Nuk
ადიპინი / Adipin


შემადგენლობა

ადიპინის გარსით დაფარული ერთი ტაბლეტი შეიცავს აქტიური ნივთიერების ამლოდიპინის - 5 მგ-ს ან 10 მგ-ს.

დამხმარე ნივთიერებები: მიკროკრისტალური ცელულოზა, კალციუმის ჰიდროფოსფატი, ნატრიუმის სახამებლის გლიკოლატი, მაგნიუმის სტეარატი, შემოსაგარსი ფხვნილი.

მოქმედების მექანიზმი

კალციუმის არხების ბლოკატორი (III თაობა). ამლოდიპინის ჰიპოტენზიური ეფექტი  განპირობებულია სისხლძარღვთა კედლის გლუვ კუნთებზე პირდაპირი მოქმედებით, ხოლო  ანტიანგინალური ეფექტი - პერიფერიული არტერიოლების გაფართოებით, რაც იწვევს საერთო პერიფერიული სისხლძარღვოვანი წინააღმდეგობის შემცირებას, რეფლექტორული ტაქიკარდიის

წარმოქმნის გარეშე. შედეგად, მცირდება მიოკარდიუმის მიერ ჟანგბადზე მოთხოვნილება და ენერგიის მოხმარება. მეორეს მხრივ, ამლოდიპინი აფართოებს მიოკარდიუმის როგორც ინტაქტური, ასევე იშემიური უბნების მსხვილი კალიბრის კორონარულ არტერიებსა და არტერიოლებს, აუმჯობესებს კოლატერალურ სისხლის მიმოქცევას, რაც ხელს უწყობს კორონარული არტერიების სპაზმის დროს მიოკარდიუმში ჟანგბადის მიწოდების გაუმჯობესებას.

ფარმაკოკინეტიკა

შიგნით მიღებისას პრეპარატი ნელა და თითქმის მთლიანად აბსორბირდება კუჭ-ნაწლავის ტრაქტიდან. ბიოშეღწევადობა - 60-65%. ჩმახ მიიღწევა საშუალოდ 6-12 სთ-ში. პლაზმის ცილებს უკავშირდება 97-98%. თ½ შეადგენს 35-50 სთ-ს. ამლოდიპინი მეტაბოლიტების (60%) და შეუცვლელი სახით (10%) გამოიყოფა ძირითადად თირკმლების საშუალებით.

ჩვენება

- არტერიული ჰიპერტენზია (კომბინირებული თერაპიის შემადგენლობაშიც);

- სტაბილური სტენოკარდია;

- არასტაბილური სტენოკარდია (მათ შორის პრინცმეტალის სტენოკარდია);

- გულის უკმარისობა.

უკუჩვენება

პრეპარატის დანიშვნის უკუჩვენებებია _ პრეპარატის კომპონენტებისადმი მომატებული

მგრძნობელობა, აორტის სარქვლის გამოხატული სტენოზი, გულის მძიმე უკმარისობა,

არტერიული ჰიპოტონია, ტაქიკარდია, კოლაფსი, სისხლძარღვოვანი და კარდიოგენული შოკი,

მიოკარდიუმის მწვავე ინფარქტის პირველი კვირა, ღვიძლის ფუნქციის დარღვევები.

უსაფრთხოების ზომები

პრეპარატის მოქმედება პედიატრიაში შესწავლილი არ არის.

პრეპარატი სიფრთხილით ინიშნება ღვიძლის დაქვეითებული ფუნქციის მქონე პაციენტებში.

ხანდაზმული ასაკის პაციენტები და პაციენტები თირკმლის უკმარისობით დოზის შემცირებას

არ საჭიროებენ. ადიპინით დასაშვებია როგორც მონოთერაპია, ასევე სხვა პრეპარატებთან კომბინაციაში დანიშვნა.

ავტომობილისა და სხვა მექანიკური საშუალებების მართვაზე გავლენა

ამლოდიპინის უარყოფითი გავლენა ავტომობილისა და სხვა მექანიკური საშუალებების

მართვაზე დადგენილი არ არის. თუმცა გვერდითი ეფექტების გამოვლინებისას - არტერიული

წნევის მნიშვნელოვანი დაქვეითება, თავბრუსხვევა, ძილიანობა, საჭიროა სიფრთხილის დაცვა,

განსაკუთრებით მკურნალობის დასაწყისში და დოზის ცვლილებისას.

ორსულობა და ლაქტაციის პერიოდი

ადიპინის უსაფრთხოება ორსულობისა და ლაქტაციის პერიოდში დადგენილი არ არის.

დოზის გადაჭარბება

სიმპტომები: გამოხატული არტერიული ჰიპოტონია.

მკურნალობა: კუჭის ამორეცხვა, სისხლძარღვების შემავიწროებელი საშუალებებისა და

კალციუმის გლუკონატის შეყვანა, გულ-სისხლძარღვთა სისტემის ფუნქციური მდგომარეობის კონტროლი.

სხვა სამკურნალო საშუალებებთან ურთიერთქმედება

ადიპინის მიღება უსაფრთხოა თიაზიდურ დიურეზულ საშუალებებთან, ამფ-ის ინჰიბიტორებთან,

ალფა-ადრენობლოკატორებთან, ბეტა-ადრენობლოკატორებთან, პროლონგირებული მოქმედების

ნიტრატებთან, ნიტროგლიცერინთან, არასტეროიდულ ანთების საწინააღმდეგო საშუალებებთან,

ანტიბიოტიკებთან და პერორალურ ჰიპოგლიკემიურ პრეპარატებთან კომბინაციაში.

მარცხენა პარკუჭის ფუნქციის მნიშვნელოვანი დაქვეითების დროს, ადიპინისა და ბეტაადრენობლოკატორების კომბინაცია დიდი სიფრთხილით ინიშნება.

ადიპინი არ ახდენს გავლენას დიგოქსინის და ციმეტიდინის ფარმაკოკინეტიკასა და ფარმაკოდინამიკაზე.

დოზირება და მიღების წესი

რეკომენდებული საწყისი დღიური დოზა შეადგენს 5 მგ-ს დღეში ერთხელ. პაციენტის

ინდივიდუალური რეაქციის მიხედვით შეიძლება დღიური დოზის გაზრდა. მაქსიმალური დღიური დოზა შეადგენს 10 მგ-ს.

გვერდითი მოვლენები 

გულ-სისხლძარღვთა სისტემის მხრივ: ზოგჯერ - პერიფერიული შეშუპება, გულისცემის გაძლიერება, სახის წამოწითლება.

ცენტრალური ნერვული სისტემის მხრივ: თავის ტკივილი, თავბრუსხვევა, დაღლილობა, ძილიანობა.

საჭმლის მომნელებელი სისტემის მხრივ: დისპეფსიური მოვლენები, შესაძლებელია ღვიძლის ტრანსამინაზების აქტივობის მატება.

ალერგიული რეაქციები: შესაძლებელია - კანის ქავილი, კანზე გამონაყარი, მულტიფორმული ერითემა.

ვარგისობა და შენახვის პირობები

პრეპარატის ვარგისობის ვადა - 3 წელი.

ინახება 10-25ºC ტემპერატურაზე, ბავშვებისათვის ხელმიუწვდომელ ადგილზე!

გამოშვების ფორმა

გარსით დაფარული ტაბლეტი 5 მგ; 30 ტაბლეტი ბლისტერებში. მეორადი შეფუთვა - მუყაოს კოლოფში.

გარსით დაფარული ტაბლეტი 10 მგ; 30 ტაბლეტი ბლისტერებში. მეორადი შეფუთვა - მუყაოს კოლოფში.

აფთიაქიდან გაცემის პირობები 

ფარმაცევტული პროდუქტის ჯგუფი II (გამოიყენება ექიმის დანიშნულებით).