გიორგი პაპიაშვილი | ექიმები

2000 წელს გახდა კარდიოლოგიის პირველი რეზიდენტი და 2003 წელს მიიღო სახელმწიფო სერტიფიკატი სპეციალობაში "კარდიოლოგია".

2005-2006 წლებში გაიარა ფელოუშიპი გულის კლინიკურ ელექტროფიზიოლოგიაში ბარსელონის უნივერსიტეტის კლინიკურ ჰოსპიტალში პროფესორ ჯოზეფ ბრუგადას ხელმძღვანელობით.

2009-2010 წლებში გაიარა EHRA advanced ფელოუშიპი გულის ელექტროფიზიოლოგიასა და აბლაციებში ბელგიის ქალაქ ბრიუგეს AZ Sint Jan ჰოსპიტალში პროფესორ მატიას დუიცჰავერის ხელმძღვანელობით.

2006 წელს დაიწყო მუშაობა ჯო ენის სამედიცინო ცენტრში, სადაც ჩამოაყალიბა არითმოლოგიური სამსახური, რომელსაც დღემდე ხელმძღვანელობს.

2007 წელს აკად. ნ. ყიფშიძის სახელობის საუნივერსიტეტო კლინიკაში ასევე ჩამოაყალიბა არითმოლოგიური სამსახური, რომლის ხელმძღვანელადაც მუშაობდა 2010 წლამდე.

2017 წელს ჯო ენის სამედიცინო ცენტრის პარალელურად მუშაობა დაიწყო კლინიკა "ჰელსიკორში", სადაც ასევე ხელმძღვანელობს არითმოლოგიურ დეპარტამენტს.

2007 წელს პირველმა პოსტსაბჭოთა სივრციდან ჩაააბარა ევროპის გულის რიტმის ასოციაციის (EHRA) სასერტიფიკაციო გამოცდა გულის ელექტროფიზიოლოგიასა და აბლაციებში (თეორიული ნაწილი) და 2009 წელს მიიღო სრული ევროპული სერტიფიცირება ამ დარგში.

2011 წელს მის ქართველ კოლეგებთან ერთად დააფუძნა საქართველოს გულის რიტმის ასოციაცია (GeHRA) და არჩეულ იქნა მის პირველ პრეზიდენტად.

არის არაერთი სამეცნიერო პუბლიკაციის ავტორი, მათ შორის ისეთ ავტორიტეტულ ჟურნალებში, როგორებიცაა EP Europace, Heart Rhythm, Journal of Cardiovascular Electrophysiology, Pacing and Clinical Electrophysiology.

არის ევროპის გულის რიტმის ასოციაციის, ევროპის კარდიოლოგთა საზოგადოების, ევროპის გულის უკმარისობის საზოგადოების და ევროპის ინსულტის საბჭოს წევრი.

2018 წელს აირჩიეს ევროპის გულის რიტმის ასოციაციის (EHRA) აღმასრულებელი ორგანოს ნაციონალური ასოციაციების კომიტეტის წევრად.

ჩატარებული აქვს 2500-ზე მეტი აბლაციის, ელექტროფიზიოლოგიური კვლევისა და იმპლანტაციის პროცედურა. მის მიერ საქართველოში პირველად ჩატარდა გულის ეპიკარდიული კარტირება, წინაგულთა ფიბრილაციის ("მოციმციმე არითმიის") აბლაცია ფაზური რადიოსიხშირით, კათეტერული აბლაცია სრულიად რენტგენო-დასხივების გარეშე, კარდიოვერტერ-დეფიბრილატორის სრულად ექსტრაკარდიული იმპლანტაცია, პირველი ჰისის კონის კარდიოსტიმულატორის იმპლანტაცია, ტრანსატრიალური ენდოკარდიული პეისმეიკერის იმპლანტაცია.

არის გულის ელექტროფიზიოლოგიასა და არითმიების მართვაში სუბსპეციალიზაციის პროგრამის ხელმძღვანელი.

ფლობს ინგლისურ, ესპანურ და რუსულ ენებს