ვილპრაფენ სოლუტაბი / WILPRAFEN SOLUTAB
- საერთაშორისო დასახელება (აქტიური ნივთიერება): josamycin
- კლინიკურ-ფარმაკოლოგიური ჯგუფი: ანტიბაქტერიული საშუალებები → მაკროლიდები
- მწარმოებელი კომპანია: Temmler Italia S.r.l.
- მწარმოებელი ქვეყანა: იტალია
- გამოშვების ფორმა: 1000მგ დისპერგირებადი ტაბლეტი №10
- გაცემის რეჟიმი: II ჯგუფი (გაიცემა ფორმა N3 რეცეპტით)
შემადგენლობა
აქტიური ნივთიერება: ჯოზამიცინი (ჯოზამიცინის პროპიონატის სახით) - 1000 მგ.
დამხმარე ნივთიერებები: მიკროკრისტალური ცელულოზა, ჰიპროლოზა (ჩანაცვლების დაბალი დონით), ნატრიუმის დოკუზატი, ასპარტამი, უწყლო სილიციუმის დიოქსიდი, მარწყვის არომატიზატორი, მაგნიუმის სტეარატი.
აღწერილობა:
თეთრი ან თითქმის თეთრი ფერის, წაგრძელებული ფორმის, ტკბილი, ხენდროს სუნის მქონე ტაბლეტები. ერთ მხარეს წარწერით “IOSA” და ნაზოლით, მეორე მხარეს წარწერით “1000”.
ფარმაკოლოგიური თვისებები
პრეპარატი გამოიყენება ბაქტერიული ინფექციების სამკურნალოდ; ჯოზამიცინის, ისევე როგორც სხვა მაკროლიდების ბაქტრიოსტატური აქტივობა განპირობებულია ბაქტერიის ცილის სინთეზის ინჰიბირებით. ანთებით კერაში მაღალი კონცენტრაციების შექმნით ავლენს ბაქტერიოციდულ მოქმედებას.
ჯოზამიცინს გააჩნია მაღალი აქტივობა უჯრედშიდა მიკროორგანზიმებთან მიმართებაში (Chlamydia trachomatis da Chlamydia pneumonia, Mycioplasma pneumonia, Mycoplasma hominis, Ureaplasma urealyticum, legionella pneumophila); გრამდადებით ბაქტერიებთან (Staphylococcus aureus, Streptococcus pyogenes da Streptococcus pneumonia (pneumococcus), Corynobacterium diphteriae), გრამუარყოფით ბაქტერიებთან (Neisseria meningitides, Neisseria gonorrhoeae, Haemophilus influenza, Bordetella pertussis), ასევე ზოგიერთი ანაერობული ბაქტერიების წინააღმდეგ (Peptococcus, Peptostreptococcus, Clostridium perfringes). უმნიშვნელოდ ახდენს ზეგავლენას ენტერობაქტერიებზე, ამიტომ უმნიშვნელოდ ცვლის კუჭ-ნაწლავის ტრაქტის ბუნებრივ მიკროფლორას. ეფექტურია ერითრომიცინის მიმართ რეზისტენტობის დროს. ჯოზამიცინის მიმართ რეზისტენტობა ვითარდება უფრო იშვიათად, ვიდრე მაკროლიდების ჯგუფის ანტიბიოტიკების მიმართ.
ფარმაკოკინეტიკა
შიგნით მიღებისას ჯოზამიცინი სწრაფად და სრულად შეიწოვება კუჭ-ნაწლავის ტრაქტიდან. საკვების მიღება არ ახდენს ზეგავლენას ბიოშეღწევადობაზე. შრატში ჯოზამიცინის მაქსიმალური კონცენტრაცია მიიღწევა მიღებიდან 1-2 საათის შემდეგ. ჯოზამიცინის დაახლოებით 15% უკავშირდება პლაზმის ცილებს. ნივთიერების განსაკუთრებით მაღალი დოზები ვლინდება ფილტვებში, ნუშურა ჯირკვლებში, ნერწყვში, ოფლში და ცრემლის სითხეში. ნერწყვში მისი კონცენტრაცია აღემატება პლაზმაში კონცენტრაციას 8-9-ჯერ. გროვდება ძვლის ქსოვილში. გადის პლაცენტარულ ბარიერს, სეკრეტირდება დედის რძეში. ჯოზამიცინი მეტაბოლიზდება ღვიძლში ნაკლებ აქტიურ მეტაბოლიტებად და ექსკრეტირდება უმთავრესად ნაღველით. შარდით პრეპარატის ექსკრეცია შეადგენს 20%-ზე ნაკლებს.
ჩვენებები
პრეპარატის მიმართ მგრძნობიარე მიკროორგანიზმებით გამოწვეულიMმწვავე და ქრონიკული ინფექციები, მაგალითად:
ზედა სასუნთქი გზების და ყელ-ყურ-ცხვირის ინფექციები:
ანგინა, ფარინგიტი, პარატონზილიტი, ლარინგიტი, შუა ყურის ოტიტი, სინუსიტი, დიფტერია (დიფტერიულ ანატოქსინებთან ერთად), ასევე ქუნთრუშა პენიცილინის მიმართ მომატებული მგრძნობელობის შემთხვევაში.
ქვედა სასუნთქი გზების ინფექციები
მწვავე ბრონქიტი, ქრონიკული ბრონქიტის გამწვავება, პნევმონია (მათ შორის ატიპიური გამომწვევებით გამოწვეული), ყივანახველა, ფსიტაკოზი.
სტომატოლოგიური ინფექციები
გინგივიტი და პაროდონტის დაავადებები.
ინფექციები ოფთალმოლოგიაში
ბლეფარიტი, დაკრიოცისტიტი.
კანის საფარველის და რბილი ქსოვილების ინფექციები
პიოდერმია, ფურუნკულოზი, ციმბირის წყლული, წითელი ქარი (პენიცილინის მიმართ მომატებული მგრძნობელობის დროს), აკნე, ლიმფანგიტი, ლიმფადენიტი, ვენერიული ლიმფოგრანულემა.
შარდ-სასქესო სისტემის ინფექციები
პროსტატიტი, ურეთრიტი, ათაშანგი (პენიცილინის მიმართ მომატებული მგრძნობელობისას), ქლამიდიური, მიკოპლაზმური (მათ შორის ურეაპლაზმური) და შერეული ინფექციები.
მიღების წესები და დოზები
რეკომენდებული სადღეღამისო დოზა მოზრდილებში და 14 წელზე უფროსი ასაკის მოზარდებში არის 1-2 გ ჯაზომიცინი. აუცილებლობის შემთხვევაში შესაძლებელია დოზის გაზრდა დღეში 3 გ-მდე. სადღეღამისო დოზა უნდა გაიყოს 2-3 მიღებაზე.
სადღეღამისო დოზა ბავშვებსთვის ინიშნება 40-50 მგ/კგ-ზე გადათვლით ყოველდღიურად, 2-3 მიღებაზე.
ჩვეულებრივი და სფეროსებრი ფერიმჭამელების შემთხვევაში რეკომენდებულია 500 მგ დღეში 2-ჯერ პირველი 2-4 კვირის განმავლობაში, შემდეგ 500 მგ ყოველდღიურად დღეში ერთხელ შემანარჩუნებლი თერაპიის სახით 8 კვირის განმავლობაში.
ვილპრაფენ სოლუტაბის დისპერსიული ტაბლეტების მიღება შესაძლებელია ორი სხვადასხვა მეთოდით: შეიძლება მათი გადაყლაპვა მთლიანად, წყლით ან მიღებამდე წყალში გახსნით. ტაბლეტი უნდა გაიხსნას მინიმუმ 20 მლ წყალში. მიღების წინ საჭიროა წარმოქმნილი სუსპენზიის კარგად არევა.
როგორც წესი, მკურნალობის ხანგრძლივობას ადგენს ექიმი. მსოფლიო ჯანდაცვის ორგანიზაციის რეკომენდაციის მიხედვით ანტიბიოტიკების მიღებასთან დაკავშირებით, სტრეპტოკოკური ინფექციების მკურნალობის ხანგრძლივობა უნდა შეადგენდეს არაუმეტეს 10 დღეს.
გვერდითი მოვლენები
კუჭ-ნაწლავის ტრაქტის მხრივ
იშვიათად: მადის დაკარგვა, გულისრევა, ღებინება, გულძმარვა, დისბაქტერიოზი და დიარეა. მდგრადი მწვავე დიარეის დროს გასათვალისწინებელია სიცოცხლისთვის საშიში ფსევდომემრანული კოლიტის განვითარების შესაძლებლობა, ანტიბიოტიკების მიღების ფონზე.
მომატებული მგრძნოებლობის რეაქციები
ძალიან იშვიათ შემთხვევებში შესაძლებელია კანის ალერგიული რეაქციების განვითარება (მაგალითად ჭინჭრის ციება).
ღვიძლის და ნაღვლის გამომყოფი ორგანოების მხრივ ცალლკეულ შემთხვევბში აღინიშნა სისხლის პლაზმაში ღვიძლის ფარმენტების აქტივობის ტრანზიტორული მატება, რომელსაც იშვიათ შემთხვევბში თან ახლდა ნაღვლის გამოყოფის დარღვევა და სიყვითლე.
სმენის აპარატის მხრივ
იშვიათ შემთხვევებში აღინიშნა სმენის დოზადამოკიდებული გარდამავლი დარღვევა.
სხვა
ძალიან იშვიათად –კანდიდოზი.
უკუჩვენება
• მომატებული მგრძნობელობა მაკროლიდური ანტიბიოტიკების მიმართ
• ღვიძლის ფუნქციის მძიმე დარღვევა
ორსულობა და ლაქტაცია
ორსულობის და ლაქტაციის პერიოდში პრეპარატის მიღების უსაფრთხოება არ არის დადგენილი. მჯო-ს ევროპის განყოფილების რეკომენდაციით ჯოზამიცინი გამოყენებული უნდა იყოს არჩევითი პრეპარატის სახით ორსულებში ქლამიდიური ინფექციის სამკურნალოდ.
განსაკუთრებული მითითებები
თირკმლის უკმარისობის შემთხვევაში მკურნალობის განხორციელება საჭიროა შესაბამისი ლაბორატორიული ტესტების შედეგების გათვალისწინებით.
საჭიროა სხვადასხვა მაკროლიდური ანტიბიოტიკის მიმართ ჯვარედინი მდგრადობის შესაძლებლობის გათვალისწინება (მაგალითად მონათესავე ქიმიური სტრუქტურის ანტიბიოტიკებით მკურნალობის მიმართ მდგრადი მიკროორგანიზმები ასევე შეიძლება იყვნენ რეზისტენტულები ჯოზამიცინის მიმართ).
ჭარბი დოზირება
ამჟამად არ არსებობს მონაცემები მოწამვლის სპეციფიკური სიმპტომების შესახებ. დოზის გადაჭარბების შემთხვევაში გასათვალისწინებელია “გვერდით ეფექტებში” აღწერილი სიმპტომების წარმოშობის ალბათობა, განსაკუთრებით კუჭ-ნაწლავის ტრაქტის მხრივ.
თუ მოხდა ერთი მიღების გამოტოვება, აუცილებელია პრეპარატის დოზის დაუყოვნებელი მიღება. თუმცა, თუ ამას “მოესწრო” შემდგომმა დოზამ, არ შეიძლება გამოტოვებული დოზის მიღება, და საჭიროა მკურნალობის ჩვეულებრივი რეჟიმის გაგრძელება. არ შეიძლება გაორმაგებული დოზის მიღება. შესვენება მკურნალობის პროცესში და პრეპარატის მიღების ნაადრევი შეწყვეტა ამცირებს მკურნალობის წარმატების ალბათობას.
სხვა წამლებთან ურთიერთქმედება
ვილპრაფენ სოლუტაბი/სხვა ანტიბიოტიკები
იმის გამო, რომ ბაქტერიოსტატურ ანტიბიოტიკებს შეუძლიათ შეამცირონ სხვა ანტიბიოტიკების, როგორიცაა პენიცილინები და ცეფალოსპორინები ბაქტრიოციდული ეფექტი, საჭიროა ჯოზამიცინის აღნიშნულ ანტიბიოტიკებთან დანიშვნისგან თავის არიდება. არ შეიძლება ჯოზამიცინის დანიშვნა ლინკომიცინთან ერთად, რადგან შეასძლებელია მათი ეფექტურობის ორმხრივი დაქვეითება.
ვილპრაფენ სოლუტაბი/ქსანტინები
მაკროლიდური ანტიბიოტიკების ზოგიერთი წარმომადგენელი ამცირებს ქსანტინების ელიმინაციას (თეოფილინი), რამაც შეიძლება გამოიწვიოს შესაძლო ინტოქსიკაცია. კლინიკურ-ექსპერიმენტული გამოკვლევები მიუთითებენ იმაზე, რომ ჯოზამიცინი ახდენს ნაკლებ ზეგავლენას თეოფილინის გამოყოფაზე, ვიდრე დანარჩენი მაკროლიდური ანტიბიოტიკები. ვილპრაფენ სოლუტაბი/ანტიჰისტამინური პრეპარატები
ჯოზამიცინის დანიშვნამ ტერფენადინის და ასთემიზოლის შემცველ ანტიჰისტამინურ პრეპარატებთან ერთად შეიძლება გამოიწვიოს ტერფენადინის და ასთემიზოლის გამოყოფის შენელება, რამაც თავის მხრივ შეიძლება სიცოცხლისთვის საშიში გულის არითმიები გამოიწვიოს.
ვილპრაფენ სოლუტაბი/სპორინიას ალკალოიდები
არსებობს ინდივიდულალური მონაცემები ვაზოკონსტრიქციის გაძლიერების შესახებ ჭვავის რქის ალკალოიდების და მაკროლიდური ანტიბიოტიკებთან ერთად დანიშვნის შემდეგ. აღინიშნა ჯაზომიცინის მიღების დროს ერგოტამინის მიმართ პაციენტის ტოლერანტობის არარსებობის ერთი შემთხვევა. ამიტომ ჯოზამიცინის და ერგოტამინის ერთდროულად დანიშვნისას საჭიროა პაციენტის კონტროლი.
ვილპრაფენ სოლუტაბი/ციკლოსპორინი
ჯაზომიცინის და ციკლოსპორინის ერთდროულად დანიშვნისას შეიძლება მოხდეს სისხლის პლაზმაში ციკლოსპორინის დონის მომატება და სისხლში ნეფროტოქსიკური კონცენტრაციის შექმნა. საჭიროა პლაზმაში ციკლოსპორინის კონცენტრაციის რეგულარული კონტროლი.
ვილპრაფენ სოლუტაბი/დიგოქსინი
ჯოზამიცინის და დიგოქსინის ერთდროულად დანიშვნისას შეასაძლებელია ამ უკანასკნელის დონის მომატება სისხლის პლაზმაში.
ვილპრაფენ სოლუტაბი/ჰორმონალური კონტრაცეპტივები
იშვიათად, მაკროლიდებით მკურნალობის პროცესში ჰორმონული კონტრაცეპტივების ჩასახვის საწინააღმდეგო ეფექტი შეიძლება არასაკმარისი აღმოჩნდეს. ასეთ შემთხვევაში რეკომენდებულია დამატებით არაჰორმონული კონტრაცეფციის გამოყენება.
შენახვის პირობები და ვადები
B სია
ინახება მშრალ სინათლისგან დაცულ ადგილას არაუმეტეს 25oC ტემპერატურაზე. ინახება ბავშვებისთვის მიუწვდომელ ადგილას.
შენახვის ვადა 2 წელი. არ შეიძლება პრეპარატის გამოყენება შეფუთვაზე მითითებული შენახვის ვადის ამოწურვის შემდეგ.
აფთიაქში გაცემის წესი
ექიმის რეცეპტით (II ჯგუფი).
რეგისტრაციის # და თარიღი
რეგისტრაციის მოქმედების ვადა: 22.07.2015
სად შევიძინოთ?