როტადონი / ROTADON
- საერთაშორისო დასახელება (აქტიური ნივთიერება): glucosamine
- კლინიკურ-ფარმაკოლოგიური ჯგუფი: ნივთიერებათა ცვლის დარღვევები → შემაერთებელ ქსოვილში ნივთიერებათა ცვლაზე მოქმედი საშუალებები → ხრტილის ქსოვილში ნივთიერებათა ცვლაზე მოქმედი პრეპარატები → პროტეოგლიკანების ბიოსინთეზის სტიმულატორები
- მწარმოებელი კომპანია: World Medicine ilac san ve tic as
- მწარმოებელი ქვეყანა: თურქეთი
- გამოშვების ფორმა: 1500მგ ფხვნილი შიგნით მისაღები ხსნარის მოსამზადებლად, პაკეტი №20
- გაცემის რეჟიმი: III ჯგუფი (ურეცეპტოდ)
საერთაშორისო არაპატენტირებული დასახელება
გლუკოზამინი, Glucosamine
სამკურნალო ფორმა
ფხვნილი შიგნით მისაღები ხსნარის მოსამზადებლად.
აღწერილობა: გრანულირებული ფხვნილი თეთრიდან თითქმის თეთრ ფერამდე.
შემადგენლობა
1 პაკეტი შეიცავს:
აქტიური ნივთიერება: გლუკოზამინის სულფატი (გლუკოზამინის სულფატის კალიუმის ქლორიდის ფორმით) 1500 მგ.
დამხმარე ნივთიერებები: სორბიტოლი, ასპარტამი, ლიმონმჟავა უწყლო, მაკროგოლი 6000.
პრეპარატის ათქ კოდი M01AX05
ფარმაკოთერაპიული ჯგუფი
სხვა არასტეროიდული ანთების საწინააღმდეგო და ანტირევმატული საშუალებები.
ფარმაკოლოგიური თვისებები
ფარმაკოდინამიკა
მოქმედების მექანიზმი
გლუკოზამინის სულფატი არის გლუკოზამინის ამინო-მონოსაქარიდის მარილი, რომელიც არის ენდოგენური კომპონენტი და სახსრის ხრტილებისა და სინოვიალური სითხის გლუკოზამინოგლიკანებისა და პროტეოგლიკანების სინთეზის ძირითადი სუბსტრატი.
გლუკოზამინის სულფატი ასტიმულირებს სახსრის ხრტილის გლუკოზამინოგლიკანებისა და პროტეოგლიკანების სინთეზს.
ფარმაკოდინამიკური ეფექტები
გლუკოზამინის სულფატი ახდენს ანაბოლურ და ანტიკატაბოლურ მოქმედებას ხრტილოვანი ქსოვილის მეტაბოლიზმის პროცესთან მიმართებაში. ბოლოდროინდელი კვლევების შედეგების თანახმად გლუკოზამინის სულფატი ამცირებს ეფექტების გამოხატულებას, რომლებიც დაკავშირებულია ინტერლეიკინ-1β-ს მოქმედებასთან, აინჰიბირებს რა რეაქციების კასკადს, რომლებიც განაპირობებენ ანთების განვითარებას სახსარში და ხრტილის დაზიანებას, როგორიცაა მეტალოპროტეაზების, მე-2 ტიპის ციკლოოქსიგენაზას და უჯრედგარე მატრიქსის ცილების სინთეზი, რომლებიც ნორმალურ ხრტილში არ არსებობს, აზოტის ოქსიდის და E2 პროსტაგლანდინის გამოთავისუფლება, ქონდროციტების პროლიფერაცია და უჯრედების სიკვდილის ჩაშვების პროცესი. არასტეროიდული ანთების საწინააღმდეგო საშუალებებისგან განსხვავებით, გლუკოზამინი პირდაპირ არ აინჰიბირებს ციკლოოქსიგენაზას.
კლინიკური ეფექტურობა და ამტანობა
გლუკოზამინის სულფატის გამოყენების უსაფრთხოება და ეფექტურობა დადასტურებულია კლინიკურ კვლევებში სამ წლამდე ხანგრძლივობით.
მოკლე და საშუალო ხანგრძლივობის კლინიკურმა კვლევებმა აჩვენა, რომ გლუკოზამინის სულფატის ეფექტურობა ოსტეოართროზის სიმპტომების შემსუბუქებასთან მიმართებაში აღინიშნება სამკურნალო საშუალების გამოყენებიდან უკვე 2-3 კვირის შემდეგ. არასტეროიდული ანთების საწინაღმდეგო საშუალებებისგან განსხვავებით, გლუკოზამინის სულფატის მოქმედების ხანგრძლივობა შეადგენს 6 თვიდან 3 წლამდე.
კლინიკური კვლევების შედეგები მიუთითებს, რომ გლუკოზამინის სულფატის ყოველდღიური მიღება 3 წლამდე ხანგრძლივობით უზრუნველყოფს დაავადების სიმპტომების თანდათანობით ნიველირებას და ანელებს სახსარში სტრუქტურული ცვლილებების განვითარებას (რენტგენოგრაფიული კვლევების მონაცემების თანახმად).
გლუკოზამინის სულფატს გააჩნია კარგი ამტანობა ხანმოკლე და ხანგრძლივი გამოყენებისას.
ფარმაკოკინეტიკა
შეწოვა
ჯანმრთელ მოხალისეებში, პერორალური მიღების შემდეგ, გლუკოზამინი სწრაფად და თითქმის მთლიანად (დაახლოებით 90%) შეიწოვება საჭმლის მომნელებელ ტრაქტში. გლუკოზამინის აბსოლუტური ბიოშეღწევადობა ადამიანებში პერორალური მიღების შემდეგ შეადგენს 44%-ს (სამკურნალო საშუალება ექვემდებარება პრესისტემურ ელიმინაციას (ღვიძლში პირველი გავლის ეფექტი)). არ არის ცნობილი, ახდენს თუ არა საკვების მიღება მნიშვნელოვან გავლენას გლუკოზამინის ბიოშეღწევადობაზე პერორალური მიღებისას. გლუკოზამინის ფარმაკოკინეტიკა არის წრფივი მრავალჯერადი ყოველდღიური მიღებისას დღეში ერთხელ 750-1500 მგ დოზების დიაპაზონში, წრფივობის ცვლილება აღინიშნება სამკურნალო საშუალების გამოყენებისას 3000 მგ დოზით ბიოშეღწევადობის შემცირების შედეგად. არ არსებობს სქესთან დაკავშირებული განსხვავებები გლუკოზამინის შეწოვისა და ბიოშეღწევადობის მაჩვენებლებში. სამკურნალო საშუალების ფარმაკოკინეტიკური პარამეტრები შედარებადი იყო ჯანმრთელ მოხალისეებსა და პაციენტებში მუხლის სახსრის ოსტეოართრიტით.
განაწილება
საჭმლის მომნელებელ ტრაქტში შეწოვის შემდეგ, გლუკოზამინი დიდწილად ნაწილდება სისხლძარღვთა კალაპოტის ფარგლებს გარეთ, მათ შორის სინოვიალურ სითხეში. გლუკოზამინი არ უკავშირდება სისხლის პლაზმის ცილებს. აქედან გამომდინარე, ნაკლებად სავარაუდოა, რომ კომბინირებული გამოყენებისას გლუკოზამინი შევა ურთიერთქმედებაში სხვა პრეპარატებთან, რომლებსაც გააჩნიათ სისლის პლაზმის ცილებთან მაღალი ხარისხის შეკავშირება.
მეტაბოლიზმი
გლუკოზამინის მეტაბოლური პროფილის კვლევები არ ჩატარებულა, რადგან ის არის ენდოგენური ნივთიერება. გლუკოზამინი გამოიყენება როგორც სამშენებლო მასალა სასახსრე ხრტილის კომპონენტების ბიოსინთეზისთვის. გლუკოზამინის ბიოტრანსფორმაციის მთავარი გზა არის ჰექსოზამინური გზა; ციტოქრომ P450 სისტემის იზოფერმენტები არ მონაწილეობენ სამკურნალო საშუალების მეტაბოლიზმში. გლუკოზამინი არ თრგუნავს და არ ზრდის ციტოქრომ P450 სისტემის იზოფერმენტების აქტივობას ადამიანებში. გლუკოზამინის კლინიკურად მნიშვნელოვანი ურთიერთქმედებები სხვა სამკურნალო საშუალებებთან, ციტოქრომ P450 სისტემის იზოფერმენტების სუბსტრატებთან ადამიანებში, რომლებიც დაკავშირებულია იზოფერმენტების ინჰიბირებასთან და/ან აქტივობის მომატებასთან, არ არის რეგისტრირებული.
გამოყოფა
ადამიანებში სისხლის პლაზმიდან გლუკოზამინის ნახევარგამოყოფის საბოლოო პერიოდი შეადგენს 15 საათს. 14С-ნიშნული რადიოაქტიური ნიშნით გლუკოზამინის პერორალური მიღების შემდეგ, პრეპარატის შეყვანილი დოზის 10 ± 9% გამოიყოფა შარდით, ხოლო პრეპარატის შეყვანილი დოზის 11,3 ± 0,1% გამოიყოფა კუჭ-ნაწლავის ტრაქტით. გლუკოზამინის შეყვანილი დოზის საშუალოდ დაახლოებით 1% გამოიყოფა უცვლელი სახით შარდით ადამიანებში პერორალური მიღების შემდეგ, რაც მიუთითებს იმაზე, რომ თირკმელები და ღვიძლი არ თამაშობენ მნიშვნელოვან როლს სამკურნალო საშუალების და/ან მისი მეტაბოლიტების და/ან მისი დაშლის პროდუქტების გამოყოფაში.
პაციენტების განსაკუთრებული ჯგუფები
პაციენტები ღვიძლისა და თირკმელების ფუნქციის დარღვევებით
გლუკოზამინის ფარმაკოკინეტიკის კვლევების ჩატარება თირკმელების ფუნქციის დარღვევების მქონე პაციენტებში მიჩნეულია არამიზანშეწონილად, ვინაიდან თირკმელები უმნიშვნელო როლს ასრულებენ პრეპარატის ორგანიზმიდან გამოდევნაში. ამავდროულად, ღვიძლის ფუნქციის დარღვევების მქონე პაციენტებში კვლევები არ ჩატარებულა იმის გამო, რომ გლუკოზამინი არის ენდოგენური ნივთიერება. ითვლება, რომ თირკმლის ან ღვიძლის უკმარისობის მქონე პაციენტებში სამკურნალო საშუალების დოზის კორექცია საჭირო არ არის.
ბავშვები და მოზარდები
გლუკოზამინის ფარმაკოკინეტიკური კვლევები ბავშვებსა და მოზარდებში არ ჩატარებულა.
ხანდაზმული პაციენტები
სპეციფიკური ფარმაკოკინეტიკური კვლევები არ ჩატარებულა ხანდაზმულ პაციენტებში, თუმცა, ძირითადად ხანდაზმული პაციენტები მონაწილეობდნენ გლუკოზამინის გამოყენების ეფექტურობისა და უსაფრთხოების კლინიკურ კვლევებში. ამ კატეგორიის პაციენტებში პრეპარატის დოზის კორექცია საჭირო არ არის.
გამოყენების ჩვენებები
მუხლის სახსრის მსუბუქი და ზომიერი ხარისხის სიმძიმის ოსტეოართრიტის სიმპოტმების შემსუბუქება (სათანადოდ დადგენილი დიაგნოზი).
გამოყენების წესი და დოზირება
1 პაკეტის შიგთავსი წინასწარ იხსნება ჭიქა წყალში და მიიღება პერორალურად დღეში ერთხელ, სასურველია ჭამის დროს.
პრეპარატის ეფექტურობა დადასტურებულია 3 თვემდე გამოყენებისას, ნარჩენი ეფექტი შეინიშნება პრეპარატის შეწყვეტიდან 2 თვის განმავლობაში.
პრეპარატის გამოყენების უსაფრთხოება და ეფექტურობა ასევე დადასტურებულია 3 წლამდე ხანგრძლივობის კლინიკურ კვლევებში. სამკურნალო საშუალებით 3 წელზე მეტი ხანგრძლივობის თერაპია არ არის რეკომენდირებული (პრეპარატის გამოყენების უსაფრთხოება დადგენილი არ არის).
როტადონი არ არის განკუთვნილი მწვავე ტკივილის სამკურნალოდ. სიმპტომების (განსაკუთრებით ტკივილის სინდორმის) შემსუბუქება შეიძლება შეინიშნოს პრეპარატის გამოყენების რამდენიმე კვირის შემდეგ, ზოგიერთ შემთხვევაში კი უფრო ხანგრძლივი პერიოდის შემდეგაც. იმ შემთხვევებში, როდესაც დაავადების სიმპტომების შემსუბუქება არ შეინიშნება პრეპარატის მიღების 2-3 თვის განმავლობაში, ექიმმა უნდა ჩაატაროს მკურნალობის ხელახლა შეფასება. პაციენტმა უნდა მიმართოს ექიმს კონსულტაციისათვის იმ შემთხვევებში, როდესაც პრეპარატით თერაპიის დაწყების შემდეგ აღინიშნება დაავადების სიმპტომების გამწვავება.
პაციენტების განსაკუთრებული ჯგუფები
ხანდაზმული პაციენტები
ხანდაზმულ პაციენტებში პრეპარატის გამოყენების სპეციფიკური კვლევები არ ჩატარებულა, თუმცა, პრეპარატის გამოყენების კლინიკური გამოცდილების გათვალისწინებით, ამ კატეგორიის პაციენტებში დოზის კორექცია საჭირო არ არის (თანმხლები დაავადებების არარსებობის შემთხვევაში).
პაციენტები თირკმლის და/ან ღვიძლის ფუნქციის დარღვევებით
არ არსებობს რეკომენდაციები პრეპარატის დოზის კორექციასთან დაკავშირებით პაციენტებში თირკმლის და/ან ღვიძლის ფუნქციის დარღვევებით (შესაბამისი კვლევები არ ჩატარებულა).
ბავშვები და მოზარდები
როტადონი არ უნდა იქნას გამოყენებული ბავშვებსა და 18 წლამდე მოზარდებში.
უკუჩვენებები
ჰიპერმგრძნობელობა აქტიური ნივთიერების ან პრეპარატის ნებისმიერი დამხმარე ნივთიერების მიმართ.
როტადონი არ უნდა იქნას გამოყენებული ზღვის პროდუქტებზე ალერგიის მქონე პაციენტებში, რადგან აქტიური ნივთიერება მოლუსკებისგან არის მიღებული.
არასასურველი რეაქციები
არასასურველი რეაქციები ჩამოთვლილია ქვემოთ, სისტემურ-ორგანული კლასების შესაბამისად MedDRA-ს მიხედვით. არასასურველი რეაქციების სიხშირის პარამეტრები განისაზღვრება შემდეგნაირად (პაციენტების რაოდენობა, რომლებშიც, როგორც მოსალოდნელია, აღინიშნება არასასურველი რეაქციები): ძალიან ხშირი (≥1/10); ხშირი (≥1/100, მაგრამ <1/10); არახშირი (≥1/1000, მაგრამ <1/100); იშვიათი (≥1/10000, მაგრამ <1/1000), ძალიან იშვიათი (<1/10000), სიხშირე უცნობია (არსებული მონაცემების საფუძველზე შეუძლებელია განსაზღვრა). სიხშირის თითოეულ ჯგუფში, არასასურველი რეაქციები წარმოდგენილია მათი სიმძიმის შემცირების მიხედვით.
სამკურნალო საშუალების პერორალურ გამოყენებასთან დაკავშირებული ყველაზე ხშირი არასასურველი რეაქციებია გულისრევა, მუცლის ტკივილი, დისპეფსია, მეტეორიზმი, ყაბზობა და დიარეა. დარეგისტრირებული არასასურველი რეაქციები, როგორც წესი, ზომიერად გამოხატულია და გააჩნიათ ტრანზიტორული ხასიათი.
იმუნური სისტემის მხრივ : სიხშირე უცნობია - ალერგიული რეაქციები (მიდრეკილ პაციენტებში შეიძლება განვითარდეს მძიმე ალერგიული რეაქციები გლუკოზამინზე).
ნივთიერებათ ცვლის და კვების მხრივ: სიხშირე უცნობია - შაქრიანი დიაბეტის მქონე პაციენტებში გლიკემიური კონტროლის დარღვევა.
ფსიქიკური დარღვევები: სიხშირე უცნობია - უძილობა.
ნერვული სისტემის მხრივ: ხშირად - თავის ტკივილი, ძილიანობა; სიხშირე უცნობია - თავბრუსხვევა.
მხედველობის ორგანოს მხრივ: სიხშირე უცნობია - მხედველობის დარღვევა.
გულის მხრივ: სიხშირე უცნობია - არითმიები, მათ შორის ტაქიკარდია.
სისხლძარღვების მხრივ: არახშირად - ალები.
სასუნთქი სისტემის, გულმკერდის ორგანოებისა და შუასაყარის მხრივ: სიხშირე უცნობია - ბრონქიალური ასთმა / ბრონქიალური ასთმის გამწვავება.
კუჭ-ნაწლავის ტრაქტის მხრივ: ხშირად - დიარეა, კონსტიპაცია, გულისრევა, მეტეორიზმი, მუცლის ტკივილი, დისპეფსია; სიხშირე უცნობია - ღებინება.
კანის და კანქვეშა ქსოვილების მხრივ: არახშირად - ერითემა, ქავილი, გამონაყარი; სიხშირე უცნობია - ანგიონევროზული შეშუპება, ჭინჭრის ციება.
ღვიძლისა და სანაღვლე გზების მხრივ: სიხშირე უცნობია - სისხლში ღვიძლის ფერმენტების დონის მომატება და სიყვითლე (მიზეზ-შედეგობრივი კავშირი გლუკოზამინის მიღებასთან არ არის დადგენილი).
ზოგადი დარღვევები და დარღვევები შეყვანის ადგილზე: ხშირად - დაღლილობა; სიხშირე უცნობია - შეშუპება / პერიფერიული შეშუპება.
გავლენა ლაბორატორიული და ინსტრუმენტული კვლევების შედეგებზე: სიხშირე უცნობია - სისხლში ღვიძლის ფერმენტების დონის მატება, სისხლში გლუკოზის დონის მატება, არტერიული წნევის მატება, საერთაშორისო ნორმალიზებული თანაფარდობის მაჩვენებლის ცვლილებები.
დარეგისტრირებულია ჰიპერქოლესტერინემიის შემთხვევები, მაგრამ გლუკოზამინის მიღებასთან მიზეზობრივ-შედეგობრივი კავშირი დადგენილი არ არის.
შეტყობინებები საეჭვო არასასურველი რეაქციების შესახებ
საეჭვო არასასურველი რეაქციების შესახებ შეტყობინებები სამკურნალო საშუალების რეგისტრაციის შემდეგ მნიშვნელოვანია. თუ პაციენტს გამოუვლინდა სერიოზული არასასურველი რეაქცია სამკურნალო საშუალებაზე ან ახალი არასასურველი რეაქციის აღნიშვნის შემთხვევაში, რომელიც არ არის აღწერილი ამ ნაწილში, გთხოვთ მოახდინოთ ინფორმირება ფარმაკოზედამხედველობის ეროვნული სისტემის შესაბამისად.
განსაკუთრებული მითითებები
გამოყენებამდე აუცილებელია ექიმთან კონსულტაციის ჩატარება, რათა გამოირიცხოს სახსრების ისეთი დაავადებების არსებობა, რომლებისთვისაც გათვალისწინებულია მკურნალობის სხვა მეთოდები.
იყო შეტყობინებები ბრონქიალური ასთმის სიმპტომების გამწვავების შემთხვევების შესახებ გლუკოზამინით თერაპიის დაწყების შემდეგ. ამიტომ პაციენტები ბრონქიალური ასთმით როტადონით მკურნალობის დაწყებამდე გაფრთხილებულნი უნდა იყვნენ დაავადებების სიმპტომების გაუარესების პოტენციური რისკის შესახებ.
როტადონი სიფრთხილით უნდა იქნას გამოყენებული პაციენტებში გლუკოზისადმი ტოლერანტობის დარღვევით. პაციენტებში შაქრიანი დიაბეტით პრეპარატით თერაპიის დასაწყისში და პერიოდულად მკურნალობის დროს უნდა ჩატარდეს სისხლში გლუკოზის დონის სათანადო მონიტორინგი და შეფასდეს ინსულინის გამოყენების აუცილებლობა.
თირკმლის ან ღვიძლის უკმარისობის მქონე პაციენტებში პრეპარატის გამოყენების სპეციალური კვლევები არ ჩატარებულა; პრეპარატის ტოქსიკოლოგიური და ფარმაკოკინეტიკური პროფილები მიუთითებს შეზღუდვების არარსებობაზე ასეთ პაციენტებში გამოყენებისას. თუმცა, როტადონის გამოყენება ღვიძლის ან თირკმლის მძიმე უკმარისობის მქონე პაციენტებში უნდა მოხდეს ექიმის მეთვალყურეობის ქვეშ.
პაციენტებმა, რომლებსაც აქვთ სისხლში ქოლესტერინის მომატებული დონე, პრეპარატის გამოყენებამდე უნდა ჩაიტარონ კონსულტაცია ექიმთან.
როტადონი არ უნდა იქნას გამოყენებული ბავშვებსა და 18 წლამდე ასაკის მოზარდებში (ამ კატეგორიის პაციენტებში პრეპარატის გამოყენების უსაფრთხოება და ეფექტურობა დადგენილი არ არის).
უჩვეულო ნიშნების ან სიმპტომების გამოვლენისას, აგრეთვე დაავადების ჩვეული სიმპტომების ცვლილების შემთხვევაში, პაციენტს ურჩევენ დაუყოვნებლივ მიმართოს ექიმს კონსულტაციისათვის.
დამხმარე ნივთიერებები
როტადონი შეიცავს სორბიტოლს (1,93954 მგ 1 პაკეტში), რომელიც ფრუქტოზის წყაროა; პრეპარატი არ უნდა იქნას გამოყენებული ფრუქტოზის მემკვიდრეობითი აუტანლობის მქონე პაციენტებში.
სორბიტოლის (ან ფრუქტოზის) შემცველი პრეპარატის ან საკვებში პროდუქტების ერთდროულად გამოყენებისას, მხედველობაში უნდა იქნას მიღებული ადიტიური ეფექტი. კომბინირებული გამოყენებისას სორბიტოლის შემცველმა პერორალურმა სამკურნალო საშუალებებმა შეიძლება გავლენა იქონიონ სხვა პერორალური გამოყენებისთვის სამკურნალო პრეპარატების ბიოშეღწევადობაზე.
როტადონი შეიცავს 15 მგ ასპარტამს 1 პაკეტში, რომელიც ფენილალანინის წყაროა. პერორალურად მიღებისას ასპარტამი ექვემდებარება ჰიდროლიზს კუჭ-ნაწლავის ტრაქტში, ჰიდროლიზის ერთ-ერთი მთავარი პროდუქტია ფენილალანინი.
იშვიათი გენეტიკური დაავადების ფენილკეტონურიის მქონე პაციენტებში, ფენილალანინი გროვდება ორგანიზმში (სათანადოდ არ გამოიყოფა ორგანიზმიდან) და შეიძლება მოახდინოს უარყოფითი გავლენა; როტადონი არ უნდა იქნას გამოყენებული ფენილკეტონურიის მქონე პაციენტებში.
12 კვირამდე ასაკის ბავშვებში ასპარტამის გამოყენების პრეკლინიკური და კლინიკური კვლევების შესახებ მონაცემები არ არსებობს.
როტადონი შეიცავს 256,82 მგ კალიუმს 1 პაკეტში, ეს გასათვალისწინებელია პრეპარატის გამოყენებისას პაციენტებში თირკმლის დაქვეითებული ფუნქციით ან დიეტაზე მყოფ პაციენტებში კალიუმის კონტროლირებადი მიღებით.
გავლენა ავტოტრანსპორტის ტარებისა და მექანიზმების მართვის უნარზე
ავტოტრანსპორტის ტარების და მექანიზმების მართვის უნარზე პრეპარატის გავლენასთან დაკავშირებული კვლევები არ ჩატარებულა. უცნობია მნიშვნელოვანი ეფექტები ცენტრალურ ნერვულ სისტემაზე ან მამოძრავებელ სისტემაზე, რომლებმაც შეიძლება გავლენა მოახდინონ ავტოტრანსპორტის ტარების და მექანიზმების მართვის უნარზე. თუმცა, იმ შემთხვევებში, როდესაც აღინიშნება თავის ტკივილი, ძილიანობა, დაღლილობა, თავბრუსხვევა ან მხედველობის დარღვევა, პაციენტებს ურჩევენ არ მართონ ავტოტრანსპორტი ან მექანიზმები.
გამოყენება ორსულობისა და ლაქტაციის დროს
ორსულობა
არ არსებობს სათანადო მონაცემები ორსულობის პერიოდში ქალებში გლუკოზამინის გამოყენების შესახებ; გესტაციის პერიოდში ცხოველებში პრეპარატის გამოყენების შესახებ მონაცემები შეზღუდულია.
როტადონი არ უნდა იქნას გამოყენებული ქალებში ორსულობის პერიოდში და ორსულობის დაგეგმვის პერიოდში.
ლაქტაცია
არ არსებობს მონაცემები ადამიანის დედის რძეში გლუკოზამინის გამოყოფის შესახებ.
როტადონის გამოყენება არ არის რეკომენდირებული ქალებში ძუძუთი კვების პერიოდში (ახალშობილებში პრეპარატის გამოყენების უსაფრთხოების შესახებ მონაცემები არ მოიპოვება).
ურთიერთქმედება სხვა სამკურნალო საშუალებებთან
გლუკოზამინის სულფატის ფიზიკო-ქიმიური და ფარმაკოკინეტიკური თვისებების გათვალისწინებით, მოსალოდნელია, რომ მედიკამენტური ურთიერთქმედებების აღნიშვნის პოტენციური რისკი დაბალია. დადგენილია, რომ გლუკოზამინი არ არის ციტოქრომ P450 სისტემის ისეთი იზოფერმენტების ინჰიბიტორი, როგორიცაა CYP1A2, CYP2E1, CYP2C19, CYP2C9, CYP2D6, CYP3A4 (მეტაბოლიტების შესწავლის შედეგების მიხედვით, რომლებიც წარმოიქმნება თითოეული ზემოთ ჩამოთვლილი იზოფერმენტისთვის შერჩევითი სუბსტრატებისგან).
სამკურნალო საშუალება კონკურენციას არ უწევს იმ მექანიზმებს, რომელთა მეშვეობით ხდება შეწოვა საჭმლის მომნელებელ ტრაქტში, და შემდგომში არ უკავშირდება პლაზმის ცილებს, ამასტან ნაკლებად სავარაუდოა, რომ გლუკოზამინის მეტაბოლიზმის პროცესი როგორც პროტეოგლიკანების შემადგენლობაში შემავალი ენდოგენური ნაერთისა, ან ნაერთისა, რომელიც ექვემდებარება განადგურებას ციტოქრომ P450 იზოფერმენტის სისტემისგან დამოუკიდებლად, დაკავშირებული იქნება მედიკამენტური ურთიერთქმედების წარმოშობასთან.
გლუკოზამინის სულფატის პერორალურმა მიღებამ შეიძლება გაზარდოს ტეტრაციკლინების შეწოვა კუჭ-ნაწლავის ტრაქტში, მაგრამ ამ ურთიერთქმედების კლინიკური მნიშვნელობა უმნიშვნელოა.
ანალგეტიკური საშუალებების და არასტეროიდული ანთების საწინააღმდეგო საშუალებების გამოყენება შესაძლებელია გლუკოზამინის სულფატთან ერთად ტკივილგამაყუჩებელი ეფექტის მისაღწევად დაავადების გამწვავების დროს, ან მკურნალობის საწყის ეტაპზე, იმასთან დაკავშირებით, რომ გლუკოზამინის სულფატის ეფექტი შეიძლება შეფერხდეს 1-2 კვირით.
არსებობს შეზღუდული მონაცემები გლუკოზამინის მედიკამენტური ურთიერთქმედებების პოტენციური რისკის შესახებ, მიუხედავად ამისა, პერორალური მიღებისთვის K ვიტამინის ანტაგონისტების გამოყენებისას აღინიშნებოდა საერთაშორისო ნორმალიზებული თანაფარდობის მაჩვენებლის ზრდა. ამიტომ, პაციენტები, რომლებიც იღებენ პერორალური K ვიტამინის ანტაგონისტებით მკურნალობას, უზრუნველყოფილნი უნდა იყვნენ სათანადო დაკვირვებით როტადონით თერაპიის დასაწყისში და მისი შეწყვეტის შემდეგ.
ჭარბი დოზირება
არ ყოფილა შეტყობინებები განზრახ ან შემთხვევით დოზის გადაჭარბების შემთხვევების შესახებ. ცხოველებზე მწვავე და ქრონიკული ტოქსიკურობის კვლევების შედეგები მიუთითებს იმაზე, რომ ტოქსიკური ეფექტებისა და დოზის გადაჭარბების სიმპტომების გამოვლენა ნაკლებად სავარაუდოა, სამკურნალო საშუალების გამოყენებისას დოზებში, რომლებიც 200-ჯერ აღემატება თერაპიულ დოზას.
დოზის გადაჭარბების შემთხვევაში, პრეპარატის მიღება უნდა შეწყდეს და საჭიროებისამებრ უნდა ჩატარდეს სიმპტომური და შემანარჩუნებელი მკურნალობა, მაგალითად, მიმართული სითხისა და ელექტროლიტური ბალანსის აღდგენაზე.
გამოშვების ფორმა
ფხვნილი შიგნით მისაღები ხსნარის მოსამზადებლად 4 გ პაკეტში.
10 ან 20 პაკეტი სამედიცინო გამოყენების ინსტრუქციასთან ერთად მუყაოს კოლოფში.
შენახვის პირობები
ინახება არაუმეტეს 25° С ტემპერატურაზე.
ინახება ბავშვებისთვის მიუწვდომელ ადგილას!
სად შევიძინოთ?