქში გაცემის წესი
ფარმაცევტული პროდუქტის ჯგუფი III (გაიცემა რეცეპტის გარეშე).

სად შევიძინოთ?