საინექციო წყალი -EM / WATER FOR INJECTION-EM
- საერთაშორისო დასახელება (აქტიური ნივთიერება): water for Injection
- მწარმოებელი კომპანია: ევრომედიკალი
- მწარმოებელი ქვეყანა: საქართველო
- გამოშვების ფორმა: 2მლ ამპულა №10
- გაცემის რეჟიმი: III ჯგუფი (ურეცეპტოდ)
შემადგენლობა
საინექციო წყალი – გამხსნელი წამლების საინექციო ფორმების მოსამზადებლად.
1 ამპულა შეიცავს 2 მლ საინექციო წყალს; შეფუთვაში 10 ამპულა.
აღწერა:
გამჭირვალე უფერო, უსუნო სითხე.
ფარმაკოლოგიური თვისებები
საინექციო წყალი – გამხსნელი. ადამიანის სხეულში წყალი აუცილებელია მუდმივი ცვლის პროცესებისათვის. ნორმალურ პირობებში წყალი გამოიყოფა შარდით, განავლით, ოფლით და სუნთქვისას. სითხის დაკარგვა ოფლით, სუნთქვისას და განავლოვანი მასებით ხდება სითხის შეყვანისგან დამოუკიდებლად. ადექვატური ჰიდრატაციის შენარჩუნებისათვის მოზრდილებში საჭიროა 45 მლ/კგ/დღეღამეში წყალი, ხოლო ბავშვებში – 45-100 მლ/კგ, ახალშობილებში – 100-165 მლ/კგ. საინექციო წყალი გამოიყენება საინფუზიო და საინექციო ხსნარების მოსამზადებლად. უზრუნველყოფს ოპტიმალურ პირობებს სუბსტრატების და წყლის შეთავსების ეფექტურობისათვის.
ჩვენებები
გადამტანის ან გასაზავებელი ხსნარის სახით, ფხვნილებიდან, ლიოფილიზატებისა და კონცენტრატებისაგან სტერილური საინფუზიო (საინექციო) ხსნარების მოსამზადებლად. საინექციო წყალი გამოიყენება სტერილური ხსნარების მოსამზადებლად, მათ შორის კანქვეშ, ინტრამუსკულარულად და ინტრავენურად შესაყვანად. გარეგანი გამოყენებისათვის - ჭრილობების მოსაბანად და შესახვევი მასალის დასანოტივებლად.
მიღების წესები და დოზები
დოზა და შეყვანის სიჩქარე უნდა შეესაბამებოდეს გასაზავებელი სამკურნალო საშუალებების დოზირების ინსტრუქციებს. საინექციო წყლის გამოყენებით სამკურნალო საშუალებების გამხსნელების მომზადება უნდა ხდებოდეს სტერილურ პირობებში (ამპულის გახსნა, შპრიცის და ჭურჭლის ავსება სამკურნალო საშუალებებით).
გვერდითი მოვლენები
მონაცემები არ არის.
უკუჩვენება
იმ შემთხვევაში, თუ სამკურნალო საშუალების ხსნარის მოსამზადებლად მითითებულია სხვა გამხსნელი.
განსაკუთრებული მითითებები
საინექციო წყლის შეყვანა პირდაპირ სისხლძარღვში არ შეიძლება დაბალი ოსმოსური წნევის გამო (ჰემოლიზის რისკი!)
შენახვის პირობები და ვადები
ინახება 4-დან 25oC–მდე ტემპერატურის პირობებში. არ გაყინოთ. შეინახეთ ბავშვებისთვის მიუწვდომელ ადგილას.
შენახვის ვადა 2 წელი.
აფთიაქში გაცემის წესი
ფარმაცევტული პროდუქტის ჯგუფი II (გამოიყენება ექიმის დანიშნულებით)
სად შევიძინოთ?